Tíminn - 23.10.1983, Síða 5

SU'ÍJ'M
5
■ Við ætlum að byggja yfir alla tónlist.
in fyrir þá starfsemi sem hún er byggð
fyrir. Ég vil einmitt leggja sérstaka
áherslu á að það er ekki verið að leysa
eingöngu mál Sinfóníuhljómsveitarinnar
nema síður sé. Hins vegar er gert ráð
fyrir að tónlistarhúsið verði heimili
hennar og það er það sem hana vantar
algerlega, hana vantar aðstöðu. Nú
hefur hún t.d. ekkert æfingaherbergi. í
tónlistarhúsinu gerum við ráð fyrir einum
12 æfingaherbergjum, bæði fyrir sér-
æfingar og samæfingar. Síðan er aftur
gert ráð fyrir búningsherbergjum, hljóð-
færageymslum, nótnasafni, lítilli skrif-
stofudeild, bæði fyrir húsið og aðra aðila
tengda tónlistinni sem þurfa á skrifstof-
urými að halda. Þá hefur verið rætt um
að nauðsynlegt sé að hafa einhverja
veitingaaðstöðu, en það fer nokkuð eftir
því hvar húsinu verður fyrir komið. Það
er hins vegar gert ráð fyrir því í
frumgögnum að það verði veitingasalur
fyrir 80-100 manns og þá jafnvel í
tengslum við aðalforsal, þannig að þar
verði hægt að hafa stærri veislur að auki.
Þetta er hins vegar ekki fullunnið og
engar endanlegar ákvarðanir verið
teknar.
Þú talaðir um tvískiptingu salarins.
hvað átti að vinnast með því?
Hugmyndin á bak við það er að
einstöku sinnum þurfum við á stærri sal
að halda en þeim sem nú er gert ráð fyrir.
Þegar við fáum hingað topptónlistarfólk,
þá þarf ef vel á að vera allt að 2000
manna salur til að bera slíka hljómleika.
Þess vegna hefði verið æskilegt að geta
haft salina samtengda en það hefur ekki
reynst mögulegt.
Hvað um aðstöðu fyrir óperuflutning?
Það mál hefur verið gífurlega mikið
rætt í undirbúningshópnum. Við hugs-
uðum okkur fyrst og náðum um það
samkomulagi, að aðstaða fyrir óperu
yrði næsti byggingaráfangi. Húsið yrði
hannað á þann hátt að unnt yrði að byggja
við aðalsalinn til að gera hann hæfan
til óperuflutnings. Við gerðum okkur
grein fyrir því að fullkomin óperuaðst-
aða myndi-næstum því tvöfalda bygging-
arkostnaðinn. Þá er ekki gert ráð fyrir
sérstökum óperusal, heldur kemur þar
til sviðsbúnaður allur og annað sem
óperu fylgir. Og þó að við treystum því
að stjórnvöld geri sér grein fyrir að
tónlistarhús þarf að koma og hefði átt að
vera komið fyrir löngu, þá gæti það
valdið erfiðleikum að koma upp svona
dýru húsi, eins og raun yrði á ef fullkom-
in óperuaðstaða ætti að rýmast þar. Þar
fyrir utan er starfandi ópera í Gamla
bíói, þótt við lélegar aðstæður sé og auk
þess er gert ráð fyrir tiltölulega góðri
aðstöðu fyrir óperu í nýja borgarleikhús-
inu, þótt svo að salurinn verði að teljast
fremur lítill. Niðurstaða okkar í undir-
búningshópnumvarð sú að það yrði gert
ráð fyrir að hægt yrði að flytja í húsinu
minniháttar óperur, það er að segja
óperur sem ekki krefjast mikils sviðs-
búnaðar.
í þessu sambandi held ég að nauðsyn-
legt sé að haft sé í huga að við getum
ekki fengið allt í einu. Við erum að fara
út í mjög dýra framkvæmd þar sem
reynir á skilning stjórnvalda og almenn-
ings og brýnasta verkefnið er að leysa
vandamál leikinnar hljómlistar sem er
nánasl á vergangi. Óperan hefur aðstöðu
í Gamla bíói, hún fær aðstöðu í Borgar-
leikhúsinu og hún fær aðstöðu hjá
okkur. Þessi aðstaða er að vísu ekki stór
í sniðunum, en ég held að ekki séu
aðstæður til að gera betur að sinni.
Mig langar til að geta þess í framhaldi
af þessu að sú hugmynd kom upp í sumar
að unnt væri að breyta Háskólabíói, með
það fyrir augum að gera það hús betra
til tónleikahalds. Slíkt hefði auðvitað
verið mjög æskilegt frá fjárhagslegu
sjónarmiði. Við héldum þrjá fundi með
forráðamönnum Háskólans og Háskóla-
■ Það er ákveðið hjarta í borginni og við þurfum að haga staðarvali með tilliti til
þess. Tímamyndir GE
bíós og það er orðið ljóst að það kemur
ekki heim og saman við áætlanir Háskól-
ans og þar að auki eru svo miklir
vankantar á húsinu frá tæknilegu sjónar-
miði að það var horfið frá þessu ráði.
Það er hægt að sætta og sameina sjón-
armið í pólitík, en það gengur ekki í
tónlistinni. Það eru gerðar gjörólíkar
kröfur til kvikmyndahúss og tónleika-
húss. Salur í kvikmyndahúsi þarf að vera
eins dauður og mögulegt er, tónleikasal-
ur þarf að vera eins lifandi og mögulegt
er. Það hefur verið reynt að fara bil
beggja í Háskólabíói með því t.d. að
hafa gólfið hálfmjúkt og kvikmynda-
menn kvarta undan gjallandanum frá
því, en það er jafnslæmt fyrir tónlistar-
flutning. Eins er með loftið í húsinu.
Þegar húsið var byggt var hljómburðar-
fræðin ekki komin jafn langt á veg og
núna og þá var talið að loftið skipti
tiitölulega litlu máli fyrir hljómburð. En
nú er það komið upp úr dúrnum að loftið
skiptir kannske enn meira máli í þessu
tilliti en veggirnir, gerð þess og lögun.
Þannig að það er ekki einasta að það
þyrfti að byggja innan í Háskólabíó til
að fá góðan hljómburð, heldur'er ég
persónulega sem byggingamaður þeirrar
skoðunar að það þyrfti að byggja uían á
það líka. Og þá verður spurningin, hvað
sparast.
Eina leiðin er að byggja nýtt hús yfir
tónlistina. Það hefur aðeins einu sinni
verið byggt hús sérstaklega fyrir tónlist
hér á landi og það er gamli Hljómskál-
inn. Hingað til hafa tónlistarmenn orðið
að notast við alls kyns fundasali, sýninga-
sali og raunar kirkjur, sem í sumum
tilfellum geta verið ágætar en eru al-
mennt byggðar fyrir mun lengi ómtíma
en konsertmúsík þarf á að halda.
Áttu þér einhvern draumstað fyrir
tónlistarhús?
Nei, það er hins vegar mikilvægt að
allir geri sér grein fyrir því að það skiptir
miklu máli að staðarvalið takist sem
allra best. Það er ákveðið hjarta í
Reykjavík eins og í öllum borgum og við
þurfum að haga staðarvalinu með tilliti
til þess.
Hvenær vígjum við Hús tónlistarinn-
ar?
Við gerum okkur vonir að geta hafið
verklegar framkvæmdir árið 1985, en
það vill svo til að það hefur verið
ákveðið að það ár verði ár tónlistarinnar
í Evrópu. Síðan er áætlað að Ijúka
verkinu árið 1988.
Síðan er það þessi sígilda spurning um
kostnaðinn. Hvað kostar þessi bygging
miðað við verðlagið fyrir hádegi í dag?
Það hefur verið gerð lausleg kostnað-
aráætlun. Upphaflega gerðum við ráð
fyrir kostnaði upp á 170 milljónir en
húsið hefur heldur vaxið í umfjöllun
okkar og nú reiknum við með nálægt 200
milljónum. Við reiknum með hliðstæð-
um kostnaði á rúmmetrann og er í nýja
útvarpshúsinu, en heildarkostnaður
verður u.þ.b. helmingur af kostnaði við
það hús.
Hugsið þið ykkur að reyna að afla
mikils fjár með söfnunum?
Við ætlum að virkja allt sem hægt er
til þess að þetta hús geti orðið að
veruleika. Þetta mál hefur hlotið mjög
góðar undirtektir almennings, en það
gefur auga leið að það er ekki meiningin
að byggja tónlistarhús fyrir frjáls framlög
þeirra sem sækja tónleika. Þetta hús er
byggt fyrir fólkið í landinu, fyrir kom-
andi kynslóðir, til þess að börnin okkar
geti notið þeirrar lífsfyllingar, sem tónl-
ist gefur hverjum manni. Það erviðtekin
venja í okkar vestræna heimi að menn-
ingarstarfsemi og menntun er greidd
niður af opinberu fé.
Þetta hús verður engin undantekmhg,
það verður að meginhluta til greitt úr
sameiginlegum sjóði landsmanna allra.
JGK
■Undirbúningsnefndin á síðasta fundi sínum fyrír stofnfundinn. F.v. Ármann Öm Ármannsson, Jón Nordal, Sigurður Helgason, Jón Þórarínsson, Rut
Magnússon, Karólina Eiríksdóttir, Einar Jóhannesson, Finnur Torfi Stefánsson og Ingi R. Heigason. Á myndina vantar Björgvin Vilmundarson, Gunnar
Egilsson og Hákon Sigurgrímsson. Timamynd GE
Við erum ódýrari!
Póstsendum um land alli
HqGGPH^FO m
Smiðjuvegi 14, sími 77152