Fréttablaðið - 21.04.2008, Blaðsíða 54
30 21. apríl 2008 MÁNUDAGUR
1
6 7 8
10
13
119
12
15
16
18
21
20
17
14
19
2 3 4 5
LÖGIN VIÐ VINNUNA
LÁRÉTT: 2. missa 6. eftir hádegi
8. sarg 9. ot 11. samanburðart. 12.
drottningarmaður 14. kjöt 16. í röð
17. fley 18. ennþá 20. núna 21. betl.
LÓÐRÉTT: 1. bót á flík 3. tvíhljóði 4.
fjölmiðlar 5. beita 7. týndur 10. að 13.
gogg 15. krukka 16. húðpoki 19. átt.
LAUSN
LÁRÉTT: 2. tapa, 6. eh, 8. urg, 9. pot,
11. en, 12. prins, 14. flesk, 16. hi, 17.
far, 18. enn, 20. nú, 21. snap.
LÓÐRÉTT: 1. lepp, 3. au, 4. pressan,
5. agn, 7. horfinn, 10. til, 13. nef, 15.
krús, 16. hes, 19. na.
„Við erum alltaf með útvarpið
í gangi. Og ætli sá tími skiptist
ekki jafnt milli Bylgjunnar og
FM 957. Hins vegar er það
náttúrlega þannig að við stillum
tækin í botn þegar Eurovision-
lagið okkar hljómar.“
Sólveig Birna Gísladóttir, förðunarmeist-
ari á Airbrush & Makeup Gallery.
Í Hell’s Kitchen-þættinum sem
Stöð 2 sýnir á morgun er fylgst
með Gordon Ramsey æsa sig við
upprennandi kokka í brúðkaupi í
Los Angeles. Brúðurin, Carlota
Björk Venegas, er hálf-íslensk,
en hún er fædd og uppalin í
Bandaríkjunum. Móðir hennar,
Linda Venegas, sagði veisluna
hafa verið hina ákjósanlegustu,
en hún fór fram í febrúar í fyrra.
„Framleiðendur þáttanna voru
að leita að pari sem vildi gifta sig
með mjög stuttum fyrirvara.
Hann var rúm vika, en venjulega
tekur fólk ár í að undirbúa brúð-
kaup. Þau voru búin að vera að
leita að stað til að halda brúð-
kaupsveislu á í nokkra mánuði og
stukku bara á þetta tækifæri,“
útskýrir Linda. Carlota á mexí-
kóskan föður, en brúðguminn,
Cyrus Kavari, er af ítölskum og
írönskum ættum.
Linda segir Hell’s Kitchen hafa
séð um allt sem að veislunni laut.
„Carlota mátti hins vegar ráða lit
á kjólum brúðarmeyjanna, sínum
eigin kjól og svo hvort hún vildi
súkkulaði- eða vanillubrúðar-
tertu,“ segir Linda. Veislunni var
slegið upp í stóru vöruhúsi, sem
aðstandendur þáttanna höfðu
breytt í veitingastað fyrir kvöld-
ið. „Þetta var mjög flott, borð og
þjónar og rauður dregill fyrir
brúðhjónin. Manni hefði ekki
dottið annað í hug en að þetta
væri fínasti veitingastaður,“
segir Linda og hlær við. Carlotu
og Cyrus var að auki boðið í brúð-
kaupsferð á veitingastað Ramsey
fyrir utan Las Vegas, Green Val-
ley Ranch.
Þeir sem hafa fylgst með Hell’s
Kitchen vita að það gengur ýmis-
legt á í eldhúsinu, en Linda segir
það ekki hafa spillt veislunni.
„Maður sá þau þjóta fram og til
baka í eldhúsinu, og Ramsey
stendur þarna og stjórnar þeim
og öskrar og bölvar,“ segir hún
og hlær. „Einhverjir kvörtuðu
undan því að hafa þurft að bíða
svolítið lengi eftir matnum, en
það er bara partur af þessu. Það
sem ég borðaði og við var að
minnsta kosti afskaplega gott.
Þetta hefði ekki getað verið
huggulegra,“ segir Linda. - sun
Íslenskt brúðkaup í Hell‘s Kitchen
VEISLA Í BOÐI RAMSEY Brúðhjónin
Carlota og Cyrus héldu brúðkaupsveislu
í Hell‘s Kitchen, en þátturinn verður
sýndur hér á landi á morgun.
Páll Óskar Hjálmtýsson er fullbókaður út árið.
Hann er harðákveðinn í að taka sér hálfs árs frí frá
næstu áramótum þótt nú sé sótt hart að honum að
taka að sér verkefni á þeim tíma. Hann sér í
hillingum að geta kafað í heitum sjó á ný. Hann
lærði köfun fyrir fjórum árum en hefur verið
ofansjávar síðan.
„Við mennirnir höldum að við séum
miðpunktur alheimsins, en svo er önnur
veröld í sjónum sem þekur 70 prósent
jarðarinnar,“ segir Páll. „Það er skondið, en
það er nákvæmlega sama „systemið“ í gangi í
sjónum og á jörðinni. Þarna eru trukkabíl-
stjórar, stjórnmálamenn og trúðar. Og
alveg eins og ofansjávar þá éta stóru
fiskarnir litlu fiskana.“
Það var Coco, vinur Páls, sem átti
hugmyndina. Þeir fóru á tveggja
vikna námskeið á Kanaríeyjum
fyrir fjórum árum og voru komnir
í sjóinn eftir viku af bóklegu námi
og svamli í sundlaug. „Að vera í
sjónum er eins og að vera
Barbarella in space,“ segir Páll
dreyminn, „ofsalega fallegur heimur
og mögnuð lífsreynsla. Eitt það magnaðasta var að
stökkva fram af þverhníptum kletti og láta sig
falla ofan í endalaust djúpið.“
Palli fór mest á 46 metra dýpi og komst aldrei í
hann krappan. „Við fórum í reiptog við kolkrabba
en hittum bara einn hákarl. Það eru til þúsund
tegundir af hákörlum eða eitthvað, en bara
þrjár sem eru mannýgar og tryllast ef þær
finna lykt af blóði. Við hittum nú bara einhvern
aumingjahákarl, örugglega grænmetisætu,
sem skaust í burtu skíthræddur þegar við
sögðum hæ.“
Páll er farinn að kíkja á heppilega
staði til að endurnýja kynnin af
blautbúningnum. „Við höfum
augastað á annaðhvort Sydney í
Ástralíu eða Galapagos. Ég hef
heyrt mjög fallega hluti um þessa
staði. Ég hlakka brjálæðislega til
að snúa aftur í þessa litadýrð
sem við höfum ekki aðgang að
hérna ofanjarðar.“ - glh
Páll Óskar kannar hafdýpin
FÓR MEST Á 46 METRA DÝPI Pál Óskar dreymir
um að endurnýja kynnin við blautbúninginn.
Erlendar pókerstjörnur hafa sýnt því áhuga að koma
hingað til Íslands og spila póker á sérstökum
pókermótum. Þetta segir Þór Bæring Ólafsson,
ritstjóri pókervefjarins Pokernet.is. Hann telur það
einungis tímaspursmál hvenær mótapóker verði
lögleiddur hér á Íslandi og hvetur yfirvöld á Íslandi
til að kynna sér málið betur. Talið er að tugir
Íslendinga sæki alþjóðleg pókermót á ári hverju og
þar er Evrópumótaröðin vinsælust. Þátttakendur
vinna sér sæti í gegnum pókersíður. Nokkrir fara
einnig vestur um haf og spila í spilaborginni Las
Vegas á heimsmótaröðinni.
Þór býr nú í Kaupmannahöfn og hefur gert
undanfarið ár en eiginkona hans er þar við nám. Að
sögn Þórs kunna þau vel við sig í kóngsins Köben og
hafa komið sér vel fyrir. Þór er landsmönnum að
góðu kunnur fyrir störf sín í útvarpi og sjónvarpi en
hefur að undanförnu einbeitt sér að rekstri vefsíðna
undir merkinu Bara gaman. Þar er vefsíðan
pokernet.is einna vinsælust sem gefur kannski hvað
best til kynna hversu vinsæll pókerinn er hér á
landi. Þór kynntist pókernum þegar hann horfði á
útsendingar frá mótum á sjónvarpsstöðinni Sýn.
Þór vonast til að íslensk stjórnvöld taki við sér og
lögleiði mótapókerinn á Íslandi. „Ég horfði á viðtalið
við Jón H.B. Snorrason í Kastljósinu og svo virðist
sem lögregluyfirvöld hafi ekki kynnt sér málið
nægilega vel. Áhugamenn um póker hafa ekki áhuga
á svokölluðu cash-game heldur vilja lögleiða
mótapóker,“ segir Þór en þar greiða þátttakendur
ákveðið þátttökugjald sem Þór segir að sé oftar en
ekki lægra en það sem gengur og gerist hjá bridge-
spilurum. „Mér finnst fólk ekkert reiðubúið til að
kynna sér málið; póker er bara stimplað sem
fjárhættuspil og málið dautt,“ segir Þór.
Á vefsíðunni hefur Þór rætt við alþjóðlegar
stjörnur úr pókerheiminum, þeirra á meðal goðsögn-
ina Daniel Negreanu og hinn danska Gus Hanson.
Þeir hafa báðir lýst yfir áhuga sínum á að koma
hingað til lands og spila þegar mótapóker verður
lögleiddur. „Og það er svo sem ágætis byrjun,“ segir
Þór. - fgg
ÞÓR BÆRING: FYRRVERANDI ÚTVARPSMAÐUR STOFNAR PÓKERVEFSÍÐU
Erlendar pókerstjörnur
áhugasamar um Ísland
ÁHUGI Á ÍSLANDI Þór Bæring segir goðsagnir á borð við Daniel Negreanu, hér að ofan, hafa áhuga á að spila á Íslandi þegar
mótapóker verður lögleiddur.
NÝ OG FÁRÁNLEGA SKEMMTILEG SÝNING UM FJÁRMÁL ÍSLENDINGA!
D
Y
N
A
M
O
R
EY
K
JA
V
IK Sýnt í Salnum Kópavogi
Miðasala hjá Salnum í síma 5700 400, á salurinn.is
og midi.is. Miðaverð 2000 kr. 50% afsláttur er fyrir
viðskiptavini Byrs (allt að 5 miðar) ef keypt er í miða-
sölunni í Salnum. ATH! Takmarkaður sýningafjöldi.
Fyrst var það Hellisbúinn, síðan Pabbinn og nú er það HVERS VIRÐI ER ÉG?
Óborganlega fyndin sýning Bjarna Hauks Þórssonar um fjármál Íslendinga.
Frábær sýning í leikstjórn Sigurðar Sigurjónssonar.
D
Y
N
A
M
O
R
EY
K
JA
V
IK
Lau 19/4 k
l. 19
Lau 19/4 k
l. 21
Fös 2/5 k
l. 19
Fös 2/5 k
l. 21
Lau 3/5 k
l. 20
Lau 3/5 k
l. 22
Fös 16/5 k
l. 19
Fös 16/5 k
l. 21
Lau 17/5 k
l. 19
Lau 17/5 k
l. 21
Örfá sæti laus
Örfá sæti laus
Örfá sæti laus
Örfá sæti laus
S Ý N I N G A R
Jolene, barinn sem þær Dóra Tak-
efusa og Dóra Dúna Sighvatsdótt-
ir eiga og reka í Kaupmannahöfn,
opnar aftur 7. maí og þá á nýjum
stað. Barinn var áður til húsa á Sorg-
enfrigade í Norðurbrúar-hverfinu,
en þurfti að flytja sig um set eftir að
nágrannar kvörtuðu undan hávaða.
Hann var opnaður í ágúst 2007, en
var lokað aftur í lok nóvem-
ber. Síðan þá hafa
Dórurnar tvær
leitað að nýjum
samastað
fyrir Jolene,
sem hafði
öðlast miklar
vinsældir á
stuttum líf-
tíma sínum.
Þann samastað ku vera að finna í
hverfinu Kødbyen, á Vesturbrú, sem
hefur verið í mikilli uppsveiflu að
undanförnu. Þar úir og grúir allt af
slátrurum og öðrum fyrirtækjum
sem tengjast kjötvinnslu, en upp
á síðkastið hafa gallerí og flottir
veitingastaðir einnig skotið upp
kollinum. Götuheiti nýrra híbýla
Jolene ber fortíð hverfisins vitni, en
barinn mun verða að finna við Flæ-
sketorvet, eða Flesktorgið. Staðurinn
mun verða með sama sniði og í fyrri
húsakynnum, svo fastagestir ættu
ekki að óttast.
Gagnrýnandi New York Times fer
lofsamlegum orðum um frammi-
stöðu söngkonunnar Dísellu
Lárusdóttur á einsöngstónleikum
hennar, sem fram fóru í Merkin-
tónleikahöllinni í New York í síðustu
viku. Hann segir meðal annars að
rödd hennar hafi „glitrað eins og
silfur“ í laginu I Love You eftir Grieg,
og hreifst sérstaklega af nærveru
Dísellu og hreyfingum á sviði, sem
hann kveðst ekki viss um hvort eigi
rætur sínar að rekja til „reynslu
hennar af óperu“, eða séu
„gagnlegur minjagripur
úr poppfortíð hennar“,
en á ferilskrá hennar
er meðal annars að
finna þátttöku í
Söngvakeppni
sjónvarpsins.
FRÉTTIR AF FÓLKI
VEISTU SVARIÐ
Svör við spurningum á síðu 8.
1 45.
2 ÍA og Fram.
3 Nasa við Austurvöll.