Fréttablaðið - 18.04.2008, Side 84

44 18. apríl 2008 FÖSTUDAGUR
folk@frettabladid.is
35 DAGAR TIL STEFNU
Jelena keppir ekki
við kalkúna
Fulltrúi heimamanna Serba er
söngkonan Jelena Tomasevic sem
syngur lagið Oro. „Það er mikill
heiður að fá að koma fram fyrir
hönd þjóðar minnar,“ segir söng-
konan og segist ætla að syngja
lagið inn á plötu á spænsku,
grísku, finnsku, ensku, hebresku
og rússnesku. „Hvers vegna? Þú
verður að spyrja fjölmiðladeild-
ina mína að því,“ segir Jelena og
bætir við að hún ætli bara að
syngja á serbnesku í keppninni
sjálfri. „Mér finnst mikið tapast
þegar lög eru sungin á ensku. Er
það ekki það sem Eurovision
snýst um, að sýna fjölbreytnina í
Evrópu?“
Jelena er ómyrk í máli varð-
andi meint flipp sumra keppanda.
„Ég er búin að heyra öll lögin og
ég verð að segja að ég er ekki
ginnkeypt fyrir einhverju einu.
Og mér mislíkar það sem sumar
þjóðirnar eru að gera. Hér er ég
fyrst og fremst að tala um Íra.
Þetta er alveg fáránlegt og mér
finnst lágkúrulega vegið að
keppninni, sem var einu sinni
virtur tónlistaratburður. Ég get
ekki keppt á móti brúðukalkúna!
Er ekki aðalatriðið að sá sem
syngur sjáist á sviðinu? Hvað veit
maður nema söngvarinn sé á bak
við eða að þetta sé allt á teipi?“
segir Jelena, alveg hundfúl.
STOLT AF SERBNESKUNNI Jelena Tomasevic er fúl út í Íra.
Leikkonan Cameron Diaz hefur
þakkað aðdáendum sínum fyrir
stuðninginn sem hún hefur fengið
eftir að tilkynnt var um andlát
föður hennar Emilio Diaz, sem lést
á þriðjudag, 58 ára gamall, eftir að
hafa glímt við lungnabólgu.
„Gríðarlega mörgum þótti vænt
um föður minn og kímnigáfa hans
og andi verður ávallt í hjörtum
okkar,“ sagði Diaz. Bætti hún við í
yfirlýsingu sinni að fjölskylda sín
væri „afar þakklát fyrir hina miklu
ástúð og stuðning sem hún hefur
fengið á þessum erfiðu tímum“.
Framleiðslu á nýjustu mynd
Diaz, My Sister´s Keeper, hefur
verið frestað vegna dauðsfallsins.
Diaz þakkar
aðdáendum
CAMERON DIAZ Leikkonan Cameron
Diaz hefur þakkað aðdáendum sínum
fyrir stuðninginn.
Gus Gus, Sprengjuhöllin,
Bloodgroup, Merzedes Club, Ný
dönsk, Haffi Haff og Páll Óskar
koma fram á Hlustendaverðlaun-
um FM 957 sem verða haldin í
tíunda sinn í Háskólabíói 3. maí.
Einnig koma óvæntir tónleika-
gestir fram á hátíðinni.
Kosning er hafin á Vísir.is
vegna verðlaunanna og þar er
meðal annars hægt að kjósa um
bestu hljómsveitina, besta lagið
og bestu plötuna. „Þetta verður
stærsta hátíðin til þessa því þarna
verða þúsund manns. Við höfum
vanalega verið með þetta í
Borgarleikhúsinu en þar eru bara
um þrjú hundruð sæti,“ segir
Brynjar Már Valdimarsson,
tónlistarstjóri FM957.
Þekkt nöfn
á FM-hátíð
BRYNJAR MÁR Brynjar Már Valdimarsson
segir að Hlustendaverðlaunin í ár verði
þau flottustu til þessa.
Tökum á nýjum sjónvarps-
þætti BBC er nýlokið hér á
landi, en hópur á vegum
þáttarins Gimme a Break
var staddur á landinu í fimm
daga.
Í þáttunum verður fylgst
með fjölskyldum á ferða-
lagi þar sem börnin fá
að ráða öllu meðan á
dvöl stendur, frá
áfangastað til afþrey-
ingar. Hingað til lands
kom Brooks-fjölskyld-
an, sem samanstendur
af drengjunum Stan,
Jacob og Joseph auk
foreldranna Joan og
Stuart. Drengirnir þrír
völdu Ísland sem áfangastað
fram yfir bæði Spán og Kan-
ada, en foreldrarnir fengu
hins vegar ekki að vita hvert
förinni var heitið fyrr en um
borð í vél Iceland Express
var komið, en fyrirtækið
stóð fyrir því að Ísland yrði á
meðal valkosta í þættinum.
Meðan á dvöl þeirra stóð
voru foreldrarnir skikkaðir
í jöklaferð, auk þess sem
þeim var boðið upp á hefð-
bundinn íslenskan mat á
borð við hrútspunga og
sviðakjamma, við dræmar
undirtektir þeirra en þeim
mun meiri kátínu drengj-
anna.
Þúsundir breskra fjöl-
skyldna sóttu um þátttöku í
Gimme a Break, en sýningar
á þáttunum hefjast á stöðv-
unum CBBC og BBC1 eða
BBC2 í haust.
Börnin ráða í nýjum þætti BBC
BROOKS-FJÖLSKYLDAN Það voru bræðurnir Stan, Jacob og Joseph sem
fóru með töglin og hagldirnar í ferðalagi fjölskyldunnar til Íslands.
>SÁR ÚT Í BA
Naomi Campbell hyggst ekki ferð-
ast með British Airways frá næstunni,
þrátt fyrir afsökunarbeiðni sem hún
segist nú hafa fengið frá flugfélag-
inu. Það setti hana í bann um dag-
inn eftir að fyrirsætan sleppti sér
yfir týndum farangri á Heathrow.
Campbell segist hafa tekið þá af-
stöðu að ferðast ekki með flug-
félaginu, vegna þeirrar slæmu
meðferðar sem farþegar hafi
hlotið hjá flugfélaginu í kjöl-
far vandamála sem skap-
ast hafa í nýju flugstöðinni á
Heathrow.
Fimm útskriftarnemar í fatahönnun við
Listaháskóla Íslands sýna hönnun sína á
tískusýningu í gömlu kexverksmiðjunni
Frón við Skúlagötu í kvöld.
Þegar ljósmyndari Fréttablaðsins leit inn í húsnæði
Listaháskólans í gær var mikið um að vera, enda
sýningin skammt undan. Þeir fimm nemendur sem
útskrifast úr fatahönnun frá skólanum í vor hafa
lagt nótt við nýtan dag undanfarnar vikur til að
undirbúa lokasýningu sína.
„Það er allt á lokasprettinum,“ sagði Álfrún
Guðríður Guðrúnardóttir, kynningarstjóri Lista-
háskólans, í gær. „Þær eru með fleiri verkefni en oft
áður, auk þess sem sýningin er þremur vikum fyrr
en vanalega. Þær eru að sauma svo mikið að þær
hafa hreinlega sofið hérna í svefnpokum á nóttunni.
Þetta er meira að segja þannig að konan á símanum
er farin að aðstoða við saumana,“ bætti hún við.
Fimm fatahönnunarnemar taka þátt í útskriftar-
sýningu Listaháskólans í vor. Hún fer, sem áður
sagði, fram í kvöld, að Skúlagötu 28, og hefst
klukkan 20. Hönnun þeirra verður þó einnig hægt að
sjá á Kjarvalsstöðum, þar sem sýning sextíu og
þriggja útskriftarnema úr myndlistar- og hönnunar-
og arkitektúrdeildum verður opnuð á laugardag.
Hún stendur til 1. maí. sunna@frettabladid.is
Útskriftarnemar sýna í dag
LÍF Í TUSKUNUM Þegar ljósmyndari Fréttablaðsins leit inn í húsnæði Listaháskólans að Skipholti í gær var vinna útskriftarnema í
fatahönnun á lokasprettinum og nóg um að vera. FRÉTTABLAÐIÐ/STEFÁN