Tíminn - 23.09.1988, Blaðsíða 5
Föstudagur 23. september 1988
Tíminn 5
Steingrímur J, Sigfússon, formaöur þifigflokks Aíþýðubandalagsins:
„Ég vildi ekki vera í sporum Ólafs Ragnars Grímssonar núna
ef hann bakkar út úr viðræðunum á þessu stigi,“ sagði Stefán
Valgeirsson, alþingismaður, í viðtali við Tímann þegar hann
yfirgaf fundarstað stjórnarmyndunarviðræðnanna við Skúlagötu
seint í gærkvöldi. Sagðist hann ekki sjá annað en staðan væri
flókin þótt ekki vildi hann kalla hana tvísýna á neinn hátt. í
gærkvöldi var heldur ekki annað að sjá en að staðan væri flókin.
Menn fóru af fundi og aðrir komu, en alls var fundað á þremur
stöðum í einu þegar mest lét. Ýmsir voru dularfullir í svörum,
eins og Karl Steinar Guðnason, Alþýðuflokki, þegar hann var að
því spurður hvað væri að gerast. „Það er verið að mynda stjórn,“
sagði hann.
Aðrir vildu fara varlegar í yfir-
lýsingar. Steingrímur J. Sigfússon,
formaður þingflokks Alþýðu-
bandalagsins, sagði í gærkvöldi að
nú væri ögurstundin runnin upp.
Það yrði tekin um það ákvörðun
hvort Alþýðubandalagið gæti náð
samkomulagi við þá sem eru með
stjórnarmyndunarumboðið, um
þau tvö atriði sem eftir standa,
varðandi rétt til kjarasamninga og
launafrystingu. Hann var þá stadd-
ur á almennum félagsfundi Al-
þýðubandalagsins þar sem hann og
Ásmundur Stefánsson voru með
framsöguerindi. Snerust umræð-
urnar vitanlega um kjaramálin og
launafrystinguna en einnig um al-
menna þróun stjórnmála síðustu
dægur.
Seinna í gærkvöldi var fyrirhug-
aður þingflokksfundur í Alþýðu-
bandalaginu og þar átti að ákveða
hvort flokkurinn gæti gengið að
Steingríinur Hermannsson
Steingrímur J. Sigfússon.
einhverju samkomulagi um gildis-
tíma launafrystingar. Samkvæmt
heimildum Tímans lá þcgar fyrir
um tíuleytið í gærkvöldi ákveðið
og endanlegt tilboð frá Steingrími
Hermannssyni um lausn á því
vandamáli.
Ekki náðist í Steingrím Her-
mannsson í gærkvöldi til að bera
þetta undir hann, en hann fór af
fundinum við Skúlagötu og yfir í
ráðuneytisskrifstofu sína til einka-
viðræðna við Albert Guðmunds-
son, formann Borgaraflokksins.
Launafrystingin er auðvitað
mjög stórt atriði í mögulegu sam-
komulagi og því er þröskuldurinn
enn sá sami og í gær. Ólafur
Ragnar Grímsson, formaður AI-
þýðubandalagsins, var einnig vé-
fréttarlegur við fréttamenn og
sagði að eina sem hann gæti sagt á
þessu stigi væri, að hann væri enn
á fundum með fulltrúum Fram-
sóknar og Alþýðuflokks. KB
Fiskvinnslan:
Búist við fleiri
uppsögnum í dag
Hraðfrystihúsin tvö í Olafsfirði
hafa nú bæst í hóp þeirra vinnsluhúsa
sem Tíminn greindi frá í gær að
hefðu eða væru að stöðva sína
framleiðslu. Óvíst er hvenær unnt
verður að opna húsin að nýju.
Fastlega er búist við að forráða-
menn nokkurra fiskvinnsluhúsa í
landinu afhendi sfnu fólki uppsagn-
arbréf í dag um leið og það fær
launaumslag í hendur. Forráðamenn
fiskvinnslufyrirtækja víðsvegar um
land, sem Tíminn hafði tal af í gær,
vildu ekki segja til um hvort gripið
yrði til uppsagna í dag en af orðum
þeirra má álykta að til aðgerða verði
gripið á næstu dögum.
Það er samdómaálit manna að
fyrirtækjunum hafi verið haldið
gangandi á meðan unnt var að borga
starfsfólki laun. Nú sjái menn hins-
vegar fram á að það sé ekki lengur
unnt.
Samkvæmt heimildum Tímans
hafa önnur fyrirtæki í fiskvinnslu en
Kaupfélag Dýrfirðinga á Þingeyri
haldið eftir staðgreiðslufé, sem
greiða á til ríkissjóðs, til þess m.a.
að greiða starfsfólki laun. Heimilda-
maður Tímans sagði vanskil fisk-
vinnslufyrirtækja á staðgreiðslufé til
ríkissjóðs hafa aukist verulega á
undanförnum vikum og mánuðum.
Samkvæmt þessari sömu heimild er
mjög algengt, á þessum síðustu og
verstu tímum, að fyrirtæki fresti
uppgjöri á lífeyrissjóðsgreiðslum í
lengstu lög og nýti þá peninga í
reksturinn. óþh
Skotveiðifélag íslands 10 ára:
Afmælishátíð
Skotveiðifélag íslands, verður
10 ára gamalt á morgun, laugardag,
en það var stofnað 24. september
1978. Þessara tímamóta hyggst fé-
lagið minnast með veglegri
afmælishátíð, sem standa mun yfir
í tvo daga, laugardag og sunnudag.
Skotveiðimenn hyggjast brydda
upp á ýmsum nýjungum fyrir hinn
almenna borgara, svo og alla
áhugamenn um skotveiðar og skot-
fimi.
Meðal dagskrárliða má nefna
ráðstefnu um veiðar í fortíð, nútíð
og framtíð sem fram fer á Hótel
Sögu. Fjallað verður fræðilega um
veiðar og veiðimenn frá upphafi og
til dagsins í dag. Samhliða ráð-
stefnunni verður sýning á vörum til
skotveiða, auk annars búnaðar frá
öllum helstu skotveiðiverslunum
landsins. Þá verður einnig útihátíð
fyrir almenning á æfingasvæði
Skotreinar að Grafarholti. Al-
mennum borgurum verður gefinn
kostur á að skjóta úr alvöru byssu
undir leiðsögn færustu manna.
-ABÓ
Gæsaveiðimaður mundar byssuna.
Tímamynd Eggert
Frá slysstað á homi Sætúns og Steintúns. Ökumaður og farþegi annars bílsins
VOrU fluttir á Slysadeild. Timamynd Gunnar
Tveir fluttir
á slysadeild
Harður árekstur varð milli tveggja
fólksbifreiða af Fiat og Daihatsu-
gerð á horni Sætúns og Steintúns um
klukkan 15.30 í gærdag. Ökumaður
og farþegi annars bílsins voru fluttir
á slysadeild, en meiðsli þeirra voru
ekki talin alvarleg. Báðir bílarnir
skemmdust talsvert og þurfti að
flytja þá á brott með kranabíl.
-ABÓ
Hallgrímur Sveinsson, formaður stjórnar Kaupfélags Dýrfirðinga:
Er bjartsýnn á að
lausn sé í augsýn
Staða mála á Þingeyri er nánast óbreytt. Þó var í gær rofíð innsigli
á afgreiðslu Ríkisskips.
I gær hófust viðræður forráðamanna Kaupfélags Dýrfírðinga og
talsmanna fjármálaráðuneytis um hugsanlega frestun eða breytingu
á formi greiðslna Kaupfélagsins á staðgreiðslufé og söluskatti. Að
sögn kaupfélagsmanna er þama í allt um að ræða nálægt 15
milljónum króna.
Hallgrímur Sveinsson, formaður
stjórnar Kaupfélagsins segir að ekki
séu komnar neinar niðurstöður úr
þessum viðræðum en þeim verði
væntanlega fram haldið í dag. Hall-
grímur segist vænta þess a.ð niður-
stöður fáist í þessum málum á allra
næstu dögum þannig að atvinnulíf á
Þingeyri geti færst aftur í eðlilegt
horf.
Stjórn Kaupfélagsins kom saman
til fundar í gær og segir Hallgrímur
að þar hafi komið fram sterkur vilji
hennar tH að vinna bug á erfiðleikum
þess svo framarlega sem menn
fengju eitthvert land til þess að
standa á. „Við horfum björtum aug-
um til þess að hægt verði að ná
samkomulagi við stjórnvöld. Það er
langt í frá að sé einhver bilbugur á
stjórn Kaupfélags Dýrfirðinga þó
svo sumir hafa látið sér detta það í
hug,“ segir Hallgrímur.
Ekkert verður aðhafst með togara
Fáfnis hf., Sléttanes og Framnes að
svo stöddu, að sögn Péturs Kr.
Hafstein, sýslumanns á ísafirði.
Sléttanesið hefur verið á veiðum
undanfarna daga og Framnesið hélt
til veiða í gær eftir löndun á ísafirði.
Sýslumaður segir að sú ákvörðun að
kyrrsetja ekki Framnesið við
bryggju hafi verið tekin í trausti þess
að Kaupfélag Dýrfirðinga geri upp
skuldir sínar við ríkissjóð á næstu
dögum.
Ljóst er að skuldir vegna þessara
tveggja skipa Fáfnis hf., dótturfyrir-
tækis Kaupfélags Dýrfirðinga, er
einn stór liður í þeim rekstrarvanda
sem það hefur átt við að etja.
Framnes; sem smíðað var í Noregi
árið 1973, var endurbyggt fyrir hálfu
öðru ári. Magnús Guðjónsson,
kaupfélagsstjóri, áætlar að kostnað-
ur við hana hafi verið tæpar 100
milljónir á núvirði. Sléttanes var
smíðað í Slippstöðinni á Akureyri á
árinu 1983 og var sú smíði, að sögn
Magnúsar, fjármögnuð nær alfarið
með innlendu iánsfé á tímum óða-
verðbólgu. Fiskveiðisjóður lánaði
drjúgan hlut til smíði á Sléttanesi og
nemur það nú um 230 milljónum
króna. Magnús segir að á undanförn-
um árum hafi verið unnt að greiða
af þessu láni á réttum tíma. „Það má
segja að rekstur á togurum fyrir-
tækisins hafi gengið þokkalega en
hinsvegar er fjármagnskostnaður að
drepa það eins og önnur fyrirtæki,“
segir Magnús Guðjónsson. óþh