Tíminn - 24.10.1986, Blaðsíða 6

6 Tíminn
Föstudagur 24. október 1986
ÚTLÖND
FRETTAYFIRLIT
TEL AVIV — Bandarísk
herflugvél hvarf síöastliðinn
þriðjudag er hún var á venju-
legu eftirlitsflugi yfir Miðjarðar-
hafi. Áhafnarmeðlimirvorufjór-
ir og voru leitar- og björgunar-
aðgerðir hafnar að því er kom
fram í tilkynningu bandaríska
sendiráðsins í Tel Aviv.
LISSABON - Portúgölsk
fréttastofa hafði eftir flugum-
ferðarstjórn í Mósambik að
slys þao er olli dauða Samora
Machels Mósambikforseta
hefði líklega átt sér stað vegna
mistaka
í leiðsögustjórn. Sovéska
fréttastofan Tass sagöi hins-
vegar að getgátur um að so-
véski flugmaðurinn ætti sök á
slysinu væri and-sovéskur ár-
óður.
MOSKVA — Starfsemi
bandaríska sendiráðsins i
Moskvu truflaðist mjög vegna
þess að sovéskir starfsmenn
mættu ekki til vinnu. Mikhail
Gorbatsjov Sovétleiðtogi til-
kynnti í fyrradag að innlendum
starfsmönnum sendiráðsskrif-
stofa Bandaríkjamanna í So-
vétríkjunum yrði fækkað veru-
lega.
ISLAMABAD — Embættis-
menn í Pakistan sögðu afgan-
ska herþotu hafa lent á flugvelli
í Pakistan og haft var eftir,
heimildum að flugmaðurinn
hefði beðið um pólitískt hæli.
Þotan var sovésk af gerðinni
MIG-21 og lenti í Kohat sem er
í norð- vesturhluta landsins
skammt frá landamærunum
við Afganistan.
TYRE, Líbanon - Bar-
dagar jukust milli Palestínu-
araba og múslima úr hópi sítha
í flóttamannabúðum í Suður-
Líbanon. Vitað var að níu
manns létu lífið í bardögunum
í fyrrinótt.
LUNDÚNIR - Margrét
Thatcher forsætisráðherra og
íhaldsflokkur hennar hafa ekki
notið eins mikils stuðnings síð-
ustu tvö árin og þau njóta
núna. Þetta kom fram í niour-
stöðum skoðanakönnunar
sem birtar voru í gær.
JÓHANNESARBORG
— Stjómvöld sögðu frá að lík af
svörtum manni sem brenndur
hafði verið til bana hefði fundist
í Soweto í fyrradag. Þá bárust
þær fréttir frá fangelsisyfirvöld-
um landsins að tveir svartir
fangar, annar þeirra pólitískur
fangi, hefðu hengt sig í klefum
sínum.
Vopnaviðræður stórveldanna í Genf:
Rætt um meðaldrægar
kjarnorkuflaugar
Genf-Reuter
Samningamenn Bandaríkjanna
og Sovétríkjanna í Genf liéldu
rúmlega þriggja klukkustunda
langan fund í gær um meðaldræg
kjarnorkuvopn þótt Moskvu-
stjórnin hafði gefið í skyn að hún
sé ekki reiðubúin til að semja um
slík vopn eingöngu heldur verði
þeir samningar að tengjast stjörnu-
stríðsáætlunum Reagans Banda-
ríkjaforseta.
Terry Shroeder talsmaður
bandarísku samninganefndarinnar
sagði fundinn hafa farið fram í
sovéska sendiráðinu í borginni.
Hann neitaði hinsvegar að láta
uppi hvað hefði verið rætt ú fundin-
um og benti á að samkomulag
hefði verið gert um slíkt milli
nefndanna tveggja.
Alexander Monakhov talsmaður
sovésku nefndarinnar hafði heldur
ekkert að segja um fundinn og gat
ekki gefið upplýsingar um hvenær
Viktor Karpov aðalsamningamað-
ur Sovétstjórnarinnar, sem nú er í
Moskvu, kæmi til Genfar á nýjan
leik.
Mikhail Gorbatsjov Sovétleið-
togi gaf í skyn í sjónvarpsávarpi í
vikunni að ekki væri hægt að ná
mikilvægu samkomulagi um kjarn-
orkuvopnatakmarkanir nema
Reagan Bandaríkjaforseti og
stjórn hans létu af geimvarnaráætl-
un sinni sem gengur undir nafninu
„stjörnustríð“.
Viðræðurnar í Genf milli risa-
veldanna tveggja um vopnatak-
mörkun hafa nú staðið yfir í nítján
mánuði, með hléum að vísu. Þar
hefur venjulega verið hafður sá
háttur á að þrír fundir eru haldnir
í viku þar sem þrjú mál hafa verið
tekin fyrir sér; langdrægar kjarn-
orkuflaugar, meðaldrægar kjarn-
orkuflaugar og geimvopn.
Vestur-Þýskaland:
Rau kynnir markmiðin
- breytingar á utanríkis- og orkumálastefnu komist
sósíaldemókratar til valda
Jóhannes Rau forsætisráðherra í
Nordrhein-Wcstfalen og sá maður
sem vestur-þýskir sósíaldemókratar
hafa valið til að leiða kosningabar-
áttu sína, segir að markmið flokks
síns séu greinileg og að þeim megi
koma í framkvæmd, fari svo að
Sósíaldemókrataflokkurinn vinni
hreinan mcirihluta í kosningununt í
janúar næstkomandi.
Kanslaraefnið sagði þetta á fundi
með fréttamönnum í Bonn þar sem
hann kynnti stefnuskrá flokksins fyr-
ir komandi kosningar.
Rau sér baráttuna standa á milli
sín og Helmuts Kohl kanslara og
nefndi ekki flokk Græningja á fund-
.inum en getgátur hafa verið uppi um
að hann gangi til stjórnarsamstarfs
við sósíaldemókrata eftir kosning-
arnar.
Það markverðasta á stefnuskrá
Sósíaldemókrataflokksins eru breyt-
ingar á utanríkismálum og orkumál-
um þjóðarinnar. Kæmust sósíal-
demókratar til valda myndu þeir
meina Bandaríkjastjórn að koma
fyrir fleiri meðaldrægum kjarnorku-
eldflaugum á vestur-þýsku landi og
fara fram á við Sovétstjórnina að
hún drægi stuttdrægar kjarnorku-
eldflaugar frá Tékkóslóvakíu og
Austur-Þýskalandi. Sósíaldemó-
kratar myndu einnig vilja að Sovét-
menn drægu úr fjölda SS-20 eld-
flauga í þessum löndum og yrði
fjöldinn þar árið 1979 hafður til I
viðmiðunar. I
í orkumálum vilja sósíaldemó-
kratar nú leggja niður kjarnorkuver
í áföngum en ekki gat Rau gefið I
nánari skýringar á þeirri áætlun. Að
auki vill þessi helsti stjórnarand-
stöðuflokkur Vestur-Þýskalands
berjast gegn atvinnuleysi, lækka
skatta þeirra sem minna mega sín og
berjast almennt fyrir því sem all
flestir ef ekki allir flokkar Vestur-
Þýskalands hafa á stefnuskrá sinni.
ÚTLÖND
Verður Jóhannes Rau kanslari Vest-
ur-Þjóðverja að aflnknum kosning-
unum þann 25.janúar næstkomandi ?
Nokkuð hefur verið gagnrýnt
hversu mörg atriði eru óákveðin í
stefnuskrá sósíaldemókrata. Hvað
sem því líður nýtur flokkurinn mikils
fylgis og ekki þykir ólíklegt að
Jóhannes Rau verði kanslari Vestur-
Þjóðverja strax á næsta ári.
(Byggt á Gcrman Features)
BLAÐAMAÐUR
Lech Walesa fær lítið að hreyfa sig, í gær var honum neitað um
vegabréfsáritun til Bandaríkjanna.
Pólland:
Walesa neitað um
vegabréfsáritun
Varsjá-Reutcr
Pólsk yfirvöld neituðu leiðtoga
Samstöðu Lech Walesa um vega-
bréfsáritun til Bandaríkjanna í gær
en þar ætlaði Walesa að taka við
góðgerðarverðlaunum. Það var
kona hans Danuta sem frá þessu
skýrði.
Frú Walesa sagði yfirvöld ekki
hafa gefið neina ástæðu fyrir því
hvers vegna manni hennar hafði
verið neitað um áritunina. Walesa
fór á vegabréfsskrifstofuna í heima-
borg sinni Gdansk, hafnarborg við
Eystrasaltið.
Hann hringdi heim til konu sinnar
með þessar fréttir en hélt síðan til
vinnu við Lenínskipasmíðastöðina.
Ferðin sem Walesa ætlaði að tak-
ast á hendur hafði verið skipulögð í
flýti á síðustu dögum og hefði það
verið hans fyrsta ferð til útlanda
síðan herlög takmörkuðu starfsemi
hinna frjálsu verkalýðsfélaga árið
1981.
Walesa var boðið til Los Angeles
þar sem hann átti að taka við tíu
þúsund dollurum í verðlaun frá hin-
um svokallaða John-Roger sjóði sem
er í einkaeign. Stofnun þessi hefur
áður verðlaunað Desmond Tutu
biskup í Suður-Afríku og Móður
Teresu.
Þessi þrjú hafa öll hlotið Friða-
verðlaun Nóbels.
Michael Feder, fulltrúi sjóðsins
sem sendur var til Varsjá til að
skipuleggja ferð Walesa, sagði að
sínir menn hefðu verið tilbúnir að
fljúga með Walesa í einkaþotu til
Los Angeles.
Irak:
Fundurá
vængjuðu
nauti
Baghdad-Reuter
Gríðarstór stytta af vængjuðu
nauti“, hálf mennsku, hefurfund-
ist í Norður-írak. Það var dag-
blað í Baghdad sem skýrði frá
þessu í gær.
Blaðið sagði styttuna hafa komið
í ljós er tvær jarðýtur voru að
hreinsa til svæði þar sem stækka
átti bænahof, nálægt stað þeim
sem hin forna borg Assýriu-
manna; Nineveh stóð.
Þetta mun vera fyrsti fundurinn á
slíkri styttu í meira en hundrað
ár.
Abdul-Sattar Azzawi fram-
kvæmdastjóri fornleifasafns
Norður-íraks sagði í samtali við
blaðið að hið vængjaða naut hefði
„gætt hliða Esarhaddonhallarinn-
ar sem reist var á fyrri hluta
7.aldar fyrir Krist, um hundrað
árum fyrir fall Ninevehborgar
árið 612 fyrir Krist.“
Hann var beðinn um að nefna
fjárupphæð sem styttan gæti verið
seld á en sagði að slík upphæð
skipti hundruð milljónum Banda-
ríkjadala.