Fréttablaðið - 22.10.2008, Blaðsíða 16
MARKAÐURINN 22. OKTÓBER 2008 MIÐVIKUDAGUR4
F R É T T A S K Ý R I N G
fyrirtæki og fjárfesta, sem luma
á réttum leiðarvísum um króka-
stiguna. Auk þessa starfræk-
ir Klak Viðskiptasmiðju, náms-
braut á háskólastigi, í samvinnu
við Háskólann í Reykjavík, Við-
skiptaháskólann í Kaupmanna-
höfn og í Lundi í Svíþjóð. Mark-
mið námsins er að nemendur
stofni fyrirtæki og hefji rekstur
þess á námstímanum.
Þá býr Nýsköpunarmiðstöð Ís-
lands yfir sérfræðingum sem
geta stutt við bakið á sprota-
mönnum og fólki sem lumar á
góðum hugmyndum.
Á öllum stöðum geta sprota-
fyrirtæki fengið þak yfir starf-
semina tímabundið á meðan
grunnvinnan fer fram auk þess
að byggja upp tengslanet, sem
er einn af mikilvægustu þáttum
sprotageirans.
ÞEKKING DEYR ALDREI
Spurður um áhættuna sem felist
í stofnun sprotafyrirtækis, sem
oft eigi erfitt uppdráttar, jafn-
vel heyri sögunni til innan fárra
ára, segir Andri ekkert að ótt-
ast. „Þekking hverfur aldrei
með einu sprotafyrirtæki held-
ur flyst hún á milli með starfs-
mönnunum,“ segir hann.
Dæmin eru mýmörg en hug-
búnaðarfyrirtækið Oz, sem Guð-
jón Már Guðjónsson, einn þátt-
takenda á Hugsprettu, er þekkt-
asta dæmið um slíkt. Margir
fyrrverandi starfsmenn Oz
hafa stofnað sprotafyrirtæki
hér heima og erlendis á síð-
ustu árum. Þekktast þeirra í dag
er tölvuleikjafyrirtækið CCP
en önnur eru Hex, Trackwell,
sprotafyrirtækið Gogoyoko og
fleiri til.
Þ
að er fullt af tækifær-
um,“ segir dr. Eyþór
Ívar Jónsson, fram-
kvæmdastjóri Klaks,
nýsköpunarmiðstöðvar
atvinnulífsins. Hann mælir með
því að fólk hætti að horfa til for-
tíðar, brjóti baksýnisspegilinn
og gefi í fram á veg. Hann segir
ekkert að óttast.
Klak ásamt frumkvöðlasetr-
inu Innovit stóðu saman að ráð-
stefnunni Hugspretta − landnám
nýrra hugmynda á laugardag í
félagi við stúdentafélög Háskóla
Íslands, Háskólans í Reykjavík,
Háskólans á Bifröst, Listahá-
skólans og Keilis á Keflavíkur-
flugvelli.
Markmiðið var að fá ungt fólk
til að snúa bökum saman og vinna
að stefnumótun fyrir framtíð Ís-
lands og sjá eigin tækifæri til
nýsköpunar.
Ráðstefnan átti sér skamm-
an aðdraganda. „Við ákváðum
þetta með viku fyrirvara,“ segir
Andri Heiðar Kristinsson, fram-
kvæmdastjóri Innovit. Menn
hafi ákveðið að nýta tímann
vel, keyra hugmyndina áfram
af fullum krafti og fá jákvæð-
an innblástur inn í annars nei-
kvæða umræðu eftir þrot bank-
anna í byrjun mánaðar sem virð-
ist hafa fært landið inn í nýja og
næsta óþekkta tíma fyrir marga.
Hvert stefnir leiðir tíminn svo
í ljós.
„Þótt við séum að fara í gegn-
um erfiðleika núna, þá stöndum
við sterk ef horft er lengra fram
í tímann,“ segir Andri.
Tiltölulega ódýr og einföld leið
var farin til að auglýsa ráðstefn-
una. Síða var sett upp á samfé-
lagsvefnum Facebook og á vef-
síðum aðildarfélaga. Þar skráði
fólk sig til þátttöku. Í boði var
snakk og kex, kaffi og með því
ásamt kraumandi hugmynda-
fljóti.
Innovit, sem stofnað var af
háskólanemendum í fyrra, er
nýsköpunar- og frumkvöðlaset-
ur fyrir fólk með viðskiptahug-
myndir en áherslan er lögð á við-
skiptatækifæri sem spretta úr
starfi íslenskra háskóla. Nokkur
af helstu útflutningsfyrirtækj-
um landsins í dag urðu einmitt
til upp úr verkefnum í Háskóla
Íslands en voru tekin lengra.
Stoðfyrirtækið Össur og mat-
vælavinnsluvélaframleiðandinn
Marel Food Systems eru dæmi
um slíkt.
BAKLANDIÐ TRAUST
Andri og Eyþór segja báðir fjár-
magn skorta til sprotafyrirtækja
hér á landi, ekki síst á fyrstu
stigum. Þar stöndum við frænd-
um okkar á Norðurlöndunum og
víðar að baki. Andri bendir á að
í nágrannalöndunum, svo sem
í Danmörku og Skotlandi, setji
einkafjárfestar og stjórnvöld oft
á laggirnar sameiginlegan vett-
vang þar sem hvor um sig leggi
fram lágar en jafn háar upphæð-
ir til sprotafyrirtækja.
Með þessu móti fái mörg ung
sprotafyrirtæki tækifæri til að
komast upp af byrjunarstiginu
og vaxa frekar. „Þetta lag hefur
alltaf vantað á Íslandi,“ segir
Andri. Þetta er gömul saga, sem
hollt er að hamra á.
Sprotafyrirtæki sem komin eru
á legg geta þó fetað ýmsa stigu í
leit að fjármögnun. Innovit leið-
ir háskólanema eða þá sem ný-
útskrifaðir eru áfram auk þess
sem Klak blæs til Sprotaþings
tvisvar á ári og leiðir þar saman
HUGMYNDIR Á BLAÐI Niðurstöður af hugmyndavinnu þátttakenda Hugsprettu voru
hengdar upp á vegg þegar vinnuhóparnir höfðu lokið sér af. Hér er lítið brot af þeim.
ANDRI ÞAKKAR
FYRIR SIG „Þótt við
séum að fara í gegn-
um erfiðleika núna,
þá stöndum við sterk
til lengri tíma litið,“
segir Andri Heiðar
Kristinsson, fram-
kvæmdastjóri Innovit.
Af sprotum sprettur ný fr
„Bankarnir tóku allt besta fólk-
ið. Nú verðum við að virkja þá
sem missa vinnuna og koma í
veg fyrir að það fari úr landi,“
segir Halldór Jörgensson, fram-
kvæmdastjóri Microsoft á Ís-
landi.
Halldór segir marga óttast
að stór hluti af velmenntuðu og
frjóu starfsliði bankanna hverfi
af landi brott eftir að bankageir-
inn var stokkaður upp í byrjun
mánaðar. Margir horfa til Nor-
egs.
Halldór og frumkvöðullinn
Hjálmar Gíslason hafa hist reglu-
lega ásamt öðrum, svo sem for-
svarsmönnum Nýsköpunarmið-
stöðvar Íslands, eftir að bank-
arnir fóru í þrot til að finna leiðir
og hámarka þau tækifæri sem
bíði starfsfólks bankanna. Þá
hafa þeir kortlagt sprotageirann,
sem þurfi á hæfu starfsfólki að
halda, til að finna farveg fyrir þá
þekkingu úr bankageiranum sem
nú er á lausu.
Ekki megi þó reikna með að
sprotafyrirtækin geti tekið við
öllum.
Fleiri hafa lagt lóð sín á vog-
arskálarnar en Nýsköpunarmið-
stöðin, Samtök starfsmanna fjár-
málafyrirtækja og Samtök at-
vinnulífsins gerðu í síðustu viku
með sér samstarfssamning um
leit og framboð á möguleikum
til atvinnusköpunar fyrir félags-
menn fjármálafyrirtækja, svo
sem farveg fyrir nýsköpun og
frumkvöðlavinnu.
Halldór segir hættuna felast í
því að fólk í fjármálageiranum
verði látið vinna uppsagnarfrest
sinn og fari svo á atvinnuleys-
isbætur. Nær sé að hvetja fólk
til að ræða saman og þróa hug-
myndir sem það lumi á og vera
þátttakendur í jákvæðu uppbygg-
ingarferli á sama tíma og bætur
eru greiddar.
„Það er fullt af húsnæði laust
og lítið mál að útvega skrifstofu-
búnað,“ segir Halldór.
Þekking fjármálafólksins virkjuð
HALLDÓR JÖRGENSON Fram kvæmda-
stjóri Microsoft á Íslandi segir mikilvægt
að skapa frjóan vettvang fyrir það vel-
menntaða starfsfólk fjármálafyrirtækj-
anna sem er að missa vinnuna á næst-
unni.
Íslendingar standa frammi fyrir miklum breytingum á efnahagslífi þjóðarinnar. Stjórnmálamenn og flestir þeir sem tjáð sig hafa
um framtíðina segja mikilvægt að horfa fram á veginn enda mörg tækifæri til staðar. Jón Aðalsteinn Bergsveinsson dýfði stóru
tánni í kraumandi hugmyndapott sprotafyrirtækjanna um síðustu helgi og komst að því að þar liggja óteljandi framtíðarleiðir.
BJÖRK GUÐMUNDSDÓTTIR Forsvarsmenn Hug-
s prettu telja að um 250 manns hafi setið fyrirlestra
um sjálfstæða sköpun í Háskólabíói um síðustu helgi.
Björk vann að því bæði laugardag og sunnudag að
leggja grunninn að atvinnuskapandi verkefnum.
M
YN
D
/H
A
G