Fréttablaðið - 31.03.2008, Blaðsíða 12
12 31. mars 2008 MÁNUDAGUR
nær og fjær
„ORÐRÉTT“
Útvarpsstöðin er starfrækt
af ungmennum í Borgarnesi
og í sumar munu þau vinna
við útvarpið að hluta sam-
fara vinnuskólanum.
„Þetta byrjaði sem jólaútvarp þar
sem krakkarnir senda út í fimm
daga fyrir jól. Við fengum alltaf
lánaðan sendi, en nú er búið að
kaupa sendi þannig nú getum við
sent út hvenær sem er,“ segir
Hanna Kjartansdóttir, starfsmað-
ur í félagsmiðstöð Grunnskólans í
Borgarnesi. „Í jólaútvarpinu eru
fimmtán mínútna fréttatímar í
hádeginu og eftir það er hádegis-
viðtal,“ segir Hanna. Jólaútvarpið
hefur verið starfrækt í um átján
ár og hefur hefðin verið þannig að
krakkarnir semja auglýsingar fyr-
irtækja í sveitarfélaginu og syngja
og spila þær sjálf inn.
Jóhann Snæbjörn Traustason,
nemandi í níunda bekk, segir það
vera mjög spennandi að vinna í
útvarpinu. „Ég hef verið tvisvar í
jólaútvarpinu og í seinna skiptið
var ég fréttastjórinn,“ segir
Jóhann. „Við gerðum korters
fréttatíma, íþrótta- og veðurfrétt-
ir en við hringdum í Vegagerðina
til þess að gera umferðarfréttir á
svæðinu,“ segir hann. Jólaút-
varpið sendir frá tíu á morgnana
til ellefu á kvöldin þar sem allir
bekkir grunnskólans fá að taka
þátt.
Útvarpstöðin Fm Óðal 101.3 í
Borgarnesi heitir í höfuðið á
Félagsmiðstöð grunnskólanema
og sendir út á fimmtudagskvöld-
um í fjóra tíma í senn til að byrja
með. „Hugmyndin er síðan að
nýta þetta verkefni í sumar því þá
geta krakkarnir farið og leikið
fréttamenn, farið um byggðina og
aflað sér upplýsinga um hvað fólk
er að gera hér í sveitarfélaginu,“
segir Hanna. Þetta yrði því yngsti
hópur fréttamanna á fréttastofu í
sumar.
Sérstakt útvarpsráð er skipað
nemendum áttunda til tíunda
bekkjar sem ber hitann og þung-
ann af útvarpinu. Þau fá send
handrit og þurfa að samþykkja
þau áður en efnið fer í loftið. Í
sumar verður sett upp skilti með
nafni og tíðni útvarpsstöðvarinn-
ar svo að þeir sem eiga leið hjá
eða eru í sumarbústað á svæðinu
geta lagt við hlustir. „Það geta
síðan allir bæjarbúar komið ef
þeir eru með leynda útvarps-
drauma í maganum og er útvarps-
stöðin búin að auglýsa það.“ - áb
Unglingar í Útvarpi Óðali
UNGMENNIN Í ÚTVARPINU Nemendur við störf á Útvarpi Óðali 101.3.
MYND/HANNA KJARTANSDÓTTIR
„Ég er gjörsamlega fylgjandi
mótmælum vörubílstjóra, mér
finnst bensín- og olíuverð orðið
allt of hátt,“ segir Gilbert Ólafur
Guðjónsson úrsmiður um teppingu
Ártúnsbrekkunnar á fimmtudag. Þar
stöðvuðu vörubílstjórar alla umferð
í hálfa klukkustund til að mótmæla
háu bensínverði. „Þarna erum við
að tala um menn sem vinna við að
keyra, og reksturinn verður sífellt
erfiðari fyrir þá.“
Hann bætir þó við að bílstjór-
arnir hefðu mátt láta lögreglu og
slökkvilið vita áður en til mótmæl-
anna kom. „Það var kannski aðeins
vanhugsað hvernig þeir gerðu þetta,
eitt símtal á réttan stað hefði getað
minnkað slysahættuna sem mynd-
aðist þarna. En ég er algjörlega á því
að þessi mótmæli eigi rétt á sér.“
SJÓNARHÓLL
MÓTMÆLI VÖRUBÍLSTJÓRA
Gjörsamlega fylgjandi
GILBERT Ó. GUÐJÓNSSON
Úrsmiður.
„Ég er að fara að frumsýna um næstu
helgi verk sem heitir Sá ljóti í Þjóðleik-
húsinu. Ég leik Þann ljóta eða aðal-
hlutverkið,“ segir Jörundur Ragnarsson
leikari. Leikritið fjallar um Lárus sem er
talinn of ljótur til þess að koma fram
fyrir hönd fyrirtækisins sem
hann vinnur hjá. „Leikritið
fjallar um sjálfsmyndir,
fegurðardýrkun og hvernig
við skiljum sjálf okkur út frá
útliti.“
Verkið fjallar um sjálfs-
myndarsköpun, blekkingar
mannfólksins og dómhörku.
Sá ljóti er nýjasta verk
Mariusar von Mayenburg
sem hefur þrátt fyrir ungan
aldur náð að skapa sér nafn í
evrópsku leikhúslífi.
Margir muna eftir Jörundi sem lék
starfsmann á plani í Næturvaktinni
sem sýnd var á stöð 2. „Ég er að vinna
að Dagvaktinni, sem er framhald Nætur-
vaktarinnar, þar sem sagan heldur áfram.
Við erum að taka upp í Bjarkarlundi í
Reykhólasveit,“ segir Jörundur. Pétur
Jóhann, Jón Gnarr og Jörundur
leika aðalhlutverkin sem fyrr og
Ragnar Bragason leikstýrir.
Jörundur útskrifaðist frá
leiklistardeild Listaháskóla
Íslands árið 2006 og er einn af
stofnendum leikfélagsins Vér
morðingjar sem staðið hefur
fyrir framsæknum leiksýning-
um. Hann hefur tekið að sér
ýmis ólík verkefni eftir útskrift.
HVAÐ ER AÐ FRÉTTA? JÖRUNDUR RAGNARSSON LEIKARI
Sá ljóti í Þjóðleikhúsinu ■ Í desember síðastliðnum fór
flugvél
knúin 18
kílówatta
rafmótor
tengdum
liþíum-
pólymer-rafgeymi í sitt fyrsta flug
í Frakklandi. Hið 48 mínútna
tilraunaflug vélarinnar, sem
kölluð er „Electra“, náði yfir um
50 kílómetra vegalengd. Vélin
er byggð á eins manns heima-
smíðaðri „kit“-flugvél af gerðinni
Sourciette, en það er franskt
félag um rafdrifið flug, APAME,
sem stendur að smíðinni.
Félagið stefnir að því að fljúga
„Electru“ yfir Ermarsund í júlí
2009, þegar rétt 100 ár verða frá
fyrsta fluginu yfir það.
FLUG:
RAFDRIFIN FLUGVÉL
Fyrirtækjamótið Vodafone Cup í
fótbolta var haldið í fyrsta sinn á
laugardag í Vodafone-höllinni.
Sigurliðið sem kom frá Glitni
mun síðan halda til Moskvu í maí
þar sem það mun taka þátt í
alþjóðlegri úrslitakeppni Voda-
fone Cup. Þegar þeirri keppni er
lokið fá liðsmenn svo að fara á
úrslitaleikinn í Meistaradeild-
inni sem fer fram þar í borg
þann 21. maí.„Vodafone er einn
af aðalkostendum Meistaradeild-
arinnar og þess vegna mun Glitn-
isliðið að sjálfsögðu fá sérstaka
VIP-meðhöndlun á úrslitaleikn-
um,“ segir Hrannar Pétursson,
upplýsingafulltrúi Vodafone.
„Við buðum 30 helstu við-
skiptavinum okkar á fyrirtækja-
sviði að taka þátt í mótinu í Vod-
afone-höllinni og það heppnaðist
mjög vel og verður hér eftir
haldið árlega,“ segir hann.
Lið Glitnis lagði knattspyrnu-
kappa Íslandspóst að velli í
úrslitaleiknum með fjórum
mörkum gegn einu.
- jse
Glitnir vann fyrirtækjamótið Vodafone Cup:
Fara á úrslitaleik í
Meistaradeildinni
BIKARINN AFHENTUR Árni Pétur Jóns-
son, forstjóri Vodafone, afhendir hér
Jóni Inga Árnasyni, fyrirliða Glitnisliðsins,
bikarinn. Þótt bikarinn sé mikils virði
þykir mönnum þó meira um ferðina
sem var í vinning.
Endurreisir miðbæinn
„Ég lofa því að þessi mál
verða sett á dagskrá alveg á
næstunni og að snúa vörn
í sókn. Þetta óviðunandi
ástand er arfleið frá fyrri
meirihlutum sem við ætlum
okkur að bæta úr.”
ÓLAFUR F. MAGNÚSSON BORGAR-
STJÓRI UM ÁSTANDIÐ Í MIÐBÆNUM
Fréttablaðið 30. mars 2008
Með rottum á ylströnd
„Þetta er alveg kjöraðstaða
fyrir rottur. Ég veit ekki um
neinn sem langar að baða sig
með þeim.”
ÓTTARR HRAFNKELSSON, FOR-
STÖÐUMAÐUR YLSTRANDARINNAR
Í NAUTHÓLSVÍK, UM FRÁGANG Á
RÖRI SKAMMT FRÁ YLSTRÖNDINNI
Fréttablaðið 30. mars 2008
GJALDKERAR HÚSFÉLAGA
ÞURFA LÍKA SITT FRÍ!
HELSTU KOSTIR HÚSFÉLAGAÞJÓNUSTU SPRON:
Frekari upplýsingar er að finna á spron.is og hjá viðskiptastjórum
í síma 550 1200 eða þjónustuveri í síma 550 1400.
Oft fer dýrmætur frítími gjaldkera húsfélaga í að sinna starfi sínu. Af hverju ekki að nýta sér
Húsfélagaþjónustu SPRON og spara þannig vinnu og fyrirhöfn?
INNGÖNGU
TILBOÐ
Þau húsfélög, sem koma
í viðskipti við SPRON fyrir
30. maí 2008, fá fría
innheimtuþjónustu í sex
mánuði.
A
R
G
U
S
/
0
8
-0
1
3
3