Tíminn - 29.06.1988, Blaðsíða 11
Miðvikudagur 29. júní 1988
Tíminn 11
(ÞRÓTTIR
Spennan eykst á Wimbledonmótinu í tennis:
Pat Cash og
Boris Becker
eigast við
- Meistarinn frá því í fyrra þarf að leggja
bæði Becker og Ivan Lendl til þess eins að
komast í úrslitaleikinn
Ljóst er orðið hvaða átta tennis-
leikarar keppa um sæti í undanúrslit-
um á Wimbledonmótinu í tennis
sem nú stendur sem hæst í Lundún-
um. Síðustu leikirnir í fjórðu umferð
voru í gær og töpuðu þá bæði Jimmy
Connors sem talinn var sá fimmti
besti á mótinu og Henri Leconte
sem hafði töluna 7. Leconte tapaði
fyrir Tim Mayotte í jöfnum og
spennandi leik og Connors lá í álíka
jöfnum leik gegn Patrick Kuhnen.
Boris Becker vann aftur á móti
öruggan sigur á Paul Annacone.
í átta manna úrslitum mætast Ivan
Lendl frá Tékkóslóvakíu (1. í röð-
inni) og Bandaríkjamaðurinn Tim
Mayotte (10), Pat Cash frá Ástralíu
(4) og Boris Becker frá V-Þýskalandi
(6), V-Pjóðverjinn Patrick Kuhnen
(-) og Svíinn Stefan Edberg (3) og
Ioks Tékkinn Miloslav Mecir (9) og
Mats Wilander frá Svíþjóð (2).
Hnefaleikar:
Tyson 91
sekúndu
að verja
titilinn
Mike Tyson varði í fyrrinótt
heimsmeistaratitil sinn í hnefa-
leikum og var snöggur að. Áskor-
andinn, Michael Spinks, vissi ald-
rei hvað sneri upp og hvað niður
í hringnum og ekki leið á löngu
áður en Tyson hafði slegið hann
í gólfið. Spinks stóð upp þegar
dómarinn hafði talið upp að
þremur en fór brátt sömu Ieið
aftur. Dómarinn taldi upp að tiu
án þess að Spinks næði að standa
á fætur og viðureignin var á enda
þegar aðeins ein mínúta og 31
sekúnda var liðin af fyrstu lotu.
Spinks hafði áður unnið 31
keppni í röð og hann hefur aldrei
fyrr verið rotaður á atvinnu-
mannsferli sínum.
Eftir sigur Tyson hafa hnefa-
leikamenn rætt um að hann hafi
sýnt í eitt skipti fyrir öll hver sé
bestur og að það verði bið á að
einhver skori hann á hólm.
- HÁ/Reuter
Sigurður tekur
pokann sinn
Sigurður Halldórsson þjálfari
1. deildarliðs Völsunga í knatt-
spyrnunni hefur verið leystur frá
störfum. Kemur sú ákvörðun í
kjölfar slaks gengis liðsins í deild-
inni en þar hafa Völsungar aðeins
fengið eitt stig úr sjö leikjum.
- HÁ
Pat Cash á titil að verja frá fyrra
ári en þrátt fyrir ágætt gengi hans
það sem af er móts gæti það reynst
erfitt því til þess eins að komast í
úrslitaleikinn þarf hann að leggja
Boris Becker í átta manna úrslitum
og síðan að öllum líkindum Ivan
Lendl í undanúrslitum. Cash og
Becker eru taldir tveir bestu tennis-
leikarar heims á grasvelli og olli
nokkrum vonbrigðum þegar dregið
var fyrir mótið og kom í Ijós að þeir
gætu ekki mæst í úrslitum. Peir
keppa í dag og telja sérfræðingar að
sigurvegarinn úr þeirri viðureign ætti
að verða Wimbledonmeistari í ár.
Ekki eru þó allir þar sammála því til
eru menn sem telja að Ivan Lendl sé
sérlega sterkur um þessar mundir.
Gras hefur aldrei verið í miklu
uppáhaldi hjá honum en eftir að
hann vann sigur í mjög erfiðri viður-
eign við Astralíumanninn Mark
Woodforde í fyrradag (7-5, 6-7, 6-7,
7-5, 10-8) hefur hann þótt líklegri til
afreka. Er þar cinkum tekinn með í
reikninginn mikill andlegur styrkur
hans og það haft til marks og reyndar
haft eftir Lendl sjálfum að það hafi
öðru fremur verið einbeitingin sem
færði honum sigur á Woodforde.
- HÁ/Reuter
Ivan Lendl þótti sýna mikið andlegt atgervi þegar hann lagði Mark
Woodforde. I dag kemur í Ijós hvort það dugir gegn Tim Mayotte.
Frjálsar íþróttir:
Zelezny nærri eigin
meti í spjótkastinu
Heimsmethafinn Jan Zelezny frá
Tékkóslóvakíu kastaði spjótinu
86,88 metra á frjálsíþróttamóti í
Leverkusen í gærkvöldi. Petta er
lengsta kast ársins í greininni og
aðeins 78 sentimetrum frá heims-
metinu sem Zelezny setti sjálfur í
fyrra.
Zelezny vann mjög öruggan sigur
á mótinu en í öðru sæti varð V-Þjóð-
verjinn Klaus Tafelmeier sem kast-
aði 83,40 m. Má í því sambandi geta
þess að íslandsmet Einars Vilhjálms-
sonar frá því sl. laugardag er 84,66
m en þessir kappar verða að líkind-
um allir meðal keppenda á Grand
Prix móti í Helsinki annaðkvöld.
Hans Schenk þjálfari Tafelmeiers
sagði eftir keppnina í gærkvöldi að
hann byggist við að Zelezny yrði
sterkasti kastari heims á árinu.
„Alltaf þegar hann keppir á maður
von á heimsmeti þá og þegar,“ sagði
Schenk.
Árangur Zelezny var hápunktur-
inn á annars fremur slöku móti í
Leverkusen. Carl Lewis keppti þó í
200 m hlaupi og fékk tímann 20,24'
sek. en Heinz Weis sem tvíbætti
v-þýska metið í sleggjukasti vann
hug og hjörtu 7000 áhorfenda á
mótinu. Hann kastaði fyrst 81,86 m
en endaði á 82,52 metra kasti.
Carl Lewis keppti í fyrrakvöld á
móti í Lille í Frakklandi og varð
fyrstur til að hlaupa 100 metrana á
innan við 10 sekúndum í ár. Hann
fékk tímann 9,95 sek. í örlítið of
miklum meðvindi, 2,80 m/sek. Cal-
vin Smith fyrrum heimsmethafi varð
í öðru sæti í hlaupinu á 10,03 sek.
- HÁ/Reuter
Landsliðið valið
Frjálsíþróttalandsliðið keppir við
Skota og íra í Edinborg 9. júlí
næstkomandi. Tveir keppendur eru
í grein og fer keppnin öll fram á
einum degi. Hópurinn sem keppir
verður því stór og telur á fimmta
tug. Mun það vera stærsti landsliðs-
hópur sem Frjálsíþróttasambandið
hefur sent til keppni á einu móti.
Hópurinn hefur verið valinn og er
hann skipaðureftirtöldum:
Karlar: 100 m: Jón A. Magnússon, Jóhann
Jóhannsson. 200 m: Gunnar Guðmundsson,
Jóhann Jóhannsson. 400 m: Oddur Sigurðs-
son, Guðmundur Sigurðsson. 800 m: Guð-
mundur Sigurðsson, Hannes Hrafnkelsson.
1500 m: Steinn Jóhannsson, Bessi Jóhannes-
son. 5000 m: Már Hermannsson, Frímann
Hreinsson. 3000 m hindrun: Daníel Guð-
mundsson, Jóhann Ingibergsson. 110 m
grind: Þorvaldur Þórsson, Hjörtur Gíslason.
400 m grind: Egill Eiðsson, Hjörtur Gíslason.
4x100 m boðhlaup: Jón A. Magnússon, Jó-
hann Jóhannsson, Þorvaldur Þórsson, Einar
Þ. Einarsson. 4x400 m boðhlaup: Oddur
Sigurðsson, Egill Eiðsson, Gunnar Guð-
mundsson, Hjörtur Gísiason. Langstökk: Jón
A. Magnússon, Ólafur Guðmundsson.
Þrístökk: ólafur Þórarinsson, Unnar Vil-
hjálmsson. Hástökk: Gunnlaugur Grettisson,
Unnar Vilhjálmsson. Stangarstökk: Sigurður
T. Sigurðsson, Kristján Gissurarson. Kúlu-
varp: Pétur Guðmundsson, Eggert Bogason.
Kringlukast: Vósteinn Hafsteinsson, Eggert
Bogason. Spjótkast: Sigurður Einarsson, Ein-
ar Vilhjálmsson eða Unnar Garðarsson.
Sleggjukast: Guðmundur Karlsson, Jón A.
Sigurjónsson. Konur: 100 m: Súsanna Helga-
dóttir, Svanhildur Kristjónsdóttir. 200 m:
Svanhildur Kristjónsdóttir, Guðrún Arnar-
dóttir. 400 m: Oddný Árnadóttir, Unnur
Stefánsdóttir eða Berglind Erlendsdóttir. 800
m: Unnur Stefánsdóttir eða Rakel Gylfadóttir,
Fríða Rún Þórðardóttir. 1500 m: Fríða Rún
Þórðardóttir, Rakel Gylfadóttir. 3000 m:
Martha Ernstdóttir, Margrót Brynjólfsdóttir.
100 m grind: Helga Halldórsdóttir, Þórdís
Gísladóttir. 400 m grind: Helga Halldórsdótt-
ir, Ingibjörg lvarsdóttir. 4x100 m boðhlaup:
Helga Halldórsdóttir, Svanhildur Kristjóns-
dóttir, Guðrún Arnardóttir, Súsanna Helga-
dóttir. 4x400 m boðhlaup: Helga Halldórs-
dóttir, Oddný Árnadóttir, Svanhildur Krist-
jónsdóttir, Ingibjörg lvarsdóttir eða Guðrún
Arnardóttir. Langstökk: Súsanna Helgadótt-
ir, Bryndís Hólm. Hástökk: Þórdís Gísladóttir,
Björg össurardóttir. Kúluvarp: Guðbjörg
Gylfadóttir, íris Grönfeldt. Kringlukast: Mar-
grét Óskarsdóttir, Guðbjörg Gylfadóttir.
Spjótkast: íris Grönfeldt, Birgitta Guðjón
dóttir.
íslandsmótið
- 1. deild:
Framarar
prúðastir
Framarar hafa verið prúðast-
ir í þeim 7 umferðum sem að
baki eru í 1. deild fslandsmóts-
ins í knattspyrnu. Þeir hafa
aðeins fengið eitt gult spjald.
Það var Ormarr Örlygsson sem
það fékk í 3. umferð. Vals-
menn voru lengi vel án spjalda
en í tveimur síðustu umferðum
hafa þeir Þorgrímur Þráinsson
og Sævar Jónsson brotið af sér
og fengið gult spjald. Þórsarar
fylgja fast á eftir með þrjú gul
og þá Víkingar með 4 og Leift-
ursmenn 5. KA-menn hafa 10
gul spjöld en eru þó ekki
neðstir á prúðmennskulistan-
um því rautt spjald hefur fjór-
falt vægi á við gult. Það eru
Völsungar sem fá þann vafa-
sama heiður að vera neðstir,
það sem af er.
1. Fram.... 1 gult 0 rautt
2. Valur .. 2 gul 0 rautt
3. Þór..... 3 gul 0 rautt
4. Víkingur ... 4 gul 0 rautt
5. Leiftur .... 5 gul 0 rautt
6. í A .... 7 gul 0 rautt
7. KA...... 10 gul 0 rautt
8-9. fBK.... 7 gul lrautt
8-9. KR..... 7 gul 1 rautt
10. Völsungur . . 4 gul 2 rauð
Þegar leikmaður hefur feng-
ið rautt spjald eða fjögur gul
fer hann ■ leikbann eftir að
aganefnd hefur tekið mál hans
fyrir. Eftirtaldir eru komnir
með fleiri en eitt gult spjald:
3 gul spjöld:
Þorvaldur Örlygsson KA
2 gul spjöld:
Ingvar Guðmundsson ÍBK
Kristján Olgeirsson Völsungi
Mark Dufficld f A
Rúnar Kristinsson KR
Willum Þór Þórsson KR
Þessir hafa fengið rautt
spjald:
Daníel Einarsson ÍBK
Pétur Pétursson KR
Kristján Olgeirsson Völsungi
Snævar Hreinsson Völsungi
Þeir leikmenn sem hafa
fengið rautt spjald hafa þegar
tekið út leikbann. - HÁ
Valsmenn
skiptast á
að skora
Liðin í 1. deildinni hafa gert
85 mörk í fyrstu sjö umferðun-
um. Mest var skorað í 5. um-
ferð eða 16 mörk en minnst í
annarri, 9 mörk. Alls hafa 49
leikmenn skorað í deildinni til
þessa auk þess sem eitt sjálfs-
mark hefur verið gert.
Guðmundur Steinsson
Framari hefur verið manna
iðnastur við markaskor, 7 sinn-
um hefur hann sent knöttinn í
netið en þó ekki skorað í
síðustu tveimur umferðum.
Pétur félagi hans Ormslev hef-
ur gert 4 mörk, þar af tvö úr
vítum. Sjö leikmenn hafa gert
3 mörk og 12 leikmenn tvö.
Framarar hafa notað hlut-
fallslega fæsta markaskorara,
fimm til að gera 15 mörk. Sex
KR-ingar hafa gert 12 mörk,
fimm Keflvíkingar 9 mörk,
fjórir Þórsarar 7 mörk, þrír
Víkingar 5 mörk, fjórir Leift-
ursmenn 6 mörk, sex KA-
menn sjö mörk, og þrír Völs-
ungar þrjú mörk. Valsmenn
skipta mörkunum bróðurlegast
á milli sín því Tryggvi Gunnars-
son hefur skorað þrjú en sjö
leikmenn hin mörkin sjö sem
liðið hefur gert. - HÁ