Tíminn - 29.06.1988, Blaðsíða 20
RIKISSKIP
NÚTÍMA FLUTNINGAR
Hafnarhúsinu v/Tryggvagötu,
S 28822
Auglýsingadeild hannar
auglýsinguna fyrir þig
Ókeypis þjónusta
686300 Tíminn
HRESSA . ^ _
kæta I Tirntnn
Kanadísk gámarækja
unnin á Hvammstanga
Fjórum gámum af frystri rækju (um 80 tonnum), sem komin
var alla leið frá Vancouver á vesturströnd Kanada, var skipað upp
í Reykjavík í gær og átti þá eftir flutninga norður á Hvammstanga
til vinnslu. Ástæða þess að rækja er flutt hingaö til vinnslu yflr
nær hálfan hnöttinn er sú, að sögn innflytjandans, að afli íslenskra
rækjuveiðiskipa dugar ekki orðið til vinnslu fyrir allt of margar
rækjuvinnslustöðvar í landinu, sem þrátt fyrir slaka afkomu hafa
því staðið í verulegum yfirboðum á verði til að fá afla til vinnslu.
Nýsettur kvóti á rækjuvinnslu miðar við vinnslu síðustu 3ja ára.
Menn með nýleg rækjuvinnsluleyfi, segjast því stoppaðir af,
jafnvel að val þeirra standi annað tveggja, um tukthús eða
gjaldþrot. Kannski að innflutningur hráefnis verði þeim til
bjargar.
„Ég læt frekar setja mig inn
heldur en setja mig á hausinn, með
því að stöðva fyrir mér vinnsluna,"
sagði Þorsteinn Árnason í Útvegs-
miðstöðinni í Keflavík. Hann byrj-
aði rækjuvinnslu í fyrra, samkvæmt
samningi til nokkurra ára við
danska fyrirtækið ABBA. Sá
samningur byggist á að Útvegsmið-
stöðin vinni árlega 2.000 tonn af
íslenskri rækju fyrir Danina, gegn
ákveðnu gjaldi, og segist Þorsteinn
hafa fjármagnað og skipulagt
reksturinn í samræmi við það.
„Með kvótanum er búið að eyði-
leggja grundvöll okkar alveg. Mið-
að við hann megum við taka um
250 tonn í viðbót til áramóta, sem
er ekki nema eins og hálfs mánaðar
vinna. Og þeir 5 bátar sem við
erum í reglulegum viðskiptum við,
allir héðan að sunnan, verða lík-
lega neyddir til að selja sína rækju
vestur á firði fyrir 10-15 krónum
lægra verð á kíló.“
Að sögn Þorsteins horfir málið
svo við að rækjuveiðiskipin megi
áfram selja frysta ópillaða rækju til
Noregs eða Danmerkur en hann
hins vegar ekki vinna þá rækju
fyrir þá. Hins vegar væri honum
heimilt að vinna rækju sem flutt
væri inn frá Noregi, Danmörku
eða annarsstaðar frá, bara ekki
rækju veidda af íslenskum skipum
á Islandsmiðum. Vestfirðingar,
sem fyrst hefðu eignast úthafsveiði-
skip á síðasta ári, mundu hins
vegar hagnast á kvótanum.
Kristján Skarphéðinsson, deild-
arstjóri í sjávarútvegsráðuneytinu,
var spurður um markmiðið með
kvótanum. Hann sagði það m.a.
vera að vinnslan flyttist ekki öll frá
hinum hefðbundnu rækjuvinnslu-
svæðum á Vestfjörðum og á
Norðurlandi. Þ.e. að tryggja þeim
svæðum ákveðinn rétt og reyna að
fá einhverja skynsemi í vinnsluna.
Þegar kvóti er settur verða vitan-
lega alltaf enhverjir óánægðir,
sagði Kristján. En kvótinn byggi á
lögum sem séu mjög afdráttarlaus.
Spurður hvort t.d. Suðurnesja-
skip verði skikkuð til að selja afla
sinn til Vestur- eða Norðurlands
sagði hann svo vera, ef kvóti
vinnslustöðva syðra dugi ekki til að
taka á móti öllum afla þeirra skipa.
Vinnslukvótinn tekur til úthafs-
rækju sem veidd er í íslenskri
landhelgi. Koma rækjuverksmiðj-
ur sunnanlands kannski til með að
snúa sér að rækjuinnflutningi?
Það er Ingvar Pálsson hjá Sævör-
um hf. sem flutti inn rækjuna frá
Kyrrahafsströnd Kanada. Hann
sagðist hafa byrjað að vinna í þessu
vegna þess að verksmiðjurnar
vantaði verkefni í vetur. Hug-
myndin sé að fara rólega af stað og
sjá hvernig dæmið komi út fjár-
hagslega.
Jón Pálsson verkstjóri hjá Mel-
eyri á Hvammstanga sagði hug-
myndina að nota innfluttu rækjuna
til að stoppa upp í eyður sem verða
á vinnslu ferskrar rækju.
All nýstárleg
umferðarskilti
Þeir sem liafa ekið norðan við
Mosfellsbæ hafa mjög líklega tekið
eftir all nýstárlegum umferðarskilt-
um sem eru staðsett í Mosfellsbæ.
Hér eru á ferðinni skilti sem eru
hluti af tilraunum sem nemar í
Háskóla íslands og Lögreglan í
Reykjavík vinna að. Að sögn Ómars
Smára Ármannssonar, varðstjóra,
er niðurstöðum úr þessum tilraunum
að vænta seinna í sumar.
Má sjá það á skiltinu að 88%
ökumanna óku á löglegum hraða
daginn áður en myndin var tekin, en
94% er besti árangurinn. -gs
Þessi skilti sem staðsett eru í Mos-
fellsbæ eru hluti af tilraunum sem
nemar í Háskóla f slands og Lögregl-
an í Reykjavík vinna að.
Tímamynd Pjclur.
Hjón festu bíl sinn á Sprengisandsleiðjí sunnudagsbíltúrnum:
DAGSTUNDIN VARD AD
TVEIMUR SOLARHRINGUM
„Við festum bifreiðina í Bárðardal á leiðinni heim klukkan fjögur
á sunnudagseftirmiðdag og komumst ekki heim fyrr en rétt fyrir
hádegi á þriðjudag,“ sagði kona sem var í bifreið sem festist uppá
hálendinu á sunnudag. Þau hjónin lögðu af stað í sunnudagsbfltúr
kl. 10:00 á sunnudagsmorgun eins og þau höfðu gert svo oft áður,
keyrðu upp í Bárðardal, og þegar þau voru á leið heim festist
bifreiðin í drullu og for klukkan fjögur um eftirmiðdaginn.
Aðstandendur, sem ekki vissu
hvert förinni var heitið, byrjuðu að
sakna þeirra á sunnudagskvöld, en
gerðu samt ekkert í málinu fyrr en
daginn eftir þegar Lögreglan á Akur-
eyri var látin vita. Það var svo kl.
17:00 á mánudag sem auglýst var
eftir þeim í útvarpi. Lögreglan vissi
lítið um það hvar hún átti að leita
fyrr en maður sem talað hafði við
hjónin áður en þau lögðu af stað gaf
þær upplýsingar að förinni hafi verið
heitið í Bárðardal.
Björgunarsveitirnar sendu flugvél
af stað til að leita og um kl. 1:00 á
mánudagsnótt fundust hjónin föst
við Laugafell á Sprengisandsleið.
En þar með var ekki allt búið, það
þurfti að senda bifreið upp eftir til
að losa þau úr drullunni. Það tókst
ekki fyrr en kl. 6:00 á þriðjudags-
morgun, en tveimur klukkustundum
áður hafði flugvél hent mat og
teppum niður til þeirra.
Hjónin voru á bifreið af tegund-
inni Subaru 4x4, en ákaflega illa
búin undir hálendisferð, og má taka
sem dæmi að aðeins einn kexpakki
var tekinn með til næringar og
pylsupakki handa hundinum, sem
var með í förinni. Aðstandendur
vissu ekkert hvert förinni var heitið.
Sunnudagsbíltúrinn varð töluvert
lengri en þau bjuggust við en allt fór
allt vel að lokum og vilja hjónin
koma á framfæri þakklæti til björg-
unarmanna. -gs
Fundur safnaðarstjómar Fríkirkj-
unnar og Prestafélags íslands:
Funda
aftur
Safnaðarstjórn Fríkirkjusafn-
aðarins og stjóm Prestafélags ís-
lands komu saman til fundar í
gær til að ræða ágreining þann
sem varð þess valdandi að sókn-
arprestur safnaðarins var rekinn.
Sr. Sigurður Sigurðarson formað-
ur Prestafélags íslands sagði eftir
fundinn í samtali við Tímann að
stjórnirnar hefðu komið sér sam-
an um að segja þetta: „Við áttum
á fundinum hreinskilnar og gagn-
legar viðræður og höfum ákveðið
að hittast aftur.“ - ABÓ