Fréttablaðið - 29.12.2008, Blaðsíða 2

2 29. desember 2008 MÁNUDAGUR
Aron Pálmi, ætlarðu að taka
Jailhouse Rock í úrslitaþætt-
inum?
„Já, kannski. Þá vinn ég pottþétt.“
Aron Pálmi Ágústsson, sem sat árum
saman í fangelsi í Bandaríkjunum, hefur
lýst því yfir að hann ætli að vinna Idol-
keppnina á næsta ári.
SAMGÖNGUMÁL Reynt verður að
leysa deilu samgönguyfirvalda og
Félags íslenskra flugumferðar-
stjóra (FÍF) á
fundi í dag.
Loftur Jóhanns-
son, formaður
FÍF, segir
fulltrúa
samgönguyfir-
valda hafa unnið
að undirbúningi
viðræðna um
helgina. Reyna á
að leysa málið
fyrir áramót.
Flugumferðarstjórar eru ósáttir
við að störf þeirra eigi að færast
til Keflavíkurflugvallar ohf. um
áramót án samráðs við þá.
Krefjast þeir þess að Keflavíkur-
flugvöllur ohf. geri sambærilegan
samning við félagsmenn um
lífeyrismál og Flugstoðir ohf.
gerðu árið 2007. - bj
Flugumferðarstjórar:
Vilja leysa deilu
fyrir áramót
LOFTUR
JÓHANNSSON
Konan sem lést í bílslysi við
Reykjanesbraut á laugardag-
inn hét Freyja Sigurðardóttir,
til heimilis að Burknavöllum
17b í Hafnarfirði. Hún var
fædd 31. maí 1948 og lét eftir
sig tvær uppkomnar dætur,
barnabörn og unnusta.
Lést í bílslysi
SÓMALÍA, AP Abdullahi Yusuf,
forseti Sómalíu, mun segja af sér í
dag að sögn eins ráðgjafa hans.
Hann muni greina þinginu frá
þessari ákvörðun í dag.
Abdirashid Sed sagði frá þessu í
gær en hann er hæst setti
maðurinn sem hingað til hefur
tjáð sig um framtíð forsetans.
Yusuf ætlar að hætta til þess að
standa ekki í vegi fyrir friði í
landinu. Staða hans hefur þótt
óviss frá því að þingið kom í veg
fyrir að honum tækist að reka
forsætisráðherrann, sem hefur
lýst yfir vilja til friðarviðræðna
milli stríðandi fylkinga í borgara-
stríðinu sem ríkir í landinu. - þeb
Háttsettur ráðgjafi forseta:
Sómalíuforseti
hættir í dag
DÝRAHALD Hafa þarf sérstaka gát
á dýrum um áramótin vegna
hræðslu þeirra við flugelda, að
því er fram kemur í tilkynningu
frá Dýraverndarsambandi
Íslands. Kveikja skal ljós þar sem
gæludýr eru innandyra til að
minna beri á leiftrum, loka
gluggum og forðast eftir megni
að sprengja flugelda í námunda
við dýr.
„Flest dýr hræðast slíkan
ljósagang, hávaða og lykt, hvort
sem þau eru gæludýr eða búfé og
trúlega einnig villt dýr.“ Fólk eigi
að „gera allt sem það getur til
þess að draga úr því álagi sem
dýrin verða fyrir.“ - sh
Ferfætlingar hræðast áramót:
Draga skal úr
álagi á dýrin
SKELFDUR KÖTTUR Flest dýr hræðast
mjög sprengingar og ljósleiftur áramót-
anna. Dæmi eru um að þau hlaupist að
heiman. FRÉTTABLAÐIÐ / VALLI
TAÍLAND, AP Þúsundir manna héldu út á götur
Bangkok í gær til að mótmæla ríkisstjórn landsins,
en að þessu sinni voru það ekki andstæðingar Thaks-
ins Shinawatra, fyrrverandi forsætisráðherra, sem
stóðu að mótmælunum, heldur stuðningsmenn hans.
Mótmælendur sögðust ætla að fjölmenna fyrir
utan þinghús borgarinnar í dag, en hétu því að
hindra ekki störf þingsins.
„Jú, við ætlum að fara til þingsins, en við ætlum
að leyfa þingmönnum að fara inn og út,“ sagði
Korkaew Pikunthong, einn leiðtoga mótmælend-
anna.
Samtök mótmælendanna nefna sig Lýðræðis-
bandalag gegn einræði, og boða margs konar
mótmælaaðgerðir allt þar til Abhisit Vejjajiva
forsætisráðherra leysir upp þing og boðar til nýrra
kosninga. Mótmælendur segja að í reynd hafi hann
komist til valda með stjórnarbyltingu fyrr í þessum
mánuði.
Vejjajiva tók við sem forsætisráðherra eftir
langvinn mótmæli andstæðinga Thaksins gegn
stjórn landsins. Thaksin var steypt af stóli í herfor-
ingjabyltingu haustið 2006, en flokksbræður hans
náðu völdum á ný strax og herforingjastjórnin efndi
til kosninga í desember 2007. - gb
Stuðningsmenn Thaksins Shinawatra krefjast kosninga:
Mótmæli í Taílandi enn á ný
RAUÐAR SKYRTUR Í STAÐ GULRA Í stað gulklæddu mótmæl-
endanna, andstæðinga Thaksins Shinawatra, eru nú komnir
rauðklæddir stuðningsmenn hans út á götur Bangkok að
mótmæla. FRÉTTABLAÐIÐ/AP
Bílvelta í Öxarfirði
Tvær ungar konur sluppu með lítils
háttar meiðsli úr bílveltu á laugar-
dagskvöld. Þær voru á austurleið
þegar ökumaðurinn missti stjórn á
bílnum við afleggjarann að Ærlækjar-
seli, svo að bíllinn valt.
LÖGREGLUFRÉTTIR
MANNFJÖLDI Íslendingum fjölgaði
um 2,2 prósent á síðasta ári og 1.
desember voru þeir orðnir
319.756. Hvergi í Evrópu er
jafnmikil mannfjölgun og hér á
landi.
Undanfarin fjögur ár hefur
fólksfjölgun orðið óvenju mikil
hér á landi. Mest var hún árið
2006, þegar landsmönnum
fjölgaði um 2,6 prósent. Jafnmikil
fjölgun hefur ekki verið hér síðan
um miðbik sjöunda áratugar
síðustu aldar.
Fram undir 1980 skýrðist
fólksfjölgun fyrst og fremst af
fæddum umfram dána. Síðustu
árin er hún hins vegar fyrst og
fremst rakin til mikils aðstreymis
fólks frá útlöndum. - kóp
Íslendingum fjölgar ótt:
Mesta fjölgun í
allri Evrópu
FRAMKVÆMDIR Sjóðir Hallgríms-
kirkju til að ljúka viðgerðum á
steypuskemmdum á turni kirkj-
unnar eru tómir. Ljóst er að við-
gerðin verður mun dýrari en áætl-
að var í fyrstu. Framkvæmdum á
að ljúka í október, samkvæmt áætl-
un, en það er háð því að ríki og borg
hlaupi undir bagga með að fjár-
magna verkið.
Jón Dalbú Hróbjartsson, prestur
í Hallgrímskirkju, segir að enn sé
unnið að fullum krafti og starfsfé
dugi fram í febrúar. „Við trúum því
að hægt verði að halda áfram með
tilstyrk ríkis og Reykjavíkurborg-
ar.“ Til að það takist þurfi að lengja
í lánum í stað þess að taka ný lán.
Jón segir að gengið hafi verið út
frá því í byrjun að kostnaður við
viðgerðir á kirkjuturninum næmi
um 250 milljónum króna. „Það
hefur síðan komið í ljós að við-
gerðin fer töluvert fram úr þeirri
áætlun, þó ekki sé ljóst hversu
mikill sá aukakostnaður verður.
Við trúum því að verkið verði
klárað því enginn vill hafa land-
mark Reykjavíkur í þessu ástandi
lengur en þörf krefur.“
Skemmdirnar eru mestmegnis
veðrunar- og frostskemmdir. Fjár-
mögnun verksins var upphaflega í
samstarfi við ríkissjóð, Reykja-
víkurborg og þjóðkirkjuna.
- shá
Sjóðir til viðgerðar á turni Hallgrímskirkju hafa verið tæmdir:
Treysta á Guð og lukkuna
HALLGRÍMSKIRKJA Skemmdir á
turninum reyndust vera mun meiri en
upphaflega var talið. Verklok eru áætluð
í október. FRÉTTABLAÐIÐ/VILHELM
DÝRAHALD „Það er hræðilega dap-
urlegt þegar þetta er að drepast í
höndunum á manni,“ segir þing-
maðurinn Árni Páll Árnason, sem
hefur varið drjúgum hluta jólanna
í hesthúsi í Mosfellsbæ að hjúkra
fársjúkum hestum og hjálpa til við
að aflífa þá. Hann hefur misst einn
hest og á annan við dauðans dyr.
Nú eru 22 hestar dauðir vegna
salmonellusýkingarinnar sem
kom upp fyrir viku á Kjalarnesi.
Þrjú til fjögur hross til viðbótar
eru alvarlega veik, en hin eru á
batavegi. Alls var 41 hross í stóð-
inu sem veiktist.
Talið er fullvíst að sýkingin hafi
borist úr settjörn í bithaganum,
en í henni
greindist salm-
onella.
Árni fór fyrst
að huga að hest-
unum síðla á
aðfangadags-
kvöld og sat við
langt fram á
jólanótt. Síðan
hefur hann farið
daglega upp í
hesthús með Sigrúnu konu sinni,
jafnvel oft á dag, og eytt þar
mörgum nóttum. „Þetta hefur
verið alveg furðuleg lífsreynsla,
og er ekki búin enn þá,“ segir
Árni, sem var á leið í Mosfellsbæ-
inn í gærkvöldi í þriðja sinn í
gær.
Á annan jóladag missti Árni
hestinn Asa, sem var orðinn sex-
tán vetra gamall og hafði fylgt
honum í sjö ár. Hinn, Áki, er átta
vetra og tvísýnt er um örlög hans.
„Þetta er enn djöfulli dapurlegt
því maður reynir og reynir en
hefur ekki enn séð neinn árangur
hjá sínum eigin hrossum. En
maður sér þó árangur hjá annarra
manna hrossum sem maður hefur
hjálpað til við að koma á lappir.“
Árni segist aldrei hafa upplifað
annað eins. „Það var sérstaklega
erfitt þegar maður var að bera út
svona þrjú til fimm á dag. Maður
verður svolítið kaldur í sálinni við
það,“ segir hann. „Það er búið að
vera alveg með ólíkindum að
horfa upp á þetta. Þetta eru svo
fárveik dýr.“
Og Árni er ekki alls kostar sátt-
ur við hvernig tekið var á málum.
„Ég er svolítið hissa á hvað við-
brögð yfirvalda voru bæði fálm-
kennd og hæg í byrjun. Það skorti
á samhæfingu og að það væri sett
á einhver verkefnisstjórn,“ segir
hann en bendir þó á að menn hafi
aldrei þurft að eiga við eins stóra
sýkingu. Skoða þurfi málið þegar
rykið er sest.
Árni var vongóður áður en hann
hélt af stað í gærkvöldi. „Maður
kemur sér nú upp ákveðnu æðru-
leysi í þessu en auðvitað vonast
maður til að geta hnoðað í þetta
lífi.“ stigur@frettabladid.is
Kaldur í sálinni eftir
jólanætur í hesthúsi
Rúmur helmingur hrossanna sem veiktust heiftarlega á Kjalarnesi fyrir viku er
dauður. Nokkur eru enn veik. Árni Páll Árnason þingmaður hefur misst einn
hest og á annan fársjúkan. Hann hefur varið stórum hluta jólanna í hesthúsinu.
SÓTTKVÍ Hlúð er að hrossunum í húsi í Mosfellsbæ. Af ótta við smit hefur húsið verið
girt af. Flest eftirlifandi hrossa eru á batavegi. FRÉTTABLAÐIÐ / DANÍEL
ÁRNI PÁLL
ÁRNASON
SPURNING DAGSINS