Fréttablaðið - 21.04.2008, Blaðsíða 8
8 21. apríl 2008 MÁNUDAGUR
SAMFÉLAGSMÁL „Það er veruleg
þörf á því að opna umræðu um
drengi sem verða fyrir misnotk-
un og eins um drengjavændi,“
segir Guðrún Ögmundsdóttir,
fyrrverandi þingmaður Samfylk-
ingar. „Drengir hafa orðið út
undan og rannsóknir sýna að þeir
verða engu síður fyrir misnotkun
og stunda vændi rétt eins og
stúlkur.“
Í könnun sem Rannsóknir og
greining gerði árið 2004 kom
fram að 3,7 prósent drengja í
framhaldsskólum hefðu þegið
greiðslu eða greiða fyrir kyn-
mök. Hlutfall stúlkna var hins
vegar 1,7 prósent. Ólöf Ásta Far-
estveit, forstöðumaður Barna-
húss, segir enga ástæðu til að
ætla að dregið hafi úr þessu síðan
2004.
Guðrún segir að drengir hafi
orðið út undan í umræðunni um
kynferðislega misnotkun og
vændi en þeir hafi jafnvel meiri
þörf fyrir umræðuna þar sem
þeir séu síður líklegir til að láta
vita ef á þeim er brotið. „Nú er
þörf á átaki, rétt eins og við gerð-
um með vændisskýrslunni. Það
myndi hjálpa þeim að koma fram
svo sé hægt að vinna í þessum
málum,“ segir hún. „Ég reyndi að
opna þessa umræðu en mér var
hreinlega ekki trúað.“
„Það er ástæða til að álykta að
hlutfall sem þegið hafi greiðslu
eða greiða fyrir kynmök sé mun
hærra hjá þeim unglingum sem
ekki eru í skóla,“ segir Þórólfur
Þórlindsson, forstjóri Lýðheilsu-
stöðvar.
Bragi Guðbrandsson, forstjóri
Barnaverndarstofu, segir að ekki
megi draga þær ályktanir af
rannsókninni að drengirnir séu
að stunda vændi. „Þarna eru lík-
legast að mælast tilfelli frekar en
að verið sé að stunda vændi,“
segir hann. „Þarna er til dæmis
um að ræða samkynhneigða
menn sem gefa drengjum eitt-
hvað fyrir kynferðislegar athafn-
ir og eins það að einhverjir láta
eitthvað kynferðislegt yfir sig
ganga til að fá eitthvað sem þeir
girnast, hvort sem það er áfengi,
fíkniefni eða peningar.“
Björgvin Björgvinsson, yfir-
maður kynferðisbrotadeildar lög-
reglunnar á höfuðborgarsvæð-
inu, segir að þar fái þeir alltaf
öðru hvoru á borð til sín mál þar
sem unglingar hafi þegið greiðsl-
ur fyrir kynmök, og slík mál séu
venjulega tengd vímuefnaneyslu.
jse@frettabladid.is
Fleiri drengir þiggja
greiðslu fyrir mök
Þörf er á átaki til að hjálpa drengjum sem hafa verið misnotaðir eða stunda
vændi, segir fyrrverandi þingmaður Samfylkingar. Samkvæmt könnun hafa tæp
fjögur prósent framhaldsskóladrengja þegið greiða eða greiðslu fyrir kynmök.
AUSTURRÍKI, AP Evrópa býr yfir
þéttriðnasta
fjarskiptakerfi
heims en þjóðir
álfunnar eru
smátt og smátt
að fá nóg af
„friðþjófinum“,
farsímanum.
Í annarri stærstu borg Austur-
ríkis, Graz, hafa borgaryfirvöld nú
ákveðið að skikka notendur
almenningssamgangna til að hafa
farsíma sína stillta á þögn. Áður
hafði franska ríkisjárnbrautafélag-
ið SNCF tekið upp „farsímafrí“
svæði í hraðlestum fyrirtækisins.
Borgarstjóri Graz, Siegfried
Nagl, kveðst staðráðinn í að sjá til
þess að grenndarlestafarþegar geti
ferðast í friði fyrir taugapirrandi
hringitónum og truflandi farsíma-
kjaftagangi. - aa
Aðgerðir gegn friðþjófum:
Skylda að stilla
símann á þögn
FARSÍMABANN
Nota merki Rio Tinto Alcan
Alcan á Íslandi hf., sem rekur álverið
í Straumsvík, mun framvegis starfa
undir merkjum Rio Tinto Alcan. Rio
Tinto er alþjóðlegt leiðandi námafé-
lag sem keypti Alcan Inc., móðurfélag
Alcan á Íslandi, seint á síðasta ári.
VIÐSKIPTI
FERÐAIÐNAÐUR Hjörtur Aðalsteins-
son, eigandi Quiznos Sub-skyndi-
bitastaðanna, hefur sótt um lóð til
að byggja nýja tegund af hóteli í
Reykjavík.
Ætlun Hjartar er að reisa hótel
með á bilinu 80 til 120 herbergjum
þar sem yrði minni þjónusta og
lægra verð en á hefðbundnum
hótelum. Þetta kemur fram í lóða-
umsókninni sem Hjörtur sendi
Ólafi F. Magnússyni borgarstjóra
og Vilhjálmi Þ. Vilhjálmssyni, for-
manni borgarráðs. Hótelið á að
tengjast Accor-hótelkeðjunni.
„Lágt verð þessara hótela bygg-
ir á litlum og fábrotnum herbergj-
um, bókunum á interneti eða með
beinni greiðslu í anddyri hótels,“
útskýrir Hjörtur í umsókn sinni.
Að sögn Hjartar er hugmyndin
sú að hótelið verði á þremur
hæðum og byggt í tveimur eða
þremur áföngum. Margar stað-
setningar komi til greina. Til
dæmis við nýja samgöngumiðstöð
í Vatnsmýri, við Vesturlandsveg,
eða á nýju svæði í Suður-Mjódd.
„Tímasetning framkvæmda nú
er hagstæð vegna lægðar í bygg-
ingariðnaði og gengi krónu myndi
einnig hjálpa til,“ bendir Hjörtur
á í umsókn sinni sem tekin var
fyrir í borgarráði í gær. Þar var
ákveðið að vísa málinu til skoðun-
ar hjá skipulags- og byggingar-
sviði og framkvæmda- og eigna-
sviði. - gar
Eigandi Quiznos Sub segir að nú sé hagstæð tíð til að byggja hótel í Reykjavík:
Ódýrt hótel með 120 herbergjum
HJÖRTUR AÐALSTEINSSON Eigandi Quiz-
nos Sub vill byggja lágverðshótel. Hér
gefur hann fuglunum á Reykjavíkurtjörn
afgangsbrauð. FRÉTTABLAÐIÐ/GVA
HVALFJARÐARSVEIT Um 40 manns
höfðu skráð sig í áhugahóp um
bætta nettengingu í Hvalfjarðar-
sveit um miðjan dag í gær og
aðstandendur gera sér vonir um
að í lok helgar verði meirihluti
heimila í sveitarfélaginu orðinn
meðlimur í hópnum.
Hvalfirðingar búa við þráð-
lausa nettengingu frá eMax sem
hefur reynst afar misjafnlega, að
sögn Sævars Finnbogasonar, íbúa
í sveitarfélaginu. „Nettengingar
skipta miklu í atvinnumálum,
menntamálum, afþreyingu og
geta skipt sköpum í því hvort fólk
flytur til eða frá sveitarfélögum,“
segir Sævar. - kg
Íbúar í Hvalfjarðarsveit:
Vilja bætta net-
tengingu
Slösuðust þegar vélhjól valt
Ökumaður missti stjórn á bifhjóli
sínu í Naustagili á Húsavík í gær með
þeim afleiðingum að hjólið valt.
Ökumaðurinn og farþegi hans skullu
í götuna og voru fluttir á sjúkrahús
til aðhlynningar. Þeir reyndust ekki
alvarlega slasaðir.
LÖGREGLUFRÉTTIR
1 Hvað útskrifuðust margir
úr Lögregluskólanum síðasta
föstudag?
2 Hvaða tvö lið sigruðu í seinni
leikjunum í átta liða úrslitum
Lengjubikars karla?
3 Hvaða tónleikastað á að
færa neðanjarðar?
SVÖRIN ERU Á SÍÐU 30
MIÐBORGIN Guðrún Ögmundsdóttir telur mikla þörf á að umræða um drengi sem
verða fyrir misnotkun eða leiðast út í vændi fari fram.
MYNDIN ER ÚR SAFNI OG TENGIST EFNI FRÉTTARINNAR EKKI
Drengir hafa orðið út
undan og rannsóknir
sýna að þeir verða engu síður fyr-
ir misnotkun eða stunda vændi
eins og stúlkur.
GUÐRÚN ÖGMUNDSDÓTTIR
FYRRUM ÞINGMAÐUR SAMFYLKINGAR
Eldur í bifreið á ferð
Eldur kom upp í bifreið í Breiðholti
snemma í gærmorgun. Bifreiðin var
á ferð þegar eldsins varð vart en öku-
manni og farþegum tókst að koma
sér út og hringja á hjálp. Greiðlega
gekk að slökkva eldinn.
ÖRYGGISMÁL Nauðsynlegt er að
auka kröfur til þeirra sem starfa
sem öryggisverðir áður en fjallað
er um auknar heimildir þeirra til
að bera varnarbúnað, að sögn
Ómars Arnar Jónssonar, mark-
aðsstjóra Öryggismiðstöðvarinn-
ar.
Ómar segir svo virðast sem
ofbeldi sé að vaxa í samfélaginu,
eins og árásir á öryggisverði beri
með sér. Rétt sé að skoða hvað
gert hafi verið í nágrannalöndum
okkar, svo sem í Danmörku, í
þeim efnum. Þar hafi öryggis-
verðir mun ríkari heimildir enda
hafi aðstæður kallað á slík við-
brögð. „Til að öðlast starfsleyfi
sem öryggisvörður þar í landi
þarf að sækja sérstök námskeið
fyrir öryggisverði og standast
próf sem er viðurkennt af opin-
berum aðilum,“ útskýrir Ómar en
bendir á að hingað til hafi aðstæð-
ur í íslensku samfélagi ekki kall-
að á miklar kröfur til öryggis-
varða. „Svo virðist sem aðstæður
séu að breystast til hins verra og
ef umhverfið kallar á auknar
heimildir öryggisvarða til að bera
varnarbúnað er grunnforsenda
fyrir þeirri umræðu að löggjöfin
um öryggisverði verði endur-
skoðuð og auknar kröfur gerðar
til þeirra sem við þetta starfa,“
segir hann en bætir við að sam-
hliða endurskoðun lagaákvæða
þurfi að auka enn frekar samráð
öryggisfyrirtækja og lögreglu.
- kdk
Segir árásir á öryggisverði kalla á endurskoðun laga sem öryggisverðir starfa eftir:
Vill auka kröfur til öryggis-
varða vegna aukins ofbeldis
ÓMAR ÖRN JÓNSSON Markaðsstjóri
Öryggismiðstöðvarinnar segir að áður
en rætt verði um auknar heimildir
öryggisvarða til að bera varnar búnað
þurfi að auka kröfur til þeirra sem starfi
sem öryggisverðir. FRÉTTABLAÐIÐ/RÓSA
VEISTU SVARIÐ?