Fréttablaðið - 24.06.2008, Blaðsíða 17

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ SUMAR O.FL.
Veðrið hefur leikið við borgarbúa undanfarna
daga. Árni Valdimar Bernhöft er einn þeirra
sem skauta um borgina á línuskautum.
„Ég er búinn að spila íshokkí í sautján ár og hef keppt
frá því skautasvellið var opnað. Svo liggur það bein-
ast við þegar ísinn þiðnar að fara á línuskautana,“
segir Árni Valdi eins og hann er jafnan kallaður.
Hann vill meina að sportið sé ekki hættulegt, svo
lengi sem fólk kunni að skauta. Aðstæður til að renna
sér á línuskautum hafa einnig batnað ár frá ári.
„Með betri göngustígum og bættri umferðar-
menningu er auðveldara að ferðast um á línuskautum.
Þetta er líka fjölskylduvænt sport og holl útivist. Ef
þetta er rétt gert er þetta líka hörku líkamsrækt og
með því að taka vel á þjálfar maður vel rassinn og
lærin,“ bætir hann við hlæjandi.
Árni er annar tveggja sem kenna á línuskauta hjá
Línuskautafélagi Íslands og hefur sinnt námskeiðs-
haldi allt frá árinu 1999. Hann segist ekki eiga sér
neina uppáhaldsleið í borginni en nefnir að hægt sé
að skauta frá Gljúfrasteini í Mosfellssveit og niður í
Nauthólsvík, alls um 25 km leið. Alla leiðina segir
Árni hægt að skauta á göngustígum og aðeins þrisvar
þurfi að fara yfir umferðargötu. Nú er hann að skipu-
leggja hópferð þessa leið til styrktar góðgerðarmál-
um.
„Ferðin er ráðgerð í júlí en ekki er komin nákvæm
dagsetning ennþá. Hún verður farin í þágu útivistar,
fjölskyldu og barna en við erum að undirbúa þetta í
samvinnu við barnadeild Hringsins á Landspítalan-
um. Annars höfum við verið mjög duglegir að kynna
fyrir fólki leiðir til að skauta í borginni og erum með
skautakvöld á miðvikudögum þar sem allir eru vel-
komnir. Við auglýsum þá á heimasíðunni www.linu-
skautar.is hvar við hittumst og þar er líka hægt að
skrá sig á námskeiðin.“
Árni Valdi er ákveðinn í að renna sér sem lengst á
skautum og línuskautum. „Alveg hiklaust, ég er búinn
að vera í sautján ár í íshokkí og ætla að bæta öðrum
sautján árum við og auðvitað fylgja línuskautarnir
þar á eftir.“
heida@frettabladid.is
Gott fyrir rass og læri
Árni Valdi fer borgina þvera og endilanga á línuskautunum. FRÉTTABLAÐIÐ/ARNÞÓR
ENGIN FEILSPOR
Hópur kvenna hittist alltaf
klukkan níu á morgnana í
Hreyfingu í Glæsibæ og
tekur á í ræktinni.
HEILSA 2
SUMAR Á SVÖLUNUM
Margrét Pétursdóttir leikkona
eyðir löngum stundum á
svölunum heima hjá sér í
Grænuhlíðinni yfir sumar-
tímann.
SUMAR 3
Almennur opnunartími
Mán - Föstudagar 09 - 18
Laugardaga 11 - 16
www.patti.is
Vísa/Euro/K-lán/Raðgreiðslur