Fréttablaðið - 15.10.2008, Blaðsíða 21

Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
Ljósmyndarinn Ragnar Axelsson
hefur síðastliðna tvo áratugi farið
í fjölmargar ferðir til Grænlands
og dvalið þar með veiðimönnum
úti á ísnum umkringdur borgarís-
jökum. Hann segir ekkert jafnast
á við það.
„Ég hef stundum verið vikum
saman úti á ísnum og þegar ég kem
heim ætla ég mér aldrei að fara
aftur. Svo líður vika og þetta fer að
toga í mig á ný,“ segir Ragnar. „Ef
maður hugsar einhvern tímann þá
er það þarna. Maður gerir sér líka
grein fyrir því hversu lítil mann-
eskjan er þegar horft er upp í
stjörnurnar í 40 stiga frosti innan
um ísjakana.“
Ragnar segir sér stundum líða
eins og milljarðamæringi þegar
hann mænir upp í stjörnuhimininn.
„Ég hef líka áttað mig á því hvað
það er sem skiptir máli og hversu
smávægileg vandamál mannsins
eru í hinu stóra samhengi. Þótt
kreppi að núna heldur lífið áfram
og lóan kemur næsta vor.“
Ragnar segist stundum hafa það
á tilfinningunni þegar hann kemur
heim úr ferðum sínum að fólk
keyri bara um í endalausa, til-
gangslausa hringi. „Ég er þó fljót-
ur að falla inn í sama farið en þetta
er mjög góð aðferð til að kúpla sig
út.“
Ragnar hefur verið að vinna að
bók um Norðurheimskautið. „Ég
mynda líf fólksins og umhverfið
sem er að breytast í kringum það
en vinnuheiti bókarinnar sem
kemur út næsta haust er Last days
of the Arctic. vera@frettabladid.is
Hugsar skýrt innan um
borgarísjaka á Grænlandi
Umvafinn mikilfenglegum borgarísjökum með tindrandi stjörnuhimin yfir höfði sér hugsar ljósmyndar-
inn Ragnar Axelsson skýrt. Hann gerir sér auk þess grein fyrir smæð sinni í hinu stóra samhengi.
Ragnar segir fátt jafnast á við það að aka um ísinn á hundasleða. MYND/ÚR EINKASAFNI
ÞEIR SEM VILJA LESA sér til um ástand fjallvega geta gert
það á vefsíðunni www.vegagerd.is. Þar er að finna upplýsingar um
umferð og færð um land allt, framkvæmdir, slysatíðni, skýrslur um
umferðaröryggismál, skipulagða viðburði sem Vegagerðin stendur
fyrir og margt fleira.
Skógarhlíð 18 • sími 595 1000
Akureyri • sími 461 1099 • www.heimsferdir.is
Hjálpaðu umhverfinu með
Blaðberanum
Þú færð Blaðberann þinn í Skaftahlíð 24
alla virka daga frá kl. 8-17.
...góðar fréttir fyrir umhverfiðBlaðberinn...