Tíminn - 12.10.1982, Blaðsíða 17
ÞRIÐJUDAGUR 12. OKTÓBER 1982
íþróttir
Umsjón: Sigurður Helgasorf'
Þeir deila hart
■ Liðsandinn í landsliði Vestur-
Þýskaiands í knattspyrnu hefur ekki
þótt alltof góður á undanförnum
mánuðum. Þeir Karl-Heinz Rumm-
enigge og Uli Stielike eiga til dæmis
í blaðadeOum um ástæðuna fyrir
tapinu í úrslitaleiknum.
Rummenigge heldur því fram, að
sú tilhneiging Stielike að fara fram á
völlinn í tima og ótíma hafi valdið
því að vörnin hafi verið galopin og
svo hafi virst, sem hann væri að
reyna að gleðja áhangendur félagsins
sem hann leikur fyrir á Spáni, Real
Madrid, í stað þess að stefna að því
að hlutur þjóðar hans í keppninni
yrði sem mestur.
Stielike heldur því á hinn bóginn
fram, að valið á Rummenigge í liðið
hafi verið dauðadómur. Hann hafi
ekki verið ínógu góðu líkamlegu
ástandi tU að leika, en hann hafi hins
vegar sannfært Jupp Derwall um að
svo væri og því hafi farið sem fór.
■ HérerHreiðar Jónsson að dæma leik á Laugardalsvelli.
Hreiðar á
Wembley
— Dæmir leik Englands
og Luxemburg
■ „Það var að berast skeyti um að ég
eigi að dæma þennan leik. Þetta er mjög
óvænt, en mérlístmjögvel áverkefnið,“
sagði Hreiðar Jónsson knattspyrnu-
dómari, sem tilnefndur hefur verið sem
dómari í leik Englands og Luxemburgar
á Wembley 15. desember n.k.
„Þetta er fyrsti leikurinn sem ég er
dómari í erlendis, ég hef farið nokkrum
sinnum sem línuvörður og þess vegna
kemur þetta mikið á óvart. Það hefur
ekki verið ákveðið hverjir verði Iiiru
verðir, það verður gert á fundi a
morgun. Það verða áreiðanlega ein-
hverjir reyndir."
Hvemig muntu búa þig undir leikinn? .
„Ég verð að hlaupa úti til að ná upp
pústi, en það er ekkert sérstakt
framundan hér nema skólamót KSÍ. Það
er leikið við erfiðar aðstæður og lítt
spennandi. Það má því eiginlega segja
að þetta komi á slæmum tíma, en við
því er ekkert að gera, annað en að fara
og standa sig.“
Hvernig telur þú að íslenskir knatt-
spyrnudómarar standi samanbori ð við
erlenda?
„Þeir standa mjög vel. Ég hef séð
dómara dæma erlendis og okkar dóm-
arar standa jafn vel að vígi sem
dómarar og þeir. Það er t.d. hægt að
miða við hvaða einkunnir íslenskir
dómarar hafa fengið þegar þeir hafa
dæmt leiki erlendis." *•>
Þór sigraði
UMFG tvisvar
■ Grimlvíkingar lögðu land undir
fót- og heimsóttu Akureyri um
helgina. Þie.a.s. körfuknattleiks-
lið UMFG, en það lék í 1. deild gegn
Þórsurum í tvígang. Þórsarar unnu
báða leikina nokkuð örugglega og
því má segja, að Suðumesjamenn
hafi ekki sótt gull í greipar þeirra
Norðanmanna.
Fyrri leikurinn sem fram fór á
laugardag var fyrsti leikur Þórs í 1.
deUdinni í ár, en Grindvíkingar
töpuðu gegn Haukum um síðustu
helgi. Leiknum lauk með 10 stiga
sigri Þórsara, þeir gerðu 79 stig, en
andstæðingarnir 69. j hálfleik var
staðan 41-26.
í síðari leiknum sigruðu Þórsarar
mun stærra, eða 81-48 og þá var
staðan í hálfleik 37-26. Stigahæstir í
báðum liðum í báðum leikjum voru
Bandaríkjamennimir Robert
McField hjá Þór skoraði 34 stig í
þeim fyrri og 37 í síðari leiknum, en
Mike Sales hjá Grindavík skoraði
einnig 34 stig í fyrri leiknum, en 32 í
þeim síðari.
GK. Akureyri/sh
KR-ingar lögðu
slakt Framlið
— Sigruðu 93-83
■ Framarar eru ekki í miklu „stuði“ í
körfuboltanum þessa dagana. Þeir hafa
tapað fyrstu tveimur leikjum sínum í
úrvalsdeildinni og á laugardaginn voru
það KR-ingar sem lögðu þá að velli.
Leiknum lauk með 10 stiga mun, 93-83,
en í leikhléi var staðan 47-43.
Framarar sakna nokkurra góðra
leikmanna sem léku með þeim í fyrra.
Símon Ólafsson er meiddur, Viðar
Þorkelsson er í þann mund að enda
knattspyrnutímabilið og Guðsteinn Ingi-
marsson er ekki byrjaður að æfa cnnþá.
Það munar um minna og er bakvarða-
skortur þeirra stórvandamál.
Góður
árangurí
fyrsta hlaupi
■ Á föstudag efndu frjálsíþrótta-
mcnn í KR til innanfélagsmóts á
Valbjarnarvöllum í Laugardal.
Keppt var í 400 metra grindahlaupi
og náðist mjög góður árangur.
Stefán Hallgrímsson var í fyrsta sæti
og hljóp á 53,3 sek., en hann hafði
áður náð best á þessu ári 53,7 sek. í
öðru sæti varð Guðmundur Skúla-
son, en hann hljóp á 55,4 sek. Þetta
var í fyrsta sinn sem hann hljóp 400
metra grindahlaup og er tími hans
frábær sé tillit tekið til þess.
Hjörtur Gíslason var einnig að
hlaupa vegalengdina i fyrsta sinn og
hljóp hann á 55,9 sek., sem er einnig
góður árangur.
sh
Grikkir
sigruðu
■ Á laugardaginn var háður einn
leikur í F.vrópukeppni landsliða í
knattspyrau. Luxemborgarmenn
fengu Grikki í heimsókn og sigruðu
gestirnir sem skorðuðu tvö mörk
gegn engu. Það var Anastopoulus
sem skoraði bæði mörk Grikkja, sem
eru i efsta sæti í riðlinum, en með
þeim leika Danir, Englendingar og
Ungverjar auk Luxemborgarmanna.
Þetta var annar leikurinn í riðlin-
um, þeim fyrsta lauk með jafntefli
Englendinga og Dana 2-2.
f úrvalsdeildinni
Stewart Johnson var að vanda
aðalmaðurinn í KR-liðinu og gegn Fram
skoraði hann 41 stig. Páll Kolbeinsson
sýndi einnig góðan leik og skoraði 15
stig, en Jón Sigurðsson lék einnig vel.
Kristján Rafnsson, sem lék með KR í
fyrra og hafði í hyggju að ganga í ÍR
hefur greinilega skipt um skoðun, því
hann lék með KR á laugardaginn og víst
er það góður liðsauki hjá KR, sem eru
með mikið af ungum og reyndum
leikmönnum í liði sínu.
Þorvaldur Geirsson var drýgstur við
að skora fyrir Fram, eðá 27 stig og
kaninn Douglas Kintzingcr gerði 25.
sh
■ Stewart Johnson er í góðu formi
um þessar mundir.
Higgins var í
miklu ,,studi”
— er Keflavík vann ÍR 70-64
■ Keflvíkingar með Bandaríkja-
manninn Tim Higgins í fararbroddi
unnu sinn annan sigur í úrvalsdeild-
inni í körfuknattleik er þeir unnu ÍR
í Hagaskóla á sunnudag. Higgins
skoraði 35 stig í leiknum og gerði sér
lítið fyrir og hirti 25 fráköst í leiknum
sem er mjög góður árangur.
ÍR-ingar byrjuðu betur, en Kefl-
víkingar náðu að jafna og í hálfleik *
var staðan 35-31. 1 síðari hálfleik
var sama upp á teningnum. En þegar
leiknum lauk höfðu Keflvíkingar
skorað 70 stig, en ÍR-ingar 64.
Gylfi Þorkelsson var stigahæstur
ÍR-inga í leiknum með 14 stig, en
hann lék mjög vel og hið sama má
segja um Kolbein Kristinsson, Krist-
in, Jör. og Hjört Oddsson.
Eins og fyrr segir var Higgins
stigahæstur hjá Keflavík, en næstur
honum kom Jón Kr. Gíslason, en
hann skoraði 13 stig. í lið ÍBK
vantaði Þorstein Bjarnason, sem nú
leikur með íslenska iandsliðinu í
knattspyrau í Irlandi. Hann hefði
án efa styrkt Keflavíkurliðið, en því
tókst þó að sigra án hans.
sh
Þegar Torf i
fór í gang
— tryggðu Valsmenn sér sigur
á UMFN
■ Það sem setti einna helst svip sinn á
fyrri hlutá leiks UMFN og Vals í
úrvalsdeildinni í kröfuknattleik, sem
leikinn var í Njarðvík á laugardag var
sterkur varnarleikur beggja liða og
mikið af mistökum í sóknarleiknum.
Það var greinilega mikil pressa á
leikmönnum liðanna, enda var barist um
toppsætið.
Leikurinn var geysilega jafn nær allan
tímann. Liðin höfðu til skiptis forystu
-og í hálfleik var staðan hnífjöfn 43-43.
Það var ekki fyrr en á síðustu 6 mínútum
leiksins sem Valsmenn náðu að tryggja
sér forystu sem leiddi til sigurs. Valur
Ingimundarson, sem verið hafði besti
maður Njarðvíkinga og var búinn að
skora 28 stig varð að fara af leikvelli með
fimm villur og bá var eftirleikurinn
auðveldari fyrir Valsmenn. Þegar þetta
gerðist var staðan jöfn 71-71, en þá tók
Torfi Magnússon sig saman í andlitinu
og skoraði hverja körfuna á fætur
annarri og tryggði Valsliðnu kærkominn
sigur. Og þegár upp var staðið var Torfi
búinn að skora 25 stig fyrir Val og varð
þeirra stigahæstur. Tim Dwyer skoraði
20 stig, Kristján Ágústsson 16 og
Ríkharður Hrafnkelsson 13.
Alex Gordon var næst stigahæstur
Njarðvíkinga á eftir Val og skoraði hann
26 stig. En hans styrkur er fyrst og fremst
fólginn í varnarleiknum. Þar er hann
mjög sterkur.
Valsmenn og Keflvíkingar hafa nú
forystu í úrvalsdeildinni og hafa bæði
liðin fjögur stig.
sh
■ Torfi Magnússon lék mjög vel undir lok leiksins í Njarðvík.
Stúdentar unnu
Skallagrím
■ Stúdentar, sem féUu úr úrvals-
deildinni siðastliðið vor, léku sinn
fyrsta leik að sinni í 1. deild í
Borgaraesi á laugardag. Það voru
heimamenn, Skallagrímur sem voru
andstæðingar þeirra og urðu heima-
menn að lúta í lægra haldi gegn liði
ÍS. Leiknum lauk 99-69, eða 30 stiga
sigur ÍS. Það var Bandaríkjamað-
urínn Pat Bock, sem var drýgstur í
liði Stúdenta, en þeir hafa á að skipa
góðu Uði og verða áreiðanlega í
toppbaráttu í vetur.