Fréttablaðið - 22.10.2008, Blaðsíða 41
MIÐVIKUDAGUR 22. október 2008 17
sport@frettabladid.is
LEIKIR KVÖLDSINS
A-riðill:
Bordeaux-CFR Cluj
Chelsea-Roma Stöð 2 Sport 3
B-riðill:
Inter-Anorthosis
Panathinaikos-Werder Bremen
C-riðill:
Shakhtar Donetsk-Sporting
Basel-Barcelona Stöð 2 Sport 4
D-riðill:
Atletico Madrid-Liverpool Stöð 2 Sport
PSV-Marseille
HANDBOLTI Viggó Sigurðsson lét
þung ummæli falla um annan
dómara leiks Fram og FH. Viggó
hefur í kjölfarið sent frá sér
stutta og skorinorða yfirlýsingu:
„Ég harma að hafa rætt við
blaðamann Morgunblaðsins um
frammistöðu dómarana eftir leik
Fram og FH í N1 deild karla. Með
kveðju, Viggó Sigurðsson“.
Ef mið er tekið af þessari
yfirlýsingu virðist Viggó ekki
harma ummælin sem slík enda
dregur hann þau ekki til baka né
biðst afsökunar á þeim. Hann
harmar aftur á móti að hafa tjáð
blaðamanni Morgunblaðsins hvað
honum fannst um dómgæsluna.
Einar Þorvarðarson, fram-
kvæmdastjóri HSÍ, segist ekki
ætla að skjóta ummælum Viggós
inn á borð aganefndar þar sem
þessi yfirlýsing hafi borist frá
Viggó. Að öðrum kosti hefði hann
gert það. - hbg
Viggó Sigurðsson:
Harmar að
hafa rætt við
Moggann
VIGGÓ SIGURÐSSON Sleppur við aga-
nefndina að þessu sinni.
FRÉTTABLAÐIÐ/ARNÞÓR
FÓTBOLTI Eiður Smári Guðjohnsen
ferðaðist ekki með Barcelona til
Sviss en þar mun Katalóníurisinn
etja kappi á móti Basel í Meistara-
deildinni í kvöld. Meiðslin sem
hann hlaut í landsleiknum gegn
Makedóníu í undankeppni HM
2010 eru enn að hrjá hann.
Þá verður ekkert af endurkomu
Fernando Torres á Vicente Cald-
erón-leikvanginn þar sem hann er
enn meiddur og í stað þess að ferð-
ast með Liverpool til Spánar mun
hann halda endurhæfingu sinni
áfram á æfingasvæðinu í Mel-
wood í Liverpool.
Alla leiki kvöldsins í Meistara-
deildinni má sjá hér að neðan. - óþ
Átta leikir í Meistaradeild Evrópu í kvöld:
Eiður enn meiddur
VONBRIGÐI Eiður Smári var að spila vel
með Barcelona áður enn hann meiddist
gegn Makedóníu. NORDIC PHOTOS/GETTY
Meistaradeild Evrópu
E-riðill:
Man. Utd-Celtic 3-0
1-0 Dimitar Berbatov (29.), 2-0 Dimitar Berbatov
(51.), 3-0 Wayne Rooney (76.).
Villarreal-AaB 6-3
0-1 Marek Sagnowski (19.), 1-1 Guiseppe Rossi
(28.), 2-1 Joan Capdevila (33.), 2-2 Thomas
Enevoldsen (36.), 3-2 Joseba Llorente (67.), 4-2
Joseba Llorente (70.), 4-3 Joan Capdevila, sjm
(77.), 5-3 Robert Pires (79.), 6-3 Joseba Llorente
(84.).
F-riðill:
Bayern München-Fiorentina 3-0
1-0 Miroslav Klose (4.), 2-0 Bastian Schwein-
steiger (25.), 3-0 Jose da Silva Junior Ze Roberto
(90.).
Steaua-Lyon 3-5
1-0 Arthuro (8.), 2-0 Dorin Goian (11.), 2-1 Abdul
Kader Keita (23.), 2-2 Karim Benzema (33.), 3-2
Ovidiu Petre (45.), 3-3 Fred (69.), 3-4 Karim
Benzema (71.), 3-5 Fred (90.)
G-riðill:
Porto-Dynamo Kiev 0-1
0-1 Oleksandr Aliev (27.)
Fenerbahçe-Arsenal 2-5
0-1 Emmanuel Adebayor (10.), 0-2 Theo Walcott
(11.), 1-2 Mikael Silvestre, sjm (19.), 1-3 Abou
Diaby (21.), 1-4 Alexandre Song (49.), 2-4 Daniel
Guiza (78.), 2-5 Aaron Ramsey (90.).
H-riðill:
Zenit-Bate Borisov 1-1
0-1 Pavel Nehichil (52.), 1-1 Fatih Tekke (80.).
Juventus-Real Madrid 2-1
1-0 Alessandro Del Piero (5.), 2-0 Carvalho
Amauri (49.), 2-1 Ruud Van Nistelrooy (66.).
Enska Coca-Cola deildin
Coventry-Burnley 1-3
Aron Einar Gunnarsson var í byrjunarliði Coventry
og Jóhannes Karl Guðjónsson hjá Burnley.
Reading-Doncaster 2-1
Ívar Ingimarsson og Brynjar Gunnarsson voru í
byrjunarliði Reading.
ÚRSLIT
Opið virka daga kl. 8:00 til 18:00
www.velaland.is
VESTURLANDSVEGUR
VAGNHÖFÐI
VÉLALAND
HÚSGAGNA-
HÖLLIN
TANGARHÖFÐI
BÍlDSHÖFÐI
H
Ö
FÐ
A
B
A
K
K
I
REYKJAVÍK
Vélaland - VAGNHÖFÐA 21
Sími 577-4500
Vélaland sérhæfir sig í tímareimum.
Komdu í Vélaland og fáðu ráðgjöf um skiptingu
á tímareim. Vélaland skiptir fljótt og vel um
tímareimina fyrir þig, á föstu verði.
Fáðu ráðgjöf um tímareimaskipti
Er tímareimin komin á tíma?
Fast verð hjá Vélalandi
Skoðaðu fast verð hjá Vélalandi. Hringdu
núna í síma 577-4500 og pantaðu tíma.
Verðdæmi um tímareimaskipti:
Nissan Patrol 2,8 dísil Árgerð 1992-2000
Heildarverð, varahlutur og vinna: 34.606 kr.
Toyota Land Cruiser 90 3,0D Árgerð 1997-2002
Heildarverð, varahlutur og vinna: 34.427 kr.
Toyota Corolla 1,6 bensín Árgerð 1997-2001
Heildarverð, varahlutur og vinna: 34.212 kr.
VW Golf 1,6 bensín Árgerð 1997-2006
Heildarverð, varahlutur og vinna: 36.213 kr.
Ford Focus 1,6 bensín Árgerð 1998-2005
Heildarverð, varahlutur og vinna: 39.958 kr.
Sjáðu hvar við erum. Hringdu núna í síma
577-4500 og pantaðu tíma.
Miðvikudagstilboð
á völdum vörum frá
Alla miðvikudaga...
Sameiningarviðræður Ungmennafélagsins Fjölnis og Knattspyrnu-
félagsins Fram hafa siglt í strand en vinnuhópur sem vann að
samruna félaganna gaf út fréttatilkynningu þess efnis í gær.
Ragnar Þórir Guðgeirsson, formaður Fjölnis, telur tvær
ástæður einkum hafa ráðið úrslitum um að félögin hafi
ekki náð saman.
„Við funduðum fyrst með öllum deildum innan
Fjölnis um forsendur og skilyrði sem við myndum
vilja setja fyrir frekari viðræðum og eitt af því
sem kom fljótlega í ljós var að við Fjölnis-
menn vorum ekki tilbúnir til að vinna að
samrunanum undir nafni Fram. Annað sem
við höfðum áhyggjur af í þessum samein-
ingarviðræðum var sú staðreynd að knatt-
spyrnudeild okkar er mjög stór, með um 700 iðkendur,
og á nú þegar í fullu fangi með að halda úti verkefnum
við hæfi fyrir allan þann fjölda. Menn sáu því fram á
vaxandi vanda hvað það varðar sem erfitt yrði að finna
lausn á með mögulegri sameiningu,“ segir Ragnar Þórir.
Kjartan Ragnarsson, varaformaður Fram, kvað Safamýrarmenn
hafa farið inn í viðræðurnar með það að leiðarljósi að halda
núverandi nafni félagsins.
„Það er ekki hægt að leggja niður hundrað ára gamalt nafn. Það
var alveg ljóst af okkar hálfu þegar Fjölnismenn komu að máli við
okkur að forsenda fyrir sameiningunni væri sú að hið
nýja félag myndi heita Fram eða þá væntanlega
Ungmennafélagið Fram en það gekk ekki eftir,“
segir Kjartan.
Kjartan vísaði á bug þeim sögusögnum
að Fram væri það illa statt fjárhagslega að
einhvers konar samruni væri nauðsynlegur
til þess að bjarga félaginu.
„Fram hefur sennilega aldrei staðið jafn
vel fjárhagslega í háa herrans tíð. Aftur á
móti standa rekstrarfélögin í kringum Meist-
araflokkinn í fótbolta og handbolta ekki
vel, en það er verið að vinna baki brotnu í
þeim málum,“ segir Kjartan að lokum.
FJÖLNIR OG FRAM: VINNUHÓPUR SEM VANN AÐ SAMRUNA FÉLAGANNA HEFUR VERIÐ LEYSTUR UPP
Fram hefur aldrei staðið jafn vel fjárhagslega
> Gummersbach enn og aftur til Íslands
Íslendingaliðið Gummersbach er á leiðinni til Íslands þriðja árið
í röð. Gummersbach dróst gegn Fram í EHF-bikarnum í gær en
Gummersbach lék einnig gegn Fram í Evrópukeppni fyrir tveim
árum og í fyrra mætti liðið Val. Róbert Gunnars-
son er eini Íslendingurinn sem er eftir í herbúðum
Gummersbach og hann getur vonandi leikið gegn
sínum gömlu félögum núna en hann
missti af viðureigninni hér heima fyrir
tveim árum. Logi Geirsson, Vignir Svav-
arsson og félagar í Lemgo mæta lettneska
liðinu RV Riga í sömu keppni.
FÓTBOLTI Húsvíkingurinn Hall-
grímur Jónasson hefur hafnað
fyrsta samningstilboði frá
sænska félaginu GAIS. Það er
engu að síður ekki enn útséð með
hvort hann gangi í félagið enda
eru samningaviðræður enn í
gangi.
Hallgrímur tjáði Fréttablaðinu
að hann teldi GAIS fýsilegan kost
fyrir sig og að sér hefði litist afar
vel á allar aðstæður hjá félaginu.
Fari svo að samningar náist
ekki við sænska félagið hefur
Hallgrímur aðra möguleika í
stöðunni. Meðal annars hjá fleiri
félögum á Norðurlöndum sem og
hjá enska félaginu Nottingham
Forest sem hefur verið að sýna
honum áhuga. - hbg
Hallgrímur hafnaði GAIS:
Ræðir áfram
við félagið
HALLGRÍMUR JÓNASSON Húsvíkingurinn
sterki hefur mörg járn í eldinum.
FRÉTTABLAÐIÐ/ANTON
FÓTBOLTI Evrópumeistarar
Manchester United lentu ekki í
neinum vandræðum gegn Celtic á
Old Trafford í gær. Arsenal fór
síðan á kostum gegn Fenerbahce í
Tyrklandi. United og Villarreal
svo gott sem komin áfram í sínum
riðli og Arsenal einnig í fínum
málum.
Alls voru skoruð 36 mörk í 8
leikjum í gær sem er metjöfnun í
Meistaradeildinni. Metið hefur
staðið síðan 13. september árið
2000 þegar einnig voru skoruð 36
mörk í 8 leikjum.
Það voru Dimitar Berbatov og
Wayne Rooney sem sáu um að
afgreiða Celtic í gær. Berbatov
fyrst með tveim mörkum og Roon-
ey skoraði svo enn og aftur með
góðu skoti. Berbatov sífellt að
komast betur inn í leik United og
farinn að greiða til baka eftir að
hafa verið keyptir fyrir metfé frá
Tottenham.
„Þetta var mjög fínn leikur hjá
okkur og við klárlega á uppleið.
Boltinn flaut vel og mikil hreyfing
á leikmönnum. Fyrri hálfleikur
var fínn en við réðum lögum og
lofum í þeim síðari. Ég get ekki
kvartað,“ sagði Sir Alex Ferguson,
stjóri Man. Utd, eftir leikinn.
Bæði mörk Berbatov í leiknum
voru líklega ólögleg en hann virk-
aði grunsamlega rangstæður í
bæði skiptin. „Það er ekki mitt að
flagga. Ef dómarinn flaggar ekki
þá er það mark. Annars er alltaf
frábært að skora,“ sagði Berbat-
ov.
Man. Utd og Villarreal eru efst í
riðlinum með sjö stig og nánast
komin áfram enda hin liðin með
aðeins fjögur stig. Í F-riðli er Bay-
ern á toppnum með sjö stig eftir
sterkan sigur í gær.
Ótrúlegur sigur Lyon kom þeim
í annað sætið með fimm stig en
Fiorentina hefur tvö í þriðja sæti.
Steaua situr á botninum með
aðeins eitt stig.
Juventus skaust á topp H-riðils
með sjö stig eftir sigurinn á Real
Madrid en Madrid er engu að síður
í öðru sæti með sex stig.
Valsbanarnir í BATE Borisov
eru í þriðja sæti með tvö stig en
Zenit hefur aðeins eitt stig og
frammistaða liðsins valdið mikl-
um vonbrigðum. Arsenal er í topp-
málum í G-riðli. Situr á toppnum
með sjö stig en Dynamo Kiev
kemur næst með fimm stig.
Porto hefur þrjú stig í þriðja
sæti en Fenerbahce er neðst með
aðeins eitt stig eftir þrjá leiki.
henry@frettabladid.is
Berbatov borgar til baka
Dimitar Berbatov skoraði tvö mörk í öruggum sigri Man. Utd á Celtic og Arsen-
al fór á kostum í Tyrklandi. Það var boðið upp á markaveislu í Meistaradeild-
inni í gær en alls voru skoruð 36 mörk í 8 leikjum. Það gera 4,5 mörk í leik.
ALLUR AÐ KOMA TIL Dimitar Berbatov finnur sig sífellt betur í búningi United og
skoraði tvívegis í gær. NORDIC PHOTOS/GETTY IMAGES