Tíminn - 23.09.1988, Blaðsíða 7

Föstudagur 23. september 1988
Tíminn 7
TANNLÆKNINGAR.
Fast verð ársins 1986.
MILLJ.
KR.
Mynd
Gífurleg hækkun á tannlækna-
kostnaði skólabarna eftir samning
T.R. 1974 sést glöggt á þessari
mynd. Hlutfallslega lítil hækkun er
hins vegar eftir 1981.
Ekki farið að lögum
Hvað varðar almenna læknisþjón-
ustu vs. sérfræðiþjónustu bendir
landlæknir m.a. á að uppbyggingu
heilsugæslustöðva í þéttbýli, sérstak-
lega í Reykjavík, hafi ekki miðað
eins og vonir stóðu til eftir lagasetn-
inguna 1974. Þótt nokkrum stöðvum
hafi verið komið á fót í borginni hafi
lítið miðað í þá átt að bæta þjónust-
una.
Eftir 1980 hafi viðhorfin í sam-
bandi við almenna læknisþjónustu
breyst af eftirfarandi ástæðum:
1. Sérfræðingum starfandi á eigin
stofum hafi fjölgað.
2. Eftir tilslökun áður var árið 1984
samið um að tilvísunarkerfið yrði
lagt niður til reynslu í eitt ár - en
tilvísanir hafa síðan ekki verið
teknar upp aftur.
3. Árið 1984 gerði Tryggingastofn-
un samning um nýtt launakerfi
við heimilislækna starfandi á eig-
in stofum og jafnframt um að
fjölgun þeirra í Reykjavík yrði
takmörkunum háð.
„Af ofangreindum ástæðum er
almennri læknisþjónustu nú sinnt af
sérfræðingum í auknum mæli“, segir
borgarlæknir. Eins og áður er komið
fram hækkaði sérfræðikostnaðurinn
um 55-60% frá 1984-1986, og var þá
orðinn um þrefalt hærri upphæð en
kostnaður vegna heimilislækna.
Semur T.R. hjúkrunar-
fræðinga út af
sjúkrahúsunum?
Borgarlæknir bendir á að með
breytingu á almannatryggingalögun-
um fyrir nokkru hafi möguleiki á að
Tryggingastofnun semdi við hjúkr-
unarfræðinga um störf utan sjúkra-
húsa verið opnaður.
Verði slíkur samningur gerður
telur borgarlæknir líklegt að hann
vekji áhuga hjúkrunarfræðinga á að
starfa sjálfstætt „og við það gæti
skipulag hjúkrunar, sérstaklega
heimahjúkrunar og ungbarnaeftir-
lits, riðlast. Væntanlega mun hjúkr-
unarfræðingaskortur sjúkrahúsanna
versna enn við þetta“, segir borgar-
læknir.
Hvort kerfið á að gilda?
í lokaorðum ítrekar bogarlæknir
að gamla kerfið sem enn er farið
eftir, og nýja kerfið sem lögin frá
1974 gera ráð fyrir, eigi illa saman og
stangist jafnvel á. „Höfuðatriðið er
að tekið verði upp eitt kerfi og
þjónustan skipulögð eftir því. Tvö
kerfi sem stangast á útiloka að unnt
sé að koma lagi á rekstur og upp-
byggingu heilbrigðisþjónustu utan
sjúkrahúsa, sér í lagi í þéttbýli.
Ríkisstjórn og Alþingi þurfa að
ákveða hvort kerfið á að gilda“,
segir borgarlæknir. - HEI
Góð hönnun og glæsilegt útlit einkenna
ritvélarnar frá TA Triumph-Adler
NAMSMENN
ATHUGIÐ!
Ný hraðvirk, létt og
handhæg TA
Triumph-Adler skrif-
stofuritvél á verði
skólaritvélar.
Sendum í póstkröfu
• Prenthraði 13 slög/sek
• ”Lift off” leiðréttingar-
búnaður fyrir hvern staf eða
orð.
• 120 stafa leiðréttingarminni
• Sjálfvirk: miðjustilling
undirstrikun
feitletrun
• Handfang og lok.
auk ýmissa annarra kosta sem
prýða eiga ritvél morgun-
dagsins.
Komdu við hjá okkur eða
hringdu og fáðu frekari
upplýsingar.
Einar J. Skúlason hf.
Grensásvegi 10, sími 686933