Tíminn - 13.10.1982, Blaðsíða 4
' -MHOVIKUtKAGUR 13. OKTÓBER 1982
■ Bragi Þórðarson, forstj. Hörpuútgáfunnar, Elín Þorvaldsdóttir,
verslunarstjóri Bókaskemmunnar og Kristbjörg Þórðardóttir, afgreiðslu-
maður i hinni nýju Bókaskemmu Hörpuútgáfunnar á Akranesi.
Þriðja bóka-
búðin opnuð
á Akranesi
Akrancs: Bókaskemma Hörpuútgáf-
unnar opnaði á Akranesi þann 1.
október s.l. Eru bókaverslanir bæjar-
ins þar með orðnar þrjár, en fram að
þessu hafa tvær bókaverslanir
Andrésar Níelssonar þjónað Akur-
nesingum dyggilega, segir í frétt frá
Hörpuútgáfunni. Hörpuútgáfan hef-
ur starfað í 22 ár og gefið út á annað
hundrað bækur.
Að sögn Braga Þórðarsonar,
forstjóra Hörpuútgáfunnar voru það
einkum tveir þættir sem réðu því að
útgáfan fór út í stofnun nýrrar
bókavcrslunar á Akranesi. Fyrir
síðustu jól var rýmkað mjög um
veitingu bóksöluleyfa í byggðarlög-
um sem hafa fleiri en 3.000 íbúa. Sú
breyting auk mikillar fólksfjölgunar
á Akranesi undanfarin ár séu helstu
ástæður þess að ákveðið var að opna
þriðju bókaverslun staðarins.
f Bókaskemmu Höipuútgáfunnar
verður boðið upp á allar íslenskar og
erlendar bækur, auk bóka útgáfunn-
ar. Einnig verður lögð áhersla á að
hafa til sölu ný erlend blöð og tímarit
auk annarrar alhliða þjónustu bóka-
verslana. Jafnframt verð seldar þar
nótur og hljómplötur og er aðstaða
í versluninni til að hlýða á þær, svo
að enginn þurfi nú að kaupa köttinn
í sekknum.
- HEI
Bók um
hundrað ár í
Hólaskóla að
koma út
■ Bókin „Bændaskólinn á Hólum
1882 til 1982 - afmælisrit" kemur út
um næstu mánaðamót okt./nóv.
Bókin er 286 blaðsíður að stærð og
prýdd fast að hundraði mynda af
ýmsu tagi. Það var sem kunnugt er
hátíðanefnd Bændaskólans á Hólum
sem ákvað fyrir um ári síðan að gcfa
út þetta afmælisrit og réð Sölva
Sveinsson til að sjá um það verk.
Meginefni bókarinnar skiptist í
fjóra kafla. Fyrsta kaflann - Þættir
úr sögu Hólaskóla - skrifa Páll
Sigurðsson frá Lundi um bruna
skólahússins. á Hólum haustið 1926
og Sölvi Sveinsson um Hólaskóla í
100 ár og afmælishátíðina s.l. sumar.
í öðrum kafla - Skólalíf- er greint
frá félagsstarfsemi og ýmsu er hcnni
tengist. Millifyrirsagnir eru: Fjár-
hættuspil og fyllirí - „Blóminn fagur
kvenna klár“ - Fáar. stúlkur á
staðnum - Hólar-Löngumýri - í-
þróttir - Ferð á sæluviku 1922 -
Þorrablót - Yrkingar - og fleiri.
í þriðja kafla bókarinnar - Úr
skólablöðum - eru birt sýnishorn úr
blöðum nemenda, ritgerðir, smásög-
ur, 'ljóð, skrýtlur, hugleiðingar og
fleira. í fjórða þætti - í Hólaskóla -
minnast 12 menn námsdvalar sinnar
á Hólum, þeir: Brynjólfur Eiríksson
frá Skatastöðum (1895), Eiður Guð-
mundsson á Þúfnavöllum (1906),
Björn Jónsson í Bæ (1922), Jónas
Pétursson á Lagarfelli (1932),
Magnús H. Gíslason á Frostastöðum
(1934), Helgi Jónasson á Grænavatni
(1942), Sigríður Ágústsdóttir Stóra-
Kroppi (1951), dr. Stefán Aðal-
steinsson frá Vaðbrekku (1951),
Bjarni Böðvarsson Þinghóli (1958),
Pétur Ó. Helgason á Hranastöðum
(1967), Gunnþórunn Ingólfsdóttir
Króki í Norðurárdal (1976) og
Bjarni Stefán Konráðsson á Frosta-
stöðum sem útskrifaðist á s.l. vori.
Þeim sem hug hafa á að eignast
bókina - en ekki hafa enn gerst
áskrifendur - er bent á að skrifa til
Bændaskólans á Hólum eða hafa
símasamband. Verð bókarinnar er
350 kr. til áskrifenda að viðbættum
scndingarkostnaði.
„Þú bærinn
minn ungi...”
Suðurland: „Þú bærinn minn
ungi..", hljómplata mcð söng Sam-
kórs Selfoss er nýlega komin á
markaðinn. En fyrsta lag plötunnar
er „Selfoss", eftir stjórnanda kórsins
Björgvin Þ. Valdimarsson við Ijóð
Frímanns Einarssonar. Einnig eru á
plötunni lög eftir: Pálmar Þ. Eyjólfs-
son, Sigvalda Kaldalóns, Sigurð
Ágústsson, og Þórarin Guðmunds-
son. Á plötunni eru einnig erlend
lög: Ungverskt þjóðlag, norskt
þjóðlag, lag frá Katalóniu og þjóðlag
í útsetningu Trivosaari.
Píanóleikari með Samkór Selfoss
er Geirþrúður F. Bogadóttir, en
einnig leika: Gísli Helgason á flautu,
Helgi Kristjánsson á gítar og Björg-
vin Valdimarsson á trompet.
Samkór Selfoss gefur plötuna út,
en hljóðritun fór fram í Stúdíó Nema
s.f. Alfa sá um pressun en Prisma um
filmuvinnu.
Kórinn var stofnaður árið 1973 og
hélt sína fyrstu tónleika í Eyrar-
bakkakirkju á jólum það ár. Jólatón-
leikar með öðru tónlistarfólki á
Selfossi er árviss viðburður í starfi
kórsins.
- HEI
Víða tekinn upp sá háttur að hafa
mötuneyti með í göngur:
GANGNAMENN NU FEST
MATARASTA guðmundi
— sem séd hefur
umeldamennsku
tvö síðustu haust
í Öldumóðuskála
á Grímstungu-
heiði
■ „Það er óákaplegur munur frá því
sem áður var, að geta nú sest að heitri
máltíð þegar komið er í skála að kvöldi
í stað þess að þurfa að draga upp kaldan
skrínukostinn“, sagði Magnús Ólafsson
bóndi á Sveinsstöðum er við röbbuðum
við hann nýlega um þann hluta
fjallgangnanna sem sjaldan er getið, en
það er viðurværi og aðbúnaður man'na
til fjalla í göngum á haustin. En af
fjölmörgum myndum sem árlega birtast
af gangnamönnum í réttum mætti einna
helst ætla að þeirra eina fæða í
fjallferðum væri „brjóstbirtan^
Frá upphafi vega hafa menn orðið að
nesta sig að heiman í fjallgöngur með
skrínukost, sem þeir háfa stíft úr hnefa
með sjálfskeiðungi, stundum jafnvel allt
að því frosinn ef illa hefur viðrað til
fjalla. Að sögn Magnúsar er nú sá háttur
víða upp tekinn að hafa mötuneyti í
göngum. f Öldumóðuskála á Gríms-
tunguheiði hefur Guðmundur Berg-
mann bóndi í Öxl - gamalreyndur
gangnamaður - nú séð um eldamennsk-
una síðustu tvö haust og hafa gangna-
menn þar að vonum fest matarást á
Guðmundi. En menn taka að sjálfsögðu
hraustlega til matar þegar komið er í
skála að kvöldi að loknu löngu og oft
ströngudagsverki.
- HEI
■ Eldhúsinnréttingin, sem hann Guðmundur í Öxl hefur við að búa í
Öldumóðuskála á Grímstunguheiði á fjallgöngum á haustin, þætti nú líkast til ekki
upp á marga fiska á betrí bæjum. Guðmundur er hinsvegar ekkert að fetta fingur
út í slíka smámuni, heldur er hans höfuðmarkmið að seðja félaga sína á kjamgóðum
mat þegar þeir koma til skála að kveldi.
■ I Öldumóðuskála á Grímstunguheiði er ekki um nein tveggja manna herbergi
að ræða heldur tveggja manna kojur. En ekki fer spurnum af því að slíkir smámunir
haldi lengi vöku fyrir mönnum eftir að þeir halla sér. Myndir M.O.
M „Meira kaffi strákar". Guðmundur í Öxl sinnir nú eldamennskunni af ekki minni kostgæfni heldur en eltingarleiknum
við þrjóskar skjáturnar upp til heiða á umliðnum áratugum. Guðmundur er nú kominn eitthvað á áttræðisaldurinn. Við
vegginn að baki gangnamanna sér í kojurnar í Öldumóðuskála.
Kjördæmisþing framsóknarmanna á Vestfjörðum:
Flugstöd frestað
■ Kjördæmisþing framsóknarmanna í
Vestfjarðakjördæmi ályktar, að með tilliti til
þeirra miklu efnahagslegu áfalla sem þjóð-
arbúið hefur orðið fyrir á undanförnum
mánuðum ásamt alvarlegri erlendri skulda-
stöðu þjóðarinnar sé augljóst að jafn stór
fjárfesting og bygging nýrrar flugstöðvar á
Keflavíkurflugvelli, sem að meginhluta
mundi fjármagnast með gt'furlegum erlcnd-
um lántökum, verði frestað um óákveðiun
tíma.
Kjördæmisþing Framsóknarmanna í Vest-
fjarðakjördæmi gerir sér Ijósa þá nauðsyn
sem bygging nýrrar millilandaflugstöðvar er'
fyrir samgöngur íslands við umheiminn. En
tninmr a, aö þótt mikið hafi áunnist í
samgöngumálum landsmanna á undanförn-
um árum er þar þó margt enn ógert. Ennþá
er heill landshluti - Vestfirðir - vegasam-
bandslaus við vegakerli landsins um 7
mánuði á ári hverju. Meðan svo varir í
samgöngumálum heils landshluta, ásamt
þeim miklu efnahagsörðugleikum sem þjóð-
in á við að stríða í dag, yrði frestun á jafn
fjárfrekri opinberri framkvæmd og bygg-
ingu nýrrar flugstöðvar á Keflavíkurflugvelli
einungis í samræmi við yfirlýsta stefnu
stjórnvalda í fjárfestingarmálum, og fjár-
liagsgetu þjóðarinnar við núverandi aðstæð-
ur.