Fréttablaðið - 14.09.2008, Qupperneq 56

20 14. september 2008 SUNNUDAGUR
sport@frettabladid.is
Landsbankadeild kvenna
Valur-Stjarnan 8-0
Dóra María Lárusdóttir 3 (4., 74., 76), Margrét
Lára Viðarsdóttir 3 (40., 83., 90.), Katrín Jónsdótt-
ir (28.), Ásta Árnadóttir (63.)
Fjölnir-Breiðablik 1-4
Helga Franklínsd.- Berglind B. Þorvaldsd., Harpa
Þorsteinsd., Sara Björk Gunnarsd., sjálfsmark.
Afturelding-KR 0-1
0-1 Edda Garðarsdóttir (67.)
Þór/KA-Keflavík 6-3
Rakel Hönnudóttir 4 (3., 13., 57., 90.), Mateja
Zver (65.), Ivana Ivanovic (72.) - Guðrún Ólöf
Olsen (7.), Agnes Helgadóttir (55.), Guðný
Þórðardóttir (89.)
HK/Víkingur-Fylkir 2-4
Lilja Dögg Valþórsd., Þórhildur Stefánsd. - Annii
Magliuulo 2, Courtney Sobrero, Sara Sigurlásd.
LOKASTAÐAN
Valur 18 17 0 1 91-15 51
KR 18 16 0 2 61-15 48
Breiðablik 18 11 2 5 46-34 35
Þór/KA 18 9 2 7 45-27 29
Stjarnan 18 6 4 8 26-34 22
Afturelding 18 6 2 10 16-35 20
Fylkir 18 6 1 11 23-45 19
Keflavík 18 5 3 10 29-50 18
HK/Víkingur 18 2 4 12 20-51 10
Fjölnir 18 2 2 14 14-65 8
Enska úrvalsdeildin
BLACKBURN-ARSENAL 0-4
0-1 Robin van Persie (7.), 0-2 Emmanuel Ade-
bayor (45.), 0-3 (46.), 0-3 Emmanuel Adebayor
(80.), 0-4 Emmanuel Adebayor (91.).
FULHAM-BOLTON 2-1
1-0 Zoltan Gera (14.), 2-0 Bobby Zamora (40.),
2-1 Kevin Davies (81.). Grétar Rafn Steinsson
lék fyrstu 65 mínúturnar í liði Bolton en var þá
skipt út af fyrir Heiðar Helguson.
LIVERPOOL-MANCHESTER UNITED 2-1
0-1 Carlos Tevez (2.), 1-1 Sjálfsmark (26.), 2-1
Ryan Babel (76.).
NEWCASTLE UNITED - HULL 1-2
0-1 King (33.), 0-2 King (54.), 1-2 Xisco (81.).
PORTSMOUTH-MIDDLESBROUGH 2-1
0-1 Mido (23.), 1-1 Jermain Defoe (58.), 2-1
Jermain Defoe (85.). Hermann Hreiðarsson
kom inn á sem varamaður á 85. mínútur
WEST BROMWICH-WEST HAM 3-2
1-0 Morrison (4.), 1-1 Noble (27.), 1-2 Neill (34.),
2-2 Bedna¡r (37.), 3-2 Chris Brunt (82.).
WIGAN-SUNDERLAND 1-1
0-1 Sjálfsmark (15.), 1-1 Amr Zaki (77.)
Manchester City-Chelsea 1-3
1-0 Robinho (13.), 1-1 Ricardo Carvalho (16.), 1-2
Frank Lampard (53.), 1-3 Nicolas Anelka (70.)
STAÐA EFSTU LIÐA
Chelsea 4 3 1 0 9-2 10
Liverpool 4 3 1 0 5-2 10
Arsenal 4 3 0 1 8-1 9
Hull City 4 2 1 1 5-8 7
ÚRSLITIN Í GÆR
FÓTBOLTI Valskonur tryggðu sér
Íslandsmeistaratitilinn í knatt-
spyrnu kvenna þriðja árið í röð
með því að vinna öruggan 8-0 sigur
á Stjörnunni í lokaumferðinni.
Þetta var fyrsti Íslandsmeist-
arabikarinn sem kemur í hús á
nýja Vodafone-vellinum að Hlíð-
arenda en sá fjórði á síðustu fimm
árum hjá hinu sterka kvennaliði
Valsmanna. Það hefur lengi legið
nokkuð ljóst fyrir að Valsliðið
myndi tryggja sér titilinn en það
þurfti að klára leikina og það
gerðu Valskonur með sannfær-
andi hætti.
Sophia Mundy lagði upp öll þrjú
mörk Valsliðsins í fyrri hálfleik,
það fyrsta fyrir Dóru Maríu Lár-
usdóttur strax á 3. mínútu, þá
skallamark fyrir fyrirliðann Katr-
ínu Jónsdóttur og loks þrítugasta
mark Margrétar Láru Viðarsdótt-
ur í deildinni í sumar fimm mínút-
um fyrir leikhlé.
Valsliðið skoraði síðan fimm
mörk í seinni hálfleik þar sem
Mundy lagði upp tvö til viðbótar
og bæði Dóra María og Margrét
Lára náðu að fullkomna þrennu
sína.
Margrét Lára Viðarsdóttir hefur
gefið það út að hún hafi spilað sitt
síðasta tímabil á Íslandi en hún
hefur skorað yfir 30 mörk og unnið
Íslandsmeistaratitilinn þrjú síð-
ustu sumur.
„Ég er virkilega ánægð en ég
get alveg viðurkennt það að maður
svaf ekki mikið í nótt vegna
spennu. Við kláruðum þetta svo
sannfærandi og getum verið virki-
lega sáttar með okkar framlag í
þessu móti,“ sagði Margrét Lára
en tímabilið er ekki búið hjá Val.
„Það má segja að við séum hálfn-
aðar. Við eigum bikarinn eftir og
svo Evrópukeppnina. Ég ætla að
gefa allt mitt í Val því stelpurnar
eiga það skilið að ég einbeiti mér
að Val,“ sagði Margrét Lára.
„Þetta er búið að vera mér mjög
erfitt sumar. Ég er búin að eiga við
erfið meiðsli að stríða sem taka á
andlega en ég veit að ég stóð uppi
sem sigurvegari gagnvart sjálfri
mér og er stolt af því.“
Dóra María Lárusdóttir hefur
spilað frábærlega í sumar og þá
sérstaklega á Vodafone-vellinum
þar sem hún hefur skorað 10 af 15
mörkum sínum. Dóra fékk nú að
vera með í meistarafögnuðinum
en hefur undanfarin ár verið farin
í skóla í Bandaríkjunum á sama
tíma. „Nú fékk ég loksins að vera
með í sigurhátíðinni sem er miklu
skemmtilegra því þetta er aðal-
málið. Ég fylgdist bara með á net-
inu og textavarpinu síðustu ár,“
sagði Dóra María kát en hún hefur
blómstrað framarlega á miðjunni í
sumar.
Freyr Alexandersson hefur
verið viðloðandi Valsliðið síðustu
ár en þetta sumarið var hann
annar aðalþjálfara liðsins. „Þetta
var bara flugeldasýning og við
erum í skýjunum með þetta. Það
er gríðarlega samstaða og vinnu-
semi í þessu liði og þær eru tilbún-
ar að leggja allt að veði til að ná á
toppinn,“ sagði Freyr áður en hann
rauk aftur inn í fagnaðarlætin.
„Þetta er búið að vera frábært
sumar. Þetta er þriðja árið í röð
sem við verðum Íslandsmeistarar
en núna loksins fengum við að
taka á móti bikarnum á okkar
eigin heimavelli. Maður verður
aldrei leiður á því að taka á móti
Íslandsbikarnum,“ sagði Katrín
Jónsdóttir, fyrirliði Vals.
Valsarar fögnuðu tveimur
Íslandsbikurum í gær því 4. flokk-
urinn varð einnig Íslandsmeistari
og fékk að vera með í sigurhátíð-
inni með meistaraflokknum. „Við
sáum þær spila í dag og það er frá-
bært að hafa þær hérna,“ sagði
Katrín að lokum. ooj@frettabladid.is
Valur meistari með stæl
Valskonur settu á svið flugeldasýningu í 8-0 sigri á Stjörnunni þar sem þær
tryggðu sér titilinn þriðja árið í röð. Bæði Dóra María Lárusdóttir og Margrét
Lára Viðarsdóttir skoruðu þrennu og Sophia Mundy lagði upp fimm mörk.
STJÓRNAÐI SIGURSÖNGUM Guðbjörg Gunnarsd‘ottir; markvörður Vals er komin aftur af stað
eftir að hafa slitið hásin í vor og hún stjórnaði sigursöngum í leikslok. FRÉTTABLAÐIÐ/STEFÁN
FÓTBOLTI Liverpool vann í gær
erkifjendur sína í Manchester
United í fyrsta sinn síðan Spán-
verjinn Rafael Benitez tók við lið-
inu en meistararnir í United voru
búnir að vinna sjö af síðustu átta
leikjum liðanna í ensku úrvals-
deildinni.
„Við sýndum karakter og spil-
uðum góðan fótbolta. Við unnum
vel og í seinni hálfleik vorum við
betra liðið. Þetta var gríðarlega
mikilvægur sigur fyrir sjálfs-
traust minna manna og við vitum
núna að við getum unnið alla,“
sagði Rafa Benitez, eftir leik.
Ryan Babel kom inn á sem
varamaður og skoraði sigurmark
Liverpool sex mínútum síðar og
til að kóróna slæman dag
Manchester-liðsins þá var Nem-
anja Vidic rekinn út af í lok leiks-
ins fyrir ljótt olnbogaskot á Xabi
Alonso.
Manchester United og Dimitar
Berbatov, sem lék sinn fyrsta leik
með liðinu, fengu þó draumabyrj-
un þegar Búlgarinn lagði upp
mark fyrir Carlos Tevez á þriðju
mínútu en Liverpool jafnaði þökk
sé sjálfsmarki frá Wes Brown.
Markið var það fyrsta hjá Liver-
pool í sjö leikjum á móti United
en það þurfti United-mann til að
brjóta ísinn.
„Þetta er búin að vera alltof
löng bið en við fengum ekki
aðeins þrjú stig með þessum sigri
heldur einnig trú og mikið sjálfs-
traust. Við höfum verið á eftir
United og Chelsea en nú erum við
á toppi deildarinnar þar sem við
eigum að vera,“ sagði Jamie
Carragher, varnarmaður Liver-
pool.
„Varnarleikurinn var mjög
slakur í báðum mörkunum en
heilt yfir voru þeir betra liðið.
Liverpol spilaði af grimmd og við
réðum ekki við það,“ sagði Sir
Alex Ferguson, stjóri United,
eftir leikinn.
Liverpool er ásamt Chelsea á
toppi deildarinnar en bæði lið eru
með 10 stig. Chelsea vann 3-1 úti-
sigur á Manchester City. Þá skor-
aði Emmanuel Adebayor þrennu í
4-0 útisigri Arsenal á Blackburn
og Íslendingaliðin Bolton og West
Ham töpuðu bæði. - óój
Rafael Benitez, knattspyrnustjóri Liverpool, fagnaði langþráðum sigri gegn erkifjendunum í gær:
Fyrsti sigur Liverpool á United í sjö ár
LOKSINS Sir Alex Fergusson og Rafael
Benitez þakka hvor öðrum fyrir leik-
inn. NORDICPHOTOS/AFP
> Stjörnukonur meistarar meistaranna
Íslands- og bikarmeistarar Stjörnunnar unnu öruggan
7 marka sigur á Fylki, 28-21, í árlegum leik í Meistara-
keppni HSÍ í gær en þjálfari Fylkis
er Aðalsteinn Eyjólfsson sem
gerði Stjörnuna að Íslands-
meisturum síðustu tvö ár.
Harpa Sif Eyjólfsdóttir (mynd til
hægri) og Alina Petrache skor-
uðu 6 mörk fyrir Stjörnuna
og Elísabet Gunn-
arsdóttir var með
4 mörk. Sunna
Jónsdóttir skoraði
7 mörk fyrir Fylki.
Íslenska karlalandsliðið í körfubolta tapaði með sextán stiga
mun, 68-84, á móti Hollandi í Almere í gær í öðrum
leik sínum í Evrópukeppninni. „Við vorum meira eða
minna fjórum til fimm stigum á eftir þeim allan leikinn
en aldrei meira. Það vantaði síðan alltaf herslumuninn
að ná þeim,“ sagði Sigurður Ingimundarson, þjálfari
íslenska liðsins, eftir leikinn en Holland skoraði 15 stig
í röð í fjórða leikhlutanum og gerði þá út um leikinn.
„Þeir voru að setja niður alveg fáránlega erfið skot í
fjórða leikhlutanum. Þeir settu meðal annars niður tvo
þrista í röð úti í horni þegar aðeins ein sekúnda var eftir
af skotklukkunni. Þeir áttu hörkuleik,“ sagði Sigurður.
NBA-leikmaðurinn Francisco Elson (Mil-
waukee Bucks) var erfiður viðureignar í gær.
Hann skoraði 28 stig, tók 11 fráköst auk
þess sem hann batt saman vörn liðsins
og gerði leikmönnum íslenska liðsins
erfitt fyrir að skora nálægt körfunni.
„Elson átti stórleik og við áttum í basli með
hann og áttum einnig í basli með að skora undir körfunni. Það var
munurinn á liðunum því okkur tókst ekki að skora úr þessum auð-
veldu skotum nálægt körfunni,“ sagði Sigurður. „Við vorum að spila
fantavel í meira en 36 mínútur af leiknum en við misstum þá frá
okkur á nokkrum mínútum í lokin.“
Páll Axel Vilbergsson var stigahæstur íslenska liðsins með 12
stig; Helgi Magnússon, Hlynur Bæringsson, Logi Gunnarsson og Jón
Arnór Stefánsson skoruðu allir 9 stig. Jón Arnór skoraði 7 af fyrstu 9
stigum íslenska liðsins en síðan aðeins 2 það sem eftir lifði leiksins.
„Það er mjög mikilvægt að halda sjó og byrja að einbeita okkur
að leiknum á miðvikudaginn þar sem við spilum við
Svartfjallaland heima,“ sagði Sigurður. „Hollend-
ingar fara til Danmerkur næst og þeir eiga eftir að
lenda í vandræðum þar. Við fáum Svartfjallaland í
heimsókn á sama tíma og við þurfum bara að ná
úrslitum í þeim leik, það er bara svoleiðis. Þetta
er mjög opinn riðill og það er mjög mikilvægt
að menn vinni heimaleikina sína.“
SIGURÐUR INGIMUNDARSON: ÍSLENSKA KÖRFUBOLTALANDSLIÐIÐ TAPAÐI MEÐ 16 STIGUM Í HOLLANDI
Nú verðum við að ná úrslitum á móti Svartfjallalandi