Fréttablaðið - 31.03.2008, Blaðsíða 30
31. MARS 2008 MÁNUDAGUR12 ● fréttablaðið ● híbýli - eldhús
Sigríður Nanna Heimisdóttir
grunnskólakennari hefur
gaman af að elda og vandar
sig við val á kryddum.
„Þau krydd sem hafa fylgt mér
alveg síðan ég byrjaði að elda eru
ítölsk krydd eins og basilíka, timjan
og oreganó. Ég hef mjög gaman af
því að elda og hef mikið sjálfsöryggi
í eldhúsinu, þó ég hafi kannski ekki
endilega alltaf rétt fyrir mér,“
segir Sigríður kankvís. Hún flutti
að heiman tvítug til Danmerk-
ur og þurfti þá að sjá um sig sjálf
en var þó farin að elda strax sem
unglingur. „Ég man eftir mér svona
tólf þrettán ára gamalli að fara með
vinkonurnar heim úr Hagaskóla í
hádeginu og elda rauðar grænmet-
iskássur með spagettíi. Þá notuðum
við alltaf þessi ítölsku krydd. Mér
finnst líka mjög gaman að rækta
fersk krydd og er að bíða eftir að
komi upp úr pottunum í gluggan-
um núna.“ Sigríður
Nanna segist forðast
krydd með aukaefn-
um en á sér þó leynd-
armál í kryddhill-
unni. „Aromat! Það
er bráðnauðsynlegt
í eggjasalatið svo
ég leyfi mér að eiga
það til.“ - rat
Ítölsk krydd og Aromat
Aromatið felur sig
á milli ítölsku
kryddanna í eld-
húsinu hjá
Sigríði
Nönnu.
Sigríður Nanna Heimisdóttir bíður eftir að kryddjurtirnar komi upp úr pottunum í
eldhúsglugganum. FRÉTTABLAÐIÐ/ANTON
Krydd án aukaefna
eru í uppáhaldi hjá
Sigríði Nönnu.
Ferskur
kerfill í
vasa.
Opnar eldhúsinnréttingar geta verið smart. Það getur til dæmis verið
flott að taka hurðir og skúffur á gömlum innréttingum af og leyfa inni-
haldinu að njóta sín.
En þá gildir vera duglegur
við að dusta rykið af diskum,
glösum og fleiru, hafa skipu-
lagið á hreinu og koma hlut-
unum haganlega fyrir eins og
gert er í þessu glæsilega eld-
húsi sem er úr safni ljósmynd-
arans Jake Fitzjones.
Opið eldhús að hætti ljós-
myndarans Jake Fitzjones.
Hér má sjá þýska hönnun sem líkir eftir því þegar mjólk sullast niður
með tilheyrandi skvettum.
Hönnuðurnir Laura Strasser og Milia Seyppel frá Þýskalandi eiga
heiðurinn af þessum skemmtilegu morgunverðarskálum úr postulíni
en þær hlutu þriðju verðlaun í borðbúnaðarsamkeppni Designboom.
Línan heitir „Milk moments“ eða mjólkurstundir og eiga að líkja
eftir augnablikinu þegar mjólk sullast niður með tilheyrandi skvettum.
- ve
Hressandi skvettuskálar
Þessar skálar eru eftir hönnuðina Lauru Strasser og Miliu Seyppel frá Þýskalandi.
Skipulagið alveg á hreinu
Skútuvogi 6 • Sími 568 6755
PORCELANOSA fl ísar fyrir vandláta
6