Fréttablaðið - 15.10.2008, Blaðsíða 18
MARKAÐURINN 15. OKTÓBER 2008 MIÐVIKUDAGUR2
F R É T T I R
Vika Frá ára mót um
Alfesca -25,9% -35,1%
Atorka -0,3% -63,1%
Bakkavör -55,4% -89,8%
Exista -0,9% -76,6%
Glitnir -100,0% -100,0%
Eimskipafélagið -61,2% -95,7%
Icelandair -6,0% -45,9%
Kaupþing -100,0% -100,0%
Landsbankinn -100,0% -100,0%
Marel -1,3% -30,3%
SPRON -2,3% -79,2%
Straumur -0,0% -53,1%
Össur -1,1% -14,7%
*Miðað við lokagengi í Kauphöll í gær.
G E N G I S Þ R Ó U N
Imon ehf., félag skráð á Magn-
ús Ármann, keypti fjögurra pró-
senta hlut í Landsbankanum
fyrir tæpa níu milljarða króna
skömmu áður en skilanefnd tók
yfir stjórn bankans á þriðjudag í
síðustu viku.
Hvorki liggur fyrir af hverjum
félagið keypti hlutina né hvern-
ig greitt var fyrir þá og hvort féð
hafi komið úr vasa Magnúsar.
Ljóst er að hlutabréf bankans eru
nú verðlaus. Mikil viðskipti voru
með hlutabréf í Landsbankanum
í Kauphöllinni helgina fyrir ríki-
svæðinguna.
Heildarviðskiptin námu 11,3
milljörðum króna en af þeim
námu utanþingsviðskipti 8,2
milljörðum. Eftir helgina voru
bréf Landsbankans sett á athug-
unarlista Kauphallarinnar en
núllstillt í gær og hefur bankinn
farið fram á afskráningu.
Imon var í enda ágúst stærsti
stofnfjáraðili Byrs með 7,7 pró-
senta hlut. Magnús Ármann var
með umsvifamestu hluthöfum
FL Group (nú Stoða) í gegnum
félagið Materia Invest og var
hann stjórnarmaður í félaginu
um tíma. Hann situr nú meðal
annars í stjórn 365, útgáfufélags
Fréttablaðsins og Stöðvar 2.
Ekki náðist í Magnús Ármann
við vinnslu fréttarinnar. - jab
MAGNÚS ÁRMANN Félag í eigu fjárfestisins
Magnúsar Ármanns keypti hlutabréf fyrir níu
milljarða króna í Landsbankanum rétt áður
en ríkið tók hann yfir. MARKAÐURINN/TEITUR
Smaug inn um dyr Landsbankans
Sheikh Mohamed bin Khalifa Al-
Thani, bróðir emírsins af Katar,
hefur hætt við kaup á 12,6 pró-
senta hlut í Alfesca.
Kaupin voru tilkynnt seint í
maí og fólu í sér að Al-Thani
keypti nýtt hlutafé í fyrirtækinu
fyrir tæpa 5,5 milljarða fyrir
aðalfund félagsins í næstu viku.
Al-Thani keypti fimm prósenta
hlut í Kaupþingi fyrir mánuði
fyrir 25 milljarða króna. Sá
hlutur varð að engu eftir þjóð-
nýtingu bankans í síðustu viku.
Í tilkynningu Alfesca segir
að ástæðan sé órói á fjármála-
mörkuðum, óvissa hér og mikil
veiking krónunnar.
Greining Glitnis segir þetta
slæm tíð-
indi fyrir Al-
fesca og ís-
lenskan hluta-
bréfamarkað.
Þetta komi
ekki á óvart í
ljósi þess sem
gengið hafi á í
Kauphöllinni.
Ljóst sé að krónan hafi verið er-
lendum fjárfestum fjandsam-
leg vegna þeirra miklu sveiflna
sem hafi einkennt hana. Nauð-
synlegt sé að fyrirtæki hér fái
að skrá hlutafé sitt í erlendri
mynt til að fýsilegra verði fyrir
erlenda fjárfesta að kaupa í
þeim. - jab
AL-THANI.
Al-Thani hættur við
„Umrótið hefur auðvit-
að áhrif á alla, en það
hefur gengið vel hjá
okkur. Okkur tókst að
verja og ávaxta, eiginfé
okkar og fé viðskipta-
vina,“ segir Halla Tóm-
asdóttir, stjórnarfor-
maður Auðar Capital.
Halla segir þó að það
geti reynst áskorun að
finna góða fjárfestingarkosti ef
gjaldeyrismarkaðir opnist ekki
aftur.
Auður Capital fékk starfs-
leyfi um mánaðamótin apríl-
maí og hefur gengið mjög vel
síðan þá. „Við sáum þá þegar
að það voru mjög erfiðir tímar
fram undan, bæði hér heima og
erlendis, og vorum því mjög
áhættumeðvituð. Við settum
öryggi ofar ávöxtun,“
segir Halla.
„Við komum eignum
okkar og viðskiptavina
okkar í öruggt skjól, í
ríkistryggða pappíra og
gjaldeyri.“ Halla segir
að Auður Capital hafi
ekki verið með hluta-
bréf í fjármálafyrir-
tækjum, né keypt í
verðbréfasjóðum, nema þeim
sem voru „hundrað prósent ör-
uggir“.
Halla segir að það góða sem
geti komið út úr svona tímum
sé að fólk verði meðvitaðra um
áhættu og leggi meiri áherslu
á að skilja í hverju það er að
fjárfesta, „en fólk hefur dálítið
misst sjónar á því á undanförn-
um árum“. - msh
Eignir í skjóli hjá Auði
HALLA
TÓMASDÓTTIR
„Vegvísi Landsbankans hefur
verið lokað í bili,“ segir Edda Rós
Karlsdóttir.
Eftir yfirtöku ríkisins á Lands-
bankanum í síðustu viku og breyt-
ingar á starfsemi hans var grein-
ingardeildin lögð niður. Deildin
gaf Vegvísinn út en síðasta eintak
hans leit dagsins ljós fyrir viku.
Edda Rós, sem verið hefur for-
stöðumaður greiningardeildar-
innar síðastliðin fimm ár, segir
óvíst hvað framtíðin beri í skauti
sér. Sé ákvörðun um slíkt í hönd-
um stjórnar Nýja Landsbanka Ís-
lands. - jab
Vegvísi Lands-
bankans lokað
„Þetta ætti að vera þeim mun
mikilvægara nú í kreppunni,
því nú ættum við að nýta verð-
mæti n sem til staðar eru,“ segir
Guðjón Helgi Ólafsson, eigandi
Græna drekans, sem sérhæfir
sig í skógarhöggi. Hann telur
hægt að hafa mun meiri nytj-
ar af innlendum skógum og að í
landinu sé þegar til staðar ónýtt-
ur vélakostur til stórfellds skóg-
arhöggs. Eftirspurn sé eftir inn-
lendu trjákurli.
„Forsvarsmenn Járnblendi-
verksmiðjunnar á Grundartanga
vilja kaupa allt að 10.000 rúm-
metrum af trjákurli, frekar en
að flytja það inn,“ segir Guðjón,
og bendir á að af þessu hlytist
mikill gjaldeyrissparnaður í ljósi
þess að 10.000 kurl kostuðu fyrir
gengisfallið 25 milljónir króna.
Þá standi dýr skógræktarvél,
sérhönnuð fyrir íslenskar að-
stæður, ónotuð. „Þegar vélin var
keypt sagði skógræktin að það
þyrfti að grisja að minnsta kosti
100 hektara á ári, en grisjunin
hefur verið innan við 10 hekt-
arar.“
Guðjón segir grisjaða skóga
betri til útivistar. „Og svo mynd-
ast líka verðmæti ef trjákurlið
er framleitt hér. Það er ekki snið-
ugt að gera ekki neitt. Þá fara
verðmæti til spillis.“ - msh
Kurl komist til grafar í kreppunni
GUÐJÓN HELGI ÓLAFSSON Guðjón er eigandi Græna drekans sem annast meðal ann-
ars landgræðslu. Í bakgrunni er gróðursetningarvél. FRÉTTABLAÐIÐ/VILHELM
Innan sjávarútvegsins hafa fyrir-
tæki fundað um þá stöðu sem upp
er komin vegna þess að gjald-
eyrir skilar sér ekki til landsins.
Samkvæmt heimildum Markað-
arins standa þó enn vonir til þess
að úr rætist á næstu dögum og
greiðslur taki að skila sér milli
landa. Að öðrum kosti sé líklegt
að leitað verði annarra leiða, svo
sem með stofnun reikninga í er-
lendum bönkum sem greiðslur
geti farið í gegnum.
„Það er allt stopp og menn
horfa bara í gaupnir sér. Við
höfum ekki fengið gjaldeyri í 10
daga núna,“ segir Ólafur Rögn-
valdsson, framkvæmdastjóri
Hraðfrystihússins Gunnvarar.
Í Vestmannaeyjum komst þó
í gegn smágreiðsla. „Það duttu
hér óvænt inn 20 milljón jap-
önsk jen okkur til undrunar og
ánægju,“ segir Sigurgeir Brynj-
ar Kristgeirsson, framkvæmda-
stjóri Vinnslustöðvarinnar. Þá
upphæð segir hann fara beint
í að borga af erlendum lánum
sem séu að gjaldfalla á fyrirtæk-
ið. „Það skila sér hins vegar ekki
allar greiðslur. Sumar vitum við
ekkert hvar eru.“
Eiríkur Tómasson, forstjóri
Þorbjarnar Fiskaness í Grinda-
vík, segist ekki hafa fengið pen-
inga til landsins síðan í síðustu
viku, en þó sé vitað um „töluverð-
ar upphæðir“ sem sendar hafi
verið af stað. „Við erum bara að
rekja þetta og koma á réttan stað
í Seðlabankanum,“ segir hann og
vonar að það styttist í að úr ræt-
ist. „Þangað til verða menn bara
að anda rólega.“ - óká
Hafa ekki fengið
gjaldeyri í tíu daga
Ingimar Karl Helgason
skrifar
„Það væri mikil og ljós birta í
þessu öllu saman og ég vona svo
sannarlega að þetta gangi hjá
þeim,“ segir Björgvin G. Sigurðs-
son viðskiptaráðherra.
Fram hefur komið að nokkr-
ir stærstu lífeyrissjóðir landsins
hafa sýnt því áhuga að kaupa
starfsemi og eignir Kaupþings.
Björgvin segir gríðarlega mikil-
vægt að reyna að koma málum
svo fyrir að „ríkið sitji ekki með
alla stóru bankana þrjá í fanginu,
heldur væri hérna einn einkarek-
inn banki áfram“.
Viðskiptaráðherra var ekki
kunnugt um að formlegt tilboð
hefði verið lagt inn til skilanefnd-
ar Kaupþings um hádegið í gær.
Ekki náðist í Finn Sveinbjörnsson
skilanefndarformann síðdegis.
Þá voru margir fundir um málið
í gangi. Menn sem Markaðurinn
náði tali af sögðu að ganga þyrfti
frá mörgum lausum endum áður
en nokkuð yrði tilkynnt. Óvíst var
um stöðu formlegra viðræðna eða
tilboðs þegar Markaðurinn fór í
prentun.
Jónas Fr. Jónsson, forstjóri
Fjármálaeftirlitsins sem er sett
yfir skilanefndina, vildi fátt segja
um málið í gær. „Ég get því miður
ekki tjáð mig um það á þessi
stigi. En við munum að sjálfsögðu
gefa upplýsingar um leið og við
getum.“
Fram kom í Fréttablaðinu í gær
að lífeyrissjóðirnir myndu eign-
ast 51 prósents hlut í bankan-
um, en ótilgreindir fjárfestar af-
ganginn.
Samkvæmt fyrirtækjaskrá
er búið að stofna Nýja Glitni og
Nýja Landsbanka. Nýja Kaup-
þing hefur ekki verið stofnað, ef
marka má fyrirtækjaskrá og Lög-
birtingablað síðdegis í gær.
Þorgeir Eyjólfsson, forstjóri
Lífeyrissjóðs verzlunarmanna
hefur sagt að ganga þyrfti frá
kaupunum áður en nýr banki yrði
stofnaður. Hugmyndin væri að
kaupa innlendan hluta Kaupþings
og að einhverju leyti erlendan
hluta.
Lífeyrissjóðir sem hlut eiga að
máli eru Lífeyrissjóður verzlun-
armanna, Gildi, Lífeyrissjóður
starfsmanna ríkisins og Stafir.
„Ég held að það deili enginn um
það að Kaupþing hafi verið með
vel rekna bankaþjónustu. Í mínum
huga er það ekkert slæm framtíð-
arsýn að hér sé rekinn traustur
ríkisbanki og við hans hlið traust-
ur markaðsbanki,“ segir Ögmund-
ur Jónasson, formaður BSRB og
varaformaður stjórnar LSR.
Ráðherra líst vel á
sölu á Kaupþingi
Viðskiptaráðherra ánægður með hugmyndir lífeyrissjóða
um að kaupa starfsemi og rekstur Kaupþings. Stífir fundir.
HÖFUÐSTÖÐVAR KAUPÞINGS Í BORGARTÚNI Rætt er um að lífeyrissjóðirnir kunni
að eignast 51 prósents hlut í Kaupþingi, en ótilgreindir fjárfestar það sem eftir stendur.
MARKAÐURINN/GVA