Fréttablaðið - 15.10.2008, Blaðsíða 10
10 15. október 2008 MIÐVIKUDAGUR
TÉKKLAND, AP Í skjali úr fórum
öryggislögreglu kommúnista-
stjórnarinnar í Tékkóslóvakíu er
fullyrt að rithöfundurinn Milan
Kundera hafi árið 1950, þegar
hann var námsmaður í Prag og
félagi í kommúnistaflokknum,
ljóstrað upp um landa sinn sem
var síðan dæmdur fyrir njósnir í
22 ára refsivist og afplánaði 14 ára
þrælkunarvinnu í úrannámum.
Svonefnd Rannsóknarstofnun
um alræðisstjórnir, sem sett var á
fót eftir hrun kommúnismans í
byrjun tíunda áratugarins til að
halda til haga hverjir hefðu lagt
kúgunarstjórn kommúnista lið í
áratuga valdatíð hennar, segir að
umrætt skjal hafi komið í ljós í
rannsókn sagnfræðinga stofnun-
arinnar. Kundera, sem nú er 79 ára
og hefur búið utan Tékklands frá
árinu 1968, sendi tafarlaust frá sér
yfirlýsingu þar sem hann segir
ekkert hæft í ásökuninni.
Maðurinn sem um ræðir heitir
Miroslav Dvoracek. Hann hafði
gengist á mála
hjá samtökum
útlægra Tékka
sem vildu grafa
undan kommún-
istastjórninni í
Prag sem náði
völdum í skjóli
Rauða hersins
árið 1948. Að
sögn sagnfræð-
inganna hafði Dvoracek skilið
eftir ferðatösku hjá konu einni í
Prag. Konan lét kærasta sinn vita
af töskunni. Sá hafði samband við
Kundera sem gerði lögreglu við-
vart. Dvoracek var síðan handtek-
inn er hann hugðist sækja tösk-
una. - aa
Milan Kundera borinn hálfrar aldar gömlum sökum:
Sakaður um uppljóstrun
MILAN KUNDERA
BANDARÍKIN, AP John McCain, for-
setaframbjóðandi repúblikana í
Bandaríkjunum, kynnti í gær
nýjar hugmyndir sínar í efnahags-
málum, daginn eftir að mótfram-
bjóðandi hans, demókratinn Bar-
ack Obama, kynnti sínar
hugmyndir.
McCain lofaði 52 milljörðum
dala úr ríkissjóði til að hjálpa mið-
stéttarfólki í gegnum verstu hörm-
ungar efnahagshamfaranna, en
Obama hafði á mánudaginn meðal
annars lofað níutíu daga frystingu
húsnæðislána og skattaafslætti til
fyrirtækja sem skapa ný atvinnu-
tækifæri.
Fjármálakreppan, sem hófst í
Bandaríkjunum og hefur breiðst
víða um heim, er nú aðalkosninga-
málið í Bandaríkjunum. Þetta
hefur skilað sér í auknu fylgi til
Obama, en McCain og Repúblik-
anaflokkurinn missa að sama
skapi fylgið frá sér.
Skoðanakannanir í Michigan,
Wisconsin og Minnesota sýna að
McCain er að tapa fylgi þar. Þetta
eru slæmar fréttir fyrir McCain,
því þótt demókratar hafi yfirleitt
átt góðu gengi að fagna í þessum
þremur ríkjum, þá höfðu mál þró-
ast á þann veg að McCain virtist
eiga góða von á sigri í þeim öllum.
Óflokksbundnir kjósendur, sem
eru um fjórðungur allra skráðra
kjósenda þetta árið, virðast auk
þess skiptast nokkurn veginn jafnt
á milli þeirra tveggja, sem eru
slæmar fréttir fyrir McCain því
meðal skráðra kjósenda í ár eru
demókratar mun fleiri en
repúblikanar.
Á landsvísu hefur Obama verið
að mælast með 53 prósenta fylgi
en McCain aðeins með 43 prósenta
fylgi. Fátt virðist því koma í veg
fyrir sigur Obama, nema eitthvað
óvænt komi fyrir á lokasprettin-
um.
Á mánudaginn viðurkenndi
McCain að hann stæði ekki vel að
vígi en sagðist þó vonast til að ná
sér á strik aftur. Þetta sagði hann
á kosningafundi í Virginíu þar sem
repúblikanar eiga í vök að verjast
þótt demókratar hafi ekki unnið
þar sigur í forsetakosningum
síðan 1964.
Þriðju og síðustu kappræður
þeirra Obama og McCains eru í
kvöld, en innan við þrjár vikur eru
til kosninga þar sem úrslit ráðast
loks eftir lengstu kosningabaráttu
sögunnar í Bandaríkjunum.
gudsteinn@frettabladid.is
McCain tapar
fylgi í efna-
hagskrísunni
Þriðju og síðustu kappræður Obama og McCains
eru í kvöld. Báðir frambjóðendurnir hafa kynnt
kjósendum nýjar hugmyndir sínar í efnahagsmál-
um. Fátt virðist geta stöðvað sigurgöngu Obama.
BARACK OBAMA Forsetaefni demókrata, var í keppnisskapi á mánudag og gekk hús
úr húsi milli kjósenda í bænum Holland í Ohio. FRÉTTABLAÐIÐ/AP
KISA MEÐ TÚRBAN Á kattasýningu í
Biskent, höfuðborg Tadsjikistans, gat að
líta þessa prúðbúnu kisu með vefjar-
hött. NORDICPHOTOS/AFP
EFNAHAGSMÁL Meðlimum Sinfóníu-
hljómsveitar Íslands sárnar að fyrir-
huguð ferð þeirra til til Japans hafi
verið blásin af.
Þröstur Ólafs-
son, fram-
kvæmdastjóri
hljómsveitarinn-
ar, segir þetta
mikið áfall.
Hljómsveitin
og fylgdarlið
hennar, alls átta-
tíu og fimm
manns, áttu að
leggja af stað í nítján daga ferðalag
í lok mánaðarins. Undirbúningur
hafði staðið yfir í tvö ár en förin
sjálf var í boði velunnara sveitar-
innar í Japan. Velunnarinn hafi nú
hins vegar gefið þær skýringar að
ekki sé áhugi lengur fyrir komu
sveitarinnar en fyrir fáum vikum
var mikil eftirspurn eftir því að
komast á tónleika sveitarinnar. Illt
orðspor Íslendinga sem skapast
hafi vegna hruns bankakerfisins
hafi valdið því að Japanar hafi ekki
áhuga á því sem íslenskir listamenn
hafi fram að færa.
„Þetta sýnir algjört vantraust á
öllu því sem íslenskt er,“ segir
Þröstur og bætir við að sárt sé að
sjá ástandið bitna á þeim sem síst
skyldi. Þannig sé það þó því miður
oftast.
Tónleikar Sinfóníunnar á föstu-
dag og laugardag, en þeir áttu að
vera undirbúningstónleikar fyrir
Japansförina, verða haldnir. - kdk
Bankakreppan bitnar illa á íslensku tónlistarfólki:
Japanar vantreysta Sinfóníunni
SINFÓNÍUHLJÓMSVEITIN Ekki ríkir lengur
áhugi fyrir því sem listamenn sveitarinn-
ar hafa fram að færa í Japan.
FRÉTTABLAÐIÐ/GVA ÞRÖSTUR
ÓLAFSSON
DÓMSTÓLAR Tæplega tvítugur karl-
maður hefur verið ákærður fyrir
að halda öðrum manni nauðugum,
tekið hann hörðu kverkataki og
slegið hann í andlitið. Þá var mað-
urinn ákærður fyrir að hafa ráðist
að tveimur lögreglumönnum við
skyldustörf.
Maðurinn réðst fyrst á
manninn á bílastæði á Ísafirði,
sneri hann niður og neyddi hann
til að hlusta á skipanir og
viðvaranir sínar.
Skömmu síðar elti hann sama
mann inn á salerni, læsti og
þjarmaði að honum með ýmsum
hætti.
Hinn ákærði sneri svo lög-
reglumann við skyldustörf niður
og hrinti honum svo á annan
lögreglumann þannig að báðir
féllu í götuna.
- jss
Tæplega tvítugur ákærður:
Röð ofbeldis-
verka
VIÐSKIPTI Glitnir hefur selt alla
starfsemi sína í Finnlandi.
Kaupverðið mun vera trúnaðar-
mál, en fjármálaeftirlit Finnlands
hafði milligöngu um söluna.
Kaupendurnir eru stjórnendur
Glitnis Finnland, dótturfélags
Glitnis þar í landi, en forstjóri
félagsins, Johannes Schulman,
segir í viðtali við finnska
viðskiptablaðið Taloussanomat að
ráðgert sé að bjóða sem flestum
starfsmönnum bankans þar í
landi að kaupa hlut í honum. Alls
starfa 250 manns hjá félaginu,
sem mun nú taka upp nafnið FIM,
en svo hét starfsemin fyrir
yfirtöku Glitnis fyrir ári. - msh
Glitnir selur eignir í FInnlandi:
Glitnir í
Finnlandi selt