Tíminn - 21.09.1982, Blaðsíða 16

wm &œ.
■ Gunnar Einarsson er hér í kröppum dansi í leik gegn Fram. í vetur þjálfar hann
Stjörnuna og leikur með liðinu í 1. deild.
Stjarnan á
Leika sinn fyrsta heimaleik
■ „Við munum spila fyrsta heimaleik
okkar gegn FH á miövikudaginn í
íþróttahúsinu á Selfossi,“ sagði Guð-
mundur Jónsson formaður handknatt-
leiksdeildar Stjörnunnar í samtali við
Tímann. Leikurinn hefst klukkan 19.30.
„Mér líst vel á keppnina enda þótt við
höfum cngan hcimavöll. Við crum búnir
að reyna að leysa þessi mál í allt sumar,
en án árangurs."
Aðspurður um hvað ylli því að
Hafnfirðingar neituðu þeim um að leika
þcssa hcimalciki í Hafnarfirði sagði
Guðmundur: „Það er eitthvað annað en
að þeir treysti sér ekki til að scnda
atskuna hingað inn í Garðabæ á æfingar.
Þetta er félagapólitík og ekkert annað.
Svo virðist sem félögin í Hafnarfirði þoli
ekki að fá eitt nýtt félag við hliðina á sér
og ein aðalröksemdin hefur verið sú, að
Haukar muni missa áhorfendur frá sér
á heimaleikjunum í 2. deild í vetur. En
ef þeir standa sig, þá missa þeir ekki
áhorfendur, en gangi eins illa hjá þeim
og í fyrra liggur í augum uppi að þeir
missa áhorfendur.“
Nú hafa Stjörnumenn fengið til liðs
við sig marga leikmenn úr öðrum
félögum og því spurði blaðamaður
Guðmund hvernig honum litist á að liðið
smylli saman: „Það er auðvitað þjálfar-
inn scm verður að meta þetta. En þetta
eru allt strákar sem hafa verið saman á
íþróttakennaraskólanum og þekkjast
vel. Það er helst að Heimir ætti erfitt
með að aðlagast, cn þó hcld ég að það
verði ckki stórt vandamál."
Það er Gunnar Einarsson scm þjálfar
Stjörnuna í vetur og honum til aðstoðar
verður Björgvin Björgvinsson, en liðs-
stjóri verður Guðjón Friðriksson eins og
í fyrravctur. sh
Mikil meiðsli
hjá Frömurum
hálft lidið á sjúkralista
■ Mikil meiðsl hrjá nú leikmenn
liðs Fram sem á fyrir höndum tvo
Evrópuleiki á næstu vikum. Margir
leikmenn félagsins eru „tæpir“, þ.e.
ólíklegt er að þeir geti leikið gegn
Shamrock Rovers á miðvikudag.
Þetta eru lykilmenn í liðinu eins og
Guðmundur Baldursson, Trausti
Haraldsson, Steinn Guðjónsson,
Glsli Hjálmtýsson og Halldór
Arason. Þar á ofan bætist að Hafþór
Sveinjónsson má ekki leika með í
Evrópuleikjum félagsins, en honum
var vísað af leikvelli í leik gegn
Dundalk á Irlandi á síðasta ári og var
því dæmdur í þriggja leikja keppnis-
bann.
En leikmenn Fram láta cngan
bilbug á sér finna og munu berjast af
miklum krafti til sigurs gegn írska
liðinu Shamrock Rovers á miðviku-
dag. Síðari leikur liðanna verður
háður í Dublin fímmtudaginn 30.
september n.k. sh.
26 leikir á lið
Nýtt fyrirkomulag á keppninni í handboltanum
■ íslandsmótið í handknattleik sem
nú er hafið er leikið með nýju
fyrirkomulagi. í 1. deild leika 8 lið, fyrst
tvöfalda umferð. í 1. deild leika að þessu
sinni Víkingur, Valur, Fram, Þróttur,
ÍR, KR, FH, og Stjarnan. Þessi lið leika
■öll innbyrðis heima og heiman og er
stefnt að því að þeirri keppni ljúki í lok
janúar. Það lið sem sigrar í þeirri keppni
tryggir sér rétt til þátttöku í Evrópu-
keppni félagsliða.
Eftir það er 1. deildinni skipt í tvennt.
Fjögur efstu liðin leika fjórfalda umferð
og fjögur þau neðstu leika einnig
fjórfalda umferð. Liðin sem eru í efri
flokknum taka ekki með sér þau stig er
þau vinna sér inn í fyrri hlutanum, en
þau fjögur neðri taka hins vegar með sér
stigin úr undankeppninni. Það lið sem
sigrar í síðari hluta keppni efstu liðanna
fjögurra verður svo íslandsmeistari í
handknattleik.
Fyrirkomulagið í 2. deild er mjög
svipað. Fyrsti leikurinn í 1. deild verður
leikinn á Selfossi annað kvöld og leika
þá Stjarnan og FH. Á laugardag leika í
Hafnarfirði FH og Víkingur og í
Laugardaslhöll Fram og Þróttur. Á
sunnudag leika KR og Stjarnan í
Laugardalshöll.
Þetta nýja fyrirkomulag er til þess
hugsað að auka áhugann á handboltan-
um og fjölga leikjunum fyrir félögin.
Þess er að vænta að hörkukeppni verði
í 1. deildinni í vetur og liðin mæta vel
undirbúin til leiks. Þau hafa leikið í
Reykjavíkurag Reykjanesmótum og allt
bendir til þess að liðin sýni skemmti-
legan handbolta í vetur.
En það kemur allt saman í Ijós í
leikjunum og víst er, að handknattleiks-
unnendur eiga von á fjörugu keppnis-
tímabili í vetur.
sh
Sigra Framarar
Shamrock Rov?
■ Annað kvöld leika á Laugardalsvelli
Fram og Shamrock Rovers í Evrópu-
keppni bikarhafa í knattspyrnu. Þetta er
í áttunda sinn sem Fram tekur þátt í
Evrópumótunum í knattspyrnu og í
fimmta sinn sem þeir eru með í
Evrópukeppni bikarhafa. Shamrock
Rovers er írskt lið eins og Dundalk, en
Fram lék einmitt gegn því í keppninni á
síðasta ári og unnu fýrri leikinn í
Reykjavík, en töpuðu þeim síðari á
írlandi. Leikirnir sem Fram leikur gegn
Shamrock Rovers eru því fimmtándi og
sextándi Evrópuleikur félagsins. Þess
má geta að Fram sigraði fyrst íslenskra
liða andstæðinga sína í Evrópuleik og
var það Hibernians frá Möltu sem þeir
sigruðu 2-0 1971.
Lið Shamrock Rovers er eitt af
sterkustu félagsliðum írlands. Fram-
kvæmdastjóri þess er hinn þekkti
Johnny Giles, sem gerði garðinn frægan,
bæði sem leikmaður og framkvæmda-
stjóri í ensku 1. deildinni. Hann notar
sumarleyfi sín til að starfa í Banda-
ríkjunum og hefur nýlega lokið keppnis-
tímabilinu þar með ágætum árangri.
■ Sverrir Einarsson hefur leikið
mjög vel með Fram í sumar. Nú mun
hann og félagar hans leika Evrópu-
leik á morgun.
Stjarnan í liði Shamrock er leikmaður
númer 9, Liam Buckley, sem er mjög
snjall miðframherji. Liðið er skipað
frekar ungum leikmönnum, en þeir hafa
flestir reynslu af að leika í unglinga-
landsliðum fyrir írland.
Lið Fram er skipað óvenju ungum
leikmönnum og hætt er við að leikur
þeirra gegn írunum verði erfiður. En
þessir strákar hafa sýnt að þeir geta
leikið skemmtilega knattspyrnu, en
líkamlega vantar á að styrkur þeirra sé
nægur og því hefur það orðið hlutskipti
Fram að falla í 2. deild. Margir leikmenn
Fram eiga við meiðsli að stríða eins og
fram kemur annars staðar hér á
opnuninni, en vonandi vegnar þeim vel
í Evrópukeppni bikarhafa að þessu
sinni.
Dómari í leiknum annað kvöld er frá
Belgíu, Roger Verhacghe að nafni og
línuverðir eru landar hans Andre van
Volcem og Francois Deflem. Eftirlits-
maður UEFA á leiknum er John
Alexander Mowat frá Glasgow.
í leikhléi verða veittarviðurkenningar
fyrir knattþrautir KSÍ. Margir ungir
piltar úr Fram hafa í sumar lokið brons-
og silfurþrautum og tveir hljóta viður-
kenningu fyrir að hafa lokið gullinu.
sh
ísland í
26. sæti
á HM
í golf i
■ Svcinn Sigurbcrgsson gcrði sér lítið
fyrir á næstsíðasta keppnisdegi Heims-
meistarakeppni áhugamanna í golfi og
sló holu í höggi. Keppninni sem fram
fór í Lausanne í Sviss lauk á laugardag.
íslendingar höfnuðu í 26. sæti, en
þátttökuþjóðirnar voru 30. Síðasta
keppnisdaginn léku þeir Sigurður
Pétursson og Sveinn Sigurbergsson á 80
höggum, en Ragnar Ólafsson á 82.
Árangur liðsins fyrsta daginn var
mjög slæmur og greinilegt að liðið hafði
ekki vanist kcppnisvellinum. En eftir
því sem á leið fór árangurinn batnandi
og hámarki náði hann er Sveinn sló
holuna í höggi. Hann var reyndar ekki
eini keppandinn á mótinu scm lék þenn
leik, því tveir aðrir keppendur slógu
holu í höggi.
Það voru Bandaríkjamenn sem urðu
heimsmcistarar. Þeir léku á 859 högg-
um, en Japanir notuðu 8 höggum meira.
Svíar urðu í 3. sæti og léku á
jafnmörgum höggum og Japanir. Best-
um árangrí keppendanna á mótinu náði
Argentínumaðurinn Luis Carbonetti,
en hann lék áa 284 höggum.
sh.
■ Svemn Sigurbergsson slo holu ■ höggi á Heimsmeistaramótinu í golfi í Lausanne.