Fréttablaðið - 29.12.2008, Blaðsíða 8

8 29. desember 2008 MÁNUDAGUR
MENNTAMÁL Skerða verður nám
fanga ef ekki kemur til fjárfram-
lag á fjáraukalögum. Fjármagn
vantar til að kosta áfram sérstak-
an námsráðgjafa fyrir fangelsin
hér á landi. Þetta segir Örlygur
Karlsson, skólameistari Fjöl-
brautaskóla Suðurlands.
Ríkisstjórnin samþykkti í jan-
úar í fyrra að ráðinn yrði náms-
ráðgjafi í fangelsin, að því er
Örlygur greinir frá.
Mál skipuðust á þann veg að
námsráðgjafinn yrði á vegum
Fjölbrautaskóla Suðurlands, sem
myndi greiða honum laun fyrir
starf hans í öllum fangelsum
landsins. Ráðinn var starfsmaður,
fyrstu mánuðina í hálft starf, en
síðan í fullt starf frá og með 1.
ágúst. Þetta er í fyrsta skipti, að
sögn Örlygs, sem námsráðgjafi
hefur verið ráðinn beint í fangels-
in.
Í frumvarpi til fjáraukalaga nú
er ekki gert ráð fyrir fjárhæð til
stöðugildis námsráðgjafans.
„Nú erum við búin að greiða
einhverjar milljónir til starfsem-
innar á þessu ári,“ útskýrir Örlyg-
ur. „Ef það kemur enginn pening-
ur í hana á næsta ári verð ég að
skera einhvers staðar niður á
móti því. Auk þessa er svo niður-
skurður í kerfinu í heild. Það ligg-
ur því fyrir að skera niður í
kennslu fanganna á Litla-Hrauni
ef ekki kemur til fjárveiting.
Ég vona að þetta sé einhver
misskilningur, sem verið sé að
leiðrétta, en ekki sé um að ræða
beinan niðurskurð. Ég vil vera
bjartsýnn og trúa því að til þessa
þurfi ekki að koma.“
Örlygur segir að námsráðgjafinn
hafi verið að vinna mjög gott starf
við að aðstoða fólk í fangelsum
landsins við að átta sig á því hvaða
nám það vilji stunda og vekja
samhliða því námsáhuga hjá
föngunum.
„Ef ekki fæst fjárveiting erum
við að snúa til baka og fara á núll-
reitinn aftur. Það væru mikil von-
brigði fyrir alla sem tengjast þessu.
Það er verið að reyna að endurhæfa
menn úti í fangelsunum og koma
þeim aftur út í lífið. Námið er einn
hluti slíkrar endurhæfingar.“
Örlygur kveðst hafa leitað svara
um framhald málsins hjá viðkom-
andi stjórnvöldum. Þau svör liggi
ekki fyrir. jss@frettabladid.is
FANGELSIÐ Á LITLA-HRAUNI Nám fanga þar verður að líkindum skert ef ekki kemur til fjárframlag á fjáraukalögum til að kosta
sérstakan námsráðgjafa.
Skerða verður nám
fanga að óbreyttu
Nám fanga á Litla-Hrauni verður skert ef fram heldur sem nú horfir. Fjárveit-
ingu vantar á fjáraukalögum til að kosta námsráðgjafa sem starfað hefur í
fangelsum landsins. Skólameistari Fjölbrautaskóla Suðurlands bíður svara.
SAMFÉLAGSMÁL Fáar vísbendingar eru komnar fram
um slæm áhrif kreppunnar á börnin í borginni. Þetta
segir Ragnar Þorsteinsson, fræðslustjóri í Reykjavík
og formaður „Barnanna í borginni“, viðbragðsteymis
sem ætlað er að fylgjast með líðan og högum barna á
krepputímum. Teymið tók til starfa í október og
hefur síðan hist á viku til tveggja vikna fresti.
Sérstakar gætur eru hafðar á þeirri þjónustu sem
kostar peninga. Það eru meðal annars skólamáltíðir,
frístundaheimili og leikskólagjöld.
„Við erum nýbúin að fá tölur fyrir nóvember-
mánuð og sjáum ekki marktækan mun á október og
nóvember.“ Foreldrar virðist ekki farnir að draga úr
því að kaupa hádegismat fyrir börnin sín í skólanum,
eins og margir óttast að verði raunin. „Við skoðum
líka vanskil. Þau hafa heldur ekki aukist á milli
mánaða.“ Þá segir hann foreldra ekki í nokkrum
mæli farna að draga börnin sín út úr frístunda-
þjónustu.
„Annars eru menn sammála um að við séum enn
ekki farin að finna fyrir áhrifum kreppunnar fyrir
alvöru,“ segir Ragnar. „Við vöktum því þessi mál
eins vel og við getum. Það má búast við því að þetta
þyngist þegar líður á veturinn.“ - hhs
Viðbragðsteymið „Börnin í borginni“ fylgist vel með kreppumerkjum:
Börnin fá enn þá hádegismat
LEIKANDI Ekki er enn farið að bera á vanskilum á greiðslum
foreldra fyrir skólamáltíðir, frístundaheimili og aðra þjónustu
við börn í Reykjavík. MYNDIN ER ÚR SAFNI
1 Hvað bíða mörg þingmál
afgreiðslu á Alþingi?
2 Hver er skólameistari Tækni-
skólans?
3 Hvaða bók þótti hafa versta
titilinn á árinu samkvæmt álits-
gjöfum Fréttablaðsins?
SVÖRIN ERU Á SÍÐU 34
NOREGUR Norsk stjórnvöld hafa
óskað eftir upplýsingum frá
Sameinuðu þjóðunum um
mexíkóska kókaínglæpahringi. Sú
skrifstofa SÞ sem fylgist með og
berst gegn útbreiðslu eiturlyfja
telur að mexíkóskir kókaínglæpa-
hringir hafi áhuga á að nota Ósló
sem brú inn á evrópskan kókaín-
markað, að sögn Aftenposten.
Norðmenn hafa óskað eftir því
að skrifstofan útskýri á hverju
hún byggi grun sinn og veiti
norskum stjórnvöldum aðgang að
öllum þeim upplýsingum sem
nýtist í baráttunni gegn mex-
íkósku glæpahringjunum. Fulltrúi
SÞ segist hafa frétt af áhuga
Mexíkómannanna í Aftenposten.
- ghs
Eiturlyfjaskrifstofa SÞ:
Ósló brú fyrir
kókaínhringi
SVÍÞJÓÐ Eldri kona í Svíþjóð sló
strák með stafnum sínum í sumar
og var dæmd til að greiða bætur
fyrir vægt ofbeldi. Nú hefur
jólakortum í hundraða tali rignt
yfir konuna frá því fyrir jól, að
sögn Hufvudstadsbladet.
Strákurinn sem konan sló hafði
verið að troða ónýtum kirsuberj-
um í póstkassann hjá kerlu þegar
hún opnaði útidyrnar og sá hann
standa fyrir utan ásamt vinum
sínum. Hún snöggreiddist og
reiddi stafinn til höggs og lét
vaða.
Konan var dæmd í haust og í
framhaldi af því ákváðu nágrann-
ar hennar að safna fé fyrir
bótunum og á netinu hófst
herferð þar sem fólk var hvatt til
að senda þeirri gömlu jólakort til
að gleðja hana. - ghs
Eldri kona í Svíþjóð:
Sló strák og fær
fjölda jólakorta
STOKKHÓLMUR, AP Gagnvirk sýning
á sviðsbúningum, hljóðfærum og
minnisverðum hlutum úr sögu
ABBA-söngflokksins ástsæla fer í
fimm ára langa heimsreisu á
næsta ári. Þetta tilkynntu sænskir
skipuleggjendur sýningarinnar
fyrir skömmu.
Magnus Danielsson, aðalskipu-
leggjandi sýningarinnar, taldi
líklegt að almenningur í Bretlandi,
Ástralíu og Bandaríkjunum fengi
tækifæri til að njóta sýningarinn-
ar á næstu árum, ásamt fleiri
ónafngreindum löndum. - kg
Sýning í heimsreisu:
ABBA-sýning á
fimm ára túr
ABBA Svíarnir vinsælu hafa selt yfir 370
milljónir platna.
PAKISTAN, AP Tugþúsundir manna
komu saman í Pakistan á laugar-
dag til að minnast Benazir Bhutto.
Ár var þá liðið frá því að hún var
myrt á leið af kosningafundi í
Rawalpindi, þegar hún sóttist
eftir því að verða forsætis-
ráðherra í þriðja sinn.
Ekkill Bhutto og forseti
Pakistan, Asif Ali Zardari, sagði í
minningarræðu um konu sína að
hún hefði verið píslarvottur og
Pakistan myndi halda áfram á
þeirri braut sem hún hefði
markað. - þeb
Ár frá morði Benazir Bhutto:
Mikill fjöldi
minntist Bhutto
FÉLAGSMÁL Eitt til tvö íslensk ungabörn eru
ættleidd á ári hverju og þá gjarnan af skyld-
mennum. Aftur á móti eru allt að tuttugu börn
ættleidd frá útlöndum á hverju ári.
Íslenskt barn er oft ættleitt af einhverjum
sem móðirin þekkir til og í samræmi við henn-
ar óskir, að sögn Braga Guðbrandssonar, for-
stöðumanns Barnaverndarstofu.
Bragi segir að frumættleiðingar ungra
íslenskra barna heyri nánast til undantekninga,
séu kannski ein til tvær á ári. Margar ástæður
séu þar að baki, þar á meðal tilkoma velferðar-
kerfisins. Nú sé til dæmis mun sjaldgæfara en
áður að börn fæðist inn í örbirgð auk þess sem
nú til dags séu til getnaðarvarnir sem geri fólki
kleift að stjórna barneignum.
„Börn sem koma óvelkomin í heiminn eru
mun færri en áður,“ segir Bragi og bendir á að
fyrir allmörgum árum hafi fóstureyðingarlög-
gjöfinni verið breytt þannig að meira tillit sé nú
tekið til aðstæðna kvenna.
Á fyrri hluta síðustu aldar átti fólk þess ekki
kost að stjórna barneignum og því áttu mæður
ekki annarra kosta völ en að láta börn frá sér
sökum fátæktar og óöryggis í afkomu. Bragi
telur að konur hafi ekki mætt fordómum heldur
frekar skilningi í samfélaginu. Þannig sé það
enn.
Um 4.500 börn fæddust á Íslandi árið 2007.
Frumættleiðingar barna tíu ára og yngri voru 33
talsins frá 1990 til 2007, þar af voru fimmtán
börn yngri en eins árs og sex börn voru á öðru
ári. - ghs
Ættleiðingar ungra íslenskra barna heyra nánast til undantekninga:
Eitt til tvö íslensk börn ættleidd á ári
FÁ BÖRN ÆTTLEIDD INNANLANDS Ættleiðingar ungra
íslenskra barna hafa verið afar fátíðar undanfarin ár.
Fundu landa og bruggtæki
Lögreglan á Selfossi fann 25 lítra af
landa auk bruggtækja í íbúð í upp-
sveitum Árnessýslu á dögunum. Íbúi
í íbúðinni viðurkenndi að eiga tækin
og bruggið, sem hann sagði aðeins
ætlað sér.
LÖGREGLUMÁL
VEISTU SVARIÐ?