Fréttablaðið - 15.09.2008, Blaðsíða 11

MÁNUDAGUR 15. september 2008 11
SKIPULAGSMÁL Á annað hundrað manns sóttu
opna kynningarfundi á vegum Listaháskóla
Íslands í Regnboganum í gær þar sem starf-
semi skólans og vinningstillaga í samkeppni
um nýtt hús var kynnt almenningi.
„Við höfum haldið sambærilega kynningar-
fundi fyrir ýmsa hópa og reynsla okkar er sú
að með þekkingu á tillögunni koma fram ný
viðhorf hjá fólki. Margir sem voru neikvæðir í
upphafi skipta um skoðun þegar þeir skoða til-
löguna og kynnast hugsuninni á bak við hana,“
segir Hjálmar H. Ragnarsson, rektor Lista -
háskólans.
Eftir fundinn sköpuðust fjörugar umræður
þar sem Ólafur F. Magnússon, fyrrverandi
borgarstjóri, kvaddi sér meðal annarra hljóðs
og lýsti undrun sinni á því að engir kjörnir full-
trúar væru sjáanlegir á fundinum. Hjálmar
tekur undir orð Ólafs. „Við buðum fólki úr pól-
itíkinni sérstaklega að koma enda hefði ég
haldið að það væri lærdómsríkt fyrir það að
heyra sjónarmiðin sem rædd voru,“ segir
Hjálmar.
Tillagan hefur verið kynnt fyrir skipulags-
ráði og er nú í rýni hjá skipulagsstjóra. „Það
ferli tekur einhvern tíma en við vonumst til að
því ljúki í haust. Vonandi getum við í samein-
ingu aðlagað tillöguna að sjónarmiðum sem
flestra. Við förum þó ekki út í neinar megin-
breytingar á byggingunni enda erum við ákaf-
lega ánægð með hana,“ segir Hjálmar. - þo
Kynningarfundir um nýbyggingu Listaháskóla Íslands voru vel sóttir um helgina:
Þekking á tillögunni kallar fram ný viðhorf
TILLAGAN KYNNT Á fundunum var starfsemi skólans
kynnt auk þess sem Páll Hjaltason, arkitekt hjá
+Arkitektum, útskýrði tillöguna og teikningar af
nýbyggingunni í þaula. FRÉTTABLAÐIÐ/STEFÁN
UMHVERFISMÁL „Árósasamning ur -
inn verður fullgiltur á kjör -
tímabilinu, án nokkurs vafa,“
sagði Þórunn Sveinbjarnardóttir
umhverfisráðherra þegar hún
ræddi skýrslu um umhverfismál í
liðinni viku.
Árni Þór
Sigurðsson,
þingmaður VG,
vakti athygli á
ónákvæmu
orðalagi í
skýrslunni um
samninginn,
sem aðrar
þjóðir EES-
svæðisins munu
hafa fullgilt.
Fullgilding samningsins hefði
meðal annars í för með sér að
umhverfissamtök hefðu aðgengi
að réttarúrræði og ættu
auðveldara með að kæra
framkvæmdir, svo sem vegna
stóriðju.
Þórunn skoðar nú hvort farin
verði stjórnsýsluleið eða
dómstólaleið við fullgildingu
samningsins. - kóþ
Umhverfisráðherra á Alþingi:
Mun fullgilda
Árósasamning
ÞÓRUNN SVEIN-
BJARNARDÓTTIR
LÖGREGLUMÁL Brotist var inn í
slökkvistöðina í Vík í Mýrdal og
gramsað í sjúkrabíl á tímabilinu
frá hálfsjö í fyrrakvöld til
hálftólf í gær. Að sögn varðstjóra
lögreglunnar í Vík var litlu sem
engu stolið og mestu verðmætin
látin eiga sig.
Þjófurinn eða þjófarnir brutu
rúðu í útidyrum til þess að
komast inn á slökkvistöðina. Svo
virðist sem þeir hafi verið á
höttunum eftir lyfjum því búið
var að róta í sjúkrabíl sem stóð
ólæstur inni á stöðinni. Bar það
engan árangur þar sem lyfja-
kassar voru ekki á staðnum.
Að sögn lögreglunnar í Vík var
ekki á hreinu hvort einn eða
fleiri hefðu verið að verki.
- fb
Brutust inn á slökkviðstöð:
Talið að þjófar
hafi leitað lyfja
LÖGREGLUMÁL Ökumenn sex bíla
voru stöðvaðir grunaðir um
ölvunarakstur á höfuðborgar-
svæðinu í fyrrinótt. Einni
bifreiðinni hafði verið ekið á
umferðarljós við gatnamót
Miklubrautar og Stakkahlíðar
laust eftir klukkan tvö. Tveir
karlmenn á fertugsaldri voru í
bílnum og voru þeir báðir
handteknir. Ekki er ljóst hvor
þeirra keyrði bílnum.
Lítill erill var hjá lögreglunni í
miðborginni en þó var töluvert
um ölvun. Alls voru átta manns
látnir dúsa í fangageymslum
lögreglunnar vegna mikillar
ölvunar. - fb
Rólegt þrátt fyrir mikla ölvun:
Sex teknir fullir
undir stýri