Fréttablaðið - 31.03.2008, Blaðsíða 2

2 31. mars 2008 MÁNUDAGUR
noatun.is
LÉTTIR ÞÉR LÍFIÐ
Gott á mánudegi
Þú sparar 300 kr.
998kr.kg.
Ýsuflök
roðlaus og beinlaus
STJÓRNMÁL Ingibjörg Sólrún
Gísladóttir, formaður Samfylk-
ingarinnar, vill skoða hvort hægt
sé að afnema núverandi réttindi
þingmanna og ráðherra til
eftirlauna.
Í ræðu á flokksstjórnarfundi í
gær sagði hún mikilvægt að
Alþingi taki á málinu en fyrir því
liggur frumvarp um að færa
eftirlaunarétt þingmanna,
ráðherra og hæstaréttardómara
til samræmis við það sem
almennt gildir.
„Frumvarpið tekur ekki á því
ríflega eftirlaunakerfi sem
margir núverandi og fyrrverandi
þingmenn og ráðherrar búa við í
krafti núgildandi laga,“ sagði
Ingibjörg og kvaðst telja fulla
ástæðu til að skoða hvernig megi
nálgast það sem liðið er um leið
og mörkuð verður stefna til
framtíðar. - bþs
Ingibjörg Sólrún Gísladóttir:
Alþingi taki á
eftirlaunarétti
STJÓRNMÁL „Krónan er orðin of
lítil fyrir íslenskt efnahagslíf,“
sagði Ingibjörg Sólrún Gísladóttir,
formaður Samfylkingarinnar, í
samtali við Fréttablaðið eftir ræðu
á fundi flokksstjórnar Samfylk-
ingarinnar á Hótel Sögu í gær.
Aðspurð sagði hún ekki til bráða-
lausn á þeim vanda sem steðjar að
efnahagskerfinu en langtíma-
lausnin fælist í upptöku evru. „Við
verðum að lifa við þetta og nota
þau tæki sem við höfum en ég er
þeirrar skoðunar að þegar til
lengri tíma er litið þurfum við að
komast inn í Myntbandalag Evr-
ópu og taka upp evruna vegna
þess að ég held að örgjaldmiðill,
við þær aðstæður sem uppi eru á
alþjóðlegum fjármálamörkuðum,
sé frekar áhætta heldur en vörn,“
sagði hún.
Í ræðunni sagði Ingibjörg það
helsta hag Íslendinga að taka full-
an þátt hvarvetna og sitja við
borðið þar sem ráðum er ráðið.
Kvaðst hún binda miklar vonir við
nýju Evrópunefndina – sem hefur
störf á morgun – og trúa því og
treysta að hún nálgist verkefni
sitt opið og fordómalaust og með
það eitt að leiðarljósi að tryggja
hagsmuni íslensks samfélags til
framtíðar. Lagði hún áherslu á að
nefndin ynni hratt.
Ingibjörg boðaði umtalsverða
lántöku ríkissjóðs til að efla gjald-
eyrisforða Seðlabankans en að
slíkri lántöku gæti fylgt frekari
hækkun stýrivaxta. Mikilvægt
væri að senda spákaupmönnum
skýr skilaboð um að efnahagskerf-
ið verði varið með ráðum og dáð.
Við þær efnahagsaðstæður sem
nú ríkja segir Ingibjörg rétt að
skoða verulega tollalækkun á
fugla- og svínakjöti. Slíkt snerti
ekki hag bænda nema óbeint en
hefði veruleg áhrif á hag neyt-
enda. Jafnframt sagði hún yfir-
lýsingar kaupmanna um 20-30
prósenta hækkun matarverðs
óásættanlegar. Ekki gangi að
menn skapi sér lag til verðhækk-
ana umfram nauðsyn. Ingibjörg
lýsti andstöðu við byggingu
álvers í Helguvík en benti á að
stjórnvöld hefðu takmörkuð
stjórntæki til að haga fram-
kvæmdum í takt við stefnu og
stöðu í efnahags-, byggða- og
umhverfismálum. Sagðist hún
þeirrar skoðunar að stóriðjufram-
kvæmdir á suðvesturhorninu
væru ekki góð hagfræði enda lík-
legar til að auka á verðbólgu-
þrýstinginn. bjorn@frettabladid.is
Krónan of lítil fyrir
íslenskt efnahagslíf
Ekki er til bráðalausn á þeim vanda sem blasir við íslensku efnahagslífi, að mati
formanns Samfylkingarinnar. Til lengri tíma litið þarf Ísland að taka upp evru.
Styrking gjaldeyrisforða Seðlabankans getur leitt til frekari vaxtahækkana.
FRÁ FLOKKSSTJÓRNARFUNDI SAMFYLKINGARINNAR Á HÓTEL SÖGU Í GÆR Ingibjörg
Sólrún Gísladóttir, formaður Samfylkingarinnar, boðaði umtalsverða lántöku ríkis-
sjóðs til að efla gjaldeyrisforða Seðlabankans. FRÉTTABLAÐIÐ/STEFÁN
LANDBÚNAÐUR Haraldi Benediktssyni, formanni
Bændasamtakanna, líst illa á hugmyndir Ingibjargar
Sólrúnar Gísladóttur um að lækka verulega tolla á
innflutt matvæli sem hún segir ekki teljast til
hefðbundins landbúnaðar ,svo sem eins og fugla- og
svínakjöti. Sagði hún það ekki eiga
að snerta hag bænda nema óbeint.
„Þetta snertir í raun hag bænda
alveg þráðbeint,“ segir Haraldur.
„Íslenski kjötmarkaðurinn er um 25
þúsund tonn og þar af er alifugla-
kjöt um 7.600 tonn og svínakjöt um
sex þúsund tonn. Þannig að það
munar heilmikið um þessi 13.600
tonn. Síðan er það svo að kjöt-
vinnsla í landinu er borin uppi að
mjög miklu leyti með vinnslu á
þessu kjöti. Þannig að það myndi lama verulega
kjötvinnslu hérlendis ef við misstum stóran hluta
vinnslunnar á þessu kjöti út úr landi.
Og hér eru mörg þúsund störf að veði. Ef ég tek sem
dæmi þá eru starfsmenn í frumframleiðslu og
úrvinnslu á alifugla- og svínakjöti aðeins í Kraganum
ekki mikið færri en starfsmenn álversins í Straums-
vík.
Og þó að það séu ekki margir kjúklinga- og svína-
bændur hér á landi þá er þetta nú í okkar huga
hefðbundinn landbúnaður. Ég tel að þetta sé aðeins
útspil til að tryggja flokknum tímabundnar vinsældir
því hún hlýtur að vita hvernig þessum málum er
háttað.“ - jse
Formaður Bændasamtakanna gagnrýnir Ingibjörgu Sólrúnu:
Snertir bændur þráðbeint
KJÖTVINNSLA Yrði hugmyndum Ingibjargar Sólrúnar Gísla-
dóttur um verulega lækkun tolla á fugla- og svínakjöti hrint
í framkvæmd gæti það haft slæmar afleiðingar í för með sér
fyrir kjötvinnslu í landinu, segir formaður Bændasamtakanna.
HARALDUR
BENEDIKTSSON
Til lengri tíma litið þurf-
um við að komast inn í
Myntbandalag Evrópu og taka
upp evruna.
INGIBJÖRG SÓLRÚN GÍSLADÓTTIR
FORMAÐUR SAMFYLKINGARINNAR
STJÓRNMÁL Evrópunefnd forsætis-
ráðherra undir tvíhöfða for-
mennsku Ágústs Ólafs Ágústs-
sonar, þingmanns Samfylkingar,
og Illuga Gunnarssonar, þing-
manns Sjálf-
stæðisflokks,
hefur störf á
morgun. Nefnd-
ina munu skipa
þingmenn allra
flokka, auk
fulltrúa frá
ASÍ, Samtökum
atvinnulífsins,
BSRB og
Viðskiptaráði.
„Ríkisstjórnin ætlar ekki að
skila auðu í Evrópumálum,“ segir
Ágúst Ólafur. „Það er ekkert
leyndarmál að það eru skiptar
skoðanir í stjórnarflokkunum um
Evrópumál, en allir flokkar
verða að fylgjast með þessum
málaflokki.“ - sgj
Eftirlitsnefnd hefur störf:
Evrópunefnd
hittist á morgun
ÁGÚST ÓLAFUR
ÁGÚSTSSON
BANDARÍKIN, AP „Ég veit að sumir
vilja hætta þessu en ég tel þá hafa
rangt fyrir sér,“ sagði Hillary
Clinton, sem í gær tók af skarið og
sagðist ekki ætla að láta af
framboði sínu til að verða
forsetaefni Demókrataflokksins í
kosningunum í haust.
„Afstaða mín er sú að Clinton
öldungadeildarþingmaður geti
verið í framboði eins lengi og hún
vill,“ sagði Barack Obama.
Hann sagðist ekki sammála
flokksfélaga þeirra, öldungadeild-
arþingmanninum Patrick Leahy,
sem í síðustu viku sagði að Clinton
gæti aldrei sigrað í prófkjörsbar-
áttunni gegn Obama. - gb
Forkosningar demókrata:
Clinton ætlar
ekki að hætta
BANDARÍKIN, AP George W. Bush
Bandaríkjaforseti ítrekaði í gær að
hann styðji að Albanía, Króatía og
Makedónía, fái
aðild að NATO.
Þá vill hann að
undirbúningur
að aðild Úkraínu
og Georgíu
hefjist sem
fyrst.
Leiðtogafund-
ur bandalagsins
hefst í Rúmeníu
á miðvikudag.
Þar verða næstu skref til stækkun-
ar bandalagsins rædd.
Vladimír Pútín, forseti
Rússlands, er andvígur því að
Georgía og Úkraína fái aðild að
NATO, og lítur á það sem lið í
útþenslustefnu bandalagsins sem
ógni rúss neskum hagsmunum. - gb
Bush Bandaríkjaforseti:
Vill Úkraínu og
Georgíu í Nató
GEORGE W. BUSH
Eggert, hver er lásinn á bláa
reiðhjólinu?
„Er hann ekki upp, niður, upp, upp,
niður?“
Eggert Þorleifsson sagðist í Fréttablað-
inu í gær stundum fá símtöl á nóttunni
frá fólki sem vilji ræða lásinn á bláa
reiðhjólinu í hinu ástsæla miðilsatriði í
Stuðmannamyndinni Með allt á hreinu.
Maðurinn sem lést í snjósleða-
slysi á laugardagskvöld hét
Birgir Vilhjálmsson. Hann var
búsettur á Reynivöllum 12 á
Egilsstöðum og var fæddur 1.
mars 1960.
Birgir lætur eftir sig
eiginkonu og fjögur uppkomin
börn.
Múslímar fleiri en kaþólskir
Múslímar eru í fyrsta sinn í sögunni
orðnir fleiri en kaþólskir íbúar jarðar-
innar. Kaþólskir eru 17,4 prósent af
íbúum jarðarinnar, sem er álíka hátt
hlutfall og verið hefur, en múslímum
hefur fjölgað og eru þeir nú komnir
upp í 19,2 prósent. Fulltrúi Páfagarðs
skýrði frá þessu í gær.
TRÚARBRÖGÐ
EFNAHAGSMÁL Skúli J. Björnsson,
formaður Félags íslenskra stór-
kaupmanna, er afar óhress með
yfirlýsingar Ingibjörgu Sólrúnar
Gísladóttur, formanns Samfylking-
arinnar, um að kaupmenn sæti nú
lagi og hækki verð umfram nauð-
syn í kjölfar gengislækkunarinnar.
Hann hvetur yfirvöld til að takast á
við vandann með kaupmönnum og
lækka álagningar og tolla.
„Mér er eiginlega brugðið að
heyra ráðherrann tala um að þetta
sé einhver gróðahyggja hjá kaup-
mönnum og þeir séu að skara eld að
sinni köku,“ segir hann. „Ég bjóst
ekki við slíku tali frá einhverjum
sem þekkir eðli viðskiptalífsins. Ég
þekki mína félagsmenn vel og það
eru allir logandi hræddir við þetta
ástand og ég get alveg fullvissað
ráðherrann um það að menn eru
ekki að hækka umfram það sem
nauðsynlegt er. Hins vegar sér það
hver heilvita maður að ef gengið
gagnvart okkar helstu viðskipta-
mynt fer niður um 35 prósent eins
og það hefur gert frá áramótum þá
hlýtur það að leiða til hækkaðs
kostnaðarverðs og þar af leiðandi
hækkaðs vöruverðs og svo má ekki
gleyma hinu að heimsmarkaðsverð
á hrávöru hefur farið hækkandi.
Mér líst reyndar ágætlega á þær
hugmyndir hennar að lækka tolla á
fugla- og svínakjöti en stjórnvöld
þurfa þó að gera eitthvað víðtækara
en það og ég hvet þau til þess að
gera það. Ég veit að kaupmenn eru
til í að takast á við vandan með
þeim.“ - jse
Formaður Félags íslenskra stórkaupmanna:
Hneykslaður á ráðherranum
VERSLUN Kaupmenn eru ekki að skara
eld að sinni köku, segir formaður Félags
íslenskra stórkaupmanna.
Lést í snjó-
sleðaslysi
SPURNING DAGSINS