Fréttablaðið - 15.10.2008, Blaðsíða 41
MIÐVIKUDAGUR 15. október 2008 25
Tímaritið Reykjavík Grapevine
stendur fyrir daglegri útgáfu
tónlistarblaðsins Grapevine
Airwaves á meðan tónlistarhátíðin
Iceland Airwaves stendur yfir.
Grapevine Airwaves kemur út
þrisvar sinnum og verður það
fyrsta gefið út á föstudag. Blaðið
verður skrifað á ensku og í því
verða viðtöl við listamenn sem
koma fram á hátíðinni, umfjöllun
um tónleika sem fóru fram kvöldið
áður, ásamt upplýsingum fyrir
erlenda gesti hátíðarinnar.
Erlendir blaðamenn frá blöðum á
borð við The Guardian og Kerrang!
skrifa í blaðið. Þetta er fjórða árið í
röð sem blaðið er gefið út og er það
prentað í 15 þúsund eintökum. - fb
Gefa út blað
um Airwaves
GRAPEVINE Markaðsstjórinn Jón Trausti
Sigurðarson og ritstjórinn Sveinn Birkir
Björnsson gefa út Grapevine Airwaves.
FRÉTTABLAÐIÐ/GVA
Svokallaðar „pöbb-kviss“ spurn-
ingakeppnir hafa verið vinsælar að
undanförnu og eru oft kallaðar
„Drekktu betur“. Í kvöld verður
boðið upp á sérstaka glæpaspurn-
ingakeppni sem kölluð er „Dreptu
betur“. Rithöfundarnir Árni Þórar-
insson og Páll Kr. Pálsson hafa
samið spurningarnar og spyrja
gesti. Þeir ætla að spyrja út í glæpa-
sögur og kvikmyndir. Fyrirkomu-
lagið er það sama og í „Drekktu
betur“. Í hinni svokölluðu „bjór-
spurningu“ verða þó verðlaunin
kaffi því keppnin fer fram í Te og
kaffi í Eymundsson í Austurstræti.
Hún hefst kl. 20 og er öllum opin.
Dreptu betur í kvöld
SPYRJA ÚT Í GLÆPASÖGUR Árni Þórar-
insson og Páll Kr. Pálsson.
Útgáfan Kimi Records frá Akur-
eyri heldur sérstakt Kima-kvöld á
Tunglinu (Gauki á Stöng). Boðið er
upp á eðaldagskrá. Mexíkóska ein-
menningssveitin Halo Between
hefur leik kl. 19, svo koma Hell-
var, Morðingjarnir, Borko, Benni
Hemm Hemm, Hjaltalín, Retro
Stefson og Reykjavík! Tvö síðustu
böndin gefa nú út nýjar plötur sem
verða til sölu í fyrsta sinn á tón-
leikunum. Ungstirnin í Retro Stef-
son eru að gefa út fyrstu plötuna
sína sem heitir Montaña. Önnur
plata Reykjavik!, The Blood,
kemur ekki út fyrr en í nóvember,
en í kringum Airwaves verða gerð
alveg spes 200 eintök.
„Við pökkuðum þessu inn í gær-
kvöldi,“ segir Baldvin Esra hjá
Kima. „Það voru keyptir fimmtíu
metrar af sandpappír og svo hjálp-
uðust allir við að pakka þessu
saman.“
Baldvin segir kreppuna krefj-
andi viðfangsefni. „Maður finnur
bara leiðir fram hjá henni og gerir
hlutina öðruvísi. Það er enn þá
ódýrara að pressa diska úti – vonar
maður allavega – en svo púsla
menn saman umslögum eða láta
búa til innanlands. Það er svo von-
andi að fólk fari að kaupa plötur til
að gefa í jólagjöf frekar en bíla
eða eitthvað.“
Einnig verður opið fyrir almenn-
ing í æfingahúsnæði Reykjavík!,
Borko og fleiri banda yfir hátíðina
á milli kl. 13 og 18. Æfingahús-
næðið er á Smiðjustíg, við hliðina
á Grand rokki. - drg
Reykjavík! í sandpappír
KEYPTU FIMMTÍU METRA AF SANDPAPPÍR Reykjavík! gantast í blómabeði.
MYND/JULIA STAPLES
Samkvæmt útgáfufélagi hljóm-
sveitarinnar Radiohead hefur
söngvarinn Thom Yorke ekki tekið
upp neitt nýtt efni með Björk.
Nýtt smáskífulag söngkonunnar,
Náttúra, þar sem Yorke syngur
bakraddir undir áköfum trommu-
takti, kemur út 20. október og
samkvæmt fregnum úr herbúðum
Bjarkar tóku þau lagið upp saman.
Einhver vafi virðist þó leika á
því og talið er líklegt að söngur
Yorke sé annaðhvort „samplaður“
eða hafi verið tekinn upp fyrir
löngu síðan. Björk og Yorke hafa
einu sinni áður sungið saman, eða
í laginu I´ve Seen It All úr
myndinni Dancer in the Dark frá
árinu 2000. - fb
Tók ekki upp
með Björk
THOM YORKE Útgáfufélag Radiohead
kannast ekkert við að Thom Yorke hafi
tekið upp nýtt lag með Björk.
„Ég ákvað að gefa lagið út á Íslandi
fyrst til að geta verið á staðnum og
kynnt það. Svo er alltaf fínt að hafa
afsökun til að koma til Íslands,“
segir tónlistarkonan Hafdís Huld
Þrastardóttir, sem er búsett á
Íslandi og í Bretlandi. Hún er nú
stödd hérlendis til að kynna nýj-
asta lag sitt, Stop, sem kemur út í
Evrópu og á iTunes 24. nóvember
næstkomandi, en er væntanlegt á
tonlist.is í lok vikunnar.
„Þetta er gamalt Sam Brown-lag
sem var notað í Mercedes Benz-
auglýsingu sem ég lék í og er mjög
„eitíslegt“, með miklum bakrödd-
um. Þegar fólk fór svo að spyrja
eftir minni útgáfu af laginu ákvað
ég að gera Hafdísarlegri útgáfu
sem er mjög lágstemmd og ólík
þeirri upprunalegu,“ útskýrir Haf-
dís og segist vera að skoða mögu-
leikann á því að koma með hljóm-
sveit sína hingað til lands til að
taka upp næstu plötu. „Ísland togar
alltaf mikið í mig og mig langar að
koma með fólkið hingað, en það er
kannski ekki vinsælt að koma með
fulla flugvél af Englendingum til
landsins eins og staðan er í fjár-
málaheiminum akkúrat núna,“
bætir hún við og segist óhjákvæmi-
lega finna fyrir breyttu viðhorfi
Breta í garð Íslendinga.
„Þetta er í fyrsta skipti sem það
er ekki ógeðslega „kúl“ að vera
Íslendingur. Ég er ein af þeim sem
er rosalega stolt af því, en núna
byrja allir fréttatímar á því hvað
við Íslendingar erum búnir að gera
Englendingum. Venjulegt fólk veit
flest að þetta er ekki fólkinu í land-
inu að kenna og þetta á eftir að líða
hjá, en það er viðbúið að ég verði
spurð út í fjárhagsástandið þegar
ég fer að kynna smáskífuna,“ segir
Hafdís. - ag
Breytt viðhorf til Íslendinga
ICELAND AIRWAVES: DAGUR 1
MEIRA GOTT Í KVÖLD
Múgsefjun trallar sitt þjóðlagarokk
á Organ kl. 21.45
Jeff Who? slúttar góðu íslensku
kvöldi á Hressó kl. 23
Skosku rokkararnir í Biffy Clyro á
Nasa kl. 23.45
GEFUR ÚT NÝTT LAG Hafdís segist upplifa það í fyrsta skipti að það sé ekki „ógeðs-
lega kúl“ að vera Íslendingur í Bretlandi, en vonar að það líði fljótt hjá.