Fréttablaðið - 31.03.2008, Blaðsíða 43

MÁNUDAGUR 31. mars 2008 19
Guðríðarstíg 2-4 113 Reykjavík Sími 545 1000 www.hugurax.is
VIÐSKIPTAKERFIÐ VERÐUR AÐ GETA BREYST
JAFNHRATT OG VIÐSKIPTAUMHVERFIÐ.
HNÖKRALAUS ÞJÓNUSTA
FRÁ FYRSTA DEGI.
Microsoft Dynamics AX er öflugasta viðskipta-
kerfið frá Microsoft og leysir þarfir fyrirtækisins,
allt frá nákvæmri úrvinnslu fjárhagsupplýsinga
til skipulagningar á flókinni framleiðslu. Microsoft
Dynamics AX gerir fyrirtækjum í framleiðslu, dreifingu
og þjónustu kleift að bregðast við breytingum á markaði
á hraðvirkan og hagkvæman hátt. Microsoft Dynamics
AX lagar sig að þörfum fyrirtækisins fremur en að setja
starfseminni skorður.
„Innleiðing Microsoft Dynamics AX var viðamikið verkefni
fyrir okkur hjá Nóa Síríusi þar sem við vorum að nota margar
sérlausnir eins og tollakerfi, vöruhúsakerfi og handtölvu-
kerfi. Fyrstu vikurnar eftir gangsetningu Dynamics AX fengum
við góða aðstoð og stuðning frá starfsmönnum HugarAx.
Við gátum haldið uppi hnökralausri þjónustu strax frá fyrsta degi.“
– Rúnar Ingibjartsson
Rúnar Ingibjartsson, forstöðumaður upplýsingasviðs hjá Nóa Síríusi.
Möguleikhúsið frumsýndi fyrir
réttri viku leikgerð Öldu Arnar-
dóttur eftir hinni þekktu sögu
Gunnars Gunnarssonar, Aðventu,
í húsnæði sínu við Hlemm. Alda
leikstýrir verkinu en flytjandinn
er einn, Pétur Eggerz. Mun fyrir-
hugað að hafa sýningu á verkefna-
skrá leikhússins sem hefur um
langt árabil einbeitt sér að sýning-
um fyrir börn og unglinga og er
eini sjálfstæði leikhópurinn sem á
sér fastan íverustað í eigin eigu og
heldur þar úti samfelldri starf-
semi auk þess sem leikið er á far-
andsýningum víða um land í
grunnskólum og leikskólum.
Hefur Möguleikhúsið til þessa
haft í rekstur sinn framlag frá
Reykjavíkurborg og frá Leiklist-
arráði. Þar til í ár en bæði borg og
ríki hafa látið af styrk til starf-
seminnar sem verður að teljast
afar hæpin ráðstöfun.
Sýningar Möguleikhússins hafa
alla tíð einkennst af þolgæði. Þrátt
fyrir litla styrki hafa þeir fáu ein-
staklingar sem þar standa í rekstri
staðið fyrir leiksýningum fyrir
alla aldurshópa barna. Er heimsku-
legt af úthlutunarnefndum borgar
og ráðuneytis að stöðva til þeirra
alla styrki.
Sviðsetningin á Aðventu mun
einkum hugsuð fyrir eldri bekki
grunnskólans. Hún er eins og
margar einleikssýningar sem
tíðkast víða um þessar mundir
sprottin af tilteknu ástandi í fram-
leiðslukerfi leiklistar á Íslandi.
Tiltekinn leikari hefur áhuga á að
koma sér upp tekjulind, segja til-
tekna sögu. Sá áhugi er í grunninn
kominn til af lágum styrkjum hins
opinbera til leiklistarstarfsemi.
Styrkur til eins manns sýningar er
auðfáanlegur, stofnkostnaður er
ekki hár, áhætta um eigið framlag
er ekki stórvægileg og auðgert að
fá samstarfsmenn til að leggja
vinnu sína fram án hárra
launakrafna. Fæstir þeirra sem
ráðast í slíkar sýningar myndu
kosta því til nema sem neyðarúr-
ræði. Stæðu önnur og veigameiri
verkefni til boða væri þeim frekar
sinnt. En þessi frumbýlingsstaða
hefur leitt af sér nokkurn hóp inn-
lendra verka sem er blanda þess
að vera sýning og upplestur því
misjafnlega eru efni til þess að
gera úr efninu mikil átök. Enda
gjarnan sótt inn í hús sem eru
þröng og leyfa ekki mikla umgerð.
Menn hafa talið þessa tegund leik-
listar eitthvert stáss í leiklistarlífi
okkar en svo er ekki: einleikurinn
er neyðarbrauð.
Aðventa er sumpart frásögn
sögumanns, sumpart leikin samtöl
þar sem sögumaðurinn bregður
sér milli örfárra persóna, hann
tekur á sig líki þessara einstakl-
inga, en bætir um betur, leikur á
móti veðri og skepnunum sem eru
stór hluti af þessari merkilegu
sögu sem Gunnar færði úr ein-
földum búningi hrakninga-
sögunnar í stóra og víðfeðma
dæmisögu um umhyggju fyrir öllu
sem lifandi er og gaf aukið tákn-
gildi með því að láta hana gerast á
aðventunni sjálfri.
Allt í frágangi sýningarinnar
var vel úr garði gert: leikmynd
Messíönu Tómasdóttur frábær-
lega falleg smíð í einfaldleika
sínum, þaulhugsuð sem táknmynd
en um leið nærri natúralísk
umgerð. Baðstofa, hjarn, skafl og
jarðhús í einni mynd. Tónlist
Kristjáns Guðjónssonar var
smekkleg og skyggði hvergi á
heldur ýtti undir atburðarás og
stemninguna. Pétur Eggerz fór af
smekkvísi með hin mörgu andlit
sem í sögunni birtast. Hann átti
ekki auðvelt með að gera ljóslif-
andi þá einstaklinga sem þarna
birtast, sumir karlanna í sögunni
runnu saman í raddbeitingu, Pétur
býr ekki yfir þeirri sveigju í rödd
að hann geti brugðið sér í margra
kvikinda líka. Fyrir bragðið var
leikur hans fátóna.
Í inngangsorðum verksins er
okkur sagt fyrirmunað að skilja
fjárgæslu á vetrum. Okkar tímar
skynji ekki þá miklu vá sem vofði
yfir fjármönnum í vetrarveðrum.
Ég er ekki viss um að það sé að
öllu leyti rétt: þúsundir manna
leggja sig eftir ferðalögum um
öræfi árið um kring. Á bóginn
þekkir enginn þá lífsreynslu nema
sá sem á hana. Fyrir bragðið er
mér erindi Aðventu í leiksýningu
af þessu tagi ekki ljóst. Hinn
kristilegi boðskapur verksins er
ekki eindreginn í túlkun Öldu og
samverkamanna manna hennar
enda vafasamt að hann næði
eyrum markhópsins. En tilraunin
er þess virði.
Páll Baldvin Baldvinsson
Aðventan á sviði
LEIKLIST
Aðventa eftir Gunnar Gunnars-
son
Leikmynd: Messíana Tómasdóttir
Hljóðmynd: Kristján Guðjónsson
Leikstjóri og leikgerð: Alda Arnardóttir
★★
Falleg umgerð um sígilda sögu
Leiklistarsambandið
stendur á þessu vori fyrir
umræðufundum um leik-
listarmál og verður hóað í
samkomu í kvöld á Sólon
kl. 20. Fjórir frummæl-
endur munu velta fyrir
sér hlutverki leikhússins í
samtímanum og opnað
verður fyrir almennar
umræður. Frummælend-
urnir eru þau Sveinn Ein-
arsson, María Kristjáns-
dóttir, Jón Páll Eyjólfsson
og Björk Jakobsdóttir og
munu þau velta fyrir sér
eftirfarandi spurningu:
Hvað varð um kaþarsis?
hugleiðingar um hlutverk leik-
hússins.
Umræðuefnið er ekki nýtt en
með því mannvali sem heldur inn-
gangserindi má ætla að menn hjá
Leiklistarsambandinu hyggist
spanna umræður um þau margvís-
legu kennsl sem leiklistarstarf-
semi á Íslandi býður áhorfendum
sínum upp á um þessar mundir.
Kennslin sem fólk fær á sýningum
Ladda og á nemendasýningum
eins og Kræbeibí munu
vera önnur en á alvar-
legri verkum á borð við
Hetjur og Gítarista.
Í kynningu á umræðu-
efninu er meðal annars
eftirfarandi velt upp: „Ef
við tökum mark á kenn-
ingum Aristótelesar um
kaþarsis, þá hreinsun
sem áhorfendur gengu í
gegnum andspænis örlög-
um hinna tragísku hetja,
verður ekki um það villst
að hlutverk leikhússins í
Grikklandi til forna var
samfélagslegt. En hvert
er samfélagslegt hlut-
verk leikhússins í okkar samtíma?
Hefur leikhúsið látið hreinsunar-
hlutverk sitt öðrum miðlum eftir?
Er það aðeins hámenningarleg
afþreying, ætlað þröngum hópi
menningarlegrar elítu eða staður
til að gleyma daglegu amstri eina
og eina kvöldstund? Markmið hins
hreinsandi kaþarsis var tvímæla-
laust að gera áhorfendur að betri
manneskjum, en hvernig lítum við
á það í dag? - pbb
Tæki í hreinsun
LEIKLIST Björk Jak-
obsdóttir er meðal
þeirra sem tala um
hreinsum Aristó-
telesar á Leiklistar-
þingsfundi í kvöld.
Hjalti Rögnvaldsson
leikari ræðst í það stór-
virki næstu fjóra mánu-
daga að lesa öll ljóð Þor-
steins frá Hamri í
samfelldri dagskrá í
Iðnó. Er fyrsti lesturinn í
kvöld en þá fer Hjalti
með ljóð úr bókunum Í
svörtum kufli (1958),
Tannfé handa nýjum
heimi (1960), Lifandi
manna landi (1962),
Langnætti á Kaldadal
(1964) og Jórvík (1967).
Hefst lesturinn kl. 17 og lýkur
honum ekki fyrr en í nótt
kl. 1 eftir miðnætti.
Aðgangur er ókeypis.
Hjalti hefur verið að
undirbúa sig um nokkurt
skeið fyrir þessa upp-
lestraröð, en hann er
sem kunnugt er víðkunn-
ur fyrir flutning sinn á
bundnu máli og ást sína
á ljóðum.
Upplestraröðin er í til-
efni af sjötugsmæli Þor-
steins fyrir skemmstu
og fimm áratuga ferli
hans sem ljóðskálds. - pbb
Maraþonlestur
BÓKMENNTIR Hjalti
Rögnvaldsson leikari