Tíminn - 15.06.1982, Blaðsíða 10
■ „Veðrið hefur komið eftir pöntun,
upphafleg áætlun stenst upp á dag og
allir hafa viljað leggja okkur lið við
verkið eins og þeir framast hafa getað,“
sagði Bjöm Bjömsson, leikmyndagerð-
armaður og blaðafulltrúi aðstandenda
kvikmyndarinnar „Trúnaðarmál," þeg-
ar við hittum hann að Ásvallagötu 11 þar
sem verið var að kvikmynda af fullum
krafti með aðstoð Slökkviliðsins i
Reykjavik en þeir höfðu lánað stigabíl
sinn, til þess að mynda húsið að utan,
en þetta hús verður aðalvettvangur
kvikmyndarinnar.
Húsið hefur meira að segja verið
málað upp á nýtt og er nú kolgrátt á lit,
sjálfsagt til þess að undirstrika þá
dularfullu atburði sem innan veggja þess
gerast, - en hverjir þeir atburðir em
verður samt „trúnaðarmál“, þar til á
frumsýningu. Sem kunnugt er em það
Saga-film og Hugmynd h.f. sem að gerð
myndarinnar standa og ieikstjóri er Egill
Eðvarðsson.
Björn sagði það rétt vera, sem spurst
hefur, að myndin sé um ungt par sem
fær um stund inni í þessu gamla og
skuggalega húsi, þar sem margt kynlegt
fer að gerast, eftir að þau flytja inn. Ungi
maðurinn er tónskáld og tónlistarmaður
og því má nærri geta að nokkuð verður
um tónlist í myndinni, en hana hefur
Þórir Baldursson samið og einnig mun
mega heyra stef eftir leikstjórann, Egil
Eðvarðsson. Bmgðið verður upp mynd-
um frá Vínarborg, þar sem ungi
maðurinn er við nám og einnig lögðu
kvikmyndagerðarmenn leið sína norður
á Húsavík. Þetta er að sögn Björns
mynd sem gerist í nútimanum, þótt
fortiðin hafi sin áhrif á atburðarásina.
Ástin leikur auðvitað sitt stóra hlutverk
í myndinni eins og vera ber hjá ungu og
ástföngnu fólki, en parið er leikið af
þeim Jóhanni Sigurðssyni og Lilju
Þórisdóttur.
Það er samt aðeins ytra útlit hússins að
Ásvallagötu 11, sem við munum sjá í
myndinni, þvi allt innanstokks hefur
verið smíðað sérstaklega i gamla
Lucas-salnum að Suðurlandsbraut 10.
Þegar við litum þar við tók Troels
Bendtsen á móti okkur og sagði hann að
undirbúningur að gerð myndarinnar
hefði hafist þegar eftir áramót og að
þrjár vikur væru nú liðnar frá þvi er
tökur byrjuðu. Hafa þeir 13 starfsmenn
sem að verkinu vinna lagt sig hart fram
og unnið mikið og gott verk, auðvitað
með aðstoð smiða og leiktjaldamálara.
Þótt aðalhlutverkin hvili á herðum
þeirra Jóhanns og Lilju, þá eru sum
atriði mjög fjölmenn, t.d. á tónleikum
unga tónlistarmannsins þar sem safnað
er saman 150 manns i Gagnfræðaskóla
Austurbæjar. Það atriði hefur þegar
verið tekið. Troels sagði að ætlunin væri
að Ijúka kvikmyndatökunni um miðjan
júli.
í 13 manna hópnum sem starfar að
myndinni eru eftirtaldir, auk leikstjór-
ans: Ingibjörg Briem, aðstoðarleik-
stjóri, Snorri Þórisson, kvikmyndatöku-
maður, Sigmundur Arthursson, aðst.
kvikmyndatökumaður, Sigfús Guð-
mundsson, hljóðupptökumaður, Jón
Kjartansson, aðst. hljóðupptökumaður,
Ágúst Baldursson, tæknimaður, Björn
Björnsson, hönnuður leikmyndar,
Gunnlaugur Jónsson, leikmunir, Þor-
geir Gunnarsson, aðst. við leikmuni,
Dóra Einarsdóttir, búningar, Ragnheið-
ur Harvey föðrun og hár, Troels
Bendtsen, upptökustjóri og Jón Þór
Hannesson, framkvæmdastjóri.
-AM
Egill Eðvarðsson stendur hér við kvikmyndatökuvélina framan við Ásvallagötu
11. í hliðinu standa þau Jóhann og Lilja og Briet Héðinsdóttir til hægri.
(Tím»imnd RAbcrt)
■ Leikstjórinn, Egill Eðvarðsson, er hér kominnn upp i lyftu slökkviliðsbUs framan
VÍð Ásvallagötu 11. (Tímamynd Róbert).
■ Skyldi ekki braka draugalega i honum þessum?
(Tímaraynd Róbert)
Til sölu
votheysverkunartæki, Taarut 2100 saxari,.
með 4ra tromlu sláttuvél og sópara.
Upplýsingar í síma 96-43102 á kvöldin.
Aðalfundur Sögufélags
Borgarfjarðar verður haldinn á
Hótel Borgarnesi föstudaginn 18. júní og
hefst kl. 21.
Fundarefni:
1. Venjuleg aöalfundarstörf.
2. Útgáfumál.
Stjórnin.
ÖKUMENN! t
BLÁSUM El
SUMRINU BURT
Staða sveitarstjóra
í Hafnarhreppi Höfn í Hornafirði er laus til
umsóknar.
Umsóknir ásamt upplýsingum um menntun og
fyrri störf sendist sveitarstjóra Hafnarhrepps
fyrir 28. júní n.k.
Hreppsnefnd Hafnarhrepps.
Tamningar
Tek hross í tamningu og þjálfun í Langholti
Hraungerðishreppi eftir 20. júní.
Upplýsingar í síma 99-1019, Gunnar Ágústsson.