Fréttablaðið - 19.10.2008, Blaðsíða 12

19. október 2008 SUNNUDAGUR
Í dag verður efnt til íslensk-þýskrar göngumessu í Hafnar-
firði en fyrsta siðbótarkirkja landsins var reist í Firðinum af
þýskum hansakaupmönnum árið 1533. Tilefnið er menningar-
dagur Kjalarnessprófastsdæmis sem er eitt af stóru prófasts-
dæmunum á suðvesturhorni landsins. Menningardagurinn
var fyrst haldinn fyrir tveimur árum og er stefnan að halda
hann á tveggja ára fresti framvegis. Tilefni hans í dag er út-
koma bókar á vegum Þjóðminjasafnsins um kirkjur Kjalar-
nessprófastsdæmis. Trúar- og menningartengd dagskrá undir
nafninu Opin kirkja verður í flestum kirkjum prófastsdæmis-
ins í dag en þær eru 19 talsins.
Í Hafnarfirði hefst dagskráin klukkan 10.15 við minnis-
merkið á Háagranda um fyrstu siðbótarkirkjuna á Íslandi sem
var nefnd Hafnarfjarðarkirkja. Þaðan verður gengið að kirkj-
unni undir leiðsögn Jónatans Garðarssonar sem mun fjalla
um þýskar söguslóðir í Hafnarfirði. Séra Gunnþór Þ. Inga-
son mun messa ásamt séra Kristjáni Vali Ingólfssyni klukkan
11 og mun messan fara fram bæði á íslensku og þýsku. Eftir
messuna verður boðið til hádegisverðar í Hásölum Strand-
bergs og þar hefst klukkan 13 söngdagskrá þar sem Eyjólfur
Eyjólfsson tenór syngur íslensk og þýsk þjóðlög. „Tilgangur-
inn með dagskránni er að njóta þess að vera til,“ segir Gunn-
þór Þ. Ingason, sóknarprestur í Hafnarfirði, en hann er einn
þeirra sem undirbúið hafa dagskrána í samvinnu við þýska
sendiráðið. „Við erum fyrst og fremst að hugsa til rótanna og
til fyrri tíðar og verðmæta en það er ekki síst mikils virði
í umróti samtímans að átta sig á að tilvera okkar byggist á
fortíðinni. Nútíminn hefur verið rótarlaus og menn tamið sér
fölsk verðgildi. Í stað þess að meta söguna og samskipti fólks
og þjóða, hefur samtíminn verið upptekinn af vísitölum en
það er samskipta- og vináttuvísitalan sem skiptir máli.“
Dagskráin í hverri kirkju í prófastsdæminu tekur um 40
mínútur og hægt er að fara á milli kirkna og njóta dagskrár-
innar á fleiri en einum stað. Upplýsingar um kirkjur og safn-
aðarstarf er að finna á heimasíðunni www.kjalarpr.is.
heida@frettabladid.is
OPIN KIRKJA: MENNINGARDAGSKRÁ
Vináttuvísitala
EVANDER HOLYFIELD BOXARI
ER 46 ÁRA Í DAG
„Það er ekki stærð
mannsins sjálfs sem
skiptir máli heldur stærð
hjarta hans.“
Þungavigtarboxarinn Ev-
ander Holyfield hefur auk
þess að boxa leikið auka-
hlutverk í kvikmyndum.
Hann er þríkvæntur og ell-
efu barna faðir.
timamot@frettabladid.is
VINÁTTU- OG SAMSKIPTAVÍSITALAN GILDIR Í DAG segir Gunnþór Þ.
Ingason, sóknarprestur í Hafnarfjarðarkirkju. FRÉTTABLAÐIÐ/VALLI
Þennan dag fyrir hundrað og tíu
árum var hús Barnaskóla Reykja-
víkur, eða Miðbæjarskólinn við
Fríkirkjuveg, vígt. Ákveðið var að
byggja húsið úr timbri því jarð-
skjálftarnir haustið 1896 voru
„ráðandi mönnum í bæjarstjórn
í of fersku minni til þess að þeir
teldu hættandi á að byggja stein-
hús handa skólanum“, segir í Ár-
bókum Reykjavíkur.
Danskur arkitekt, C. Brandstrup,
teiknaði húsið en við undirbúning
byggingarinnar var horft til reglu-
gerða á Norðurlöndunum og
á Englandi um skólabyggingar.
Nemendur skólans voru 285 fyrsta
kennsluárið en 304 strax árið eftir.
Árið 1907 voru þeir orðnir 722.
ÞETTA GERÐIST: 19. OKTÓBER ÁRIÐ 1898
Miðbæjarskóli vígður
Elskulegur eiginmaður minn, faðir,
tengdafaðir, afi og langafi,
Gunnar Þorsteinn
Þorsteinsson
Kársnesbraut 67, Kópavogi,
lést á Hjúkrunarheimilinu Sunnuhlíð laugardaginn 11.
október. Útför hans verður gerð frá Kópavogskirkju
mánudaginn 20. október kl. 15. Blóm og kransar vin-
samlegast afþakkaðir en þeim sem vildu minnast hans
er bent á Minningargjafasjóð Sunnuhlíðar, sími 560
4100, eða reikning 1135-26-700 kt. 681295-3569.
Ásta Sigurrós Sigmundsdóttir
Sigrún Björk Gunnarsdóttir Ásgeir Indriðason
Júlíana Signý Gunnarsdóttir Örn Jónsson
Óðinn Gunnsteinn Gunnarsson Auður Hallgrímsdóttir
Anna Margrét Gunnarsdóttir Guðmundur Jóelsson
barnabörn og barnabarnabörn.
Hugheilar þakkir fyrir auðsýnda samúð og
hlýhug vegna andláts og útfarar elskulegr-
ar móður okkar, tengdamóður, ömmu og
langömmu,
Svanhvítar Friðriksdóttur
Fannborg 8, Kópavogi.
Sérstakar þakkir til starfsfólks Hjúkrunarheimilisins
Sunnuhlíðar fyrir frábæra umönnun og hlýju.
Friðrik Sveinn Kristinsson, Flóki Kristinsson og fjölskyldur.
Innilegar þakkir færum við öllum þeim
sem sýndu okkur samúð og vinarhug við
andlát og útför hjartkærs eiginmanns
míns, föður, tengdaföður og afa,
Helga Jónssonar
flugstjóra og flugrekanda,
Bauganesi 44, Reykjavík.
Útför hans fór fram frá Dómkirkjunni
þriðjudaginn 16. september kl. 13.00.
Jytte Marcher,
Ester Helgadóttir,
Astrid Helgadóttir Adolfo Castrillo
Jón Helgason Hulda G. Valsdóttir
og barnabörn.
Ástkær móðir okkar, tengdamóðir, systir,
amma og langamma,
Ingibjörg Gunnlaugsdóttir
Lindargötu 61,
lést á heimili sínu sunnudaginn 12. október. Útförin
hefur farið fram í kyrrþey að ósk hinnar látnu.
Steinunn Káradóttir Eyjólfur Matthíasson
Gunnlaugur Kárason Ingibjörg Eðvarðsdóttir
Guðríður Erla Káradóttir Kaj J. Durhuus
Halla Gunnlaugsdóttir
barnabörn og barnabarnabörn.
Hjartans bestu þakkir til ykkar allra, nær
og fjær, sem sýnduð okkur samúð og vin-
áttu við fráfall elskulegs eiginmanns míns,
föður okkar, tengdaföður, afa og langafa,
Sigurðar Guðmundssonar
Aflagranda 40, Reykjavík.
Ásgerður Gísladóttir
Hrafnhildur Sigurðardóttir Brynjúlfur Sæmundsson
Gíslína Guðmundsdóttir Haraldur Dungal
Ólöf og Axel, Ragnar, Sigurður Ásar, Hrafn
og langafabörnin.
Kæra samferðafólk.
Frá andláti elsku drengsins okkar,
Bjarna Páls
hefur umhyggja ykkar og hlýja umvafið okkur og veitt
fjölskyldunni ómetanlegan styrk á erfiðum tímum.
Sá stuðningur sem við nutum í veikindum hans jafnt
frá vandamönnum, fagfólki sem og ókunnugum er
ómetanlegur, hafið hjartans þökk fyrir. Sérstakar þakk-
ir færum við þeim sem gerðu útfarardag Bjarna Páls
ógleymanlegan. Allir voru boðnir og búnir til að heiðra
minningu hans og þrátt fyrir erfiða stund lifa eftir
ljúfsárar og fallegar minningar. Væntumþykja og góð-
vild ykkar bar drengnum okkar yndislega fagurt vitni.
Guð blessi ykkur öll.
Fyrir hönd fjölskyldunnar allrar,
Kristján, Droplaug,
Baldvin, Birkir og Anna Björk.
„Jafnvel þótt ég fari um dimman dal, óttast ég ekkert illt, því
að þú ert hjá mér, sproti þinn og stafur hugga mig.“
23. Davíðssálmur.
Ástkær eiginmaður minn, faðir okkar,
tengdafaðir og afi,
Einar Kristinn Friðriksson
Stelkshólum 4, Reykjavík,
verður jarðsunginn frá Grafarvogskirkju mánudaginn
20. október kl. 13.00.
María Vilbogadóttir
Vilbogi M. Einarsson Heiða B. Jónsdóttir
Friðrik S. Einarsson Jakobína Þórey Hjelm
Kristín H. Einarsdóttir Þorsteinn A. Þorgeirsson
og barnabörn.
Okkar ástkæra móðir, tengdamóðir,
amma, langamma og langalangamma,
Sveinsína Oddsdóttir
Vogatungu 23, Kópavogi, áður á
Hlíðarvegi 5, Kópavogi,
sem lést mánudaginn 6. október, verður jarðsungin
frá Kópavogskirkju mánudaginn 20. október kl. 13.00.
Sigríður Lúthersdóttir Sveinn Þórðarson
Jóhann Lúthersson Magnea Þorfinnsdóttir
Hilmar Lúthersson Kolbrún Guðmundsdóttir
Reynir Lúthersson
barnabörn, barnabarnabörn og barnabarnabarnabörn.
Innilegar þakkir færum við öllum þeim
sem sýndu okkur samúð og hlýhug við
andlát og útför föður okkar, tengdaföður
og afa,
Guðmundar F. Jónssonar
bílamálarameistara, frá Hvammi í
Dýrafirði, Háaleitisbraut 123, Reykjavík.
Sérstakar þakkir viljum við færa starfsfólki öldrunar-
deildar Landspítalans í Fossvogi fyrir góða umhyggju
og hlýhug.
Jón Guðmundsson Renate Gudmundsson
Gunnar B. Guðmundsson
Guðmundur Chr. Jónsson
Juliane Gudmundsson.