Tíminn - 24.08.1982, Blaðsíða 15
ÞRIÐJUDAGUR 24. ÁGÚST 1982
15
Iþróttir
■ Eins og sjá má á myndinni var stundum hart barist í leik Vals og Vfldngs í gaerkvðldi. Hér er baráttan í fulium gangi inni í vítateig Valsmanna.
Tímamynd ARI
Víkingar stefna að
öðrum meistaratitli
Valur og Víkingur gerdu jafntefli í 1. deild í gærkvöldi
■ 1 gærkvöldi léku á Laugardalsvelli
lið Víkings og Vals í 1. deildarkeppninni
í knattspyrnu. Það var hvasst í
Laugardalnum meðan á leiknum stóð og
hafði það töluverð áhrif á leik liðanna.
Þó var fyrri hálfleikurinn í gærkvöld
með því skásta sem sést hefur á
knattspyrnuvöllunum í sumar og voru
það einkum Valsmenn sem áttu heiður-
inn af þeim tilþrifum. Síðari hálfleikur-
inn var hins vegar frekar leiðinlegur á
að horfa og lítið um afgerandi marktæki-
færi.
Valsmenn voru klaufar að tryggja sér
ekki sigur þegar í fyrri hálfleik, bæði Ingi
Björn og Njáll Eiðsson fengu til þess
kjörin tækifæri. Ingi Björn stóð einn á
markteig og það var nánast formsatriði
að renna knettinum í netið, en Ingi lét
Ögmund markvörð verja frá sér. Njáll
skaut hins vegar rétt framhjá.
Grímur Sæmundsen bakvörður Vals-
liðsins hefur hingað til ekki verið í hópi
marksæknustu leikmanna liðsins, en í
gær átti hann tvö þrumuskot á Víkings-
markið, þannig að Ögmundur varð að
hafa sig allan við til að ná til knattarins.
Hið fyrra var á 12. mínútu og þá skaut
Grímur af 30 metra færi og í síðara
skiptið á 35. mínútu færði hann sig 10
metrum nær, en enn var Ögmundur
réttur maður á réttum stað á réttum
tíma.
Eina afgerandi færi Víkinga í fyrri
hálfleiknum átti Sverrir Herbertsson, er
hann skallaði yfir upp úr homspyrnu.
í síðari hálfleiknum var leikurinn öllu
daufari og svo virtist sem liðin ættu í
verulegum örðugleikum við að stýra
knettinum rétta leið til samherja.
Það var einna helst upp úr hornspyrn-
um og aukaspyrnum sem einhver hætta
skapaðist. Þannig fékk Ómar Torfason
gott færi upp úr homspyrnu Stefáns
Halldórssonar á 13. mínútu og einni
mínútu síðar varð Brynjar Guðmunds-
son Valsmarkvörður að hafa sig allan við
til að geta varið gott skot frá Ómari upp
úr homspyrnu sem Sverrir Herbertsson
tók.
Á 25. mínútu átti Ingi Björn fyrirgjöf
fyrir Víkingsmarkið, en samherjar hans
virtust ekki alveg vera með á nótunum
og því rann það út í sandinn.
Hilmar Sighvatsson átti skömmu síðar
hálfgerða ævintýrasendingu á Brynjar
markvörð, og var heppinn að Víkingarn-
ir náðu ekki til knattarins. Og Ragnar
Gíslason bakvörður varð einnig aðeins
of seinn og mistókst að nýta góða
sendingu inn fyrir vörn Vals.
Rétt fyrir leikslok færðist dálítið líf í
leikinn og þá fékk Heimir Karlsson færi
eftir að hann hafði prjónað sig gegnum
Valsvörnina, en framhjá. Þá tók
Jóhannes Sævarsson aukaspyrnu og
sendi á Víking sem skallaði fyrir fætur
Heimis, en honum tókst ekki að skora.
Hann skaut rétt yfir.
Síðasta færið í leiknum átti svo
Guðmundur Þorbjörnsson er hann
skaut framhjá rétt utan vítateigs.
Það er áberandi með Víkingsliðið
hversu jafnt það er. Ekki er neinn
veikan hlekk að sjá og gaman er að sjá
hversu snöggir þeir eru fram í
skyndihlaupum og þannig hafa þeir náð
til sín mörgum stigum í sumar. Eigi að
nefna einhverja einstaklinga í liðinu
kemur Ögmundur strax upp í hugann.
Hann hefur sýnt og sannað nú í sumar
hvers hann er megnugur sem markvörð-
ur, en þó má ekki gleyma því að hann
hefur sterka vörn fyrir framan sig.
f Valsliðinu er erfitt að nefna
einhverja afburðamenn. Liðið er ekki
nálægt því jafngott og það var á
„blómaskeiðinu" fyrir nokkrum árum.
En það koma alltaf tímabil í leikjum þar
sem Valsvélin virkar, en hún dettur
'niður inn á milli. Það er eins og hana
vanti kraft. Einn leikmann vil ég þó
nefna í liðinu, það er Magni Pétursson.
Hann hefur sýnt jafna og góða leiki í
sumar. Hann gerir fáar skyssur og skilar
knettinum yfirleitt til samherja.
Leikinn í gærkvöldi dæmdi Grétar
Norðfjörð. Hann var ekki besti
maðurinn á vellinum. Áhorfendur voru
óvenju margir í Laugardalnum í
gærkvöldi, þrátt fyrir leiðindaveður.
sh
Jafntefli í Keflavík
■ Hvassviðri og blautur völlur settu
verulega svip á leik Keflvíkinga og
Framara sem leikinn var í gærkvöldi í
Keflavík. Leiknum lauk með jafntefli,
bæði liðin skoruðu eitt mark og því eru
bæði liðin ennþá í verulegri fallhættu,
enkum þó Fram sem hefur aðeins hlotið
13 stig, einu færra en Keflavík, ÍBÍ,
Breiðablik og KA. Allt getur því gerst
í fallbaráttunni.
Framliðið skoraði fyrsta mark leiksins
strax á 3. mínútu. Var þar á ferð ungur
nýliði í Framliðinu Árni Arnþórsson.
Keflvíkingar gerðu sig ekki lengi
ánægða með að vera undir og á 9.
■ Marteinn Geirsson
mínútu jöfnuðu þeir. Þar var Einar
Ásbjörn Ólafsson á ferð. Fleiri mörk
voru ekki skoruð í leiknum, en
heimamenn áttu öllu meira í leiknum,
en þeim gekk illa að skapa sér afgerandi
marktækifæri. Hafði veðrið töluverð
áhrif í því sambandi.
Bestu menn liðanna voru Sigurður
Björgvinsson, sem var bestur í jöfnu
Keflavíkurliði og sú driffjöður sem svo
oft áður. Hjá Fram stýrði Marteinn
Geirsson vörninni eins og herforingi og
einnig má geta Guðmundar Baldursson-
■ar markvarðar. Það reyndi töluvert á
hann, en hann stóð vel fyrir sínu.
ME/sh
■ Sigurður Björgvinsson
Kvennalandslið
íslands í knatt-
spyrnu valið
■ Landsliðsnefnd kvenna hefur
valið landslið íslands sem leikur gegn
Norðmönnum í Tönsberg í Noregi
28. þessa mánaðar. Þessar stúlkur
hafa verið valdar:
Markverðir:
Guðríður Guðjúnsdóttir UBK
Sigrún Norðfjörð Val
Aðrir leikmenn:
Anna Stieinsen KR
Ásta B. Gunnlaugsdóttir UBK
Ásta M. Reynisdóttir UBK
Brynja Guðjónsdóttir Víking
Bryndís Einarsdóttir UBK
Erla Rafnsdóttir UBK
Jóhanna Pálsdóttir Val
Kristín Aðalsteinsdóttir ÍA
Laufey Sigurðardóttir ÍA
Magnea Magnúsdóttir UBK
Margrét Sigurðardóttir UBK
Rósa Á. Valdimarsdóttir UBK
Sigríður Jóhannesdóttir UBK
Sigrún Blómsterberg KR
Þær fjórar stúlkur sem verið hafa
í landsliðshópnum, en voru ekki
valdar til þessarar farar verða áfram
í hópnum sem undirbýr landsleikinn
gegn Svíum sem leikinn verður í
Kópavogi 9. september n.k.
Með liðinu til Noregs fara tveir
þjálfarar, Guðmundur Þórðarson og
Sigurður Hannesson og fararstjórar
auk þeirra verða Gunnar Sigurðsson
og Svanfríður Guðjónsdóttir.
Leikurinn gegn norsku stúlkunum
er fyrsti leikur íslands í Evrópu-
keppni kvenna og eru þær í riðli með
Norðmönnum, Svíum og Finnum.
Sænska liðið er að sögn mjög sterkt,
eitt hið besta í heiminum í dag.
KR - Breida-
blik í Laugar-
dal í kvöld
■ I kvöld fer fram einn leikur í 1.
deildarkeppni karla í knattspymu.
Þá leika á Laugardalsveili KR og
Breiðablik og hefst leikurinn klukk-
an 19.00. Þar verður áreiðanlega
hart barist til sigurs. Breiðabliksliðið
viU tryggja að þeir komist hjá falli og
KR-ingar berjast harðri baráttu um
a.m.k. 2. sætið í deildinni.
Valur vann
Víking
■ í gærkvöldi léku kvennalið Vals
og Víkings í 1. deildarkeppni
kvenna. Leiknum Iauk með sigri
Valsstúlknanna sem skoruðu eitt
mark gegn engu. Eins og kunnugt er
eru Breiöabliksstúlkurnar orðnar
íslandsmeistarar í 1. deild kvenna.
Fram sigraði
í 3. flokki
■ Fram sigraði í úrsUtakeppni 3.
aldursflokksí knattspyrnu sem fram
fór á Akureyri um helgina. Þeir
sigruðu lið Þórs úr Vestmannaeyjum
í úrslitaleik með einu marki gegn
engu. Lið Fylkis lék um 3. sætið gegn
KR og sigmðu Fylkismenn með
þremur mörkum gegn tveimur. Þar
með hefur Fram sigrað í 3. og 4.
aldursflokki, Valur í 5. flokki og
Breiðablik í 2. flokki.
Það ætti að vera forráðamönnum
sárabót þó að illa ári hjá meistara-
flokki, að vita að framtíðin innan
félagsins sé björt og að unglinga-
starfið sé farið að bera árangur.