Fréttablaðið - 30.04.2008, Blaðsíða 50

38 30. apríl 2008 MIÐVIKUDAGUR
FRÉTTABLAÐIÐ SPÁIR HK 11. SÆTINU Í LANDSBANKADEILD KARLA 2008
GENGI SÍÐUSTU ÁRA 2007 9. Sæti 2006 2. Sæti í B-deild 2005 7. Sæti í B-deild 2004 3. Sæti í B-deild 2003 8. Sæti í B-deild 2002 1. Sæti í C-deild
AÐRIR
LYKILMENN
GENGI Á VORMÓTUNUM
■ Sigrar ■ Jafntefli ■ Töp
2 4
ÁSGRÍMUR
ALBERTSSON
FINNBOGI LLORENS FINNUR ÓLAFSSON
8. sæti 12. sæti
> LYKILMAÐURINN
Gunnleifur Gunnleifs-
son átti frábært sumar í
fyrra og var maðurinn á bak
við góðan árangur liðsins á
sínu fyrsta ári í efstu deild.
Gunnleifur varði flest skot
allra markvarða í deildinni
og endaði í þriðja sæti í
einkunnagjöf Fréttablaðsins.
HK þarf á öðru eins tímabili
að halda hjá fyrirliða sínum í
sumar ef liðið ætlar að ná að halda
sér í deildinni.
> X-FAKTORINN
Annað árið hefur oftar en ekki
reynst liðum erfitt. Fimm af síðustu
sex félögum sem hafa komist upp í
úrvalsdeildina í fyrsta sinn hafa fallið
niður töfluna á sínu öðru ári og þrjú
þeirra hafa fallið úr deildinni.
HK var spútniklið síðasta sumars en nú er
runninn upp nýr dagur og nýjabrumið er
farið af öllu. HK-liðið setti skemmtilegan
svip á Landsbankadeildina í fyrra enda leik-
gleði og baráttuandinn hvergi meiri en hjá
HK. Liðið fékk nokkra stóra skelli inn á
milli á útivöllum en lifði á góðum árangri á
heimavelli sínum þar sem liðið fékk 94 pró-
sent stiga sinna (15 af 16) og skoraði 82 pró-
sent marka sinna (14 af 17).
Jón Þorgrímur Stefánsson skoraði flest
mikilvægustu mörkin fyrir HK-liðið í fyrra,
en hann hefur nú yfirgefið Kópavogsliðið
og spilar með Fram í sumar. Það eru fleiri
forföll í liðinu því annað árið í röð missir
HK efnilegasta leikmann sinn skömmu fyrir
mót. Í fyrra var það Kolbeinn Sigþórsson en
nú er Hólmar Örn Eyjólfsson á förum frá
liðinu.
HK-ingar hafa styrkt lið sitt mun meira
en þeir gerðu fyrir tímabilið í fyrra þegar
flestum spekingum þótti forráðamenn liðs-
ins vera kaldir að stökkva út í djúpu laugina
með óreynt og ungt lið.
Sá bjartsýni trúir því að HK-liðið ná að
byggja ofan á síðasta sumar og fóta sig
betur í deildinni. Liðið á að hans mati að
geta forðast fallið og nálgast miðja deild ef
nýir útlendingar falla vel að leik liðsins.
Sá svartsýni sér ekkert nema fall í spilun-
um. Annað árið er alltaf mjög erfitt og HK
þarf nú að finna sér nýjan mann til þess að
skora stóru mörkin í sumar fyrst að Jón
Þorgrímur er á bak og burt.
Nýr dagur runninn upp
FÓTBOLTI Chelsea og Liverpool
mætast á Stamford Bridge í kvöld í
seinni leik liðanna í undanúrslitum
Meistaradeildar Evrópu. Fyrri leik
liðanna lauk eins og kunnugt er
með 1-1 jafntefli á Anfield þar sem
John Arne Riise skoraði sjálfs-
mark á 95. mínútu.
Sjálfsmark Norðmannsins gæti
reynst Liverpool dýrkeypt þar sem
félaginu hefur gengið einstaklega
illa að skora gegn Chelsea á Brúnni
eftir að Rafa Benitez tók við sem
knattspyrnustjóri og ekki skorað
þar í átta leikjum undir stjórn
Spánverjans. Málin hafa reyndar
þróast þannig að sökudólgurinn
Riise gæti fengið uppreisn æru og
verður að öllum líkindum í byrjun-
arliðinu að þessu sinni á kostnað
Fabio Aurelio, sem meiddist í fyrri
leik liðanna. Benitez gæti reyndar
einnig kosið að færa Jamie Carrag-
her í hægri bakvörðinn og vera
með Sami Hyypiä og Martin Skrtel
sem miðverði og Alvaro Arbeloa í
vinstri bakverðinum.
Steven Gerrard, fyrirliði Liver-
pool, viðurkennir að staða Chel-
sea sé vænlegri fyrir leikinn í
kvöld en hann sé þó engu að síður
bjartsýnn.
„Ef ég á að vera raunhæfur við-
urkenni ég að Chelsea stendur
betur að vígi þar sem liðinu hefur
vegnað vel á heimavelli sínum
undanfarið. Á móti kemur að við
höfum sýnt í Meistaradeildinni að
við getum unnið hvaða lið sem er
á útivelli,“ sagði Gerrard.
Þrátt fyrir gott gengi Chelsea
gegn Liverpool á Stamford Bridge
er sagan ekki á bandi Lundúna-
liðsins þegar komið er í Meistara-
deildina þar sem Liverpool hefur
slegið Chelsea tvisvar sinnum út í
undanúrslitum á síðustu þremur
árum og Chelsea hefur aldrei í
sögu félagsins komist í úrslita-
leikinn.
Það eru hins vegar góðar frétt-
ir fyrir Chelsea að miðjumaður-
inn Frank Lampard verður að
öllum líkindum með liðinu á ný
eftir að hafa misst af leiknum
gegn Manchester United um helg-
ina vegna dauða móður sinnar. Þá
verður Michael Essien með í
kvöld en hann missti af leiknum á
Anfield vegna leikbanns. - óþ
Chelsea og Liverpool mætast í seinni leik undanúrslita Meistaradeildarinnar á Stamford Bridge í kvöld:
Ekki skorað í átta leikjum á Brúnni
SÖKUDÓLGURINN Riise fær líklega
tækifæri í byrjunarliði Liverpool til þess
að bæta fyrir sjálfsmarkið í fyrri leik
liðanna. NORDIC PHOTOS/GETTY
HANDBOLTI Heimir Örn Árnason
liggur enn undir feldi og íhugar
framtíð sína. Samkvæmt heimild-
um Fréttablaðsins hafa nýliðar
FH í N1-deildinni gert Heimi
freistandi tilboð. Heimir staðfesti
það við Fréttablaðið í gær.
„Tilboðið frá FH-ingum var
mjög gott. Ég er samt ekkert
búinn að ákveða að fara þangað,“
sagði Heimir. Fjöldi félaga hefur
haft samband við hann á síðustu
dögum en Stjarnan hefur gefið
honum leyfi til að tala við önnur
lið.
„Ég vil taka mér tíma í þetta og
vanda valið. Þetta verður líklega
minn síðasti samningur enda sé
ég ekki fram á að spila handbolta
lengur en í tvö ár í viðbót,“ sagði
Heimir Örn. - hbg
Heimir Örn Árnason:
Íhugar tilboð
frá FH-ingum
HEIMIR ÖRN Gæti spilað með ungu og
efnilegu FH-liði næsta vetur.
FRÉTTABLAÐIÐ/VILHELM
FÓTBOLTI Samkvæmt heimildum
BBC Sport mun Sven-Göran
Eriksson, knattspyrnustjóri
Manchester City, verða rekinn frá
félaginu í lok yfirstandandi
keppnistímabils. Thaksin
Shinawatra, eigandi City, mun
vera óánægður með gengi liðs
síns á þessu ári og er sagður hafa
tjáð Eriksson á fundi eftir 2-3
tapleik gegn Fulham á Borg-
ar leikvanginum í Man chester um
helgina að hann væri ekki rétti
maðurinn í starfið.
Eriksson tók við City fimm
vikum fyrir fyrsta leik í deildinni,
náði frábærum árangri til að
byrja með og félagið var til að
mynda í þriðja sæti deildarinnar í
nóvember, en eftir jól hefur City
aðeins unnið fjóra af síðustu
fimmtán leikjum og er sem
stendur í níunda sæti. - óþ
Enska úrvalsdeildin:
Eriksson verður
rekinn frá City
Á FÖRUM Samkvæmt heimildum BBC
Sport verður Eriksson rekinn frá City eftir
tímabilið. NORDIC PHOTOS/GETTY
FÓTBOLTI Manchester United sigr-
aði Barcelona 1-0 í seinni leik lið-
anna á Old Trafford í gærkvöld og
tryggði sér þar með farseðilinn í
úrslitaleikinn í Moskvu. Í kvöld
ræðst hvort mótherji United verð-
ur Chelsea eða Liverpool.
Búist var við því að bæði liðin
myndu nálgast leikinn af varkárni
á Old Trafford í gærkvöld en allt
annað var upp á teningnum. Hrað-
inn var gríðarlega mikill allt frá
byrjun þar sem gestirnir í Barce-
lona náðu að koma United úr jafn-
vægi á upphafsmínútunum með
vel skipulagðri hápressu þar sem
Lionel Messi virkaði hættulegur í
hvert sinn sem hann fékk boltann.
Englandsmeistararnir voru þó
ekki lengi að ná takti
í leik sinn og þá
gerast hlutirnir
yfirleitt fljótt fyrir
sig á þeim bænum.
Eftir tæpan stundar-
fjórðung braust
Cristiano Ronaldo upp
vinstri kantinn en mátti
ekki við margnum í bar-
áttunni við varnarmenn
Barcelona sem náðu þó
ekki koma boltanum
lengra en beint í lapp-
irnar á Paul Scholes.
Refurinn Scholes
fékk boltann í sinni
uppáhaldsstöðu rétt
fyrir utan vítateiginn og
var ekki lengi að afgreiða
hann upp í hægra mark-
hornið, án þess
að Victor Vald-
es kæmi nokkrum vörn-
um við.
Leikmenn Barcelona voru
smá tíma að jafna sig á markinu
en eftir það komu ágæt marktæki-
færi á báða bóga. Deco ógnaði
marki United í tvígang með stuttu
millibili og Luis Nani var svo
nálægt því að bæta við marki fyrir
heimamenn en skalli hans rétt
missti marks og staðan var 1-0 í
hálfleik.
Í upphafi síðari hálfleiks gerði
United sig líklegra til þess að bæta
við marki heldur en Barcelona að
jafna leikinn. Tíminn var að vinna
með United sem fór eðlilega að
leggja allt kapp á varnarleikinn
þegar líða tók á leikinn.
Frank Rijkaard, knattspyrnu-
stjóri Barcelona, reyndi að lífga
upp á sóknarleik sinna manna með
því að skipta þeim Thierry Henry
og Bojan Krkic inn á, en vörn Unit-
ed var föst fyrir.
Eiður Smári Guðjohnsen var
svo kynntur til leiks á 88. mínútu
og á lokakafla leiksins var boltinn
meira en minna inni á vallarhelm-
ingi United þar sem Börsungur
reyndu hvað þeir gátu til þess að
jafna leikinn og tryggja sér þar
með í úrslitaleikinn.
United hélt hins vegar velli og
lokatölur urðu 1-0 og í raun vel við
hæfi að enginn annar en Scholes
hafi skorað sigurmarkið í sínum
100. leik í Meistaradeildinni.
Sigur United er ennfremur tólfti
sigur félagsins í röð á heimavelli í
Meistaradeildinni sem er met.
Owen Hargreaves, leikmaður
United, fór engu að síður fögrum
orðum um Barcelona í leikslok.
„Barcelona er frábært lið sem
er gaman að horfa á en taktísklega
séð vorum við sterkari og leik-
skipulag okkar í leikjunum tveim-
ur gekk 100% upp,“ sagði Har-
greaves. omar@frettabladid.is
Scholes skaut United til Moskvu
Mark Paul Scholes á 14. mínútu nægði Manchester United til sigurs í einvígi sínu gegn Eiði Smára og félög-
um í Barcelona. Í kvöld ræðst hvort Chelsea eða Liverpool mætir United í úrslitaleiknum í Moskvu 21. maí.
SÆLA OG SORG Leikmenn United fögnuðu dátt í leikslok á Old Trafford í
gærkvöld en Eiður Smári sést labba niðurlútur í bakgrunninum.
NORDIC PHOTOS/GETTY
HETJAN Gamli refurinn
Paul Scholes stal
senunni á Old Trafford
í gærkvöld.
NORDIC PHOTOS/GETTY
Man. Utd-Barcelona 1-0 (1-0)
1-0 Paul Scholes (14.).
Lið Man. Utd: Edwin Van der Sar, Rio
Ferdinand, Wes Brown, Patrice Evra
(92. Mikael Silvestre), Owen Hargrea-
ves, Paul Scholes (77., Darren Flet-
cher), Michael Carrick, Luis Nani (77.,
Ryan Giggs), Cristiano Ronaldo,
Ji-Sung Park, Carlos Tevez.
Lið Barcelona: Victor Valdes,
Gianluca Zambrotta, Carles Puyol,
Gabriel Milito, Eric Abidal, Yaya Toure
(88., Eiður Smári Guðjohnsen),
Lionel Messi, Xavi, Deco, Andres
Iniesta (60., Thierry Henry), Samuel
Eto‘o (72., Bojan Krkic).