Fréttablaðið - 15.09.2008, Blaðsíða 8
8 15. september 2008 MÁNUDAGUR
RV
U
n
iq
u
e
0
90
80
1
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Á kynningarverði
Svansmerkt RV hreinsiefni
með ferskum ilmi.
UM
HVERFISMERKI Svansmerkt RV hreinsiefni
- með ferskum ilmi
Á tilboði í september 2008Svansmerktar Lotus
Professional pappírsvörur20 % afsláttur
REYKJAVÍK Breiðholtsdagar hefjast
í sjötta sinn í dag og standa yfir til
laugardags. Forseti Íslands, Ólafur
Ragnar Grímsson, og Dorrit
Moussaieff
verða gestir
hátíðarinnar í
dag. Forsetinn
setur hátíðina
formlega
klukkan 14. Um
leið opnar hann
málverkasýn-
ingu heyrnar-
lausra myndlist-
armanna í
Félagsmiðstöðinni Árskógum.
Alla morgna klukkan 7.30 verður
pottakaffi í Breiðholtslaug og verð-
ur Þórarinn Eldjárn borgarlista-
maður gestur í dag. Þá verður Óskar
Bergsson, formaður borgarráðs, í
pottakaffi á fimmtudag.
Helstu markmið Breiðholtsdaga
eru að stuðla að aukinni samheldni,
samveru og hverfisvitund íbúa þar
sem fólk á öllum aldri kemur
saman á ýmsum stöðum til að
auðga andann og skemmta sér. - fb
Breiðholtsdagar hefjast í dag:
Forseti Íslands
setur hátíðina
ÓLAFUR RAGNAR
GRÍMSSON
1 Hvaða danska banka stóð til
að Kaupþing tæki yfir?
2 Hvers eðlis voru skemmdirn-
ar sem voru unnar á vaxmynd
Adolfs Hitler á safni í Berlín?
3 Valsstúlkur tryggðu sér
Íslands meistaratitil í fótbolta
um helgina með sigri á Stjörn-
unni. Hvernig fór leikurinn?
SVÖR Á SÍÐU 30
Fá ekki að reka smáhýsi
Skipulags- og byggingarnefnd
Norðurþings segist í umsögn til
sýslumanna leggjast gegn notkun
fjögurra smáhýsa í Keldunesi til ferða-
þjónustu. Húsin voru reist í sumar án
samþykkis sveitarstjórnar.
NORÐURÞING
SVEITARSTJÓRNIR Samgönguráðu-
neytið óskar eftir skýringum
Akraneskaupstaðar á því að tölvu-
þjónusta bæjarins var ekki boðin
út heldur samið beint við Tölvu-
þjónustu SecureStore ehf.
„Það virðist ekki hafa verið
gengið eðlilega til þessa verks. Til
dæmis er ekki fengið samanburð-
arverð hjá samkeppnisaðilum,“
segir Eyjólfur S. Stefánsson tölvu-
rekstrarfræðingur sem kærði
bæjaryfirvöld til ráðuneytisins.
Eigendur Tölvuþjónustunnar
SecureStore ehf. eru fjárfestirinn
Bjarni Ármannsson og Örn Gunn-
arsson – sem er sonur Gunnars
Sigurðssonar, forseta bæjar-
stjórnar. Fyrir-
tækið hefur um
langt skeið ann-
ast tölvuþjón-
ustu fyrir
bæinn.
Gunnar Sig-
urðsson segir að
ekkert óeðlilegt
hafi verið við
það að semja við
SecureStore.
Sjálfur hafi hann þó hvorki tekið
þátt í umræðum um málið né
afgreiðslu málsins í bæjarstjórn.
„Samkvæmt mínum heimildum
var verkið alls ekki tilbúið til
útboðs en með þeirri vinnu sem nú
á að vinna vonumst við til að þetta
verði tilbúið í útboð á næsta ári.
Ef þetta hefði þurft að fara í
útboð hefði þetta auðvitað farið í
útboð. Við höfum ekki hag af því
að brjóta á einum eða neinum og
fara ekki eftir leikreglum,“ segir
forseti bæjarstjórnar. - gar
Akraneskaupstaður kærður fyrir að semja án útboðs um tölvuþjónustu bæjarins:
Ráðuneytið óskar eftir skýringum
GUNNAR
SIGURÐSSON
Það virðist ekki hafa verið
gengið eðlilega til þessa
verks. Til dæmis er ekki fengið
samanburðarverð hjá sam keppn-
is aðilum.
EYJÓLFUR S. STEFÁNSSON
TÖLVUREKSTRARFRÆÐINGUR
MENNTUN Hjallastefnan hefur
rekstur grunnskóla í Reykjavík í
byrjun næsta mánaðar. Þetta var
samþykkt af menntaráði borgar-
innar í síðustu viku. Fyrst um
sinn verður skólinn innan veggja
leikskólans Laufásborgar. Þar eru
nú þegar tíu sex ára börn í námi
ásamt fimm ára gömlum börnum.
Skólinn tekur til starfa í byrjun
október. Tveir grunnskólakennarar
og tveir leikskólakennarar munu
starfa við skólann fyrsta árið en
Margrét Pála Ólafsdóttir, fram-
kvæmdastjóri og stofnandi Hjalla-
stefnunnar, munu gegna starfi
skólastjóra fyrsta starfsárið.
- kdk
Barnaskóli Hjallastefnunnar:
Fimmtán barna
grunnskóli
LÖGREGLUMÁL Bæjarstjórar í Hafn-
arfirði, Kópavogi og Garðabæ
hafa allir miklar áhyggjur af
fækkun lögreglumanna á höfuð-
borgarsvæðinu. Eins og kom fram
í Fréttablaðinu á laugardag hefur
þeim fækkað um sextán frá árinu
1990 á sama tíma og íbúum hefur
fjölgað um rúm fjörutíu þúsund.
Bæjarstjórarnir, sem og Dagur
B. Eggertsson, borgarfulltrúi
Samfylkingarinnar og Vilhjálmur
Þ. Vilhjálmsson, forseti borgar-
stjórnar, telja allir að snúa þurfi
þessari þróun við. „Þetta er bara í
takt við það sem við höfum verið
að gera athugasemdir við. Við
höfum látið það koma skýrt fram
að við séum ósáttir við það hvern-
ig er verið að draga saman í lög-
gæslunni hér á höfuðborgarsvæð-
inu. Það er mjög fróðlegt að fá
þetta svart á hvítu í tölum og þetta
er í anda þess sem við skynjum og
finnum,“ segir Lúðvík Geirsson,
bæjarstjóri Hafnarfjarðar. Hann
segir sýnileika lögreglunnar í
hverfunum ekki þann sama og
áður. „Forvörnin og öryggið bygg-
ir ekki síst á því að við vitum að
menn eru til staðar.“
Ekkert hlustað á rövlið
Gunnar Birgisson, bæjarstjóri
Kópavogs, segist lengi hafa haft
áhyggjur af ástandinu. „Samsetn-
ing lögregluliðsins er þannig að
þeir eru allir inni á kontór en ekki
úti á svæðinu. Við höfum rövlað og
ég kannski hvað hæst í þessu en
það er ekkert hlustað á það þannig
að þetta stendur svoleiðis.“
Gunnar Einarsson, bæjarstjóri
Garðabæjar, er á sama máli. „Við
höfum auðvitað áhyggjur af því að
missa þessa nær-lögreglu eins og
við vorum með áður en kom til
þessi breyting á lögregluskipan á
landinu. Við misstum að okkur
finnst dálítið sambandið við hverfa-
lög regluna. Svo eru mörg sveitar-
félög farin að ráða viðbótarkraft
til að halda uppi ákveðinni örygg-
isgæslu, eins og Securitas,“ segir
Gunnar. „Við í Garðabæ höfum
ekki farið þá leið og ég held að lög-
reglan þyrfti að skoða það hvort
það sé ekki hægt að koma upp
þannig kerfi að það verði annað
lag fyrir neðan núverandi lögreglu
sem hefði með ákveðna öryggis-
vörslu að gera, sem væri innan
lögreglunnar og hefði beinar upp-
lýsingar frá lögreglunni.“
Fáliðuð á mikilvægum vöktum
Dagur B. Eggertsson segir að
auka þurfi sýnilegu löggæsluna til
muna. „Lögreglan hefur því miður
þurft að vera mjög fáliðuð á mik-
ilvægum vöktum í sumar þannig
að á þessu þarf einfaldlega að taka
vegna þess að þetta er grunnþjón-
usta í samfélaginu sem við vitum
að skilar miklum árangri ef hún
er eins góð og við og lögreglan
viljum hafa hana.“ Hann er einnig
ósáttur við kjör lögreglumanna og
telur þau vera tímasprengju. „Ég
hef ekkert legið á því að þessar
grunnstéttir sem eru umönnunar-
stéttir, heilbrigðisstéttir, kennar-
ar og lögreglu- og slökkvilið, það
þarf að huga að kjörum þeirra.“
Vilhjálmur Þ. Vilhjálmsson
segir mikilvægt að lögreglumönn-
um fjölgi í samræmi við íbúa.
„Það er mikilvægt er að löggæsl-
an verði efld og þá ekki síst svo-
kölluð hverfalöggæsla sem reynst
hefur afar vel. Ég treysti dóms-
málaráðuneytinu og lögreglusam-
bandinu á höfuðborgarsvæðinu
til að vinna að framgangi þessa
máls þannig að löggæslumál í
borginni og í nágrannasveitar-
félögum séu með viðeigandi hætti
fyrir íbúa og öryggi þeirra,“ segir
Vilhjálmur.
freyr@frettabladid.is
Ósáttir við
færri löggur
Bæjarstjórar í Hafnarfirði, Kópavogi og Garðabæ
hafa áhyggjur af fækkun lögreglumanna á höfuð-
borgarsvæðinu og telja að bæta þurfi ástandið.
LÖGREGLAN Ráðamenn á höfuðborgarsvæðinu eru ósáttir við fækkun lögreglu-
manna frá árinu 1990 en íbúum hefur fjölgað um 40 þúsund síðan þá.
FRÉTTABLAÐIÐ/STEFÁN
VEISTU SVARIÐ?