Tíminn - 14.01.1986, Blaðsíða 5
Þriðjudagur 14. janúar 1986
lllllllllllillllllli ÚTLÖND llllllllfl
Tíminn 5
Bretar setja nýtt
fóstureyðingamet
Óskilgetin börn hafa aldrei verið fleiri
London-Reuter.
Samkvæmt upplýsingum breskra
stjórnvalda hafa aldrei verið fram-
kvæmdar fleiri fóstureyðingar á
Bretlandi og að undanförnu og það
hafa aldrei fæðst fleiri óskilgetin
börn.
í árlegu yfirliti bresku hagstofunn-
ar, sem birt var fyrir nokkrum dög-
um kemur fram að árið 1984 voru
framkvæmdar 146.000 löglegar fóst-
ureyðingar sem er 10.000 fleiri fóst-
ureyðingar en árið þar á undan.
Hlutfall óskilgetinna barna jókst á
þessu tímabili úr 6% fæðinga upp í
17% og hefur hlutfall þeirra aldrei
verið hærra.
í skýrslunni kemur einnig fram að
Bretar stunda nú meiri heilsurækt en
áður. Þeir borða minna af feitmeti og
reykja minna vegna ótta við hjarta-
áfall og krabbamein sem eru algeng-
ustu dánarorsakirnar á Bretlandi.
Bretar borða nú helmingi minna
smjör en árið 1961. Af einhverri
furðulegri ástæðu hefur tedrykkja
þeirra á þessu tímabili dregist saman
um 40% en kaffidrykkja þrefaldast.
Nú búa líka fleiri Bretar í eigin
heimilum en nokkurn tíma áður. Á
tímabilinu frá 1951 til 1984 fjölgaði
húseigendum, sem búa í eigin íbúð,
úr um fjórum milljónum upp í 13,5
milljónir.
Kínverskir skriðdrekahermenn á hersýningu í Peking.
Kína
Nígeríumenn
bíða lýðræðis
Lagos-Reuter
Ibrahim Babangida hershöfðingi
og forseti í Nígeríu segir að Nígeríu-
menn geti átt von á því að fá aftur
lýðræði og borgaralega stjórn 1. ok't-
óber1990.
Babangida skýrði frá þessu á
stofnfundi sautján manna pólitískrar
nefndar sem hefur það hlutverk að
skipuleggja stjórnmálaframtíð ríkis-
ins. Hann hvatti nefndarmenn til að
koma með tillögur um það hvers
konar stjórnmálakerfi gæti tryggt
pólitískan stöðugleika og sársauka-
laus valdaumskipti.
Babangida tók völdin í hallarbylt-
ingu fyrir rúmum fjórum mánuðum.
Herinn hefur samtals gert fimm hall-
arbyltingar frá því að Nígería hlaut
sjálfstæði en á því tímabili hafa tvær
borgaralegar ríkisstjórnir setið við
fremur lítinn orðstír.
Ibrahim Babangida herforingi lofar
Nícgeríumönnum lýð ræði.
Áttræður í
LSD-ljóma
Ziirich-Reuter
Albert Hofmann, sem uppgötvaði
ofskynjunarlyfið LSD árið 1938 og
prófaði það á sjálfum sér fimm árum
síðar, hélt upp á áttræðisafmæli sitt
nú síðastliðinn laugardag.
Hofmann, sem er svissneskur,
heldur því fram að LSD hafi verið
nytsöm uppfinning þótt það hafi ver-
ið bannað víðast hvar vegna hættu-
legra ofskynjunaráhrifa sem geta
m.a. breytt persónuleika manna.
Hann sagði í blaðaviðtali í tilefni
af afmælinu að LSD væri mjög mikil-
vægt fyrir sálfræðirannsóknir og
hann bæri á engan hátt ábyrgð á mis-
notkun þess.
Stoltur morðingi
Bogota-Reuter
Jose Fodor Rey, foringi lítils
skæruliðahóps í Kólombíu, sagði á
blaðamannafundi, sem hann hélt
um helgina, að hann væri stoltur
yfir að hafa drepið 158 menn sem
hefðu „kjaftað í herinn".
Hann sýndi blaðamönnum sex
menn, þar á meðal einn 14 ára
gamlan dreng, sem hann sagði að
yrðu fljótlega teknir af lífí í samræmi
við „byltingarsinnað réttlæti".
Rey er forystumaður Ricardo
Franco-skæruliðanna, sem er
klofningshópur úr skæruliðasam-
tökunum FÁRC. í seinasta mánuði
fundust lík af rúmlega 110 körlum,
konum og börnum, sem höfðu ver-
ið stungin eða pyntuð til bana, í
fjöldagröfum í fjöllum í Cauca-
fylki þar sem þessi samtök hafa
bækistöðvar. Það er m.a. drápið á
þessu fólki sem Rey sagðist vera
stoltur yfir.
Erfitt að skera
niður hermenn
ÚTLÖND
Umsjón: Ragnar
Baldursson
Peking-Reuter.
Kínverska fréttastofan, Nýja
Kfna, hefur eftir háttsettum em-
bættismanna að mun erfiðarar sé að
fækka í hernum en Kínverjar höfðu
áður gert ráð fyrir.
Kínverjar tilkynntu á seinasta ári
að þeir myndu fækka í hernum um
eina milljón hermenn á tveimur
árum jafnframt því senr ný og full-
komnari hergögn yrðu tekin í notkun.
Markmið fækkunarinnar var sagt
sparnaður og aukin bardagahæfni og
sveigjanleiki.
Erlendir sendifulltrúar í Peking
segja fækkun í foringjaliði hersins
meðal annars gerða til að draga úr
áhrifum gamalla maóista sem eru á
móti þeim efnahagsbreytingum sem
nú er verið að gera.
Varaformaður kínverska herráðs-
ins, Yang Shankun, sagði á fundi
átta þúsund háttsettra embættis-
manna nú um helgina að líklcga
dygðu tvö ár ekki til að fækka svona
mikið í hernum. Fækkunin myndi að
öllum líkindum taka nokkur ár til
viðbótar.
@ SILFURBÚÐIN
Laugavegi 55, Reykjavík Sími 11066