Tíminn - 11.04.1984, Blaðsíða 3

MIÐVIKUDAGUR 11. APRÍL 1984
3
■ Forsetinn og fylgdarlið mun búa á Hótel fiskartorpet í Helsingfors, glæsilegu nýju
hóteli sem skipt er í þrjár aðalbyggingar tengdar saman með jarðgöngum. Myndin er
af kringlótta salnum við hótelið en þar mun forseti íslands halda Finnlandsforseta og
frú veislu á föstudagskvöldið. Tímamynd JGK
Vigdís Finnbogadóttir:
FER í OPINBERA
HEIMSÓKN TJL
FINNLANDS I DAG
■ Forseti íslands, Vigdís Finnboga-
dóttir, heldur í dag til Finnlands í
opinbera heimsókn ásamt fylgdarliði,
Geir Hallgrímssyni utanríkisráðherra og
frú Ernu Finnsdóttur, Ingvari Ingvars-
syni ráðuneytisstjóra í utanríkisráðu-
neytinu og frú Hólmfríði Jónsdóttur og
Halldóri Reynissyni forsetaritara.
Mauno Koivisto Finnlandsforseti tekur
á móti forsetanum á flugvellinum í
Helsingfors.
Síðan verður ekið til forsetahallarinn-
ar, þar sem fram fer stutt móttökuat-
höfn. Að henni lokinni heldur forseti
íslands til Sandudd og leggur þar blóm-
sveig að minnismerki um Finna sem féllu
í seinni heimsstyrjöldinni og ennfremur
á gröf Mannerheims marskálks. í kvöld
verður kvöldverður í forsetahöllinni til
heiðurs forseta íslands. Utanríkisráð-
herra Finnlands og íslands ræðast einnig
við í dag.
Eins og sést af þessu er dagskrá
heimsóknarinnar mjög áskipuð og svcr
verður til loka hennar. Á morgun skoðar
forsetinn þinghúsið í Helsingfors, Temp-
elplats kirkjuna, þar sem Tapiola barna-
kórinn syngur, finnska þjóðminjasafnið
og Finlandia húsið. Helsingforsborg
býður til hádegisverðar og síðdegis opn-
ar forsetinn „Form ísland," á listiðnað-
arsafninu í Helsingfors. Pá verður mót-
taka fyrir íslendinga búsetta í Finnlandi
hjá ræðismanninum, Kurt Juuranto, og
sömuleiðis móttaka á vegum íslenskra
útflutnings- og ferðamálafyrirtækja á
Hótel Interkontinental. Annað kvöid
bjóða finnsku forsetahjónin til sýningar
í Svenska teatern á leikritinu Háxskogen
eftir Johan Bargum.
Á föstudaginn verður haldið flugleiðis
til Ábo, eða Turku, eins og sú borg
kallast á finnsku. Þar heimsækir forset-
inn dómkirkjuna og sögufrægan kastala
í borginni, þar sem snæddur verður
hádegisverður í boði borgarstjórnarinn-
ar. Þá verður haldið til Mariehamn á
Álandseyjum, þar sem forsetinn skoðar
sjóminjasafn og safn um sögu Álands-
eyja. Síðdegis á föstudag verður komið
aftur til Helsingfors og um kvöldið
heldur forseti íslands finnsku forseta-
hjónunum veislti a Hótcl fiskartorpet,
en þar dvclst forsetinn og fylgdarlið
meðan á heimsókninni stendur. Árdegis
á laugardag heimsækir forsetinn lista-
miðstöðina Sveaborg og snæðir hádeg-
isverð í boði finnska forsætisráðherrans
Kalevi Sorsa. Lýkur þar með hinni
opinberu heimsókn. Síðdegis á laugar-
dag heldur forsetinn til Lundar í
Svíþjóð, þar sem hann mun flytja fyrir-
lestur um íslenska nútímamenningu í
boði Lundarháskóla. Vigdís Finnboga-
dóttir mun síðan dveljast í Kaupmanna-
höfn í einkaerindum og kemur heim
aftur til íslands 26. apríl. -JGK
„Seljum ekki vörur á
einhverju gerviverði"
- segir Jón SigurðssonTframkvæmdastjóri Miklagarðs
■ „Annars vegar hefur kjötverðið hjá
okkur hækkað vegna þess að við áttum
engar birgðir af kjöti á eldra verðinu til
að halda verðinu niðri - eins og ýmsar
aðrar vcrslanir hafa átt - og hins vegar
erum við að einhvcrju leyti að leiðrétta
álagningu á kjöti sem á undanförnum
árum hefur verið of lág. Það er okkar
stefna að selja hverja vöru við því verði
sem hún kostar en ekki á einhverju
.gerviverði þar sem cinhverjar vöru-
tegundir cru látnar borga niður verðið á
öðrum1', sagði Jón Sigurðsson, versl-
unarstjóri Miklagarðs spurður hvers
vegna dilkakjöt hafi þar hækkað meira í
verði en annarsstaðar samkvæmt
könnun Verðlagráðs. Jón var jafnframt
spurður hvort hann óttaðist þetta ekki
í því verðstríði sem nú er talað um í
matvöru versluninni.
- Nei, ég óttast það ekki. Ég held að
við höfum alveg sannað fyrir öllum að
okkar vöruverð er þannig að menn
gleðjast yfir því. Við fáum hingað m.a.
mikið af fólki scm á lcið tii borgarinnar
og jafnvel Ameríkanar af Keflavíkurveiii
eru farnir að koma hingað til að versla í
töluverðum mæli, m.a. til að fá evrópsku
línuna í fatnaði.
- Nú hefur komið fram að kaup-
félögum finnst það undarlegt að þið
skulið jafnvel geta selt vörur ódýrar en
þau þurfa að greiða fyrir þær í heildsölu.
Þurfa jafnvel þau kaupfélög sem eiga
Miklagarð að kaupa dýrari vörur en
þeirra eigin fyrirtæki flytur inn?
- Ég veit ekki hvort einhver breyting
á eftir að verða þar á, en til þessa höfum
við eingöngu flutt inn fyrir okkar
verslun. Hins vegar erum við farnir að fá
fyrirspurnir frá mörgum fyrirtækjum
hvort þau geti ekki keypt af okkur í
heildsölu, sagði Jón í Miklagarði.
Þú finnur öruggiega
bíl fyrir þig á AUTO 84