Fréttablaðið - 24.06.2008, Qupperneq 37

ÞRIÐJUDAGUR 24. júní 2008 21
„Þetta er auðvitað góð kynning á
verkinu sem verður spilað í
útvarpsstöðvum víða um heim,“
segir Daníel Bjarnason tónskáld.
Daníel lenti nýverið í öðru sæti í
alþjóðlegri tónskáldakeppni sem
haldin var á vegum Alþjóðatón-
listarráðsins í Dyflinni.
„Verkið mitt var valið af Ríkis-
útvarpinu til þess að taka þátt en
þátttökulönd eru frá fjórum
heimsálfum.“
Tónverkið heitir „Öll hljóð bíða
þagnar“ og var samið fyrir sumar-
tónleika í Skálholti í fyrrasumar.
„Ég samdi þetta fyrir kammer-
sveitina Ísafold sem frumflutti
þetta í Skálholti,“ segir Daníel.
Næst á dagskrá hjá honum er
vinna í vinnustúdíói fyrir óperu-
tónskáld í Covent Garden í Lund-
únum í júlí.
„Í haust fer ég síðan til New
York þar sem ég mun ljúka við að
semja píanókonsert fyrir Víking
Heiðar Ólafsson,“ segir Daníel.
Píanókonsertinn verður síðan
frumfluttur af Sinfóníuhljómsveit
Íslands í febrúar 2009.
Daníel lærði tónsmíðar og píanó-
leik á Íslandi en hélt til Freiburg í
Þýskalandi til að leggja stund á
hljómsveitarstjórnun. Þaðan
útskrifaðist hann árið 2007.
Tónverkið „Öll hljóð bíða
þagnar“ verður flutt í Ósló í byrj-
un september í tengslum við hátíð
ungtónskálda á Norðurlöndum
(UNM-hátíðin).
- vsp
Í víking til New York
DANÍEL BJARNASON Gerir það gott á alþjóðlegum vettvangi.
Aðrir tónleikar tónleika raðarinnar Klassík
á Kjarvalsstöðum fara fram annað kvöld
og hefjast kl. 20. Í þetta sinn stíga á stokk
tvær góðar tónlistarkonur, þær Ingveldur
Ýr Jóns dóttir söngkona og Guðríður Sig-
urðardóttir píanóleikari sem saman skipa
dúóið Inga og Gurrí og flytja úrval af
skemmtilegri tónlist sem gleður eyrun.
Efnisskrá kvöldsins samanstendur af nýlegum
íslenskum sönglögum sem eiga það sameiginlegt að
vera öll eftir núlifandi tónskáld. Gaman er að geta
þess að þrjú tónskáldanna sem koma við sögu á
tónleikunum eiga stórafmæli á þessu ári; Jórunn
Viðar verður níræð, Jón Ásgeirsson áttræður og Atli
Heimir Sveinsson verður sjötugur á árinu. „Við
ákváðum að gefa afmælistónskáldunum þó nokkuð
vægi á efnisskránni, enda góð ástæða til að hylla þau
dálítið á þessum stórafmælum. Annars einkennir
léttleiki og gaman efnisskrána á þessum Jónsmessu-
tónleikum; við flytjum lög um verur og vætti og
grínumst aðeins á milli laga.“
Auk ofannefndra afmælis tónskálda eiga verk á
efnisskránni þau John Speight, Hjálmar H. Ragnars-
son, Hildigunnur Rúnarsdóttir og Tryggvi M.
Baldvinsson. Það er ekki á hverjum degi sem að
tónlistarunnendum býðst að hlýða á svo mörg verk
núlifandi íslenskra tónskálda og því ljóst að hér er
nokkuð athyglisverð efnisskrá á ferðinni. „Þetta
æxlaðist nú bara svona,“ útskýrir Ingveldur. „Við
vorum að velja okkur lög til að flytja og tókum eftir
því að þau sem okkur leist best á voru ansi mörg
eftir núlifandi tónskáld, þannig að það varð allt í
einu stefnan hjá okkur. Það er líka gaman að hafa
tónleikana svona þjóðlega og skemmtilega með því
að bjóða upp á verk sem spanna það sem hefur verið
að gerast í tónsmíðum hérlendis á seinni hluta
tuttugustu aldarinnar.“
Tónleikaröðin Klassík á Kjarvals stöðum er
samvinnuverkefni Lista safns Reykjavíkur og
Félags íslenskra tónlistarmanna. Aðgangs eyrir er
1.500 krónur en frítt er inn fyrir fólk að 21 árs aldri
og alla tónlistarnema þar að auki. vigdis@frettabladid.is
Íslensk tónskáld í hávegum
höfð á Jónsmessu
INGA OG GURRÍ Skemmtilegt dúó sem kemur fram á Kjarvals-
stöðum annað kvöld. FRÉTTABLAÐIÐ/VILHELM