Tíminn - 17.08.1982, Blaðsíða 5

ÞRIÐJUDAGUR 17. ÁGUST 1982
5
fréttir
Innbrotsþjófar idnir um helgina:
REYNT AD BRIÓTASTINN í
SEX SKARTGRIPAVERSLANIR
— Gífurlegum verðmætum stolið úr þremur þeirra
■ Skartgrípaþjófar voru iðnir við
kolann um helgina. Reynt var að
brjótast inn í sex skartgripaverslanir í
Reykjavík. I þremur tilvikum hjá
Módelskartgrípum við Hverfisgötu, hjá
Halldóri á Skólavörðustíg og hjá
Magnúsi Asmundssyni við Ingólfsstræti
3 tókst þjófunum (eða þjófnum) að
komast inn. í hinum tilvikunum þremur,
hjá Kornelíusi við Bankastræti, hjá Jóni
Sigmundssyni í Iðnaðarmannahúsinu
við Hallveigarstíg og hjá Arna Höskulds-
syni við Bergstaðastræti komust þjófarn-
ir ekki inn. Þó mátti sjá greinileg merki
þess að það hafði verið reynt.
Samkvæmt upplýsingum, sem Tíminn
aflaði sér hjá rannsóknarlögreglu ríkis-
ins, er ómögulegt í fljótu bragði að gera
sér grein fyrir verðmæti þýfisins úr
verslununum. Þó mun ljóst vera að hér
er um gífurleg verðmæti að ræða.
Mestu verðmætin hurfu úr Módel-
■•kartgripum við Hverfisgötu. Þar var
nánast allt gull hreinsað út. Auk þess
hurfu þar peningar. Hjá Magnúsi
Asmundssyni var brotin rúða og tekið
nokkuð af skartgripum. Stærstur hluti
þeirra var í viðgerð. Hjá Halldóri á
Skólavörðustíg var farið inn um hurð á
bakhlið hússins. Þar voru teknir skart-
gripir og 1500 krónur. -Sjó
„Við viljum auka
öryggiskröfurnar'’
— segir Héðinn Emilsson, deildarstjóri hjá Samvinnutryggingum
■ „Það er nú kannski fullmikið sagt að
við séum orðnir tregir til að tryggja
skartgripaverslanir gegn svona innbrot-
um. Hins vegar viljum við auka
öryggiskröfumar. I tæknivæddum heimi
er óþarfi að liggja flatur fyrír svona
áföllum,“ sagði Héðinn Emilsson, deild-
arstjóri hjá Samvinnutryggingum, þegar
Tíminn ræddi við hann um innbrot í
skartgripaverslanir í gær.
„Það eru til mjög öflug viðvörunar-
kerfi sem hægt er að tengja bæði
löggæslu og einkaaðilum sem taka að sér
öryggisgæslu. Einnig eru til viðvörunar-
kerfi sem taka kvikmyndir af vettvangi,
jafnvel að næturlagi. Þegar svona óöld
rt's er ekki nema sjálfsagt að þær varnir
sem á boðstólum eru séu notaðar.
Sérstaklega þegar litið er til þess að þær
eru ekkert óeðlilega dýrar. A.m.k. ef
miðað er við þá hagsmuni sem í húfi
eru.“
- Er nóg gert til að kynna svona
útbúnað?
„Við höfum heimsótt okkar trygginga-
taka og bent þeim á tiltölulega góðar
tæknilegar varnir. Þótt enn höfum við
ekki sett það sem reglu, þá er talað um
það að hafa það fyrir skilyrði, þegar
innbrotstrygging í skartgripaverslanir og
hliðstæð fyrirtæki er fengin, að þau verji
sig með þeim tæknibúnaði, sem fáan-
legur er og skynsamlegur getur talist. Ég
tel að það sé alls ekki óaðgengilegt fyrir
fyrirtæki sem svo mikilla hagsmuna hafa
að gæta,“ sagði Héðinn. -Sjó
Þú getur gert
VOIVO LAPPLANDER
aðglœsilegum farkosti