Tíminn - 14.01.1986, Blaðsíða 8

8Tíminn
NEYTENDASÍÐAN
VORT DAGLEGA BRAUÐ
eftir Svanfríöi Hagvaag
Kjöt á teini meö kryddsósu
Hrísgrjón
Ananasfrómas
Kjöt á teini með kryddsósu
matarolía
1 lítill laukur, rifínn
1 sléttfull msk hveiti
1 Vi dl kjötsoð
1 tsk Worcestershiresósa
225 gr hakkað kjöt
50 gr brauörasp
ögn af Tabasco
1 eggjarauða
salt og pipar
sveppir
tómatar
Vi græn paprika
Hitið dálítla olíu á pönnu og steikið laukinn við lítinn hita í um það
bil 5 mínútur. Hræriðhveitinu út í ogsjóðiðþað með í 2mínútur. Tak-
ið pönnuna af hitanum og hrærið soðið saman við ásamt Worcesters-
hiresósunni. Látið pönnuna aftur á hitann og hrærið vel allan tímann á
meðan suðan kemur upp á soðinu. Látið sjóða í 1 mínútu. Látið kjöt-
hakkið og raspið í skál og hrærið saman við soðinu, Tabasco eftir
smekk og eggjarauðunni. Kryddið með salti og pipar eftir smekk.
Mótið farsið í 12 litiar kjötbollur. Skcrið sveppina í tvennt, tómat-
ana í 4 hluta og paprikuna í bita. Þræðið 3 bollur upp á hvern prjón til
skiftis við sveppi tómata og papriku. Byrjið og endið á grænmetinu.
Smyrjið með olíu og grillið í 10-15 mínútur og snúið þeim öðru hverju
svo þeir grillist jafnt. Berið fram á fati með soðnum hrísgrjónum undir.
Hellið dálitlu af kryddsósunni yfir.
Kryddsósa
Vi græn paprika
1 lítil dós tómatar án safa
1 laukur
1 lítil dós tómatkraftur
Vi tsk basilikum
Vi tsk oregano
V4-V2 tsk chiliduft
ögn af Tabasco
pipar
matarolía
Hreinsið paprikuna og látið síðan allt í blandara og merjið vel. Ef
sósan er of þykk til að merjast vel má setja út í hana dálítið af safanum
af tómötunum. Ef að ekki er til blandari er allt hakkað saman. Hitiðolí-
una í litlum potti og hellið sósunni þar út í. Látið hana malla í nokkrar
mínútur eða þangað til hún er vel þykk.
Ananasfrómas
2 pk ananasjelló
1 lítil dós ananaskurl
1 peli rjómi
Látiðsafann renna af ananasnum. Mæliðút 8'/2dl afvatni ogananas-
safa. Hitið helminginn af vökvanum og leysið upp jellóið í honum.
Bætið út í kalda vökvanum ogananasnum. Ef þú vilt ekki hafa ananas-
bitana í er hægt að merja allt í blandara í nokkrar sekúndur. Þeytið
rjómann og blandið honum út í þegar hlaupið er að byrja að stífna.
Hellið í glerskál og látið stífna í ísskáp.
HUSRAÐ SVANFRIÐAR
Rafmögnuð teppi
Stundum eru teppi úr gerviefnum
mjög rafmögnuð. Fyllið úðunar-
brúsa mcð vatni og setjið skolefni
fyrir þvott út í. Úðið nokkrum
sinnum létt yfir teppið og þá ætti
rafmögnunin að minnka.
ís í jógúrtdósum
Þar sem mikið er af börnum er
ágætt ráð að geyma jógúrtdósirn-
ar og frysta í þeim ís þegar verið
að búa hann til. Þá er það mátu-
legur skammtur handa börnun-
um.
Einfaldur og fljótlegur ís er að
taka 1 lítra af súrmjólk og blanda
út i hann 1 fernu af appelsínu-
þykkni og sykri eftir smckk.
Frystið. Þegar ísinn er hálffrosinn
er hrært rösklega upp í honum og
hann látinn aftur í frystinn.
Sítrónusafi á bananann
Ef þú hefur niðursneiddan ban-
ana á samloku barnsins er gott
ráð að ýra aðeins yfir hann með
sítrónu. Þá verður hann síður
brúnn og leiðinlegur.
Álpottar
Ef álpotturinn er orðinn dökk-
ur eða mislitur að innan er gott
ráð að setja í hann vatn og láta C-
vítamíntöflu út í og láta suðuna
koma upp. Potturinn ætti að
verða sem nýr.
Silfurskeið í kakóinu
Ef silfurskeið er soðin í kakó-
inu þá brennur það síður við.
Blettir á veggfóðri
Góð aðferð til að ná feitisblett-
um af veggfóðri sem ekki má þvo
er að nudda blettina með krítar-
mola. Látið krítina vera á yfir
nótt og burstið hana síðan af dag-
inn eftir.
Þriöjudagur 14. janúar 1986
Geta leikföng verið
börnunum hættuleg?
Danska umhverfisstofnunin gerði
nýverið rannsókn á leikföngum sem
einkum eru ætluð smábörnum.
Rannsóknin beindist að því að fá
vitneskju um hve mikið af þungum
málmum svo sem blýi, krómi eða
baríum væru í þeim leikföngum sem
á markaði eru í Danmörku, en þessir
málmar geta safnast upp i líkaman-
um og hjá börnum getur magnið orð-
ið hlutfallslega meira en hjá full-
orðnum og getur því verið skaðlegt
heilsu þeirra.
Sýnin voru keypt í ýmsum tegund-
um verslana og voru það bæði ódýr
og dýr leikföng og frá mörgum mis-
munandi framleiðslulöndum. Eink-
um voru rannsökuð plastleikföng,
máluð leikföng, þekjulitir og leir.
Niðurstöður voru þær að þriðja
hvert leikfang sent rannsakað var
innihélt of mikið magn af blýi,
cadmium, krómi eða baríum miðað
við staðla sem settir voru af stofnun-
inni, jafnvel 30 sinnum meira.
Aður en þessi rannsókn var gerð
var það almennt álitið að ódýr leik-
föng frá Austurlöndum væru einkum
varasöm, en rannsóknin leiddi í Ijós
að leikföng frá Evrópu og Ameríku
komu ekki síður illa út og voru dæmi
jafnvel um að á umbúðum leikfang-
anna sem innihéldu of mikið blý
stæði að leikföngin innihéldu engin
hættuleg efni.
Hvernig á að velja leik-
föng? Hvað geta
foreldrargert?
Þegar leikföng eru keypt er gott
ráð að skoða þau vel. Á þeim mega
ekki vera lausir hlutir sem hægt er að
taka af og gleypa og plastleikföng
mega ekki vera það léleg að hægt sé
að bíta úr þeim stykki, því slík stykki
geta auðveldlega staðið í hálsi barn-
anna. Þá er gott ráð að skoða vel
málninguna á tréleikföngum og at-
huga hvort hún detti auðveldlega af
eða sitji föst. Heilar flygsur af máln-
ingunni eiga ekki að geta losnað þó
litlar tennur nagi fast.
Þá er ástæða til að fylgjast með
börnum þegar þau eru með þekjuliti
og leir og helst að koma í veg fyrir að
þau setji þetta upp í sig.
Ekki er kunnugt um að slík leik-
fangarannsókn eins og sú danska
hafi verið gerð hér á landi en vissu-
lega væri ástæða til þess.
(Neytendablaðið, 31. árg. 2. tbl. des.
1985).
Neytendablaðið:
Markaðskönnun á tölvum,
þvottavélum og þurrkurum
f nýútkomnu Neytendablaði er
markaðskönnun á þvottavélum og
þurrkurum sem Verðlagsstofnun
gerði í samvinnu við Neytendasam-
Virðum
bílastæði
hreyfi-
hamlaðra
■ Sjálfsbjörg, landsamband fatl-
aðra hefur látið gera sérstök spjöld
sent vekja athygli á merktum bíla-
stæðum fatlaðra.
Á síðustu árum hefur bílastæðum
sérstaklega merktum fötluðum fjölg-
að talsvert en hins vegar er mikill
misbrestur á að aðrir ökumenh virði
þessi bílastæði og getur það komið
sér mjög illa fyrir hreyfihamlaða sem
nauðsynlega þurfa á bíl að halda til
þess að komast leiðar sinnar og enn
nauðsynlcgra fyrir þá að geta lagt
bílum sínum nálægt þeim stöðum
sem veita þjónustu ýmis konar.
Spjöldin sem vekja athygli á
merktum bílastæðum fatlaðra er
hægt að fá á skrifstofu Sjálfsbjargar
Hátúni 12 og eru þau afhent ókeypis
meðan birgðir endast. Sími Sjálfs-
bjargar er 91-29133.
Sjálfsbjörg hvetur almenning að
hjálpast að til þess að verja þennan
sjálfságða rétt fatlaðra að fá að
leggja bílum 'sínum í sérstaklega
merkt bílastæði. Sýnum tillitsemi!
tökin. Kannað er verð og greiðslu-
skilmálar á þessum tækjum og ýmis
önnur atriði sem máli skipta við val
slíkra tækja eins og hvort vélin taki
inn á sig heitt eða kalt vatn, þeyti-
vinnsluhraða, hve mörg kíló við-
komandi vél tekur, stærð og fleira.
Þetta eru mjög gagnlegar upplýs-'
ingar sérstaklega fyrir þá sem eru að
fara að kaupa sér slík tæki og sérlega
þægilegt að hafa slíkar upplýsingar á
einum stað og getur það sparað mik-
ið tímafrekt búðaráp.
Þá er í Neytendablaðinu grein og
úttekt á heimilistölvum sem sífellt
verða vinsælli. Þar er getið um helstu
eiginleika tölvanna og þeim gefin
einkunn eftir gæðum.
Þeir sem hafa áhuga á að kynna sér
þessar upplýsingar frekar geta keypt
sér blaðið í næstu bókabúð eða hjá
Neytendasamtökunum á Hverfis-
HEIMILISTÖLVUR
gaioi veno
m.s. t7
götu 59 í Reykjavík og kostar blaðið
100 krónur.
:¥TENÚAblaðic
Þvottavólar
Þurrkarar
Markaöskönnun
bls. 4
virðuni bíiastæöi fatiaðra
Slálfsöjörg, landssambarid fátlaðra
■ Spjald það sem Sjálfsbjörg hefur látið gera til að vekja athygli á nierkt-
uin bílastæðum fatlaðra.