Fréttablaðið - 31.01.2009, Qupperneq 6

6 31. janúar 2009 LAUGARDAGUR
SAKAMÁL Ríkissaksóknari finnur
ekkert refsivert hjá þeim, sem 108
blaðsíðna rannsóknarbeiðni Haf-
skipsmanna beindist að, miðað við
gögn málsins. Svo segir í nýbirtri
niðurstöðu ríkissaksóknara. Að
nánari rannsóknar gerist ekki
þörf.
Þau Björgólfur Guðmundsson,
Páll Bragi Kristjónsson, Helga
Thomsen (ekkja Ragnars Kjart-
anssonar), Þórður H. Hilmars-
son og Helgi Magnússon höfðu
farið fram á rannsókn á meint-
um brotum dómara við skiptarétt
Reykjavíkur, ríkislögmanns, ríkis-
saksóknara, rannsóknarlögreglu-
stjóra ríkisins og starfsmanna
þeirra. Brotin áttu að hafa verið
framin við meðferð Hafskipsmáls-
ins svokallaða, um miðjan níunda
áratuginn.
Saksóknari gerir athugasemd-
ir við beiðnina, sem hann tók til
athugunar í október síðastliðn-
um. Slík beiðni þurfi að vera skýr
og þar þurfi að koma skýrt fram í
hverju meintur refsiverður verkn-
aður sé fólginn. Þessa hafi ekki
verið gætt. Nánast öllum sem að
málinu hafi komið séu gerð upp
annarleg sjónarmið, að því er virð-
ist til að koma höggi á þá, án þess
að meintum brotum sé lýst.
Um hvort niðurstaðan þýði að
ekkert athugavert hafi verið við
ferli málsins á sínum tíma, segir
Valtýr Sigurðsson ríkissaksókn-
ari að í mörgum málum séu menn
ósáttir og telji að margt hefði mátt
fara öðruvísi. „En það er ekkert að
finna í gögnum málsins sem gefur
til kynna að nokkuð refsivert hafi
átt sér stað hjá þeim sem beiðnin
beindist að.“
Ragnar Aðalsteinsson, lögmaður
Hafskipsmanna, segir málinu ekki
lokið. Mál, sem beinist að stjórn-
kerfinu sjálfu, hljóti að lenda í and-
ófi innan þess. Að standa í slíku
krefjist úthalds, sem hans umbjóð-
endur hafi. Ríkissaksóknari hafi
ekki farið að stjórnsýslulögum.
Hann hafi tekið ákvörðun um að
láta lögreglu rannsaka málið en
svo hætt við það, án skýringa.
„En samkvæmt stjórnsýslulög-
um hefði hann átt að gefa umbjóð-
endum mínum kost á að koma fram
andmælum,“ segir Ragnar, sem
ritaði saksóknara bréf um þetta.
Þar segir til dæmis að afgreiðsla
málsins sé ófullnægjandi; það hafi
í raun ekki verið rannsakað. Er
þess krafist að saksóknari dragi
ákvörðun sína til baka. Áskilja
beiðendur sér rétt til að kæra með-
ferðina til dómsmálaráðherra.
Valtýr tjáir sig ekki um bréfið.
klemens@frettabladid.is
Ekki rök til að skoða
Hafskipsmál frekar
Ríkissaksóknari sér ekki refsiverða háttsemi í opinberri meðferð Hafskipsmáls,
eftir að hafa skoðað rannsóknarbeiðni Hafskipsmanna. Því er lokið af hans
hálfu. „Brot á stjórnsýslulögum,“ segir Ragnar Aðalsteinsson lögmaður.
FLÝTUR ENN Hafskipsmálið hefur fylgt þjóðinni í yfir tvo áratugi og sér ekki fyrir
endann á því enn. MYND/KOMPÁS
„Meginástæðan fyrir því að viðskipt-
in fóru svo mjög úr skorðum var
tvíþætt. Annars vegar mikill aðgæslu-
skortur af hálfu Útvegsbankans
ásamt veilum í ríkisbankakerfinu.
Hins vegar var það mikil og vax-
andi lánsfjárþörf Hafskips. Félagið
jók sífellt umsvifin þrátt fyrir ört
versnandi efnahag.
Með þessum umsvifum sýndu
ráðamenn félagsins óraunsæja
bjartsýni, en þeim tókst lengi vel að
dylja raunverulega afkomu félagsins
með vinnubrögðum sem ekki voru
í samræmi við eðlilega viðskipta-
hætti.“
Svo segir í skýrslu rannsóknar-
nefndar, sem athugaði hvort
lánafyrirgreiðsla Útvegsbankans
til Hafskipa hefði verið í eðlilegu
samræmi við starfsumhverfi fyrir-
tækisins.
Ríkissaksóknari vitnar í skýrsluna í
niðurstöðu sinni.
ÓEÐLILEGIR VIÐSKIPTAHÆTTIR
Ferðaskrifstofa
Brottför 3. febrúar. 7 nætur á 4 sjtörnu hóteli með hálfu
fæði m.v. 2 fullorðna. Innifalið er flug, gisting í 7 nætur,
flugvallaskattar og íslensk fararstjórn.
Skipholti 50b • 105 Reykjavík
®
STJÓRNMÁL Þegar kom að Seðla-
bankanum lét Samfylkingin
stjórnast af „hatri á einum
manni,“ sagði Geir H. Haarde,
fráfarandi forsætisráðherra,
á fundi Sjálfstæðisflokksins á
Grand hóteli í gær. Þar mun hann
hafa átt við Davíð Oddsson seðla-
bankastjóra.
Hatur samfylkingarfólks virð-
ist hafa ráðið úrslitum um afstöðu
til skipulagsbreytinga á Seðla-
bankanum og Fjármálaeftirlitinu,
sagði Geir. Sjálfstæðisflokkurinn
hafi viljað sameina stofnanirnar.
Geir sagði að svo virtist sem
viðræður milli Samfylkingar og
Vinstri grænna hafi verið mun
lengra komnar föstudaginn fyrir
stjórnarslit en fullyrt er.
Hann fullyrti að viðræður Sam-
fylkingar og Sjálfstæðisflokks
síðasta sunnudag hafi verið sýnd-
arviðræður af hálfu Samfylking-
arinnar. Krafan um forsætisráðu-
neytið hafi verið til málamynda,
samfylkingarfólki hafi verið full-
ljóst að hún yrði ekki samþykkt.
Geir hvatti til þess að frambjóð-
endur Sjálfstæðisflokksins í kom-
andi prófkjöri stilltu kostnaði í
hóf. Hann lagði til að enginn eyddi
meira en helmingi hámarksupp-
hæðar sem fest er í lög, en hún er
mismunandi eftir kjördæmum.
Geir lýsti Jóhönnu Sigurðar-
dóttur, verðandi forsætisráðherra,
sem eyðslukló, en sagðist þó ekki
hafa neitt annað en gott um hana
að segja persónulega. - bj
Geir H. Haarde gerði upp stjórnarsamstarfið á fundi Sjálfstæðisflokksins í gær:
Hatrið stjórnaði Samfylkingunni
HÚSFYLLIR Áætla má að á sjöunda
hundrað sjálfstæðismanna hafi sótt
fund Sjálfstæðisflokksins í gær. Geir var
klappað lof í lófa eftir að hann lauk máli
sínu. FRÉTTABLAÐIÐ/GVA
EFNAHAGSMÁL „Ég hafna því að
það sé nokkur ágreiningur innan
Seðlabankans í peningamálum,“
segir Ingimundur Friðriksson
seðlabankastjóri. Hann segir sam-
hljóm í því sem frá bankanum hafi
komið vegna ákvörðunar um að
halda stýrivöxtum óbreyttum.
Í stefnuyfirlýsingu Seðlabanka-
stjórnar á fimmtudag, sem birt er í
ritinu Peningamálum, kemur fram
að bankastjórnin hafi talið rétt að
lækka stýrivexti nú, en fallist á að
gera það ekki eftir hvatningu frá
Alþjóðagjaldeyrissjóðnum (AGS).
Í Fréttablaðinu í gær kom fram
að ósamræmi sé milli skoðana
bankastjórnar og hagfræðisviðs
bankans, og að hagfræðisvið hafi
verið á sömu skoðun og AGS.
„Það er alger samhljómur í því
sem fram kemur í texta Peninga-
mála, þeir sem halda öðru fram
lesa eitthvað annað út úr honum
en í honum stendur,“ segir Ingi-
mundur.
„Það sem okkar greining og
spá gefa mjög ákveðið til kynna
er að verðbólgan er í hámarki,
og það standa allar forsendur til
þess að það dragi mjög hratt úr
henni þegar líður á árið, og vegna
þess geti stýrivextir líka lækk-
að mjög hratt. Það verður þó auð-
vitað að flétta saman við afnám
gjaldeyrishaftanna,“ segir hann.
Ingimundur vildi í gær ekki
svara spurningum um stöðu banka-
stjórnar, eða hvort hann hafi íhug-
að að segja af sér vegna harðrar
gagnrýni á bankastjórnina.
- bj
Bankastjóri Seðlabankans hafnar því að ágreiningur sé innan bankans:
Samhljómur um vaxtamál
RÆÐIR EKKI AFSÖGN Ingimundur
Friðriksson, einn þriggja bankastjóra
Seðlabankans, vildi ekki ræða stöðu
bankastjórnarinnar eða hvort hann hefði
íhugað að segja af sér. FRÉTTABLAÐIÐ/VILHELM
VERSLUN Vörukarfa ASÍ hefur
hækkað um allt að 35 prósent frá
því að verðlagseftirlitið hóf mæl-
ingar á körfunni í öllum helstu
matvöruverslunum í apríl á síð-
asta ári. Á þessu tímabili hefur
karfan hækkað mest í lágvöru-
verslunum, um 30 til 35 prósent
og í klukkubúðum, um 24 til 26
prósent.
Af þeim tíu verslunarkeðjum
þar sem verð körfunnar er
mælt hefur verðið hækkað mest
í Bónus, um 35,4 prósent, og í
Kaskó, um 34,1 prósent. Vöru-
karfa ASÍ inniheldur allar
almennar mat- og drykkjarvörur
til heimilisins. - kg
Verð á vörukörfu ASÍ:
Karfan hækkar
mest í Bónus
SVEITARSTJÓRNIR Enginn starfandi
meirihluti er í bæjarstjórn
Blönduóss eftir að leiðir Jónu
Fanneyjar Friðriksdóttur og
hinna þriggja bæjarfulltrúa E-
listans skildi á fimmtudag. Ágúst
Þór Bragason, annar tveggja
bæjarfulltrúa Sjálfstæðisflokks,
segir þá ásamt bæjarfulltrúa Á-
listans bjóðast til að stýra bænum
tímabundið á meðan fulltrúar E-
listans greiða úr sínum málum.
Jóna Fanney mun vera farin til
útlanda og verða þar fram í næstu
viku. „Þeir sem eftir standa af E-
listanum hafa óskað eftir að við
ræðum við þá um þau mál,“ segir
Ágúst sem kveður þó engan fund-
artíma hafa verið ákveðinn. Hann
sé viss um að bæjarstjórnin verði
starfhæf enda hafi þar undanfar-
ið ríkt samstaða um málefni. - gar
Stjórnarkreppa á Blönduósi:
Minnihlutinn
segist geta stýrt
Ögmundur kominn í frí
Ögmundur Jónasson, formaður
BSRB, er kominn í frí frá BSRB fram
yfir kosningar. Þetta var samþykkt á
stjórnarfundi BSRB í gær.
VINNUMARKAÐUR
Hitabylgja í Suður-Ástralíu
Mikil hitabylgja þjakar nú íbúa Suður-
Ástralíu. Kjarreldar ógna byggð og
dýralífi. Margir hafa þurft að leggjast
inn á sjúkrahús af völdum hitans. Hit-
inn í Melbourne hefur farið 45 gráður.
ÁSTRALÍA
Guðmundur í NV-kjördæmi
Guðmundur Steingrímsson, fyrr-
verandi samfylkingarmaður, hefur
tilkynnt að hann hyggist sækjast eftir
fyrsta sæti á lista framsóknarmanna í
NV-kjördæmi.
FRAMSÓKNARFLOKKUR
Fyllir ný ríkisstjórn þig bjart-
sýni?
JÁ 46,7%
NEI 53,3%
SPURNING DAGSINS Í DAG:
Finnst þér réttlætanlegt að
Íslendingar syngi á ensku í
úrslitakeppni Eurovision?
Segðu skoðun þína á vísir.is
KJÖRKASSINN