Tíminn - 05.02.1984, Qupperneq 8

SUNNUDAGUR 5. FEBRÚAR 1984
8
Wwðfí/m
Útgefandi: Framsóknarflokkurinn.
Framkvæmdastjóri: Gisli Sigurisson. Auglýsingastjóri: Steingrímur Gíslason.
Skrifstotustjóri: Ragnar Snorri Magnússon. Afgreiðslustjóri: Sigurður Brynjólfsson.
Ritstjórar: Þórarinn Þórarinsson, Elias Snæland Jónsson. Ritstjórnarfulltrúi: Oddur V.
Ólafsson. Fréttastjóri: Kristinn Hallgrímsson.
Umsjónarmaður Helgar-Tímans: Atli Magnússon. Blaðamenn: Agnes Bragadóttir,
Bjarghildur Stefansdóttir, Baldur Kristjánsson, Friðrik Indriðason, Guðmundur Sv .
Hermannsson, Heiður Helgadóttir, Jón Guðni Kristjánsson,
Jón Ólafsson, Kristin Leífsdóttir, Samuel Örn Erlingsson (íþróttir), Skatti Jónsson, Sonja
Jónsdóttir, Þorvaldur Bragason. Útlitsteiknun: Gunnar Trausti Guðbjörnssson.
Ljósmyndir: Guðjón Einarsson, Guðjón Róbert Ágústsson, Árni Sæberg. Myndasafn:
Eygló Stefánsdóttir.
Prófarkir: Kristin Þorbjarnardóttir, Sigurður Jónsson.
Ritstjórn skrifstofur og auglýsingar: Siðumúla 15, Reykjavík. Sími: 86300. Auglýsingasimi
18300. Kvöldsímar: 86387 og 86306.
Verð í lausasölu 20.00, en 22.00 um helgar. Áskrift á mánuði kr. 250.00.
Setning og umbrot: Tæknideild Tímans. Prenlun: Blaðaprent hf.
Tökum nýrri tækni
með viðeigandi hætti
■ Áhrifa nýrrar tækni á atvinnuvegi á íslandi gætir í æ ríkara
mæli og mun í framtíðinni gerbylta framleiðslu og atvinnuháttum.
í þessum efnum erum við eftirbátar þeirra þjóða sem lengst eru
komnar í tölvu- og rafeindabyltingunni á mörgum sviðum en
stöndum jafnfætis þeim á öðrum. Furðulítið hefur verið fjallað um
þessi mál, jafnvel eftir að tölvubyltingin er farin að hafa mikil áhrif
á fjölmörgum sviðum.
Það er þó ekki því að kenna að ekki hafi verið vakin athygli á
málinu, heldur hafa stjórnvöld sofið á verðinum allt fram undir
síðustu tíma. Á vorþingi 1982 var samþykkt þingsályktunartillaga
frá sjö framsóknarmönnum um þróunarhorfur og stefnumótun í
upplýsinga- og tölvumálum. Er hún svohljóðandi:
Alþingi ályktar að fela ríkisstjórninni að skipa nefnd er geri
athugun á stöðu og þróunarhorfum í upplýsinga- og tölvumálum
og á hvern hátt er unnt að stjórna þeirri þróun.
Jafnframt skal nefndin benda á kosti varðandi stefnumótun og
opinbera ákvarðanatöku á fyrrgreindu sviði. Sérstaklega skal
athuga hvernig vinnumarkaðurinn geti aðlagast tölvuvæðingunni
án þess að atvinnuöryggi sé stefnt í hættu.
Fyrrverandi félagsmálaráðherra gerði ekkert í málinu þrátt fyrir
að Alþingi hafi samþykkt þessa tillögu framsóknarmanna ein-
róma.
Fað var ekki fyrr en Alexander Stefánsson tók við embætti
félagsmálaráðherra, að skriður komst á málið. Hann skipaði
nefnd á s.l. hausti og hefur hvatt hana til að vinna hratt og vel til
að vinna upp það tímatap sem varð vegna slóðaskapar og
áhugaleysis forvera hans.
Sem betur fer eru það ekki einasta framsóknarmenn sem skilja
mikilvægi þess að rétt sé brugðist við nýjum viðhorfum í
atvinnumálum. Sigríður Dúna spurði í síðustu viku hvað liði að
hrinda tillögunni í framkvæmd og kom fram í svari Alexanders
Stefánssonar, að hann hafi komið verkinu á góðan rekspöl og
gerði grein fyrir nokkrum grundvallarspurningum sem starfshópn-
um er ætlað að leita svara við.
T.d. hvaða þýðingu rafeindatæknin hefur í sambandi við
samkeppnisstöðu á erlendum mörkuðum? Hvaða áhrif hefur þessi
nýja tækni á atvinnulífið? Hvaða þættir ráða því hvort og hvenær
atvinnugreinar taka nýja tækni í þjónustu sína? Hver er hlutur
tækninnar í hagvextinum? Hverjar verða afleiðingar þess að láta
undir höfuð leggjast að fjárfesta í nýrri tækni? Hafa tæknibreyting-
ar áhrif á jafnrétti kynjanna á vinnumarkaðinum?
Fræðimenn eru sammála um sum atriði og ósammála um önnur.
Flestir eru sammála um að hagnýting nýrrar tækni geti leitt til
minnkandi atvinnu um skeið í hlutaðeigandi greinum. En að
vandamálin á vinnumarkaðinum verði illleysanlegri ef notkunin
er hindruð á einhvern hátt. Slíkt mun leiða til þess að
hlutaðeigandi land verður ekki samkeppnisfært á heimsmarkaðin-
um og það muni fyrr eða síðar leiða til atvinnuleysis.
Flestir virðast sammála því að menntun mannaflans hafi áhrif á
það hvort og hvenær atvinnugreinar taki nýja tækni í sína
þjónustu. Hún hefur einnig áhrif' á samkeppnisaðstöðuna auk
flciri þátta, svo sem á bætta stjórnun og fjárfestingu. Bætt
samkeppnisaðstaða leiðir til aukinnar þjóðarframleiðslu og þar
með fjölgunar starfa.
Félagsmálaráðherra benti á, að íslendingar standi frammi fyrir
því að mannafli á vinnumarkaði eykst um 30 þúsund manns næstu
20 árin. Vitað er að margar hefðbundnar atvinnugreinar geta ekki
tekið við öllu þessu vinnuafli og í öðrum má jafnvel búast við að
aukin tækni leiði til fækkunar starfsfólks. Ekki er útlit á að iðnaður
taki við eins stórum hluta þessarar fjölgunar og áður var talið.
Þeir sem atvinnumálum stjórna þurfa að stuðla að sem
snurðulausastri hagnýtingu nýrrar tækni í atvinnulífinu. Þar
verður að leggja mikla áherslu á góða samvinnu við aðila
vinnumarkaðarins. Taka verður fullt tillit til afleiðinganna á
atvinnuþróun og atvinnuástand, umhverfismál, heilbrigðis- og
hollustuhætti, nýtingu auðlinda og margt fleira.
Þeir sem innleiða nýja tækni í atvinnurekstri verða að gera sér
Ijósar skyldur við starfsmenn sína, gefa þeim hæfilegan aðlögunar-
tíma og tækifæri til þjálfunar eða endurmenntunar ef þörf er á.
Það er ekki seinna vænna að stjórnvöld taki mál þessi föstum
tökum og mæti nýjum tímum með viðeigandi hætti.
OÓ
■ Gerður Hassing tekur við verðiaununum úr hendi Helga Jóhannssonar hjá Samvinnuferðum.
,,SÆLUHIJS” hlutskarpast í nafnásamkeppni Samvinnuferða
um nafn á hnsunum í Hollandi:
Alls bárust 2000 bréf
með 6-8 þúsund nöfnum
■ Alls bárust um 2000 bréf í samkeppni
ferðaskrifstofunnar Samvinnuferða-
Landsýn sem hún efndi til um nafn á
húsunum sem viðskiptavinir SL geta
tekið á leigu í Hollandi og voru alls á
milli 6 og 8 þúsund nöfn í bréfunum.
Fyrir valinu varð nafnið SÆLUHÚS
en um það orð segir í greinargerð
dómnefndar:
„í hugum fólks er þetta nafn tengt
ferðalögum og gistingu, auk þess sem
fyrri hlutinn minnir á sælu - sem vissu-
lega fylgir vel heppnaðri dvöl í lciguhú?-
um Samvinnuferða-Landsýnar. Við
álítum það tvímælalaust besta kostinn
og leggjum til að húsin verði nefnd
sæluhús."
A blaðamannafundi þar sem niður-
stöður samkeppninnar voru kynntar
kom fram að um þriðja hvert nafn sem
barst var SÆLUHÚS og var dregið um
hver skyldi hljóta verðlaunin. Þau hlaut
Gerður Hassing og eru þau þriggja vikna
dvöl fyrir hana og fjöiskyldu hennar í
sæluhúsi á surnri komanda.
Hjá forráðamönnum SL á fundinum
kom fram að mikil ásókn er í ferðir í
sumarhúsin í Hollandi og eiga nú þegar
um 1000 manns staðfestar bókanir í þau
en nær óþekkt mun vera í ferðaskrif-
stofuheiminum að svo margar staðfestar
bókanir berist í ferðir svo snemma
vetrar. -FRI
Ráðstefna norrænna æskulýðssamtaka
frjálslyndra- og róttækra flokka:
„Kjarnorkuslys hefði
hræðilegar afleiðing-
ar fyrir landsmenn”
■ „Kjarnorkuslys á hafsvæðunum um-
hverfis ísland hefði hræðilegarafleiðing-
ar fyrir landsmenn. Fiskimiðin gætu
eyðilagst í einni svipan. Hver kærði sig
um að kaupa geislavirkan fisk frá ís-
landi? Slíkt slys gæti kippt fótunum
undan lífsafkomu íslendinga. Þessvegna
má sá þáttur vígbúnaðarkapphlaupsins,
sem tekur til hernaðartækja á og í hafinu
alls ekki gleymast í afvopnunarviðræð-
unum“, sagði Guðmundur G. Þórarins-
son, fyrrv. þingm., í erindi, sem hann
flutti á ráðstefnu norrænna æskulýðs-
samtaka frjálslyndra- og róttækra
flokka, Nordens liberala och radikala
ungdomsförbund, sem Samband ungra
framsóknarmanna á aðild að.
Við opnun ráðstefnunnar, sem haldin
var um síðustu helgi, að Hótel Loft-
leiðum, flutti formaður framsóknar-
flokksins, Steingrímur Hermannsson,
forsætisráðherra, ávarp. í því fjallaði
forsætisráðherra um íslensk stjórnmál,
Framsóknarflokkinn og þau vandamál
sem við er að glíma í íslensku efnahags-
lífi um þessar mundir.
Tvö erindi voru flutt á ráðstefnunni.
Eins og kom fram í upphafi flutti
Guðmundur G. Þórarinsson annað er-
indið, sem fjallaði um vígbúnaðarkapp-
hlaupið í hafinu. Hitt erindið var um
réttinn til hafsbotnsins. í því fjallaði
Guðmundur Eiríksson, sérfræðingur
utanríkisráðuneytisins í hafréttarmál-
um. um þau ákvæði hafréttarsáttmálans
sem taka til auðlinda'á og undir hafs-
botninum.
Að loknum erindaflutningnum var
ráðstefnugestum skipt í þrjá umræðu-
hópa, sem fjölluðu um mengun hafsins,
réttinn til auðæfa á og undir hafsbotnin-
um og vígbúnaðarkapphlaupið í hafinu.
M.a. var um það rætt að skylda bæri
stórveldin til að tilkynna ferðir hernaðar-
tækja um hafið líkt og tíðkast um
hernaðarflutninga á landi.
Ráðstefnunni lauk síðdegis á sunnu-
daginn. Þátttakendur voru samtals 22
frá Danmörku, Finnlandi, íslandi,
Noregi og Svíþjóð. Ráðstefnustjóri var
Guðmundur Guðmundsson, fræðslufull-
trúi.
■ Alls sátu 22 þátttakendur frá Danmörku, Finnlandi, íslandi, Noregi og Svíþjóð
ráðstefnu sem haldin var á Hótel Loftleiðum á vegum norrænna æskulýðssamtaka
frjálslyndra og róttækra flokka á Norðurlöndum.