Tíminn - 23.07.1987, Blaðsíða 8

'8 Tíminn
Timinn
MÁLSVARIFRJÁLSLYNDIS, SAMVINNU OG FÉLAGSHYGGJU
Útgefandi: Framsóknarflokkurinn og
Framsóknarfélögin í Reykjavík
Framkvæmdastjóri
Ritstjórar:
Aðstoðarritstjóri:
Fréttastjórar:
Auglýsingastjóri:
Kristinn Finnbogason
Indriði G. Þorsteinsson ábm.
IngvarGíslason
NíelsÁrni Lund
OddurÓlafsson
BirgirGuðmundsson
EggertSkúlason
SteingrímurGíslason
Skrifstofur: Síðumúli 15, Reykjavík. Sími: 686300. Auglýsingasimi:
18300. Kvöldsímar: Áskrift og dreifing 686300, ritstjórn 686306,
íþróttir 686332, tæknideild 686387. Setning og umbrot: Tæknideild
Tímans. Prentun: Blaðaprent h.f. Kvöldsímar: 686387 (tæknideild)
og 686306 (ritstjórn).
Verð í lausasölu 55.- kr. og 65.- kr. um helgar. Áskrift 550.-
Agreiningur
um vaxtahækkun
Eitt af þeim vandamálum sem við er að stríða í
sambandi við tekjuöflun ríkissjóðs er treg sala á
spariskírteinum ríkissjóðs. Spariskírteinin eru nán-
ast ósamkeppnisfær við aðrar leiðir til ávöxtunar
sparifjár og seljast því afar illa. Þar sem gert er ráð
fyrir þessum tekjuöflunarmöguleika í ríkisbúskapn-
um og miklu getur munað, ef hann bregst, má
hverjum manni vera ljóst að fjármálaráðherra er
brýnt að finna leið til að selja spariskírteinin.
í málefnasamningi ríkisstjórnarinnar, þar sem
fjallað er um fyrstu aðgerðir í peningamálum til
styrktar ríkissjóði er sagt að hækka skuli vexti af
spariskírteinum um 1 1/2% til að greiða fyrir sölu
þeirra og draga þannig úr lántökuþörf ríkissjóðs
erlendis og hjá Seðlabankanum.
Þetta ákvæði stjórnarsáttmálans um vaxtahækkun
af spariskírteinum ríkissjóðs um 1 1/2% var á
undirbúningsstigi stjórnarmyndunarinnar áhugamál
Alþýðuflokksins, og hlýtur að vera það áfram,
a.m.k. hvað varðar fjármálaráðherra sem ber sér-
staka ábyrgð á sölu spariskírteinanna og afkomu-
möguleikum ríkissjóðs.
Félagsmálaráðherra, Jóhanna Sigurðardóttir, hef-
ur hinsvegar gefið í skyn að hún sé andvfg hækkun
á vöxtum spariskírteina og óttast nú áhrif slíkrar
hækkunar á vexti af húsnæðislánum. Heppilegra
hefði þó verið að þetta sjónarmið Jóhönnu hefði
komið fram fyrr og áður en vaxtahækkunin var fest
á blað í stjórnarsáttmálanum. Vissulega er hægt að
taka undir sjónarmið félagsmálaráðherra um að við
ríkjandi aðstæður sé neyðarkostur að ríkið gangi á
undan með vaxtahækkanir.
Þess verður að vænta að félagsmálaráðherra og
fjármálaráðherra nái samkomulagi sín í milli um
þenna ágreining. Gott væri ef önnur leið fyndist til
þess að örva sölu spariskírteinanna en sú vaxtahækk-
un sem málefnasamningurinn gerir ráð fyrir. En
umfram allt verður að taka á þessu máli á raunhæfan
hátt. I þessu máli verður ekki bæði haft og sparað.
Til hamingju, Héðinn!
Tíminn óskar Héðni Steingrímssyni 12 ára skák-
manni til hamingju með frækilegan sigur á heims-
meistaramóti barna 12 ára og yngri sem haidið var í
Puerto Rico. Héðinn hlaut fyrir afrek sitt heims-
meistaratitil, hlaut 9 1/2 vinning af 10 mögulegum.
Fyrr á þessu ári hlaut Hannes Hlífar Stefánsson
heimsmeistaratitil 16 ára unglinga og yngri á skák-
móti í Austurríki.
Það er ástæða til að vekja athygli á afreksverkum
af þessu tagi og íslendingar mega fagna því að eiga
meðal æskumanna sinria afreksmenn sem ekki eru
aðeins hlutgengir á alþjóðlegum kappmótum, heldur
skara þar fram úr og skipa efstu sætin. Héðinn
Steingrímsson og Hannes Hlífar Stefánsson eru
fyrirmyndir sem börn og unglingar geta lært af það
sem að gagni má verða.
Fimmtudagur 23. júlí 1987
Fréttamaður í
stjórnarandstöðu
Bandaríki Norftur-Ameríku er
ijarlægt land jafnvel á tíma mikilla
fjarskipta og daglegra frétta þaftan,
sem stundum bcrast jafnótt og
fréttir gerast. Um sinn hefur ekki
linnt frásögnum af íransmálinu
svonefnda og gróðaleift til aft afla
skæruliftum í Nicaragua fjár í trássi
við lög og reglugerðir Bandaríkja-
þings, sem situr ævareitt þessa
dagana, eða a.m.k. cinhvcr hluti
þess, og telur aft Bandaríkjaforseti
hafi iogið að þjóðinni um vitneskju
sína cða óvit í íransmálinu.
Okkar maður í
Washington
Allt berst þetta skilmerkilega til
okkar í gegnum fréttarítara Ríkis-
útvarpsins í Washington. Allt frá
því að hafið var að segja frá
iransmálinu hefur þessi ágæti
fréttamaður okkar í Washington
hamrað á þeim viðhorfum stjórnar-
andstæðinga aö Bandaríkjaforseti
haH logið að þjóð sinni. Hefur ekki
í annan tíma boríst jafn óðar og
tíðar fréttir af meintum lygum
Bandaríkjaforseta, jafnvel ekki á
meðan Watergate stóð yfir, þar
sem sannaðist að lokum að þáver-
andi forseti hafði umgcngist sann-
lcikann fremur frjálslcga enda
hafði hann tekið „plott“ sín upp á
segulbönd sem hann gleymdi að
brcnna. Mál stjórnarandstöðunnar
gegn Nixon var merkilegt fyrir þær
sakir, að tilefnið var í öfugu hlut-
falli við afleiðingarnar.
Lýgur Reagan?
Nú stendur önnur sannleiks-
hreinsunin yfir meö stólpípum
fréttamanna og salmonellum
stjórnarandstöðunnar. Lýgur Re-
agan? Ef marka má fréttamann
Ríkisútvarpsins þá stcndur þessi
spurning bandarísku þjóðinni fyrir
svefni. Þá vinnur stjórnarandstað-
an að því af alefli að fá kommúnista
hið næsta sér í Suður-Ameríku og
virðist ætla að fá því ráðið eftir að
hafa látið afskiptalaust harðstjórn-
areinræði í sömu ríkjum í krafti
bananastefnu sinnar þcgar hún var
sjálf við völd oft og mörgum sinn-
um á Iiðnu áratugum. Nú gengur
stjórnarandstaðan í USA um eins
og nýhreinsaðir hundar og krefst
þess að Reagan hafi logið. Hugsan-
legar lygar forsetans hafa verið
tíundaðar mjög skilmerkilega í
Ríkisútvarpinu, þökk sé okkar
manni í Washington.
Lýgur Ollie?
Svo kom Ollie til sögunnar, eins
og hann er nefndur af kumpána-
skap ■ DV um síðustu hclgi af einu
af stjörnuljósum blaðsins. Frétta-
maður okkar í Washington er mjög
efins um að Ollie (Oliver North)
segi satt þegar liðsforinginn stað-
hæfir að forsetinn hafi a.m.k. ekki
vitað um irans- og skæruliðamálið
fyrir sinn tilverknað. Áður var
búið að lýsa því hvernig Ollie hefði
dregið sér fé úr þessum viðskipt-
um. Nú er sú saga fyrir bí, án þess
að það hafi veríð leiðrétt. Við
verðum að lesa það annars staðar
fyrst örendi fréttamanns okkar í
Washington þraut. Á meðan
fréttamaður okkar í Washington
hefur veríð að draga hciðarleika
forsctans í efa og á meðan Ollie
fékk bágt hjá honum var banda-
ríska þjóðin smám saman að átta
sig á því, að Ollie var bara ósköp
venjulegur föðurlandsvinur, sem
laug engu vísvitandi, virti banda-
ríska fánann og clskaði konuna
sína. Brjóst hans er þakið heiðurs-
merkjum til sönnunar því að hann
hefur baríst af engu minni dyggð
en Sveinn dúfa í Ijóði Runebergs.
Þar er fjólubláa hjartað með
stjörnu fyrír að hafa særst tvisvar í
bardaga, þar er medalía þjónustu
þjóðvarnar fyrír að hafa barist í
Kóreu og Vietnam, þar er silfur-
stjarnun, þriðja æðsta gráða þjóð-
arinnar, sem veitt er fyrir áræði og
hreysti í bardaga, bronsstjarnan
fyrir hctjudáð og tvö merki fyrir
sérstakan vopnaburð. Fréttamaður
okkar í Washington er því ekki að
fást við neinn hægrí leppalúða cða
frjálshyggjugaur eða annarskonar
hatursmann í augum fjölmiðla,
heldur bandaríska þjóðhetju, sem
flutti mál skæruliða í Nicaragua
með þeim glæsibrag við yfir-
heyrslu, að stjórnarandstaðan
missti stjórn á skapi sínu og sagði
að hann lygi víst. Bandaríska þjóð-
in svaraði með því að 67% sögðu
að Ollie væri föðurlandsvinur.
í stjórnarandstöðu
Stjómarandstaöan í Bandaríkj-
unum, eins og hún kemur okkur
fyrir eyru með oröum fréttamanns
okkar í Ameríku cr í stöðugri
sannleikslcit. Hún hreinsar innan
alla koppa og kirnur í leit að þessu
eina. Hún þolir ekki leyniþjónustu
af því sú þjónusta gæti logið.
Forsetinn gæti logið að ekki sé nú
taiað um Ollie. í þessi mál blandast
svo fréttamaður okkar í Washing-
ton. Hann leitar sannlcikans ákaf-
lcga. Af tómrí sannleiksleit er
hann lcntur í miðri stjórnarand-
stöðu í öðru og óviðkomandi landi
og finnst býsn hvað forsetinn og
fleiri menn þar um slóðir geta verið
ómcrkilegir. Lýgur Reagan? Það
er von að þú spyrjir. Garri.
VÍTTOG BREITT
AHEIT
Áheit eru þekkt fyrirbæri og í
hugum flestra eru þau þannig að
heitið er á kirkjur og annað gott í
trausti þess að persónulegar óskir
og væntingar nái frant að ganga.
Slík áheit fara oftast nær fram í
kyrrþey og án allra auglýsinga.
Upp á síðkastið ber hins vegar
mikið á hvers konar áheitum sem
eru nokkuð annars eðlis; þau eru
beinlínis fjáröflunarverkefni.
Þannig hafa íþróttafélög safnað
peningum með því að spila fótbolta
klukkustundum saman, synt svo
og svo langa vegalengd og gott ef
eitt þeirra ók ekki manni í hjólbör-
um yfir Hálfdán. Einnig hafa skóla-
félög gripið til þessarar fjáröflunai
og er skemmst að minnast þegar
Trabantbíll var borinn um götur
Reykjavíkur í vor af skólafélögum
sem ætluðu til útlanda.
Sólheimagangan
Á síðasta sumri vakti fátt eins
mikla athygli og Sólheimaganga
Reynis Péturs Ingvarssonar,
göngugarps frá Sólheimum. Hann
öðlaðist frægð fyrir það afrek að
ganga hringveginn og safna áheit-
um til byggingar íþróttahúss fyrir
fatlaða í Sólheimum í Grímsnesi.
Reynir Pétur uppskar meira en
gleði og frægð, hann safnaði stærri
fjárupphæð en vænst hafði verið til
málefnisins. Gott ef það voru ekki
um 4 milljónir. Afrek Reynis Pét-
urs var lofsvert og sannarlega
kunni öll þjóðin að meta dugnað
hans.
Fleiri af stað
Pessi árangur vakti að sjálfsögðu
athygli annarra sem þurftu að safna
peningum, en eins og alþjóð veit
eru þeir nokkuð margir enda um
allt land góð málefni sem þurfa
stuðning.
í sumar hefur líka hver áheita-
söfnunin á fætur annarri átt sér
stað sem allar eiga það sammerkt
að hafa góðan málstað að baki. Þar
má m.a. nefna söfnun til byggingar
sundlaugar í Grímsey, söfnun til
styrktar Sólborg, heimilis fatlaðra
á Akureyri, söfnun til styrktar
vímulausri æsku, og söfnun til
byggingar dvalaheimilis aldraðra á
Akureyri.
Þessar safnanir hafa allar verið
vel undirbúnar og auglýstar og í
flestum þeirra hafa fjölmiðlar verið
milligönguaðilar með áheitin.
Trúlega hafa ekki verið teknar
saman tölur um hversu miklu fjár-
magni þessar safnanir hafa skilað
en hitt er víst að það kemur í góðar
þarfir.
Margir hafa haldið því fram að í
landinu séu til nógir peningar, þeir
séu hins vegar á ýmsum þeim
stöðum sem erfitt er að ná til
þeirra. Vera má að áheitasafnanir
séu sá lykill sem gengur að hinum
týndu sjóðum landsmanna. Ef sú
er raunin á verða eflaust margir
sem reyna að fá afnot af honum í
framtíðinni. -nál.