Tíminn - 30.06.1982, Blaðsíða 3

MIÐVIKUDAGUR 30. JÚNÍ 1982
3
fréttir
Heimsmeistarakeppnin í knattspyrnu
lÍRSUTALQKURINN I
BEINNIIJTSENDINGU
— en líklega í svart/hvltu
■ „Mér hefði fundist hrein goðgá að byrja heimsmeist-
arakeppnina með beinum útsendingum, þrjá fyrstu
dagana, og síðan hætta í miiliriðlunum og i
úrslitakeppninni,“ sagði Bjarni Felixson, íþróttafrétta-
maður Sjónvarpsins, þegar Timinn spurði hann
hversvegna Sjónvarpið nýtti sér ekki alla möguleika á
beinum útsendingum frá heimsmeistarakeppninni á
Spáni. „Við urðum að tryggja okkur keppnina alla,“ hélt
Bjarni áfram. „Hér er um 52 leiki að ræða. Á fyrstu
þremur dögunum voru þrír leikir falir í okkar kerfí. Við
settum höfuðáherslu á að fá opnunarleikinn.”
- Nú er ljóst að fyrir utan opnunarleik-
inn stóð Sjónvarpinu til boða að fá leiki
Ítalíu og Póllands, Brasiliu og Sovétrikj-
anna og Perú og Kamerún beint um
Skyggni, á því kerfi sem hér er notað.
En þú hefur oftar en einu sinni látið hafa
eftir þér, að opnunarleikurinn hefði
verið sá eini sem falur var?
„Pegar farið er að vinna að heims-
meistarakeppni til útsendingar i sjón-
varpi, þá er það ekki gert árið 1982,
heldur árið 1980. Þegar við stóðum
frammi fyrir því, þá var það tæknilegt
atriði sjónvarpsstöðvanna á Spáni hvem-
ig sjónvarpssendingum yrði dreift um
heimsbyggðina. Við eram í samfloti
með samtökum sjónvarpsstöðva i Evr-
ópu sem flestar nota Pal kerfi eins og
við. Þá var spurningin, hvernig eigum
við að taka við þessu efni? Svar mitt var
að fá sem mest í beinni útsendingu.
Síðan kemur að riðlakeppninni og út eru
sendir þrir leikir á dag. Okkur er alveg
vonlaust að afgreiða nema tvo. Þá
verður að panta i marsmánuði s.l.
Ljónin á veginum voru mörg, í fyrsta
lagi voru aðeins þessir þrír leikir falir,
þess vegna urðum við að senda menn til
Kaupmannahafnar til að taka upp
leikina þar. Eftir á breyti ég því ekkert
fram og til baka hvaða leikir verða
sýndir. Það þýðir ekkert að naga sig i
handarbökin eftir á.“
- En nú var það haft eftir Pétri
Guðfínnssyni, framkvæmdastjóra Sjón-
varpsins, að ef útsendingar hefðu verið
ráðgerðar fyrir einu ári, þá hefði verið
hægt að fá alla leikina í beinni
útsendingu.
„Það er ekki rétt hjá Pétri.”
- Spánski síminn bauð Sjónvarpinu að
leggja fram óskir um breytingar á
niðurröðun leikjanna í gervitunglinu
strax í haust og svo aftur í mars. En
Sjónvarpið svaraði þvi engu?
„Ég man nú ekki nákvæmlega hvenær
það var sem ég fékk listann yfir þetta.
En þegar hann kom gerði ég minar
tillögur og lagði þær fyrir útvarpsráð. Ég
vildi leggja höfuðáherslu á undanúrslitin
og úrslitaleikinn. Það var svo ekki fyrr
en hálfum mánuði áður en keppnin hófst
sem útvarpsráð lét þau boð ganga, að
við gætum sent út þá leiki sem hægt yrði
að fá beint í júlí. Það var of seint“.
- Nú er hægt að fá alla leiki í
svart-hvítu?
„Já. Ég ætla ekki að standa fyrir þvi
að senda út lélegar myndir af góðu efni.
Það væri hreinlega skref aftur á bak. Að
minu mati er það ekki aðalatriðið hvort
útsendingar eru beinar. Heldur að við
fáum að sjá sem mest af keppninni,"
sagði Bjarni.
Þess má geta að Tíminn hafði
samband við Bjarna tveimur tímum eftir
þetta samtal og var þá búið að ákveða
að senda út úrslitaleikinn í heimsmeist-
arakeppninni. Hvort sem hann fæst i lit
eða ekki.
- Sjó.
Sjónvarpinu
stóð opið til 1.
apríl að tryggja
sér beinar
útsendingar:
Svaraði
aldrei
bréfunum
■ „Það reyndi ekkert á það hvaða
leiki sjónvarpið hefði getað fengið.
Við fengum tvö bréf frá Spánska
simanum, þar sem lagður var frant
listi yfir bráðabirgðarskipulag á
útsendingunum. Bréfunum átti að
svara fyrir fyrsta april, ef einhverjar
óskir um brevtingar yrðu lagðar
fram. En Sjónvarpið svaraði aldrei
bréfunum," sagði Gústav Arnar,
yfirverkfræðingur Pósts og síma í
samtali við Timann i gær.
„Það korn strax i Ijós að niðurröð-
un leikjanna var okkur mjög i óhag.
Það voru bara fyrstu leikirnir sem við
áttum kost á að fá. Við gerðum
útvarpinu þegar grein fyrir þessu og
sögðum þdm að ef þeir hefðu
einhvern áhuga á beinum útsending-
um, væri rétt að láta okkurvita fyrst.
En fresturinn var til fyrsta april og
Sjónvarpið lét hann renna út“, sagði
Gústav. -Sjó.
■ Bygging Rannsóknarstofnunar landbúnaðarins á
Keldnaholti var formlega tekin í notkun í gær. Afhenti
menntamálaráðherra, Ingvar Gíslason fyrir hönd
Rannsóknarráðs rðdsins, Pálma Jónssyni, landbúnaðar-
ráðherra, bygginguna. Tímamynd:EUa.
?rLand og synir”
og „Útlaginn”
nú endursýndar
■ ísfilm hyggst hefja endursýningar á
kvikmyndum stnum, Útlaganum og
Landi og sonum, nú i byrjun mánaðar-
ins. Verða myndirnar sýndar um allt
land, en fyrstu sýningar verða á
Akureyri og Sauðárkróki. Sýningar
hefjast í Nýja biói á Akureyri strax upp
úr mánaðamótunum, en á Sauðárkróki
hefjast sýningar á Landi og sonum um
sama leyti.
Ástæðan til þess að Land og synir er
endursýnd er, að nokkuð margir aðilar
hafa óskað eftir að fá hana enn til
sýningar. Eins og kunnugt er sló myndin
öll aðsóknarmet á sinum tima.
Kvikmyndin Útlaginn var frumsýnd
seint á síðasta ári, og lentu þvi sýningar
á henni á tíma þegar jólaundirbúningur
var í fullum gangi. Engu að siður hafa
tugir þúsunda séð myndina, þar af
fimmtíu og tvö þúsund i Reykjavík
einni.
Kvikmyndin Útlaginn hefur verið
kynnt viða og verið sýnd á Filmex í
Bandarikjunum og í Cannes. Þá hefur
ísfilm verið boðið að sýna hana á
kvikmyndahátíð i Karlovy Vary i
Tékkóslóvakíu nú í byrjun mánaðarins.
Sú hátið er m.a. hugsuð til að kynna
kvikmyndir frá Austur-Evrópu og fyrir
fulltrúum þaðan.
Útlaginn hefur vakið mikla athygli
erlendis og mikið verið skrifað um
myndina í blöð. Hið þekkta blað Variety
hælir myndinni mjög og segir hana m.a.
minna á kvikmyndina Macbeth eftir
Polanski. Kvikmyndin hefur þegarverið
seld til Noregs, Sviþjóðar, Þýskalands
og Bretlands, en um þessar mundir er
verið að ganga frá samningum við
Crown International Inc. í Los Angeles
um sölu og dreifmgu á myndinni í
Bandaríkjunum og Kanada. Verður það
í fyrsta sinn sem islensk mynd nær
útbreiðslu á þvi svæði.
Kvikmyndin Land og synir hefur
þegar farið viðsvegar um heim og unnið
til verðlauna og viðurkenningar á
kvikmyndahátiðum. Leikstjóri að báð-
um þessum myndum hefur verið Ágúst
Guðmundsson, kvikmyndaleikstjóri, en
framleiðandi er Jón Hermannsson,
tæknifræðingur.
ísfilm athugar nú enn frekari útfærslu
starfsemi sinnar, en í ágúst i sumar mun
fyrirtækið gera heimildarmynd um
Daniel Bruun og Kjalveg. Síðustu
forvöð eru að ná Kjalvegi óbreyttum
vegna Blönduvirkjunar.
ReiÖstígvél
BARNA-, KVEN - OG HERRASTÆRÐIR
ÞRJÁR BOLVÍDDIR
AIGLE
MEST SELDU REIÐSTÍGVÉL í HEIMI
^KAUPFÉLÖGIN
VÍÐA UM IAND