Tíminn - 24.08.1982, Blaðsíða 3
ÞRIÐJUDAGUR 24. ÁGÚST 1982
3
fréttir
Tuttugu og fimm ára gamall Iri: Gæslu
JATAR Á SIG SEX INN- 52..
BROT í GULLVERSLANIR
Þýfið fannst í höfudstöðvum Ananda Marga
■ Tuttugu og fimm ára gamall íri hefur
játað við yfirheyrslur hjá rannsóknarlög-
reglu rikisins, að hafa brotist inn í sex
skartgripaverslanir í Reykjavík í vor og
sumar. Auk þess játar hann að hafa
reynt að komast í tvær til viðbótar.
Hefur hann vísað á stærstan hluta
þýfisins og er það nú komið í vörslu
rannsóknarlögreglunnar.
Samkvæmt heimildum Tímans fannst
þýfið í höfuðstöðvum Ananda Marga-
hreyfingarinnar á íslandi í Aðalstræti í
Reykjavik.
Rannsóknarlögreglan hefur lagt mik-
ið kapp á að upplýsa skartgripaþjófnað-
ina, sem verið hafa mjög tíðir að
undanfömu. Um helgina var viðhöfð
vakt nálægt skartgripaverslunum borg-
arinnar. Um tvö leytið aðfaranótt
sunnudags komu rannsóknarlögreglu-
menn auga á ungan mann sem var í nánd
við skartgripaverslun Magnúsar Bald-
vinssonar við Laugaveg 8. Var náið
fylgst með manninum þar sem hann
virtist vera að kanna aðstæður við
verslunina.
Þótt ekki væri maðurinn með nein
verkfæri í fórum sínum þótti rannsókn-
arlögreglumönnum ástæða til að hand-
taka hann og flytja til yfirheyrslu.
Fljótlega viðurkenndi hann að hafa
verið að verki þegar brotist var inn hjá
Komelíusi, Jóhanni Leifssyni, Þorgrími
Jónssyni, Magnúsi Ásmundssyni, Hall-
dóri Sigurðssyni og Modelskartgripum.
Gróflega reiknað er þýfið, sem
maðurinn hafði á brott með sér úr
verslununum, metið á um þrjár milljónir
króna.
Rannsóknarlögregla ríkisins sagðist
ekki hafa neina ástæðu til að ætla að fleiri ■
aðilar hafi komið við sögu í þessum
innbrotum.
Nú er búið að uplýsa öll skartgripa-
innbrot sem framin hafa verið á þessu
ári, utan eitt, þ.e. fyrsta innbrotið hjá
Kornelíusi.
írinn, sem nú hefur gengist við
innbrotunum sex, kom fyrst hingað til
lands í febrúar mánuði s.l. Fór hann
síðan af landi brott um skeið, en kom
aftur í apríl og hefur verið hér óslitið
síðan. Um tíma starfaði hann hjá
húsgagnaverslun í Reykjavík, en undan-
farnar vikur hefur hann ekki stundað
heiðarlega vinnu svo vitað sé. Hann býr
með íslenskri stúlku.
- Sjó./Kás.
Fjallamaraþonkeppni
15 björgunarsveita
■ Göngumenn voru þreyttir og ánægðir eftir að hafa gengið um 50 kflómetra um
fjöll og fimindi á tveimur dögum. Hér era þeir við markið við Skíðaskálann í
Hveradölum.
FJALLAMARAÞON
MARK
■ Svokallaðri Fjallamaraþonkeppni
fimmtán björgunarsveita víðs vegar af
landinu lauk við Skíðaskálann í Hvera-
dölum á sunnudaginn. Keppni stóð í tvo
daga. Þann fyrri var byrjað í Krísuvík,
gengið yfir á Bláfjöllin. Á leiðinni voru
leystar þrautir í ratvísi í óbyggð-
um. Menn höfðu með sér kort og áttu
að finna út staði sem merktir voru inn á
það, með 100 metra nákvæmni.
Um nóttina var gist í Bláfjöllum. í
morgunsárið á sunnudag var gengið frá
Bláfjöllum, á Vífilfell, Lambafell, Stóra-
Meitil, Skálafell á Hellisheiði og í
Skíðaskálann í Hveradölum, samtals
rúmlega tuttugu og fimm kílómetra.
Þess ber að geta að keppendur voru allir
með farangur, tjald og annan viðlegu-
búnað.
Sigurvegarar í karlaflokki voru Andr-
és Þór Bridde og Magnús Dan Bárðar-
son frá Reykjavík. í kvennaflokki
sigruðu Linda Björnsdóttir og Rannveig
Andrésdóttir úr Reykjavík.
- Sjó.
■ Hér er komunni í mark fagnað.
Tímamyndir G.E.
Átján ára íslensk stúlka
á ferðalagi á Rimini
á Ítalíu:
VERIÐ TYND
f TÍU DAGA
— Hefur verið leitað
árangurslaust
■ „Þegar ég frétti síðast hafði enn
ekkert spurst til stúlkunnar, þrátt
fyrir leit lögreglunnar á Rimini,“
sagði Þorsteinn Ingólfsson, deildar-
stjóri í utanríkisráðuneytinu, þegar
Tíminn spurði hann hvort átján ára
stúlka, sem hefur verið týnd á Rimini
á Ítalíu í tíu daga hefði komið í
leitirnar.
Stúlkan var í sólarlandaferð á
vegum Samvinnuferða ásamt foreldr-
um sínum. Laugardaginn 14. ágúst
fór hún ásamt kunningjum sínum á
diskótek. Um eitt leytið aðfaranótt
sunnudags yfirgaf hún diskótekið og
kvaðst ætla með strætisvagni heim á
hótel. Síðan hefur ekkert af henni
frést.
Fararstjórar Samvinnuferða létu
lögregluyfirvöld á Rimini þegar vita
um hvarf stúlkunnar. Hefur hennar
verið leitað ítarlega síðan, en án
árangurs.
- Sjó.
■ Gæsluvarðhaldsfangi, sem strauk
úr Hegningarhúsinu við Skólavörðu-
stíg síðdegis á fostudag, var enn
ófundinn þegar blaðið talaði við
rannsóknarlögreglu ríkisins í gær.
Fanginn var úrskurðaður í ga.*slu-
varðhald til 25. ágúst vegna síbrota.
Hefur hann m.a. játað að hafa brotist
ánn í skartgripaversluni á Laugavegi
11, en nejtað að vísa á þýtíð.
Notaði hann tækifærið til að strjúka,
þegar honum var hleypt út í fangelsis-
garðinn til að anda að sér fersku lofti
á föstudaginn. Tók hann snöggt
viðbragð og snaraði sér yfir múr, 2,5
metra, sem umlykur fangelsisgarðinn.
Fangaverðir hlupu þegar út til að
stöðva hann, en gripu í tómt. Fanginn
var á bak og burt.
- Sjó.
Bændur hugi
að ehdurskins-
merkjum
■ Lögreglan á Kirkjubæjarklaustri
hvetur bændur í Skaftafcllssýslu ein-
dregið til að fara nú að huga að
endurskinsmcrkjum á vagna og
kerrur. Merkin skulu vera rauð
aftanverðu og gul á framhorn, ef
vagninn er breiðari en ökutækið sem
hann dregur.
Raftækja-
framleidendur
kynna sig
■ „Oft er leitað langt yfir skammt að
tækja - og hugbúnaði og fengið erlendis
frá það sem framleitt er hér heima og
kostar minni fyrirhöfn og gjaldcyri, auk
þess sem þjónusta og viðhald er þá nær,“
segir m.a. í frétt frá Samtökum
raftækjaframleiðenda.
Þar segir einnig að vanþekking á
innlendri framleiðslu sé ein aðalástæðan
til þessa. Til þess að bæta úr, hefur SRF
gefið út uppsláttarrit með nöfnum
fyrirtækja á sviðinu og upplýsingum um
framleiðslu þeirra og sérstakan tækja-
búnað. Sagt er að mörgum muni koma
á óvart, yfir hve miklu af bæði
tækjaframleiðslu og hönnun hugbúnað-
ar íslendingar ráða sjálfir og ætti ritið
að geta verið verkkaupa mikil aðstoð,
þegar hann ákveður kaup á vörum og
þjónustu.
Aðild að Samtökum raftækjafram-
leiðenda eiga nú 25 fyrirtæki, sem
framleiða raftæki og rafeindatæki. Sam-
tökin voru stofnuð á síðasta ári. Þau
vinna að sameiginlegum hagsmunamál-
um með því m.a. að meta möguleika
innlendra fyrirtækja á að taka að sér
opinber verkefni, aðstoða þau við að fá
opinbera fyrirgreiðslu, stuðla að stofnun
nauðsynlegra stuðnings - og þjónustu-
fyrirtækja við rafiðnaðinn, stuðla að
hagkvæmri verkaskiptingu í greininni,
beita sér fyrir samstarfi um útflutning og
þátttöku í sýningum og ráðstefnum
erlendis, vera tengiliður við hliðstæð
samtök erlend og beita sér fyrir, að
rafbúnaður og raftæki uppfylli skilyrði
um gæði og öryggi og um þjónustuskyldu ■
vegna seldra tækja.
Stjórn Samtaka raftækjaframleiðenda
skipa Ingvi I. Ingason H.F. Raftækja-
verksmiðjunni, formaður, Björn Krist-
insson Rafagnatækni sf. ritari, Heimir
Sigurðsson, Örtölvutækni hf. gjaldkeri,
Grétar Strange, Jötni hf., og Ásgeir
Eyjólfsson, Samvirki hf. Formaður
stjórnar verkefnis í rafiðnaði er Guðrún
Hallgrímsdóttir verkfræðingur.