Tíminn - 06.08.1987, Síða 10

10 Tíminn
Fimmtudagur 6. ágúst 1987
ÍÞRÓTTIR

Guðmundor Steinsson í góðu færi á Laugardalsvelli í gærkvöldi. Framarar voru aðgangsharðir upp við mark Völsunga og skoruðu sex sinnum.
wm
Mtm :
■ %
M

i

i
íslandsmótið í knattspyrnu, 1. deild:
Tímamynd Pjetur.
U-21 landsleikur íslendinga og Finna:
Forysta jöfnuð
Islendingar náðu ekki að sigra
Finna í landsleik pilta undir 21 árs
aldri sem fram fór á Akureyrarvelli
í gærkvöldi þrátt fyrir að vera 2-0
yfir í leikhlé.
Finnar mættu grimmir til leiks í
síðari hálfleik og höfðu jafnað 2-2
strax eftir tíu mínútna leik.
Siguróli Kristjánsson úr Þór og
Sævar Jónsson Valsari komu okkar
mönnum yfir í fyrri hálfleik. Mark
Sævars, sem var einn af tveimur
eldri leikmönnum liðsins, kom úr
vítaspyrnu eftir að Þórsaranum
Hlyni Birgissyni hafði verið brugðið.
Brasilíumaður
til Newcastle
Miðherjinn brasilíski Mirandinha,
sem skoraði eina mark Brassanna í
jafnteflisleik gegn Englendingum á
Wembley í maímánuði, hefur verið
seldur til enska liðsins Newcastle
fyrir upphæð er samsvarar 36 mill-
jónum íslenskra króna.
„Það var gengið frá samkomulag-
inu eftir að Mirandinha hafði lýst
yfir að hann vildi ekki vera lengur í
Brasilíu," sagði talsmaður Palmeiras
liðsins frá Sao Paulo sem miðherjinn
markasækni lék með.
Mirandinha sem er 28 ára gamall
sagði í sjónvarpsviðtali í gær að
hann væri hreykinn af að vera fyrsti
Brasilíumaðurinn til að leika með
ensku félagsliði.
Erfiðir dagar gætu þó beðið hans
í Newcastle í norðaustur Englandi
þar sem fíngerð knattspyma með
stuttum sendingum þekkist tæplega.
Eitt er þó víst að Mirandinha getur
skorað, það hefur hann löngum
verið þekktur fyrir í Brasilíu þó
margir segi hann hugsa frekast til of
mikið um sjálfan sig inni á leikvellin-
um.
írís Grönfeldt, ukkar besta spjótkastkona, stóð sig með ágætum í sinni grein
á alþjóðlegu frjálsíþróttamóti sem nú er haldið á Bislett leikvanginum í Osló.
íris var þriðja í spjótinu, kastaði 52,66 m sem er að vísu nokkuðfrá íslandsmeti
hennar, 58,24 metrum. Elísabet Nagy frá Svíþjóð sigraði með kast upp á59,96
metra og Trine Solberg frá Noregi varð önnur með 57,16 metra. Þessar tvær
höfðu nokkra yfirburði.
Ofarir í Laugardal
Framarar burstuðu tíu Húsvíkinga6-0 — Kristján Olgeirsson rekinn af leikvelli eftirvítaspvrnudóm
... 1 i.n /A M U /vf A i 1% . v ♦ i , fA .. - . 1 . .. IX 1 .. f 1. ' 1 1 _ . _ _ *
Kristján Olgeirsson hefði betur
átt að hafa hægt um sig á 25. mínútu
leiks Fram og Völsunga á Laugar-
dalsvelli í gærkveldi. Þá dæmdi
Kjartan Ólafsson víti á Húsvíkinga
eftir að markvörður þeirra Þorfinnur
Hjaltason hafði misst boltann í hendi
samherja síns Birgis Skúlasonar.
Kristján mótmælti með látum og
fékk að sjá rauða spjaldið, staðan þá
0-0 en Pétur Ormslev kom Frömur-
um yfir.
Leikurinn hafði fram að þessu
augnabliki verið jafn, Húsvíkingar
sterkir og hættulegir í sóknum sínum
með Kristján sem aðalmann á miðj-
unni í 5-3-2 leikkerfi. Liðið féll hins
vegar saman þegar honum var vísað
af velli, Framararóðu í færum og6-0
sigur þeirra var staðreynd að lokum.
Dapurlegt að jafn leikreyndur
maður og Kristján skyldi hafa látið
reka sig af velli fyrir kjaftbrúk.
Pétur Ormslev var aftur á ferðinni
í fyrri hálflcik þegar hann skoraði
örugglega eftir góða samvinnu við
Guðmund Steinsson.
Guðmundur Steinsson skoraði svo
sjálfur tvívegis á fyrstu tíu mínútuin
síðari hálfleiks, bæði mörkin komu
af stuttu færi og Guðmundur hefur
nú skoraði fjögur mörk í þremur
leikjum mcð Fram.
Ragnar Margeirsson skoraði
fimmta mark Fram á 56. mínútu
eftir að Þorfinnur hafði slegið út
skot Ormars Örlygssonar og Pétur
Arnþórsson bætti við sjötta markinu
á síðustu mínútunni eftir að hafa
komist einn í gegn.
Framarar léku skynsamlega og
sóknarmenn þeirra voru bæði hreyf-
anlegir og marksæknir. Enginn var
sérstaklega áberandi en Guðmund-
ur, Pétur og Ragnar léku allir mjög
vel og eiga hrós skilið.
Birgir Skúlason sýndi gífurlega
baráttu í vörninni hjá Völsungum og
Aðalsteinn Aðalsteinsson gerði
góða hluti með boltann. í heild átti
liðið við ofurefli að etja.
Staðan í 1. deildinni eftir 12 umferðir
Valur 12 7 4 1 22-9 25
KR 12 6 4 2 22-10 22
Þór 12 7 1 4 23-18 22
ÍA 12 6 2 4 20-18 20
Fram 12 5 3 4 25-21 18
KA 12 4 2 6 14-12 14
ÍBK 12 3 3 6 18-25 12
Völsungur 12 3 3 6 11-19 12
Víðir 12 1 7 4 10-21 10
FH 12 3 1 8 13-26 10
Molar
COLIN Adinson hefur hætt
störfum sem þjálfari spænska 1.
deildarliðsins Celta De Vigo eftir
aðeins eitt keppnistímabil. Engin
ástæða var gefin fyrir brottför
Adinsons cn hann var einn af sex
breskum þjálfurum í spænsku
fyrstu deildinni í vetur. Dagblöð
þar suður frá sögðu hins vegar að
Adinson hefði farið frá félaginu
vegna deilna um laun.
BANDARÍSKIR fót
boltamenn njóta nú veru sinnar í
Lundúnum en þangað eru þeir
komnir til að leika sýningarleik á
Wembley leikvanginum. Það
verða lið villihestanna frá
Denvcr, Denver Broncos, og
hrútanna frá Los Angeles, Los
Angeles Rams, sem leiða saman
hesta sína á sunnudaginn. Búist
er við að áttatíu þúsund manns
fylli Wembley leikvanginn til að
sjá liðin etja kappi en bæði eru í
hópi bestu liða í Ameríska fót-
boltanum, Villihestarnir urðu
t.d. í öðru sæti á eftir risunum frá
Nýju Jórvík, New York Giants, í
deildarkeppninni þar vestra í vet-
ur sem leið.
INDEPENDIENTE
frá Argentínu sigraði f gær lið
Estudiantes de Merida frá Venez-
úela með tveimur mörkum gegn
engu í keppni félagsliða frá Suð-
ur- Ameríku, keppninni um Li-
bertadores bikarinn. Þetta var
fyrri leikur liðanna og fór hann
fram í Buenos Aires.
SPÆNSKUR nautabani
lék listir sínar í vikunni og væri
það ekki í frásögur færandi nema
að kappinn, Luis Reina að nafni,
bar auglýsingu frá japanska fyrir-
tækinu Akai á búningi sínum.
Slíkt hefur ekki áður gerst f
nautaatinu en Reina sagðist vita
um fullt af nautabönum sem væru
að ganga frá samningum við
styrktaraðila. Nautaat er önnur
vinsælasta íþróttin á Spáni, kem-
ur næst á eftir knattspyrnu.
AMERÍKU-
LEIKARNIR . íþróttum
hefjast í Indianapolis í Indiana-
fylki í Bandaríkjunum á sunn-
udag. Leikarnir eru haldnir
fjórða hvert ár og munu fjögur
þúsund íþróttamenn frá ríkjum
Norður, Mið og Suður-Ameríku
taka þátt í fjölmörgum keppnis-
greinum sem boðið verður upp á.
Upphaflega var áætlað að kepp-
endurnir kæmu frá 38 löndum en
í gær var enn beðið eftir lokasvari
frá fimm ríkjum. Meðal þeirra
var Bólivía og töldu forráðamenn
leikanna allsendis óvíst að
íþróttamenn þaðan kæmu til
Indianapolis þar sem Bólivíu-
menn hefðu hreinlega ekkert lát-
ið í sér heyra.