Fréttablaðið - 15.10.2008, Blaðsíða 42
26 15. október 2008 MIÐVIKUDAGUR
sport@frettabladid.is
Landsliðsfyrirliðinn Hermann Hreiðarsson tekur fyllilega undir orð
landsliðsþjálfarans Ólafs Jóhannessonar um að íslenska landsliðið
stefni óhikað á að taka þrjú stig gegn Makedóníu í undan-
keppni HM 2010, en leikurinn fer fram á Laugardalsvell-
inum í kvöld kl. 18.
„Skilaboðin á bak við þá fullyrðingu eru fyrst
og fremst þau að getan er vissulega til staðar hjá
íslenska landsliðinu. En eins og oft hefur verið sagt
þá er ekkert nóg að bulla bara endalaust eitthvað
utan vallar, það þarf að bakka það upp inni á vellin-
um og vonandi gerum við það,“ segir Hermann.
Hermann, sem lék sinn 80. landsleik fyrir Íslands
hönd um síðustu helgi gegn Hollandi, er ánægður
með þær framfarir sem hafa átt sér stað hjá íslenska
landsliðinu upp á síðkastið en telur nú mikilvægt að
fara að hala inn stig líka.
„Það er margt jákvætt við þessa þrjá leiki
sem við erum búnir að spila í riðlinum
og ákveðinn stöðugleiki í því sem við
erum að gera. Eitt stig finnst okkur samt vera rýr uppskera miðað við
spilamennskuna og við viljum bæta fyrir það. Nú er bara að halda
áfram þessum stíganda og taka stigin líka, þau eru það sem
skiptir máli í þessu,“ segir Hermann.
Flestir, ef ekki allir, eiga von á því að Holland muni vinna
9. riðil með nokkrum yfirburðum en baráttan um annað
sætið gæti orðið spennandi og Hermann segir ekkert
ráðið um hvernig það endi allt saman.
„Fyrirfram töldu menn ef til vill að baráttan um annað
sætið myndi standa á milli Skotlands og Noregs en eins og
riðillinn hefur verið að spilast þá er í raun allt opið enn þá.
Makedóníumenn eru með hörkusterkt fótboltalið og þeirra
árangur upp á síðkastið undirstrikar það og þeir eru að mínu
mati ekkert síðri en Skotar og Norðmenn. Með sigri gegn
Makedóníu getum við líka blandað okkur í baráttuna og gert
þetta skemmtilegt og þá verður allt opið fyrir síðari umferðina.
Það er enn langt í land og það á margt eftir að gerast í þessum
riðli, það er klárt mál,“ segir Hermann.
HERMANN HREIÐARSSON: TELUR AFAR MIKILVÆGT AÐ ÍSLAND ENDI FYRRI UMFERÐ 9. RIÐILS Á SIGRI
Með sigri verður allt opið fyrir síðari umferðina
> Webb farinn frá Skallagrími
Það varð endanlega ljóst í gær að Ken Webb mun ekki
þjálfa körfuknattleikslið Skallagríms áfram. Í ljósi efna-
hagsástandsins gat Skallagrímur ekki staðið
við samning sinn við Webb, þeir reyndu að
ná nýjum samningum en þær samninga-
viðræður skiluðu engu. Webb stýrir sinni
síðustu æfingu hjá liðinu í kvöld. Í
kjölfarið munu leikmenn liðsins
funda með stjórn um framhaldið
og hvernig þeir vilji haga málum.
Fastlega er búist við því að Pálmi
Sævarsson, fyrirliði liðsins, taki við
þjálfuninni og þá hugsanlega með
öðrum leikmönnum.
FÓTBOLTI Kvennalið Vals lauk
keppni í Evrópukeppninni í gær
þegar liðið lagði Alma frá
Kasakstan 8-0. Sigurinn dugði
ekki til þess að fleyta liðinu
áfram.
Margrét Lára Viðarsdóttir
skoraði þrjú mörk fyrir Val,
Hallbera Gísladóttir og Kristín
Ýr Bjarnadóttir skoruðu tvö hver
og Dóra María Lárusdóttir bætti
einu við. - hbg
Valsstúlkur í Evrópukeppni:
Stórsigur
gegn Alma
MARGRÉT LÁRA Skoraði grimmt í
Evrópukeppninni. FRÉTTABLAÐIÐ/STEFÁN
FÓTBOLTI Brede Hangeland,
fyrirliði norska landsliðsins, telur
að fátt geti komið í veg fyrir að
Hollendingar fari með sigur af
hólmi í 9. riðli undankeppni HM
2010. Baráttuna um annað sætið í
riðlinum telur varnartröllið hins
vegar standa á milli Norðmanna
og Skota.
„Af þeim tveimur leikjum sem
við höfum spilað í riðlinum þá
verð ég að segja að Skotar eru
mun sterkari mótherjar en
Íslendingar. Við hefðum átt að
vinna Ísland auðveldlega á
heimavelli en leikurinn gegn
Skotlandi á útivelli var erfiður og
jafntefli sanngjörn niðurstaða.
Við Norðmenn höfum reyndar
ekki mætt Makedóníumönnum
enn þá og ég á von á því að þeir
séu betri en margir halda.
Baráttan um annað sætið stendur
þó að mínu mati á milli Noregs og
Skotlands,“ segir Hangeland í
viðtali við skoska dagblaðið The
Daily Record.
Norðmenn mæta Hollendingum
á Ullevaal-leikvanginum í Ósló í
kvöld. - óþ
Brede Hangeland:
Hefðum átt
að vinna Ísland
BJARTSÝNN Brede Hangeland telur að
baráttan um annað sæti 9. riðils standi
á milli Norges og Skotlands.
NORDIC PHOTOS/GETTY
FÓTBOLTI Kristján Guðmundsson, þjálfari Kefla-
víkur, fékk það hlutverk hjá Ólafi Jóhannes-
syni landsliðsþjálfara að njósna um lið Make-
dóníu. Það hefur Kristján gert og síðan kortlagt
makedóníska liðið. Hann segir verkefnið í dag
vera mjög erfitt.
„Þetta er geysiöflugt lið og rétt mat að þetta
lið sé kandídat í annað sæti riðilsins. Þeir eru
ekki með breiðan hóp en hafa fínt byrjunarlið.
Markvörðurinn er ágætur, varnarmennirnir
reyndir en þeir spila þriggja manna varnarleik
með „sweeper“. Svo er fín blanda á miðjunni af
teknískum spilurum og hörðum nöglum. Kant-
mennirnir eru mjög sprækir og svo er stjarnan
Goran Pandev frammi og hann stjórnar þessu
mikið,“ sagði Kristján. Hann gerir ráð fyrir að
Makedóníumenn muni spila 3-4-3 leikkerfið í
dag en þeir hafa einnig spilað 3-5-2.
„Veikleikarnir hjá þeim liggja meðal annars
á bak við hægri kantmanninn sem gefur oft
svæði. Annars þurfa hraðar sóknir að vera í
gangi hjá okkur upp vængina því þeir reyna að
hægja á öllu með því að brjóta og annað. Þeir
vilja hafa leikinn hægan og eru stundum lengi
að stilla upp í föstum leikatriðum sem gæti
nýst okkur. Þess utan eru þeir ekkert sérstakir
í föstum leikatriðum.“
Kristján telur íslenska liðið verða að byrja
af krafti. „Ég tel okkur þurfa að skora á undan
og helst snemma til að slá þá út af laginu. Ef
þeir ná að stýra ferðinni og keyra hraðann
niður þá verður þetta mjög erfitt.“
- hbg
Njósnari Íslands um Makedóníu, Kristján Guðmundsson, segir lið Makedóníu sterkara en Norðmenn og Skota:
Ísland verður að skora á undan og helst snemma
FÓTBOLTI Sérstök valnefnd á vegum
KSÍ og Stöð 2 Sport hefur með
aðstoð íslensku þjóðarinnar valið
Ásgeir Sigurvinsson besta knatt-
spyrnumann sögunnar úr glæsi-
legum hópi tíu knattspyrnumanna
sem þóttu hafa skarað fram úr á
fyrstu 62 árunum í sögu Knatt-
spyrnusambands Íslands. Ásgeir
fékk verðlaunin afhent í gær í
glæsilegu hófi en þar voru saman-
komnir allir tíu bestu knattspyrnu-
menn Íslands frá upphafi fyrir
utan Albert heitinn Guðmunds-
son.
Ásgeir Sigurvinsson lék sautján
tímabil við góðan orðstír í Belgíu
(1973-1981) og Vestur-Þýskalandi
(1981-1990) þar sem lið hans voru
oftast í fremstu röð í sínum deild-
um. Hans lið enduðu átta sinnum
meðal þeirra þriggja efstu og í
fjórtán af þessum sautján tímabil-
um lék hann með liði sem var í
hópi sex bestu liða deildarinnar.
Ásgeir var tvívegis kjörinn
íþróttamaður ársins af samtökum
íþróttamanna, árin 1974 og 1984.
Ásgeir er fæddur og uppalinn í
Vestmannaeyjum og var kominn í
stórt hlutverk hjá ÍBV árið 1972
þegar hann var aðeins á sínu sautj-
ánda ári. Ásgeir gerðist síðan
atvinnumaður hjá belgíska liðinu
Standard Liege um mitt sumar
1973, þá aðeins 18 ára gamall.
Hann náði strax að tryggja sér
fast sæti í liðinu. Ásgeir lék með
Standard í átta tímabil eða fram á
sumar 1981.
Sumarið 1981 gekk hann hins
vegar til liðs við þýska stórveldið
Bayern München þar sem léku
margar stærstu stjörnur þýska
boltans. Ásgeir fékk þar fá tæki-
færi og ákvað að yfirgefa félagið
eftir aðeins eitt tímabil. Ásgeir
valdi að semja við Stuttgart og við
tók farsæll og glæsilegur ferill
hans á Neckarstadion. Ásgeir var
lengi fyrirliði Stuttgart og þótti
einn besti leikmaður í þýska bolt-
anum í mörg ár.
Hápunktur ferils Ásgeirs var án
nokkurs vafa tímabilið 1983-1984
þegar hann varð lykilmaður á bak
við það að Stuttgart tryggði sér
meistaratitilinn í þýsku Bundesli-
gunni. Þetta var fyrsti meistara-
titill félagsins í 32 ár og eftir tíma-
bilið var Ásgeir kosinn besti
leikmaðurinn af öðrum leikmönn-
um í deildinni. Ásgeir skoraði 12
mörk í 31 leik á tímabilinu og var
aðalarkitektinn á bak við sóknar-
leik Stuttgart-liðsins. Ásgeir náði
því einnig að verða bikarmeistari í
þremur löndum, Íslandi (ÍBV
1972), Belgíu (Standard Liege
1981) og Vestur-Þýskalandi (Bay-
ern München 1982).
Eyjapeyinn lék alls 481 deildar-
leik á ferlinum, 21 með ÍBV (7
mörk), 249 með Standard Liege
(57 mörk), 17 með Bayern
München (1 mark) og 194 með
Stuttgart (39 mörk). Ásgeir náði
að skora 103 mörk í þessum leikj-
um en hundraðasta deildarmarkið
hans kom í 4-0 stórsigri á Nürn-
berg 13. september 1988. Ásgeir
spilaði alls 60 leiki í Evrópukeppni
fyrir sín félög og skoraði í þeim
tólf mörk.
Ásgeir lék alls 45 landsleiki á
ferlinum en þegar hann lék þann
fyrsta á móti Dönum 3. júlí 1972
var hann yngsti landsliðsmaður
Íslands frá upphafi eða aðeins 17
ára og 56 daga gamall. Ásgeir lék í
raun alltof fáa landsleiki á sínum
ferli en hann lék þann 45. og síð-
asta í 2-1 sigri á Tyrkjum 20. sept-
ember 1989. Ásgeir skoraði fimm
mörk fyrir landsliðið.
Ásgeir endaði feril sinn á toppn-
um þá 35 ára gamall þegar hann
var með samningstilboð úr mörg-
um áttum. Ásgeir lék sinn síðasta
leik með Stuttgart 12. maí 1990.
Ásgeir Sigurvinsson var stórt nafn
í evrópskri knattspyrnu á sínum
tíma. Franz Beckenbauer, lands-
liðseinvaldur Þýskalands á þeim
tíma, sagði að hann hefði valið
Ásgeir í þýska landsliðið og þegar
Stuttgart mætti Napoli í úrslita-
leikjum UEFA-bikarsins 1989 var
leikjunum stillt upp sem einvígi á
milli Ásgeirs og Diego Armando
Maradona. Hæfileikar Ásgeirs á
knattspyrnuvellinum voru vissu-
lega einstakir. Yfirsýn hans og
sendingageta gat splundrað vörn
mótherjanna á svipstundu og
vinstri fóturinn var hans þekkt-
asta vopn enda bjó Ásgeir yfir
mikilli skothörku og skottækni.
Ásgeir skoraði sem dæmi ófá stór-
glæsileg mörk á sínum farsæla
ferli og einstakur ferill hans hefur
nú tryggt honum útnefninguna
besti knattspyrnumaður Íslands
fyrr og síðar. ooj@frettabladid.is
Ásgeir valinn sá besti í sögunni
Ásgeir Sigurvinsson var í gær kjörinn besti knattspyrnumaður Íslands frá árinu 1946. Kjörið er samvinnu-
verkefni á milli Stöðvar 2 Sport og KSÍ en Ásgeir var krýndur sá besti í glæsilegu hófi í höfuðstöðvum KSÍ.
UNGUR EYJAPEYI Ásgeir sést hér ungur
að árum í leik með ÍBV.
Á TOPPNUM MEÐ STUTTGART Ásgeir lék
við frábæran orðstír hjá Stuttgart og var
valinn besti leikmaður þýsku deildarinn-
ar árið 1984.
GLÆSILEGUR HÓPUR Ásgeir sést hér ásamt öðrum sem voru heiðraðir í gær. Efri röð frá vinstri: Pétur Pétursson, Rúnar Kristins-
son, Arnór Guðjohnsen, Eiður Smári Guðjohnsen, Guðni Bergsson. Neðri röð frá vinstri: Ingi Björn Albertsson sem veitti viðtöku
verðlaunum fyrir föður sinn Albert, Ásgeir, Ríkharður Jónsson og Atli Eðvaldsson. Sigurður Jónsson komst ekki. FRÉTTABLAÐIÐ/ARNÞÓR