Tíminn - 24.10.1986, Blaðsíða 20
í GÆRKVÖLDI var einn leik-
ur í úrvalsdeildinni í körfu-
knattleik, Keflvíkingar sigr-
uöu Njarðvíkinga í Keflavík
meö 71 stigi gegn 64. Mest í
liði Njarðvíkinga skoraði Val-
ur Ingimundarson, 24 stig en
Hreinn Þorkelsson skoraði
mest í liði Keflvíkinga, 20
stig. Sjá íþróttir bls. 10.
Imimii
Föstudagur 24. október 1986
Dagur Sameinuðu þjóðanna er í dag:
Fjörutíu ár síðan Island fékk
aðild að Sameinuðu þjóðunum
- Ráðstefna og hátíðarsamkoma á vegum Félags Sameinuðu þjóðanna á íslandi
Dagur Sameinuðu þjóðanna er í
dag, 24. október, og þann 19. nóv-
ember nk. eru 40 ár síðan ísland
gekk í samtökin ásamt Svíþjóð og
Afganistan. Af þessu tilefni, og af
því að nú er friðarár Samcinuðu
þjóðanna, mun Félag Sameinuðu
þjóðanna á íslandi standa fyrir kynn-
ingu á samtökunum næstu vikur
með ýmsum hætti.
Það fyrsta á dagskránni er ráð-
stefna sem haldin verður á Hótel
Sögu næsta sunnudag, 26. október
klukkan 13.30-15.30 um efnið
„Ófriðar- og hættusvæði í^þeimin-
um“. Þar munu sérfræðingar í mál-
efnum heimssvæða flytja framsögu-
erindi og að þeim loknum verða
pallborðsumræður. Reynt var að fá
þekkta erlenda stjórnmálamenn til
að flytja fyrirlestra á ráðstefnunni,
þar á meðal Desmond Tutu biskup í
Suður Afríku, Willy Brandt, Helmut
Schmidt, Paul Hartling, og fleiri en
án árangurs þó sumir þeirra hefðu
lýst áhuga fyrir að koma seinna.
Hátíðarsamkoma verður síðan
haldin í Þjóðleikhúsinu 22. nóvem-
ber. Þar mun halda ræðu Jan Mar-
tensson sem er einn af varafram-
kvæmdastjórum Sameinuðu þjóð-
anna og jafnframt forstöðumaður
Afvopnunarstofnunar SÞ í New
York. Fluttur verður þáttur úr
leikritinu Friðurinn eftir Aristofan-
es, og barna og unglingakór mun
syngja Söng Sameinuðu þjóðanna
eftir Pablo Casals.
Bæklingur um Sameinuðu þjóð-
irnar og friðarmálin mun koma út á
vegum félagsins um næstu helgi og
verður honum dreift í skólum og til
almennings. í þennan bækling hafa
skrifað stjórnmálamenn, t.d. Stein-
grímur Hermannnsson og Matthías
Á. Mathiesen, og stjórnmála-
fræðingar t.d. Ólafur Egilsson og
Valdemar Unnar Valdemarsson.
Einnig hafa íslendingar sem setið
hafa Allsherjarþing S.þ. verið beðn-
ir um að heimsækja framhaldsskóla
og kynna samtökin með sérstöku
tilliti til friðarársins. Félag Samein-
uðu þjóðanna á íslandi var stofnað
1948 og hefur unnið að kynningu á
samtökunum. Fyrsti formaður fé-
lagsins var Ásgeir Ásgeirsson síðar
forseti íslands en núverandi formað-
ur er Knútur Hallsson ráðuneytis-
stjóri í menntamálaráðuneytinu.
Félagar eru um 100 talsins.
Knútur Hallsson formaður Félags Sameinuðu þjóðanna á íslandi og Ragnar
Ólafsson framkvæmdastjóri félagsins kynna hvað gert verður til að minnast
40 ára aðildarafmælis fslands að Sameinuðu þjóðunum. (Tímamynd-Sverrir)
Bændur í Noröur-og Suöur- Þingeyjarsýsl-
um:
Vilja átak í
markaðsmálum
- áður en dregið verður stórlega úr framleiðslu sauðfjárafurða
Almennur fundur sem haldinn var
á Húsavík um landbúnaðarntál á
miðvikudaginn á vegum Framleiðni-
sjóðs hefur sent Framleiðnisjóði
ályktun sem gerð var í lok fundarins.
„Fundurinn álítur að svo margt sé
óunnið í markaðsleit og markaðs-
uppbyggingu fyrir búvörur hinna
hefðbundnu búgreina sauðfjár-,
afurða að ekki sé forsvaranlegt að
stofna til margháttaðra ráðstafana
til að draga verulega úr framleiðsl-
unni áður en verulegt átak verði gert
í markaðsmálum innanlands og
utan. Slíkt kostar bæði fé og fyrir-
höfn. Því ályktar fundurinn að veru-
legum hluta, jafnvel allt að helmingi
þess fjár sem Framleiðnisjóður,
hyggst verja til samdráttar á búvöru-
framleiðslu, meðal annars með því
að kaupa upp framleiðslu bænda
verði varið til markaðsleitar og mark-
aðsuppbyggingar innán lands og
ekki síður erlendis.
Ályktunin var samþykkt mótat-
kvæðalaust en þar sem fundurinn
dróst á langinn var margt manna
gengið af fundi. Þegar flest var á
fundinum voru um 80 til 90 manns.
Fundinn sóttu bændur úr S-og Norð-
ur- Þingeyjarsýslum.
Hclgi Jónasson á Grænavatni
sagði í samtali við Tímann að það
hefði komið sér betur fyrir bændur
ef tilboð Framleiðnisjóðs hefði kom-
ið að vori til, því nú væru bændur
búnir að heyja og gera áætlanir fyrir
næsta ár. Helgi sagði að það hefði
einnig verið álit margra bænda sem
á fundinum töluðu að ef farið yrði út
í að fækka sauðfé um allt að 50
þúsund án þess að tekið verði tillit
til byggðasjónarmiða og landkosta,
þá geti þetta skapað verulega hættu
á byggðaröskun. Það væri ekki nægi-
lega metið hvaða liéruð þyldu best
fækkun sauðfjár, með tilliti til ofbeit-
ar á afréttum og þeim sem stunda
mjólkurframleiðslu í stærstum stíl
og jafnframt hefðu betri tækifæri til
annarrar atvinnu. Ekki séu metin
nægilega mikið áhrif þessarar fækk-
unar á þá þætti sem sauðfjárræktinni
tengjast, svo sem rekstur afurða-
stöðva og ýmsri þjónustu sem tengj-
ast sveitunum. ABS
borða minna?
og
Nýjum fréttatíma í sjónvarpi hef-
ur verið tekið misjafnlega af fólki og
það nýjasta í þeim efnum eru spurnir
sem Tíminn hafði af því að fólk gæfi
sér ekki lengur tíma til að borða úti
á leið heim úr vinnu. Haft var
samband við nokkur veitingahús og
málið athugað.
„Ég tel að það sé beint samband á
milli breytts fréttatíma sjónvarpsins
og nýju stöðvarinnar annars vegar
og þess að fólk fer minna út að borða
á virkum dögum núna. Núna er
fólkið farið að koma aðeins fyrr að
borða hjá okkur. Upp úr sjö byrjar
eyða hjá okkur og síðan fer fólk að
koma aftur um kl. átta. Ég tel að
Úlfar og ljón geti verið samnefnari
fyrir þá staði sem stilla meira inn á
fjölskylduna, en ég skal ekki segja
um þá staði sem hafa vínveitingar.
Laugaás og Potturinn og Pannan eru
dæmi um staði sem hafa fundið fyrir
þessu líka,“ sagði Úlfar í Úlfum og
Ijónum.
Hann sagðist gera það að tillögu
sinni að fréttirnar yrðu sendar út af
myndbandi í dagskrárlok sjónvarps-
ins til þess að fólk gæti haldið
venjum sínum óbreyttum. Það væri
of stuttur tími sem fólk hefði núna
til þess að koma sér heim úr vinnu,
kaupa inn, borða og gera allt sem
það vill gera áður en fréttir byrja kl.
hálf átta.
Hjá Sjávarsíðunni sem hefur vín-
veitingaleyfi fengust þau svör að
þessi tími árs væri nú yfirleitt fremur
daufur tími hjá veitingahúsunum og
ekki beinlínis hægt að tengja það við
breyttan fréttatíma. Hins vegar gæti
það vel staðist að fólk sem kemur við
á skyndibitastöðum fari síður á þeim
tíma sem fréttir eru í sjónvarpi. Ef
fólk hins vegar gæfi sér góðan tfma
til að fara út að borða, þá skiptu
fréttir ekki höfuðmáli.
Svarta Pannan hefur ekki vínveit-
ingaleyfi en að sögn rnanna þar
hefur ekki orðið mikil breyting á
matarvenjum gesta sem þangað
koma. Það væri sami tírni nú og áður
en fréttatími var fluttur sem minnst
væri að gera, en það væri rétt fyrir
klukkan átta á kvöldin. Hins vegar
töldu þeir sem talað var við, að nýi
tíminn á fréttum sjónvarps væri
fáránlegur fyrir fjölda fólks því, fólk
væri ekki búið að borða og koma
börnum í svefn áður en fréttir byrj-
uðu. Hins vegar væri ekki hægt að
horfa á fréttir í friði án þess.
ABS
Þessi fríði hópur tók fram skautana í gær og renndi sér á Tjörninni. Senn fer tími vetraríþróttanna í hönd. Hvort
tækifærí gefist mörg í vetur til þess að bregða undir sig betri fætinum er undir veðurguðunum komið.
Mynd Sverrir
Þjófur inn
um glugga
Farið var inn um glugga á íbúð
við Löngubrekku í Kópavogi um
hálf þrjú aðfaranótt fimmtu-
dagsins.
Kona sem var ein í íbúðinni
vaknaði við þrusk sem heyrðist
úr eldhúsi og fór fram. Mætti hún
þá manni á ganginum og ákvað
hann þá að flýja án þess að hafa
nokkuð á brott með sér. Hafði
hann hins vegar greinilega ætlað
sér að taka myndbandstæki því
búið var að aftengja það að hluta.
íbúi í annarri íbúð í húsinu
varð var við það þegar maðurinn
hljóp á brott og elti hann. Lög-
reglan kom svo til liðs við hann
en innbrotsþjófurinn slapp samt
sem áður. Hann var klæddur í
rauðan æfingagalla og ef ein-
hverjir geta gefið upplýsingar um
ferðir mannsins eru þeir beðnir
að láta rannsóknarlögregluna
vita. -ABS