Tíminn - 28.10.1982, Blaðsíða 20
r
Opiö virka daga
9-19.
Laugardaga 10-16
H
HEDD
Skemmuvegi 20 - Kopavogi
Simar (91)7-75-51 & 7 80 30
Varahlutir
Mikiö úrval
Sendum um land.allt
Ábyrgö á.öllu
Kaupum nýlega
bíla til niðurrifs
Gagnkvæmt
tryggingaféJag
labnel
KÖGGDEYFAR
GJvarahlutir
Armúla 24
Sími 36510
FIMMTUDAGUR 28. OKT.1982
■ Lilja Þórisdóttir leikari í hlutverki sínu í Trúnaðarmáli en hún leikur annað aðalhlutverkið í mvndinni.
Tökum á Trúnadarmáli lokið:
EINSDÆMI í HEIMINUM
segir Björn Björnsson, leikmyndargerðarmaður
um velvilja þann sem ríkir hér á landi í garð
íslenskrar kvikmyndagerðarlistar
■ í mjög grófum dráttum er söguþráð-
ur Trúnaðarmáls sá að ungt par fær inni
í gömlu húsi í Reykjavík. Hún er kennari
í Heyrnleysingjaskólanum og hann er
tónlistarmaður. Þau eru venjulegt ungt,
ástfangið fólk, en smám saman verða
þau þess vör að eitthvað í húsinu gamla
sem hýsir þau, er að verða þeim
yfirsterkara, og saga hússins er sögð.
„Þetta hefur gengið ótrúlega vel. Oll
vinna, hvort sem það hafa verið
upptökur eða annað. Allar tímaáætlanir
hafa staðist, þannig að við erum mjög
ánægðir með það efni sem við höfum í
höndunum," sagði Björn Björnsson,
leikmyndagerðarmaður í viðtali við
Timann í gær, en hann gerði einmitt
leikmyndina í k vikmyndinni „Trúnaðar-
mál“ sem tökum hefur nú verið lokið á.
Það er Saga Film sem er framleiðandi
kvikmyndarinnar, Egill Eðvarðsson er
leikstjóri, Snorri Þórisson kvikmynda-
tökumaður og Jón Þór Hannesson er
framkvæmdastjóri kvikmyndarinnar.
Leikhlutverkin í kvikmyndinni, sem
hefur hlotið vinnuheitið Trúnaðarmál,
eru á milli 15 og 20, en aðalhlutverkin
tvö eru í höndum Lilju Þórisdóttur og
Jóhanns Sigurðssonar, tveggja athyglis-
verðra leikara af yngri kynslóðinni.
Önnur hlutverk eru flest í höndum
þekktra íslenskra leikara.
„Við erum að klippa þessa dagana,“
sagði Björn, „ það er mjög spennandi
og gengur mjög vel og lítur vel út,
þannig að við erum í raun bæði ánægðir
og bjartsýnir, þó að við séum mitt í
kreppu og barlómi.
„Tekin á rúmlega 30
stöðum“
- Hvar er myndin tekin upp?
„Myndin var kvikmynduð á rúmlega
30 stöðum, í Reykjavík, Keflavík,
Húsavík og í Vínarborg, en stærsti hluti
hennar var tekinn í upptökusal við
Suðurlandsbraut, þar sem aðstæður til
vandaðra vinnubragða voru mjög góðar.
Við tókum síðasta hlutann upp í
Vínarborg nú í október. Þar kvikmynd-
uðum við þau atriði myndarinnar sem
segja frá dvöl annarrar aðalpersónunn-
ar, Péturs, við nám í þessari höfuðborg
tónlistarinnar, en hann er tónlistarmað-
ur. Þetta mun vera 1 fyrsta skipti sem
íslensk kvikmynd er tekin að einhverj-
um hluta erlendis. Annað sem er nýjung
í íslenskri kvikmyndagerð er að við
notuðum vídeótækni við upptökurnar
og gátum þannig fylgst með upptökum
á myndinni um leið og þær fóru fram.“
„Kostnaður 3.5 milljónir“
Björn var spurður um kostnaðarhlið
Trúnaðarmáls:
„Já, það er eiginlega eina áætlunin
sem ekki stóðst alveg. Við áætluðum í
þetta 3 milljónir, en myndin kostaði 3.5
milljónir. Þessi útgjaldaaukning kemur
okkur ekki á óvart, því þetta er vegna
hluta sem við ákváðum að gera á
leiðinni.
Styrkurinn sem við fengum úr Kvik-
myndasjóði var 250 þúsund krónur,
þannig að það er miklu fremur
viðurkenningarvottur en styrkur, það
sem gerði þetta mögulegt var í fyrsta lagi
það að við höfðum góð samskipti við
banka einn og þá var nánast allt sem
hugsast getur lánað, eins og vinna,
þjónusta og vörur. Þetta gengur í raun á
því að menn trúa á þetta og það er engu
iíkt hvað fólk gerir, bláókunnugt fólk,
til þess að þetta verði mögulegt. Svo ég
nefni örfá dæmi, þá var það ekkert mál
að fá fólk til þess að flytja út úr húsum
sínum og fyrirtækjum, og fá húsnæðið
lánað. Allt var í raun sjálfsagt, og ég
leyfi mér að fullyrða að slíkur velvilji
sem tíðkast hér á landi í garð
kvikmyndagerðar, er einsdæmi í
heiminum."
- Saga Film stefnir að því að frumsýna
myndina í lok febrúarmánaðar og
verður hún þá frumsýnd á tveimur
stöðum í Reykjavík og jafnvel einum
stað úti á landi. Sagði Bjöm að Húsavík
hefði komið til talsins sem hugsanlegur
sýningarstaður, því myndin væri jú að
hluta tekin þar.
- AB
Fréttir
Flugvélin sem
saknað er:
Engin leit í gær
vegna óveðursins
■ Ofsaveður vestur af
Vestfjörðum í gær úti-
lokaði alla leit að flugvél-
inni TF MAO, sem saknað
hefur verið frá því snemma
morguns í fyrradag.
Að söng Valdimars
Ólafssonar, yfirflugum-
ferðarstjóra, þá var upp-
gefinn 60 hnúta vindur af
skipi í gær og skyggni var
aðeins 500 til 1000 metrar
og slydda. Fylgdist Valdi-
mar með veðri á tveggja
tíma fresti allan gærdag-
inn, en útilokað var að
hefja leit.
Ef veður leyfir, þá mun
verða leitað í dag, og hefur
Valdimar óskað eftir því
við Varnarliðið að Her-
kúlesvél þess verði lögð í
leitina.
- AB
Guðmundur les
úr bók sinni í
kvöld
■ í kvöld les Guðmund-
ur Sæmundsson úr bók
sinni „Ó, það er dýrlegt að
drottna", í Nýja köku-
húsinu. Bók þessi hefur
valdið talsverðu fjaðrafoki
nú þegar, m.a. vegna þess
að forlagið sem ætlaði að
gefa bókina út hætti við á
síðustu stundu. Höfundur
varð því að kaupa upplag-
ið og gefa bókina út á eigin
kostnað.
Guðmundur hefur
lesturinn kl. 20.30 og les
síðan aftur kl. 22. Gengið
er inn í Nýja kökuhúsið
frá Austurvelli, auk þess er
Bókaverslun ísafoldar op-
in að Austurstræti.
Þetta er önnur bóka-
kynning vetrarins en þess-
ar kynningar verða hvert
fimmtudagskvöld í Nýja
kökuhúsinu í vetur. Munu
ýmsir höfundar lesa þar
upp úr verkum sínum.
dropar
Hvar er bíl-
prófið tekið?
■ Það er ekki tekið út með
sældinni að taka bílpróf, þegar
mcnn eru taldir til þess hæfir
af ökukennara, því þá kemur
til kasta Bifreiðaeftirlits ríkis-
ins, þ.e.a.s. prófdeildar. í
húsakynnum deildarinnar eru
allar hurðir helst harðlæstar,
þegar nemar koma á tilskild-
um tíma til próftöku. Ef þeir
eru hógværir og setjast niður
og bíða þess að prófdómarinn
láti sjá sig kemur fyrir að þeir
eru húðskammaðir fyrir að
láta ekki vita af sér. 1 öðrum
tilvikum, þegar nemendurnir
eru frakkari, eru þeir altur á
móti skammaðir fyrir að trufla
starfsemina sem fram fer með
því að banka upp á, þannig að
það er ýmist of eða van.
Ekki bætir úr skák þcgar út
í umferðina er komið, því enn
kemur það fyrir að ekið er
erinda prófdómara, þótt eitt-
hvað hafi það ininnkað síðustu
árin.
Þorsteinn að
vanvirða Gunnar?
■ Það vakti athygli í gær-
morgun þegar aðilar vinnu-
markaðarins komu saman til
samráðsfundar með dr. Gunn-
ari Thoroddsen, forsætisráð-
herra, í Ráðherrabústaðn-
um, að þar var enginn mættur
fyrir hönd Vinnuveitendasam-
bands íslands, nema einn
starfsmaður af skrifstofu. Allt
frá því að þcssum fundum var
komið á hefur það verið venja
að framkvæmdastjórar og for-
menn hinna ýmsu samtaka
komi og hlýði á boðskap
ráðherra og láti siðan til sín
heyra á cftir, ef tilefni gefa til,
enda voru mættir þar í gær
helstu topparnir á vinnumark-
aðnum.
Hvað fyrir Þorsteini Páls-
syni, framkvæmdastjóra VSI,
og hans mönnum hefur vakað
er ómögulegt að segja, en
kunnugir töldu að með þessu
væru VSÍ-menn að reyna að
vanvirða forsætisráðherra, en
að vísu á mjög snyrtilcgan hátt.
Krummi ...
sá þessa spurningu í jafnréttis-
könnuninni í Reykjavík:
„Finnst þér þú sækja stéttar-
félagsfundi?" Hefði ekki verið
nær að spyrja hreint út hvort
þátttakcndur sæktu slíka
fundi, burt séð frá því hvað
þeim fyndist um það.
nn i