Tíminn - 28.01.1988, Blaðsíða 20
Sparisjóðsvextir
á tékkareikninga
með
hávaxtakjörum
SAMVINNUBANKI
fSLANDS HF.
Auglýsingadeild hannar
auglýsinguna fyrir þig ■
Ókeypis þjónusta
y k ^_4 m \~/ 686300 Tlminn (6aMol!i
T
Tíniiim
Stúlknamiðlun og umboðsmenn á Islandi:
Nýlegt fyrirbæri í samskiptum landsmanna hefur greinilega náð að
festa einhverjar rætur í mannlífinu hér á landi í formi miðlunar. Ekki
er hægt að kalla þetta hjónamiðlun og erfitt er aö kalla það vændi svo
óhrekjandi sé eða setja á það annan algildan stimpil. Líklega er réttast
að kalla þetta „samskiptamiðlun“ þar til annað sannast. Um þessar
mundir eru reknar a.m.k. tvær skrifstofur í Reykjavík, sem nær
eingöngu sjá um útgáfu upplýsingalista um konur og karla sem vilja
komast ■ ýmiss konar samskipti, pennavináttu, ástarsamband eða í
sambúð.
Skrifstofur þessar eru reknar á
þann hátt að viðskiptavinur fær í
hendurnar lista með yfir 500 ís-
lenskum konum og stúlkum og yfir
2500 erlendum konum, eða yfir'
200 íslenskum karlmönnum. Það
eru sem sagt um 700 íslendingar á
skrá, sem vilja komast í kynni við i
aðra, sem pennavinir, kunningjar
eða með sambúð í huga. Jafnan er
um að ræða áhuga á nánum kyn-
ferðislegum kynnum, en oftast
hefjast kynnin á bréfaskriftum og
óformlegum stefnumótum. Listinn
kostar um 1.900 krónur.
Sértilboð
í>á er einnig boðið upp á sérstakt
tilboð, en það eru sérlistar yfir t.d.
100 fallegar pólskar eða filippískar
stúlkur með ítarlegri upplýsingum
og stórri mynd á góðum pappír.
í>ar segir meðal annars að hér séu
á ferðinni stúlkur sem eru að leita
sérstaklega eftir vináttu, ástar-
sambandi eða með hjúskap í huga.
Tíminn kannaði málið og fékk
umræddan lista með yfir 3000
stúlkum og konum til athugunar.
Kennir þar margra grasa eins og
gefur að skilja. Á íslenska listanum
er sá háttur hafður á að engin nöfn
eru gefin upp, heldur kennitala og
upplýsingar um störf, aldur, áhug-
amál og óskir sem verið er að leita
eftir með þátttöku sinni. Á erlenda
listanum eru myndir af mörgum
konum og nöfn og heimilisfang, <
auk ýmissa grunn upplýsinga og
sérstakra óska. Slíku er auðvitað
ekki við komandi hér innanlands
vegna fámennis, eins og umboðs-
maðurinn komst að orði.
Nafna- og myndalisti
Gangur málsins er að jafnaði sá
að viðskiptavinurinn hefur sam-
band við umboðsmanninn og kaup-
ir af honum nýjasta listann hverju
sinni. Finni hann einhverja, sem
hann hefur áhuga á að kynnast
frekar, skrifar hann til hennar
bréf, merkir það númeri hennar og
sendir umboðsmanninum. Um-
boðsmaðurinn einn veit um nafn
og heimilisfang og kemur bréfinu
til skila. Þannig veit viðskiptavin-
urinn ekki hver stúlkan er fyrr en
hún sýnir þann vilja að svara
honum bréfleiðis eða hringja í
hann. Málið gengur auðvitað eins
fyrir sig þegar kona vill ná sam-
bandi við karlmann með þessu
móti, að breyttum breytanda.
Nokkru öðru máli virðist gegna
í tilvikum erlendu stúlknanna. All-
ar upplýsingar um þær liggja mjög
á lausu og stafar það fyrst og fremst
af því að þar er „heimurinn stærri“.
Þessi erlendi listi er fenginn í
gegnum miðlunarskrifstofur í ná-
grannalöndum okkar, en samskipti
þessara skrifstofa eru alþjóðleg.
16-73 ára
Lysthafar geta valið um stúlkur
og konur úr öllum heimsálfum, en
vitanlega ber meira á fáeinum
EINHLEY^R
STtJLKL
'i *r >1
• /'t<
‘ J r t
I u?
‘ ó ..
r 4 *
y Jr • : -
• %
U
'•r-
Sýnishorn úr pöntunarlista stúlknamiðlara á íslandi. Einnig má sjá
bæklinginn með erlendum einhleypum stúlkum. Stafirnir standa fyrir
ákveðnar upplýsingar, t.d. W fyrir óskaaldur karlsins.
löndum umfram önnur. Það eru
Pólland, Thailand og Filippseyjar,
sem eiga flesta fulltrúa á listanum,
en þarna eru einnig stúlkur frá
Bretlandi, Finnlandi, A-Þýska-
landi, Ástralíu, Brasilíu, Afríku-
löndum og Bandaríkjunum, svo
eitthvað sé nefnt. Aldur stúlkn-
anna er mjög breytilegur, eða allt
frá 73 ára og niður í 16 ára. Þær
erlendu eru þó ekki eldri en þrítug-
ar að jafnaði og flestar stúlkurnar
á listanum eru trúlega á milli 17 ára
og 25 ára.
Þegar umboðsmaðurinn var að
því spurður hvemig óskir þessa
fólks væru, upplýsti hann að þær
væm allt frá því að vilja komast í
sambúð og náin kynferðisleg
kynni, til þess að vilja komast í
bréfaskriftir og pennavináttu. Á
listanum með upplýsingum um
stúlkumar er að finna reit þar sem
viðkomandi tilgreinir sérstakar
óskir sínar, s.s. aldur drauma-
mannsins og óska áhugamál.
Sagðist hann annars ekki vilja
fylgjast með því á neinn hátt hvern-
■■1
ig viðskiptavinir hans vinna úr því
sambandi, sem kemst á fyrir milli-
göngu sína. Hins vegar sagðist
hann oft fá hringingar og bréf frá
þeim sem vildu þakka honum fyrir
þjónustuna og vissi hann af fjölda
sambúða, sem stofnað hefur verið
til fyrir milligöngu miðlunarinnar.
„Auðvitað er alltaf verið að fíflast
1 af og til í sambandi við listana og
einnig er nokkuð um að menn sæki
ekki póstkröfur sínar.“ Einnig
þekkti hann til þess að bréfaskriftir
hafi verið komnar á milli fólks, en
þá verið hopað er á hólminn var
komið. Þetta ætti einkum við um
samband við erlendar stúlkur.
Svar við iöngunum?
Þá sagði hann að mikið væri
hringt í hann af körlum og konum
sem vildu nota miðlun hans til að
koma á skyndikynnum, samdægurs
eða með litlum fyrirvara. „Það er
öruggur grundvöllur fyrir slíka
þjónustu hér á landi, en ég setti
mér þann ramma strax í upphafi að
taka ekki slíka miðlun að mér. Ég
hef viljað halda mig við þessa
bréflegu miðlun eingöngu," sagði
umboðsmaðurinn. „En auðvitað
: veit ég ekkert hvernig fólk notar
hana í raun og veru.“ Sagðist hann
halda að langanir manna og vænt-
ingar væru fullt eins margbreytileg-
ar og viðskiptavinimir væru
margir. Giskaði hann á að oftast
væri um ævintýraleit að ræða í
einhverju formi. „En við þurfum
jú öll að fá svör við löngunum
okkar, er það ekki?“
Varðandi umfang þessarar miðl-
, unarstarfsemi er ekki nokkur leið
1 að segja með vissu. Hins vcgar er
ljóst að miðlun með þessum hætti
er um þessar mundir nógu útbreytt
fyrirbæri í íslensku mannlífi, til að
hér geti þrifist a.m.k. tvær miðlun-
arskrifstofur samtímis með góðu
móti. KB
Ólafur Friðriksson, nýráðinn framkvæmdastjóri Verslunardeildar SÍS
Breyta þarf skipulagi
„Þetta leggst bara vel í mig. Þó
geri ég mér grein fyrir því að við
ákveðna erfiðleika er að etja. Það er
ætlunin að breyta skipulagi, þó þær
breytingar verði ekki byltingar-
kenndar. Það er auðvitað ekki einn
maður sem stendur að breytingun-
um. Þama þurfa að koma til margar
samstilltar hendur. Það er verið að
reyna að gera eitt allsherjar átak í
endurskipulagningu heildsöluversl-
unar samvinnumanna," sagði Ólafur
Friðriksson, kaupfélagsstjóri Kaup-
félags Skagfirðinga á Sauðárkróki,
en hann hefur verið ráðinn fram-
kvæmdastjóri Verslunardeildar
Sambandsins í stað Hjalta Pálsson-
ar, sem fét af störfum um áramót.
Ólafur Friðriksson, sem tekur
formlega við starfi 1. mars n.k. er
fæddur 5. júní 1953. Eftir Samvinnu-
skólapróf, árið 1974, tók hann við
starfi kaupfélagsstjóra Kaupfélags
Norður-Þingeyinga. Árið 1982 flutti
hann sig um set og tók við stýrinu
hjá Kaupfélagi Skagfirðinga.
Ólafur hefur komið víða við í
félagsmálum. Geta má setu hans í
stjórn Osta- og smjörsölunnar,
Landflutninga hf og stjórn Steinull-
arverksmiðjunnar.
Snorri Egilsson, sem verið hefur
aðstoðarframkvæmdastjóri Verslun-
ardeildar SÍS síðan 1981, mun áfram
gegna því starfi.
Ólafur Friðriksson
Snöggt jafntefli í St. Johns
Jóhann2-Kortsnoj1
Viktor Kortsnoj kom öllum á
óvart í gærkvöldi og bauð Jóhanni
Hjartarsyni jafntefli eftir aðeins 15
leiki í þriðju einvígisskák þeirra í
St. Johns. Staðan er þá sú að
Jóhann hefur hlotið 2 vinninga en
Kortsnoj 1 og einvígið er hálfnað.
Jóhann hafði hvítt í gær, en annars
gekk skákin svona fyrir sig:
1. e4 - c6
2. d4 - d5
3. Rd2 - dxe4
4. Rxe4 - Rd7
5. Rf3 - Rgf6
6. Rxf6 - Rxf6
7. Re5 - Be6
8. Be2 - g6
9. 0-0 - Bg7
10. c4 - 0-0
11. Be3 - Rd7
12. Rf3 - Rf6
13. Re5 - Rd7
14. Rf3 - Rf6
15. Re5 - jafntefli boðið
Eins og sjá má var komin upp
þráteflisstaða eftir 12. leik. Ólafur
Helgi Árnason mun skýra þessa
skák í blaðinu á morgun.
-BG