Fréttablaðið - 10.11.2008, Blaðsíða 2

2 10. nóvember 2008 MÁNUDAGUR
BYGGINGARIÐNAÐUR Vöruskortur er
farinn að há iðnaðarmönnum, efn-
isskorturinn er bagalegur og far-
inn að seinka afhendingartíma
verka. Jón Þórðarson pípulagn-
ingameistari segir að iðnaðar-
menn hafi enn nóg að gera en
borið hafi á efnisskorti í hálfan
mánuð og það sé farið að há mönn-
um. Síðasta vika hafi verið mjög
erfið. Píparar verði að þvælast út
um allan bæ til að skrapa saman
efni til að geta klárað verk.
„Þetta fer versnandi því að
birgjarnir fá ekki gjaldeyri til að
flytja inn efni og leysa út og fá því
ekki neinar vörur. Ég myndi telja
að þetta sé bagalegt. Það tekur
fjóra tíma á dag að skrapa saman
efni fyrir tveggja daga vinnu og
svo gengur erfiðlega að rukka
fyrir þennan tíma því að fólk er
ekki mjög hrifið af því.“
Jón bendir á að píparar þurfi
helst að fá allt efnið á einum stað,
efni sé oft mismunandi að þykkt
og passi ekki saman frá mismun-
andi stöðum. „Þetta ástand er að
reka okkur til útlanda. Við erum
að skoða hvort við getum farið að
vinna í Danmörku eða Noregi því
að það er efnisskorturinn sem er
að stoppa okkur í dag, ekki verk-
efnaskorturinn.“
Hann segist vera að kanna þann
möguleika að allir starfsmennirn-
ir fari til Danmerkur eða Noregs
að vinna í fimm til sex vikur og
komi svo heim í frí og verði með
fjölskyldunni í eina til tvær vikur.
Þannig tækist kannski að hafa
fyrir skuldunum. Þetta telur hann
að komi í ljós í næstu viku.
Björn Bjarnason, formaður
Meistarafélags iðnaðarmanna,
segir að skortur sé á vörum sem
pantaðar séu að utan því að birgj-
ar geti ekki leyst þær út. „Úrvalið
er minna,“ segir hann. „Þetta er
farið að hafa áhrif á afhendingar-
tíma verka. Við fáum til dæmis
ekki girðingarefni að utan.“
Hjalti Ólafsson, framkvæmda-
stjóri Vatnsvirkjans, segir mikinn
vöruskort í byggingavörum og
pípulagningavörum en minnst hjá
Vatnsvirkjanum. „Vöruskorturinn
er farinn að hafa áhrif og mun
aukast þar sem gjaldeyrismarkað-
ir eru ekki opnir. Þegar gengið fer
á flot aftur verður óvissan of mikil
til að kaupa strax inn, það verður
ekki gert fyrr en gjaldeyrismark-
aðir hafa náð jafnvægi. Margar
vikur eru í að næstu sendingar
komi af einhverju viti. Óvissan
knýr okkur til að panta bara það
nauðsynlega,“ segir hann og bend-
ir á að ástandið sé alvarlegt þegar
efnum sé blandað saman vegna
vöruskorts. Það hafi áhrif á ábyrgð
framleiðenda. ghs@frettabladid.is
Opið virka daga kl. 8:00 til 18:00
www.velaland.is
VESTURLANDSVEGUR
VAGNHÖFÐI
VÉLALAND
HÚSGAGNA-
HÖLLIN
TANGARHÖFÐI
BÍlDSHÖFÐI
H
Ö
FÐ
A
B
A
K
K
I
REYKJAVÍK
Vélaland - VAGNHÖFÐA 21
Sími 577-4500
Vélaland sérhæfir sig í tímareimum.
Komdu í Vélaland og fáðu ráðgjöf um skiptingu
á tímareim. Vélaland skiptir fljótt og vel um
tímareimina fyrir þig, á föstu verði.
Fáðu ráðgjöf um tímareimaskipti
Er tímareimin komin á tíma?
Fast verð hjá Vélalandi
Skoðaðu fast verð hjá Vélalandi. Hringdu
núna í síma 577-4500 og pantaðu tíma.
Verðdæmi um tímareimaskipti:
Nissan Patrol 2,8 dísil Árgerð 1992-2000
Heildarverð, varahlutur og vinna: 34.606 kr.
Toyota Land Cruiser 90 3,0D Árgerð 1997-2002
Heildarverð, varahlutur og vinna: 34.427 kr.
Toyota Corolla 1,6 bensín Árgerð 1997-2001
Heildarverð, varahlutur og vinna: 34.212 kr.
VW Golf 1,6AEE bensín Árgerð 1997-2006
Heildarverð, varahlutur og vinna: 36.213 kr.
Ford Focus 1,6 bensín Árgerð 1998-2005
Heildarverð, varahlutur og vinna: 39.958 kr.
Sjáðu hvar við erum. Hringdu núna í síma
577-4500 og pantaðu tíma.
Frosti, reddar þetta Icesave-
skuldunum?
„Já. Er nokkuð annað sem getur
reddað því ömurlega máli?“
Myndlistamaðurinn Frosti Friðriksson
hyggst selja ferðamönnum lítil kort með
einni íslenskri krónu inni í fyrir erlendan
gjaldeyri. Tólf prósent af gjaldeyrinum
renna til Seðlabanka Bretlands. Geir
Haarde forsætisráðherra kallaði Icesave-
málið „ömurlegt“ í síðustu viku.
LÖGREGLA Ungur maður var
stunginn með hnífi við veitinga-
staðinn Lækjarbrekku í Banka-
stræti í fyrrinótt. Árásarmaður-
inn var handtekinn skömmu síðar
og er málið í rannsókn.
Ekki er vitað hver aðdragand-
inn var að árásinni. Hinn særði
var færður undir læknishendur
en áverkar hans reyndust ekki
lífshættulegir.
Tilkynnt var um sjö líkamsár-
ásir til viðbótar þessa nótt, allar í
miðborginni. Mikil ölvun var á
svæðinu og voru tveir ökumenn
stöðvaðir grunaðir um ölvunar-
akstur.
- þo
Ölvun í miðborginni:
Maður stung-
inn með hnífi
SLYS Fimm ára barn var flutt á
slysadeild með skurð á augabrún
eftir harðan árekstur tveggja
bifreiða í gær. Slysið varð á
gatnamótum Kársnesbrautar og
Urðarbrautar í Kópavogi.
Bílnum sem barnið var farþegi
í var ekið norður Urðarbraut og
beygt vestur Kársnesbraut í veg
fyrir annan bíl með fyrrgreindum
afleiðingum. Ökumaður þeirrar
bifreiðar var einnig fluttur á
slysadeild með minni háttar
meiðsli.
Bílarnir eru mikið skemmdir
og voru dregnir á brott af
kranabíl. - þo
Árekstur í Kópavogi:
Barn skarst
í andliti
RÚSSLAND, AP Eldvarnakerfi um
borð í nýsmíðuðum kjarnorku-
kafbát rússneska sjóhersins,
Nerpa, fór í gang fyrir mistök er
verið var að prófa kafbátinn í
Japanshafi um helgina, með
þeim afleiðingum að 20 manns
köfnuðu og 21 til viðbótar þurfti
bráðaaðhlynningu á sjúkrahúsi.
Talsmenn hersins greindu frá
þessu í gær.
Af hinum 20 látnu voru 17
starfsmenn skipasmíðastöðvar-
innar sem smíðaði bátinn.
Tekið var skýrt fram að
kafbáturinn sjálfur hefði ekki
skaddast og kjarnakljúfnum í
honum hefði ekki verið nein
hætta búin. Þetta var samt
versta slys rússneska sjóhersins
frá því annar kjarnorkukafbátur,
Kúrsk, fórst í Barentshafi með
118 manns um borð árið 2000. - aa
Slys í kafbát Rússahers:
Tuttugu manns
köfnuðu
NÝSMÍÐAÐUR Þessi mynd er talin vera af
kjarnorkukafbátnum Nerpa. FRÉTTABLAÐIÐ/AP
FÓLK Hann á átta ömmur og tvo afa þessi litli en
gjörvilegi drengur sem hvílir í fangi langa-langa-
langömmu sinnar, hennar Laufeyjar Þorgeirsdóttur
fyrir miðju myndarinnar, og telst því ef til vill til
nokkurra af ríkustu Íslendingunum um þessar
mundir.
Drengurinn litli fæddist 18. október eða í miðri
ólgu efnhagsumrótsins. Móðir hans, Svanhildur
Hanna Freysteinsdóttir, segir hann hafa komið í
heiminn í Vestmannaeyjum þar sem fjölskyldan er
búsett og hafi þau ekki látið annað umstang en það
sem fylgir barnsfæðingu á sig fá.
„Pabbinn er Vestmannaeyingur en ég er Siglfirð-
ingur og saman búum við í Eyjum,“ segir Svanhildur
sem er ekki tilbúin að segja son sinn algeran
Eyjamann þótt hægt sé að rekja ættir hans langt
aftur á því svæði.
Drengnum var gefið nafnið Kristinn Freyr
Sæþórsson í byrjun þessa mánaðar og má slá því
föstu að fá börn fái að njóta jafnmikillar athygli
jafnmargra ættliða og hann.
Í efri röð frá vinstri má sjá langömmu Kristins,
hana Jóhönnu Hlín Ragnarsdóttur sem fædd er árið
1954, því næst er amma hans, Kristín María Hlökk
Karlsdóttir sem fædd er 1970. Í neðri röðinni er svo
langa-langamma hans hún Louise Kristín Theodórs-
dóttir sem fædd er árið 1934, en Kristinn Freyr
sjálfur hvílir svo í fangi langa-langa-langömmu sinn-
ar, hennar Laufeyjar, sem fædd er árið 1914, og við
hlið þeirra situr svo móðir Kristins, hún Svanhildur,
sem fædd er árið 1988. - kdk
Hvílist í fangi langa-langa-langömmu sinnar og með fleiri ömmur í kring:
Sex ættliðir samankomnir við skírn
Gekk í sjóinn
Lögreglan á höfuðborgarsvæðinu fékk
snemma í gærmorgun tilkynningu
um mann í sjónum við Kirkjusand.
Maðurinn var afar ölvaður og í miklu
uppnámi og hafði vaðið sjóinn
upp að mitti þegar lögregla kom á
vettvang.
Bifreið valt við Borgarnes
Maður og tvö börn sluppu með
skrekkinn þegar bifreið þeirra valt
skammt norðan við Borgarnes í gær.
Mikil ísing var á veginum þegar slysið
varð. Fólkið var flutt til aðhlynningar á
heilsugæslustöð.
LÖGREGLUFRÉTTIR
Í KVENNAFANS Drengur sem á eins margar ömmur á lífi og
hann Kristinn Freyr hlýtur að teljast ríkur.
LÖGREGLUMÁL Fjórir hafa verið
úrskurðaðir í gæsluvarðhald til
28. nóvember vegna mannsláts í
sumarbústað í Grímsnesi á laug-
ardag.
Um er að ræða tvær konur og
tvo karla á aldrinum 18 til 32 ára.
Þau eru samlandar mannsins sem
lést.
Lögreglan fékk tilkynningu um
málið á laugardagsmorgun. Þá
kvaðst einn mannanna hafa komið
að félaga sínum látnum í sumar-
bústaðnum þar sem þeir gistu
ásamt konunum tveimur. Þre-
menningarnir voru fluttir á lög-
reglustöðina á Selfossi og síðdegis
var fjórði maðurinn handtekinn í
Reykjavík vegna málsins. Annar
karlmannanna var úrskurðaður í
gæsluvarðhald til 28. nóvember á
laugardagskvöld og í gær var
krafist gæsluvarðhaldsúrskurðar
yfir hinum manninum og konun-
um tveimur. Ákvörðun dómara lá
fyrir í gærkvöld.
Ólafur Helgi Kjartansson, sýslu-
maður á Selfossi, segir að rann-
sóknin taki lengri tíma en ella þar
sem notast þurfi við túlk við allar
yfirheyrslur. Ekki liggur fyrir
hvert banamein mannsins var.
Beðið er eftir niðurstöðum úr
krufningu og niðurstöðum tækni-
deildar lögreglunnar eftir vett-
vangsrannsókn.
Hinn látni var 36 ára og til heim-
ilis í Reykjavík. Ekki er unnt að
greina frá nafni hans að svo
stöddu. - þo
Lögreglan rannsakar mannslát í sumarbústað í Grímsnesi:
Fjórir settir í gæsluvarðhald
RANNSÓKN Ekki liggur fyrir hvert bana-
mein mannsins var. FRÉTTABLAÐIÐ/HÖRÐUR
SVEITARFÉLÖG „Það hafa aldrei fyrr
verið meiri útlán hjá okkur á
síðasta ársfjórðungi,“ segir Óttar
Guðjónsson, framkvæmdastjóri
Lánasjóðs sveitarfélaga. Vegna
afar þröngrar stöðu á fjármála-
markaði leita sveitarfélög í
síauknum mæli eftir lánafyrir-
greiðslu hjá sjóðnum. Fyrir um
tveimur vikum lauk útboði í
nýjum skuldabréfaflokki
lánasjóðsins. Óttar segir árangur-
inn hafa verið vel ásættanlegan
miðað við núverandi aðstæður.
Ávöxtunarkrafan hafi verið 5,0
prósent á þeim 4,5 milljörðum
króna sem úboðið hljóðaði upp á.
Líklegt sé að sjóðurinn gangist
fyrir einu útboði til viðbótar fyrir
áramót. . - gar
Lánasjóður sveitarfélaga:
Aldrei fleiri lán
undir lok árs
Vöruskortur er far-
inn að há pípurum
Efnisskortur, ekki verkefnisskortur, er farinn að há iðnaðarmönnum og seinka
afhendingartíma verka. Píparar þurfa að leita að efni út um allan bæ til að
geta klárað verk. Iðnaðarmenn kanna möguleika á að flytja starfsemina utan.
Það er efnisskorturinn
sem er að stoppa okkur í
dag, ekki verkefnaskorturinn.
JÓN ÞÓRÐARSON
PÍPULAGNINGAMEISTARI
EFNISSKORTURINN STOPPAR „Þetta ástand er að reka okkur til útlanda. Við erum að
skoða hvort við getum farið að vinna í Danmörku eða Noregi því að það er efnis-
skorturinn sem er að stoppa okkur,“ segir Jón Þórðarson pípulagningameistari.
FRÉTTABLAÐIÐ/ANTON BRINK
Reyndi að stinga af
Nokkuð var um að menn ækju ölvaðir
í fyrrinótt. Sjö voru stöðvaðir grunaðir
um ölvunarakstur í Reykjavík og tveir
á Akureyri. Annar þeirra reyndi að
stinga lögreglu af en var stöðvaður.
LÖGREGLUFRÉTTIR
SPURNING DAGSINS