Tíminn - 28.01.1988, Blaðsíða 2

2 Tíminn
Fimmtudagur 28. janúar 1988
f^SsfsjjyjSSlS^L
LESTUNARÁfETLIIN
Skip Sambandsins
munu ferma til íslands
á næstunni sem hér
segir:
Dauðagildran við Straum á Artúnshoiti rædd í borgarráði:
Minnihlutinn
krefst úrbóta
Aarhus:
Alla þriðjudaga
Svendborg:
Annan hvern þriðjudag
Kaupmannahöfn:
Alla fimmtudaga
Gautaborg:
Alla föstudaga
Varberg:
Annan hvern laugardag
Moss:
Annan hvern laugardag
Larvik:
Alla laugardaga
Hull:
Alla mánudaga
Antwerpen:
Alla þriðjudaga
Rotterdam:
Alla þriðjudaga
Hamborg:
Alla miðvikudaga
Helsinki:
Arnarfell ......... 15/2
Gloucester:
Jökulfell............... 17/2
Jökulfell................ 9/3
Jökulfell................ 1/4
New York:
Jökulfell............... 19/2
Jökulfell............... 11/3
Jökulfell................ 3/4
Portsmouth:
Jökulfell............... 19/3
Jökulfell............... 11/3
Jökulfell................ 3/4
IR^ SKIPADEiLD
^&kSAMBANDSINS
LINDARGÖTU 9A • 101 REYKJAVÍK
SlMI 698100
BÍLALEIGA
Útibú í krmgum landið.
REYKJAVIK:.....91-31815/686915
AKUREYRI:...... 96-21715/23515
BORGARNES:............ 93-7618
BLONDUOS:........ 95-4350/4568
SAUÐARKROKUR: ... 95-5913/5969
SIGLUFJORÐUR: ....... 96-71489
HUSAVIK: ...... 96-41940/41594
EGILSSTAÐIR: ......... 97-1550
VOPNAFJÖRÐUR: ... 97-3145/3121
FASKRUÐSFJÖRÐUR: . 97-5366/5166
HOFN HORNAF.IRÐI: .... 97-8303
interRent
Stjórnarandstaðan í borgarstjórn
tók undir raddir foreldra á Ártúns-
holti á fundi borgarráðs á þriðjudag
og krafðist að úrbætur yrðu gerðar á
öryggismálum við Straum og komið
verði í veg fyrir þá slysahættu sem
þar er nú. Eins og lesa mátti í
Tímanum í gær óttast foreldrar
barna í Ártúnsholti að stórslys, jafn-
vel banaslys, muni verða í þessari
umferðargötu verði ekkert að gert í
öryggismálum á næstunni.
Borgarfulltrúar stjórnarandstöð-
unnar fluttu tillögu í borgarráði á
anda þeirra hugmynda sem íbúar á
Ártúnsholtinu komu á framfæri á
fundi sem stjórnarandstaðan í borg-
arstjórn hélt með íbúum og íbúa-
samtökum hverfisins um síðustu
helgi. Á þeim fundi kom fram hjá
forsvarsmönnum íbúasamtakanna
að þrátt fyrir að íbúasamtökin hafi
haft samband við borgaryfirvöld
vegna þeirrar stórkostlegu slysa-
hættu sem er viðgötuna, hafi borgar-
yfirvöld lítil viðbrögð sýnt málaleit-
an íbúanna.
Eins og fram kom í Tímanum í
gær liggja brekkur frá íbúðabyggð-
inni á Ártúnsholti alveg að Straumi,
en um þá götu fer mikil umferð
þungaflutningabifreiða. Sækja börn
mjög í brekkurnar og hefur oft litlu
munað að illa færi.
Auk þess er stöðugur straumur
barna yfir þessa umferðargötu og
veldur hraðaakstur þungaflutning-
abifreiða foreldrum miklum áhyggj-
um.
Að sögn Sigrúnar Magnúsdóttur
borgarfulltrúa Framsóknarflokksins
var afgreiðslu á tillögu stjórnarand-
stöðunnar í borgarráði um úrbætur
við Straum vísað til umferðarnefnd-
ar Sagðist hún vonast til að
sjálfstæðismenn brygðust vel við,
samþykktu tillöguna og gerðu nauð-
synlegar úrbætur sem allra fyrst.
Sagði Sigrún að ef stjórnarandstaðan
fengi þessum óskum íbúanna á Ár-
túnsholti framfylgt og kæmi þannig í
veg fyrir slys á börnum, væri sú
vinna sem borgarfulltrúar stjórnar-
andstöðunnar lögðu í fundaferð sína
um hverfi borgarinnar margfaldlega
borguð. Taldi hún þetta mál sönnun
þess að borgarfulltrúum sé skylt að
funda með borgarbúum og leita eftir
óskum þeirra og hugmyndum, en
sjálfstæðismenn í borgarstjórn felldu
á síðasta ári tillögu Sigrúnar þess
efnis að borgarstjórn stæði fyrir
fundum borgarfulltrúa með borgar-
búum. -HM
Fundur Vigdísar Finnbogadóttur og
Ronalds Reagan í Hvíta húsinu:
Vinsamlegurfundur
forsetanna tveggja
Það fór vel á með frú Vigdísi
Finnbogadóttur, forseta íslands,
og Ronald Reagan Bandaríkja-
forseta þegar þau hittust í Hvíta
húsinu á þriðjudag, en Vigdís er nú
í Bandaríkjunum og opnaði hún
sýningu á norrænni handverkslist í
New York í gær. Fundur þjóðhöfð-
ingjanna varð nokkuð lengri en
ráð var fyrir gert, stóð í rúmar
tuttugu mínútur í stað þeirra
fimmtán sem ætlaðar voru til fund-
arins.
Bæði Ronald Reagan og George
Shultz komu á framfæri þökkum
sínum til íslensku þjóðarinnar fyrir
móttökurnar við leiðtogafundinn í
Reykjavík. Vigdís átti fund með
George Shultz á þriðjudagsmorgun
en hitti Ronald Reagan að máli
eftir hádegið þann dag. Það voru
Bandaríkjamenn sem stungu upp á
fundi forsetanna tveggja þegar
fréttist af för Vigdísar til New
York.
Eins og oft áður í opinberum
heimsóknum hefur Vigdís Finn-
bogadóttir heillað fólk í Bandaríkj-
unum með framkontu sinni.
-HM
Frá heimsókn frú Vigdísar Finnbogadóttur, forseta íslands, til Ronalds
Reagans forseta Bandaríkjanna 1982. Bandaríkjamenn buðu Vigdísi til
fundar við Reagan í Hvíta húsinu á þriðjudag.
Fíkniefnadómari í kappi við tímann vegna kókaínmálsins:
DOMUR VERDIAD GANGA
FYRIR SUNNUDAGSKVÖLD
Ákæra á hendur Brasilíu-
manninum, sem tekinn var hönd-
um í Hveragerði 17. október með
tæpt hálft kíló af kókaíni í fórum
sínum, barst Ásgeiri Friðjónssyni í
fíkniefnadómstólnum síðdegis í
gær. Ásgeir er eini starfandi fíkni-
efnadómarinn sem stendur.
Örn Clausen, hrl., réttargæslu-
maður hins brasilíska, sagði að
ekkert stæði nú í vegi fyrir því að
dómur gæti gengið í málinu, þar
sem ákæran hefði borist réttum
aðilum og maðurinn hefði játað á
sig alla sök. Örn sagði að þrátt fyrir
að aðeins einn maður dæmdi í
fíkniefnamálum væri þetta ekki
óeðlilegur dráttur. „Þetta tekur
alltaf sinn tíma að fara í gegnum
kerfið og saksóknaraembættið.
Það er bara skrifræði um að kenna
og önnum hjá viðkomandi aðil-
um,“ sagði Örn. „Ég held að megi
bóka það, að búið verði að dæma
í málinu áður en gæsluvarðhald
yfir manninum rennur út.“ Gæslu-
varðhaldið rennur út á miðnætti á
sunnudag. „Auðvitað hefði ég vilj-
að að þetta mál hefði verið tekið
fram yfir allt annað vegna þess að
útlendingur á í hlut. En málið er
þess eðlis og hann hefur viðurkennt
á sig sökina að menn vita hvernig
dómurinn verður. Þeir hafa haft
hann í salti frá því 17. október og
sá tími kemur allur til frádráttar
refsivist,“ sagði Örn.
Ásgeir Friðjónsson, fíkniefna-
dómari, sagði að vonast væri til að
unnt væri að dæma í málinu fyrir
sunnudagskvöld, þegar gæsluvarð-
haldið rynni út. Hann sagði að
afköst embættisins hefðu ekki
minnkað þótt hann hefði sinnt því
einn um nokkurt skeið, „álagið
hefur aðeins aukist á mér persónu-
lega.“ Þetta ástand horfir til batn-
aðar innan skamms, að sögn Ás-
geirs.
Dómar í fleiri málum, stórum og
smáum, standa fyrir dyrum fíkni-
efnadómstóls, en að sögn dómara
eru þau „hégómi í samanburði við
kókaínmálið.“ þj