Tíminn - 12.10.1982, Blaðsíða 6

6_____________
stuttar fréttBr
■ Verkmenntadeildirnar eru vel búnar tækjum.
VERKMENNTUM
SÓMI SÝNDUR
Á AKRANESI
AKRANES: Ný hús fyrir verklega
kennslu við Fjölbrautaskólann á
Akranesi voru tekin í notkun hinn
17. september s.l. við sérstaka
athöfn. Fyrsti verksamningurinn við
byggingu húsanna var undirritaður
síðari hluta ágústmánaðar 1981 og
hófust þá framkvæmdir við grunn og
gerð veggeininga. Bygging og frá-
gangur húsanna hefur því gengið
ákaflega vel.
Verknámshúsin eru tvö, 380 fer-
metrar hvort og tengd saman með
milli byggingu sem er um 40
fermetrar að grunnfleti. í öðru
húsinu er verknámsdeild málmiðna
og var það hús fullfrágengið þegar
hinn 20. maí í vor og þá notað til
skólaslita. í hinu húsinu er verk-
námsdeild rafiðna og vélstjóradeild
svo og kennslustofur til kennslu í
faggreinum ásamt sameiginlegri
snyrtingu fyrir alla nemendur í
þessum greinum.
Kostnaður við bygginguna er nú
röskar 5 milljónir króna, en eftir er
að setja niðurvélar í véladeild.smíða
lyftibúnað í verknámssal málmiðna
og fólkslyftu fyrir hreyfihamlaða upp
á aðra hæð hússins. Munu nemendur
vinna að hluta þeirra verkefna.
Meðal starfandi iðnaðarmanna á
Vesturlandi hefur verið áhugi á
eftirmenntunarnámskeiðum í málm-
og rafiðnum. Er nú í ráði að halda
slík námskeið í nokkrum greinum í
vetur.
-HEI
■ Hin nýju iðnmenntunarhús Fjöl-
brautaskólans á Akranesi eru sam-
tals um 800 fermetrar að grunnfleti.
70 fyrirtæki
tóku þátt í
firmakeppni
á Akranesi
■ Nýlega kjörin stjórn Bridge-
klúbbs Akraness: Þorgeir Jósefsson,
Eiríkur Jónsson, formaður og Alfreð
Þór Alfreðsson.
AKRANES: Alls tóku 70 fyrirtæki
þátt í firmakeppni Bridgeklúbbs
Akraness sem haldin var nýlega og
vill'klúbburinn koma á framfæri til
þeirra þakklæti fyrir veittan stuðn-
ing. Röð efstu fyrirtækja var þessi:
1. Hótel Akranes 85 stig, spilari
Þórir Leifsson, 2.-3.Skagaver 81 stig,
spilari Hermann Guðmundsson,
2. -3. Hjólbarðaviðgerðin hf. 81 stig,
spilari Vigfús Sigurðsson, 4. Nóta-
stöðin hf. 80 stig, spilari Jón
Alfreðsson, 5.-6. Heimaskagi hf. 79
stig, spilari Pálmi Sveinsson og
einnig í 5.-6. sæti með sama
stigafjöida Bjarnarlaug, spilari Hail-
dór Sigurbjörnsson.
Fyrsta keppni klúbbsins í vetur var
raunar tveggja kvölda einmennings-
keppni og var röð efstu manna
þannig: 1. Þórir Leifsson 151 stig, í
2. og 3. sæti Guðjón Guðmundsson
og Hulda Jónsdóttir/Helgi Júlíusson
með 150 stig og jafnir í 4.-5. sæti
Hermann Guðmundsson og Bent
Jónsson með 149 stig hvor.
Á aðalfundi B.K.A. sem haldinn
var um miðjan september s.l. var
Eiríkur Jónssön kjörinn formaður.
Aðrir í stjórn eru: Þorgeir Jósefsson,
og Alfreð Þór Alfreðsson.
-HEI
Heimili
fyrir
fjölfatlaða
á Akranesi
VESTURLAND: Bygging heimilis
fyrir fjölfatlaða er hafin á Akranesi
á vegum Svæðisstjórnar um málefni
þroskaheftra og öryrkja á Vestur-
landi. Heimilinu - sem verður um
340 fermetrar að flatarmáli - hefur
verið valinn staður að Vesturgötu
102, í nágrenni skóla, sjúkrahúss og
íþróttahúss. Heimilið er áætlað fyrir
7 fjölfatlaða einstaklinga, 5 til
langtímabúsetu og 2 til skammtíma-
dvalar. Auk þess verður aðstaða
fyrir starfsfólk. í ráði er að taka húsið
í notkun á næsta ári, því erfitt hefur
reynst að fá úrlausn í vistíhtarmálum
fjölfatlaðra.
HEI

ÞRIÐJUDAGUR 12. OKTÓBER 1982
fréttir
Skýrsluvélar ríkisins og Reykjavíkurborgar 30 ára:
ÞÚSUND VERKEFNI
UNNIN A HVERJUM
MANUÐIHJA SKÝRR
— Átta milljónir bókstafa rúmast í tölvum SKÝRR
■ Guðmundur Sigurðsson og Jon Ketilsson við innskriftarborð tölvu-
búnaðarins
■ Hluti af starfsfólki SKÝRR á fúndi - (f.v) Helgi Eggertsson, María Sig-
mundsdóttir, Svanhildur Hilmarsdóttir, Halldór Gunnarsson og Stefán Kjærneste'*
■ Skýrsluvélar ríkisins og Reykja-
víkurborgar eru 30 ára um þessar
mundir. En það var í ágústmánuði 1952
að ríkið og Reykjavíkurborg undirrit-
uðu samning sem leiddi til stonfunar
SKÝRR eins og fyrírtækið hefur verið
nefnt síðan. Markmið stofnunar
SKÝRR var sú að standa sameiginlega
að rekstrí á vélabúnaði og ná þannig
fram hagkvæmni í rekstri sem yrði
báðum aðilum til hagsbóta. Hér á eftir
fer yfirlit um starfsemi SKÝRR, auk þess
sem birtar eru myndir úr daglegu starfi
innan fyrirtækisins.
- ESE
Fyrstu vélar SKÝRR voru ekki tölvur
í nútímamerkingu heldur „mekanískar“
vélar til að vinna úr upplýsingum, sem
gataðar höfðu verið á þar til gerð spjöld.
Fyrsta eiginlega tölvan kom ekki fyrr en
árið 1964 eða 12 árum seinna. SKÝRR
hafa leitast við að fylgjast vel með
framþróun tækninnar og hafa endur-
nýjað vélakost sinn í samræmi við það.
1978 var brotið blað í sögu SKÝRR
þegar stofnunin fékk 2 tölvur til umráða.
Því fylgdi mikið rekstraröryggi og síðan
hafa SKÝRR því jafnan haft yfir 2
tölvum að ráða og nú síðast 2 tölvum af
gerðinnii IBM 4300.
Minmð í fyrstu tölvu SKÝRR rúmaði
aðeins 4000 stafi í einu, en minnið í
hvorri tölvunni, sem SKÝRR hafa nú til
umráða, rúmar 4 milljónir stafa i einu,
eða þúsund sinnum fleiri.
Árið 1968 fengu SKÝRR fyrstu
tölvuna með seguldiskum og segul-
böndum til geymslu á upplýsingum. Til
samans rúmuðu fyrstu diskamir 15
milljónir stafa. Geymslurými á diskum í
dag er 6000 milljónir stafa eða 400
sinnum meira en fyrir 14 árum. Og í
segulbandageymslu SKÝRR eru í dag
um 8000 segulbönd.
2 milljónir lína prentaðar
á sólarhring
Þegar SKÝRR voru stofnaðar var
kostnaður við gerð hugbúnaðar hverf-
andi lítill en vélar voru dýrar. Á
undanförnum árum hefur verð á
vélbúnaði lækkað mikið hlutfallslega og
að sama skapi vinnslutaxtar SKYRR.
En á sama tíma hefur kostnaður við gerð
hugbúnaðar farið hækkandi.
Mest af þeim hugbúnaði, sem SKÝRR
nota í dag, hefur verið framleitt hjá
SKÝRR, þó að nokkur kerfi hafi verið
fengin tilbúin frá öðrum. Við fram-
leiðsluna hafa SKÝRR leitast við að
nota nýjustu framleiðsluaðferðir með
það fyrir augum að lækka framleiðslu-
kostnað. Þetta er gert með því að nota
í æ ríkara mæli tölvurnar sjálfar ásamt
sérstökum hugbúnaði við framleiðsluna.
Þá hefur verið farið út á þá braut að fá
notendunum sjálfum hjálpartæki í hend-
ur til þess að þeir geti annast einfalda
skýrslugerð úr eigin upplýsingum.
Hjá SKYRR eru unnin um 1000
verkefni í hverjum mánuði og samfara
því prentaðar 1,5-2 milljónir lína á
sólarhring. Helstu verkefni unnin hjá
SKÝRR eru: Þjóðskrá og félagaskrá,
fasteignaskrá, bifreiðaskrá, launakerfi
ríkis og Reykjavíkurborgar, bókhald
ríkis og' Reykjavíkurborgar, reikninga-
kerfi Rafmagnsveitu Reykjavíkur, Raf-
magnsveitna ríkisins og nokkurra smærri
rafveitna utan Reykjavíkur, tekjubók-
hald ríkisins, álagning og innheimta,
Gjaldheimtan í Reykjavík og póstgíró-
bókhald.
Úr einu herbergi í eigið
húsnæði
Á þeim 30 árum, sem liðin eru frá því
að SKÝRR tóku til starfa, hefur
húsnæði stofnunarinnar tekið miklum
stakkaskiptum.
Starfsemin hófst árið 1952 í einu
skrifstofuherbergi í Tjarnargötu 12.
Árið 1964 flutti stofnunin í eigið
húsnæði að Háaleitisbraut 9 og hefur
starfað þar síðan. Húsnæðið var síðan
stækkað árið 1973 og síðustu 3 árin hafa
verið uppi áform um að byggja enn við
húsið. Úr framkvæmdum hefur þó ekki
orðið enn. Því hafa SKÝRR orðið að
taka á leigu húsnæði til að bæta úr brýnni
þörf.
Alt fram til ársins 1977 var öll vinnsia
hjá SKÝRR í formi runuvinnslu. Allar
upplýsingar, sem vinna átti úr, voru
gataðar í spjöld eða voru skráðar á
disklinga og niðurstöðunum var skilað
prentuðum á pappír. Árið 1977 hófst
einnig svoköliuð sívinnsla þar sem
notandinn er við skjá á sínum vinnustað,
skjá sem tengdur er við tölvu SKÝRR
um símalínur. Þekktustu dæmin um
slíka vinnslu er að finna hjá Gjaldheimt-
unni í Reykjavík.
Þessi sívinnsla hefur vaxið mjög og
eru nú á annað hundrað skjáir ogönnur
jaðartæki tengd SKÝRR um símalínur.
Og þessum tækjum fjölgar stöðugt. Er
áformað að 1983 verði komin tenging
hringinn í kring um landið. Þá geta
embætti úti á landi sent upplýsingar til
SKÝRR í gegnum þetta símalínunet. í
dag er umferðin um þann hluta netsins,
sem tilbúinn er, um hálf milljón
sendinga á mánuði. Vöxtur sívinnsl-
unnar hefur þó ekki verið á kostnað
runuvinnslunnar, sem hefur einnig
aukist jafnt og þétt. Þetta sanna þær
30-40 milljónir lína, sem prerilaðar eru
hjá SKÝRR í hverjum mánuði eins og
áður sagði.
Skrifstofa framtíðarinnar
En með sívinnslunni hafa líka opnast
nýir möguleikar fyrir notendur að gera
meira á eigin spýtur og verða óháðir
tæknimönnum umm einfalda skýrslu-
gerð. Og með þessu teljaSKÝRR að
stigið sé fyrsta skrefið í áttina að
skrifstofu framtíðarinnar.
Til að auðvelda notendum þetta skref
hafa SKÝRR farið út í að bjóða
námskeið fyrir notendur. Hér er um að
ræða námskeið um tölvur og tölvu-
vinnslu almennt og einnig um þau
hjálpartæki, sem notendur þurfa á að
halda. Þá stendur notendum einnig
frekari aðstoð til boða, ef þeir þurfa á
að halda.
Stjórn SKÝRR skipa 4 menn, tveir
frá hvorum eignaraðila, Sigurður Þórð-
arson, deildarstjóri, formaður, Har-
aldur Sigurðsson, yfirverkfræðingur,
Haukur Pálmason, yfirverkfræðingur og
Stefán Ingólfsson, deildarverkfræðingur.
Starfsmenn SKÝRR eru alls um 90
talsins. Stofnuninni er skipt í 5 deildir
en þær eru: vinnsludeild með 15
starfsmenn, þjónustudeild með 22
starfsmenn, kerfisfræðideild með 29
starfsmenn, ráðgjafadeild með 3 starfs-
menn og skrifstofa með 11 starfsmenn.
Við önnur störf eru 12. Forstjóri
SKÝRR er dr. Jón Þór Þórhallsson.